မိုးမခကို ပေးတဲ့စာ

(လိုင်ဇာညီလာခံသို့ ) အိတ်ဖွင့်ပေးစာ အမှတ် (၃)

(လိုင်ဇာညီလာခံသို့ ) အိတ်ဖွင့်ပေးစာ အမှတ် (၃)

ဇူလိုင် ၂၂၊ ၂၀၁၄

ပေးစာကို (‘ဒီမိုကရေစီအရေးနဲ့ အမျိုးသားများတန်းတူရေးဆိုင်ရာ လုပ်ဖော်ကိုင်ဖက်များ’ အမည်ဖြင့် လက်ခံရရှိသည်)

 

တိုင်းရင်းသားထိပ်သီးခေါင်းဆောင်များနှင့် UNFC-NCCT ခေါင်းဆောင်များခင်ဗျား

“အမှန်တရားကို ဆုပ်ကိုင်ထား၊ အဓမ္မမတရားမှုကို တိုက်ဖျက်ကြ

နိယာမအမှန်တရားမိတ်ဆက်

ဒီမိုကရေစီအခွင့်အရေးဆိုတာ ပြည်သူတိုင်းရဲ့မွေးရာပါအခွင့်အရေးဖြစ်ပြီး အမျိုးသားများတန်းတူရေးဆိုရာမှာ ဗိုလ်ချုပ် အောင်ဆန်းနဲ့တိုင်းရင်းသားခေါင်းဆောင်များ ပင်လုံစာချုပ် ချုပ်ဆိုခဲ့ကြကတည်းက ပြည်ထောင်စုကို တန်းတူပိုင်ဆိုင် မှု၊ တာဝန်ရှိမှု၊ ပူးပေါင်းဆောင်ရွက်မှု နဲ့ အချိုးကျအကျိုးခံစားခွင့် ရရှိထားပြီးဖြစ်တယ်။ ဘယ်လူမျိုးဘယ်အုပ်စုကမှ ပိုင်ဆိုင်ထားတာမဟုတ်ပါ။ ဒါကြောင့် မည်သူ့ထံမှ တောင်းစရာ၊ ခွဲဝေပေးစရာ၊ သတ်မှတ်ပေးစရာ မလိုဘဲ၊ တိုင်းရင်း သားပြည်သူများအချင်းချင်း အပြန်အလှန် လေးစားအသိအမှတ်ပြုခြင်းသည်သာလျှင် နိယာမအမှန်တရားကြီးဖြစ် ကြောင်း ဦးစွာဖေါ်ပြလိုပါတယ်။

 

၁။ဒီမိုကရေစီအရေးနဲ့အမျိုးသားများတန်းတူရေးသတ်မှတ်ခြင်း

ခေါင်းဆောင်များခင်ဗျား..

ဗိုလ်ချုပ်အောင်ဆန်းနဲ့တိုင်းရင်းသားခေါင်းဆောင်များဟာပင်လုံစာချုပ်ချုပ်ဆိုခဲ့ကြရုံမကဘဲဒီမိုကရေစီအရေးနဲ့ အမျိုးသားများတန်းတူရေးဖြစ်တဲ့အနာဂတ်ပြည်ထောင်စုသမတဗမာနိုင်ငံတော် ဖွဲ့စည်းပုံအခြေခံဥပဒေရေးဆွဲဖို့အခြေခံမူများ၊လမ်းညွှန်ချက်များနဲ့အခြေခံကျောရိုးများပါအခိုင်အမာချမှတ်ထားခဲ့တာဖြစ်တယ်။

 

(က) အခြေခံမူ ()ချက်နဲ့လမ်းညွှန်ချက်(၇)ချက်

အောက်ဖေါ်ပြပါ အခြေခံမူ (၄)ချက်ကို တိုင်းရင်းသားကိုယ်စားလှယ်များ ပါဝင်တက်ရောက်တဲ့၊ ၁၉၄၇ ခု၊ ဇွန်လ (၁၆)ရက်နေ့မှာ ကျင်းပပြုလုပ်ခဲ့တဲ့ တိုင်းပြုပြည်ပြုလွှတ်တော်ပထမညီလာခံမှာ ဗိုလ်ချုပ်အောင်ဆန်းက တင်သွင်းပြီး ညီလာခံက တညီတညွတ်တည်း သြဘာပေးပြီး အတည်ပြုကြတယ်။ ဒါ့အပြင် ဗိုလ်ချုပ်အောင်ဆန်း တင်ပြထားသော လမ်းညွှန်ချက် (၇)ချက်နဲ့ အကျယ်တ၀င့်ရှင်းလင်းချက်ကိုလည်း ညီလာခံက တခဲနက်ထောက်ခံအတည်ပြုကြတယ်။

၁) လွတ်လပ်တဲ့နိုင်ငံဖြစ်ရမည်။ Independence

အစောင့်အရှောက်ခံ Dominion နိုင်ငံမဟုတ်၊ လုံးဝလွတ်လပ်ရမည်။

၂) အချုပ်အခြာအာဏာပိုင်ဖြစ်ရမည်။ Sovereignty

ကြိုးကိုင်ခြင်းမရှိ၊ အချုပ်အခြာအာဏာ ကိုယ်ပိုင်ပြဋ္ဌာန်းခွင့် အပြည့်အဝရှိရမည်။

၃) ဒီမိုကရေစီသမတနိုင်ငံ ဖြစ်ရမည်။ Republic

အမျိုးသားများတန်းတူရေးကိုဖော်ဆောင်သော အမျိုးသားလွှတ်တော်တရပ် နဲ့ ဒီမိုကရေစီအခွင့်အရေးကိုဖော် ဆောင်သော ပြည်သူ့လွှတ်တော်တရပ် ထပ်တူဥပဒေပြုအာဏာရှိရမည်။ (သမတ နဲ့ ဝန်ကြီးချုပ် စနစ်)

၎) ပြည်ထောင်စုနိုင်ငံဖြစ်ရမည်။ Union State

အမျိုးသားများတန်းတူပြည်ထောင်စု ဖြစ်ရမည်။ တပြည်ထောင်မဟုတ်၊ ဖားတပိုင်းငါးတပိုင်း ပြည်ထောင်စုမဟုတ်။

 

 () အခြေခံကျောရိုး(၁၄)ချက်ချမှတ်ခြင်း

ဗိုလ်ချုပ်အောင်ဆန်းဦးဆောင်ခဲ့တဲ့ဖဆပလအဖွဲ့ချုပ်ရဲ့လွတ်လပ်သောအချုပ်အခြာအာဏာပိုင်သမတဗမာနိုင်ငံ အတွက်နိုင်ငံဖွဲ့စည်းပုံအခြေခံဥပဒေရေးဆွဲရာမှာရန်ကုန်ဂျူဗလီခန်းမကြီးတွင်၁၉၄၇ခု၊မေလ၂၃-၂၄ရက်နေ့ကျင်းပသောဖဆပလအဖွဲ့ချုပ်ပဏာမညီလာခံသဘင်၌အဆို (၁၄)ချက်တင်သွင်းသည့်အပေါ်ဗမာနိုင်ငံဖဆပလ အဖွဲ့ချုပ်၏ညီလာခံကသဘောတူချမှတ်ကြသည်။ယင်း၁၄ခန်းအနက်အခန်း (၁) ကိုအောက်ပါအတိုင်းဖော်ပြ ထားသည်။

 

အခန်း [၁]

နိုင်ငံတော်ဖွဲ့စည်းပုံ

၁။ ဗမာနိုင်ငံတော်ကို လွတ်လပ်သော အချုပ်အခြာအာဏာပိုင်သမတနိုင်ငံ ဟူ၍ ကြေညာရမည်။

၂။ ဆိုခဲ့ပြီးသော လွတ်လပ်ပြီးသော အချုပ်အခြာအာဏာပိုင်သမတမြန်မာန်ိုင်ငံတော်တွင် –

(က)       ၁။ ဗမာပြည်ဝန်ကြီးအဖွဲ့ကအုပ်ချုပ်သော ဗမာပြည်မ
၂။ ဟုမ္မလင်းခရိုင်ခွဲ
၃။ ဆင်ကလိန်းခန္တီး
၎။ သောင်သွပ်
၅။ ဆွမ္မရနယ်
၆။ နာဂတောင်တန်းများ
၇။ သံလွင်ခရိုင်
၈။ ကံပက်လက်ခရိုင်ခွဲ
`             ၉။ ရခိုင်တောင်တန်းဒေသ ဟူ၍ခေါ်ဝေါ်သောဒေသများ
(ခ) ကိုးကန့်နဲ့မိုးဗြဲတို့ အပါအ၀င်ဖြစ်သော ရှမ်းပြည်ထောင်စု
(ဂ) ကရင်နီပြည်နယ်များ
(ဃ) ကချင်တောင်တန်းများ
(င) ကံပက်လက်ခရိုင်ခွဲ မပါသော ချင်းတောင်တန်းခရိုင်တို့ ပါဝင်ရမည်။

 

၃။ ဆိုခဲ့ပြီးသော လွတ်လပ်သော အချုပ်အခြာအာဏာပိုင်သမ္မတဗမာနိုင်ငံတော်သည် ပြည်ထောင်စုဗမာနိုင်ငံတော် ဟု ခေါ်တွင်ရမည်။

(၁) အောက်ပါဂုဏ်အင်္ဂါများရှိသော ပြည်သူပြည်သားများအား ပြည်ထောင်စုပြည်နယ်အဆင့်အတန်းကို ပေးအပ်ရ မည်။
၁။ ပထ၀ီအနေအထားအရ နယ်နမိတ်အထင်အရှားရှိခြင်း၊
၂။ မြန်မာစကားနဲ့မတူသော ဘာသာစကားတမျိုးတည်းရှိခြင်း၊
၃။ ယဉ်ကျေးမှုတမျိုးတည်းရှိခြင်း၊
၎။ ရာဇ၀င်အစဉ်အလာတမျိုးတည်းရှိသော လူစုရှိခြင်း၊
၅။ စီးပွားဆိုင်ရာအကျိုးကျေးဇူး နဲ့ စီးပွားရေးလုံလောက်မှုရှိသော လူစုရှိခြင်း၊
၆။ လူဦးရေအတော်အတန်ရှိခြင်း၊
၇။ သီးခြားပြည်ထောင်စုဒေသတခုအဖြစ်ဖြင့် မိမိ၏ကိုယ်ပိုင်ထင်ရှားချက်အတိုင်း နေလိုသောဆန္ဒရှိခြင်း၊

(၂) ကိုယ်ပိုင်အုပ်ချုပ်ရမည့်နယ်များအဆင့်အတန်းကို အထက်ပါဂုဏ်အင်္ဂါများ နည်းများမဆိုရှိပါသော်လည်း စီးပွား ရေးလုံလောက်မှုချို့ငဲ့နေသော ပြည်သူပြည်သားများအား ပေးအပ်ရမည်။

(၃)  လူမျိုးစုပြည်နယ်အဆင့်အတန်းကို နည်းများမဆို သီးခြားဘာသာစကားရှိခြင်း၊ ထိုဘာသာစကားကိုအတော်အသင့်အားဖြင့် တစုတပေါင်းတည်းပြောဆိုသောဒေသရှိခြင်း၊ မိမိ၏ကိုယ်ပိုင်ထင်ရှားချက်အတိုင်းနေလိုသောဆန္ဒရှိ ခြင်းတို့မှတပါး အထက်ပါအားလုံးသော ဂုဏ်အင်္ဂါများ၌ချို့ငဲ့နေသောပြည်သူပြည်သားများအားပေးအပ်ရမည်။

(၄) တိုင်းရင်းသားလူနည်းစုအခွင့်အရေးများကို….

၁။ လူမျိုးအားဖြင့်လည်းကောင်း၊ ဘာသာစကားအားဖြင့်လည်းကောင်း၊ ယဉ်ကျေးမှုအားဖြင့်လည်းကောင်း၊             ရာဇ၀င်အစဉ်အလာအားဖြင့်လည်းကောင်း၊ လူများစုနဲ့ ကွဲပြားခြားနား၍၊

၂။ဗမာတပြည်လုံး၌ဖြစ်စေ၊အဖွဲ့ဝင်ဒေသတခုခု၌ဖြစ်စေ၊ရှိသောလူဦးရေအားလုံးတွင်အနည်းဆုံး (၁၀)ပုံ (၁)ပုံမျှလူဦးရေရှိသောလူတစုအားရရှိနိုင်စေရန်ဝန်ခံချက်ပြုရမည်။

မှတ်ချက်။
ဖဆပလအဖွဲ့ချုပ်ညီလာခံက သဘောတူထားတဲ့ အခန်း[၁] အပိုဒ် (၃-၁) ပါအချက် ၇ ချက်မှာ မြန်မာစကား နဲ့မတူသော တိုင်းရင်းသားများကို ပြည်ထောင်စုအဖွဲ့ဝင်ပြည်နယ်အဆင့်အတန်းကို ပေးရမည်ဟု ဖော်ပြခြင်းဟာ ပြည်နယ်အဆင့်အတန်းရာထားပြီးတဲ့ ရှမ်း၊ ကချင်၊ ချင်း၊ ကရင်နီအတွက် ဖော်ပြထားခြင်းမဟုတ်တဲ့အပြင် ရှမ်း၊ ကချင်၊ ချင်း၊ ကရင်နီ လူမျိုးများဟာ မြန်မာစကားနဲ့ တူလား၊ မတူဘူးလား မေးစရာ ဖြေစရာမလိုဘူးဆိုတာ ရှင်းနေပါ တယ်။ မြန်မာစကားနဲ့မတူသောလူမျိုးဟု ဖော်ပြခြင်းဟာ ဗမာပြည်မနယ်မြေထဲမှာ အတူတူနေထိုင်ကြတဲ့ (ရခိုင်၊ မွန်၊ ကရင်) လူမျိုးအတွက် ဖော်ပြခြင်းဖြစ်တယ်ဆိုတာကလည်း ရှင်းနေပါတယ်။ ဒါကြောင့် ရခိုင်၊ မွန်၊ ကရင်လူမျိုးအတွက် ပြည်ထောင်စုအဖွဲ့ဝင်ပြည်နယ်ကို ဖော်ထုတ်ပေးရမည် ဆိုတာလည်း ရှင်းနေပါတယ်။ ဒါ့အပြင် ပင်လုံစိတ်ဓါတ်အရ မြန်မာလူမျိုးသည်လည်း တန်းတူအခွင့်အရေးဖြစ်တဲ့အတွက် မြန်မာလူမျိုးကိုလည်း ပြည်ထောင်စုအဖွဲ့ဝင် ပြည်နယ် အဖြစ် ဖော်ထုတ်ပေးရမည်လို့ ဖော်ညွှန်းထားပြီးဖြစ်တယ်။

 

ဒါကြောင့်ဗိုလ်ချုပ်အောင်ဆန်းဦးဆောင်ခဲ့တဲ့ဖဆပလအဖွဲ့ချုပ်နဲ့ တိုင်းပြုပြည်ပြုလွှတ်တော်ပထမညီလာခံကြီးတို့ကဖွဲ့စည်းပုံအခြေခံဥပဒေရေးဆွဲရာမှာအခြေခံမူ (၄) ချက်၊လမ်းညွှန်ချက် (၇)ချက်နဲ့အခြေခံကျောရိုး (၁၄)ချက်ချမှတ် ထားခြင်းဟာကချင်၊ကရင်၊ကရင်နီ၊ချင်း၊မွန်၊မြန်မာ၊ရခိုင်၊ရှမ်းစတဲ့လူမျိုးများအတွက်တန်းတူရည်တူစစ်မှန်တဲ့ ဒီမိုကရက်တစ်ဖက်ဒရယ်ပြည်ထောင်စုတည်ဆောက်ရေးဖွဲ့စည်းပုံအခြေခံမူများကိုအခိုင်အမာချမှတ်ထားပြီးဖြစ် တယ်။ဒါ့အပြင်ပုဒ်မ၃အပိုဒ် (၂၊၃၊၄၊) ဖော်ပြ ချက်အရအခြားတိုင်းရင်းသားလူမျိုးစုများအတွက်ကိုလည်းလူမျိုးစု ပြည်နယ်အဆင့်အတန်းနဲ့ကိုယ်ပိုင်အုပ်ချုပ်ခွင့်ဒေသများကိုလည်းဆက်လက်ဖေါ်ထုတ်ပေးရမည်လို့ အတိအလင်း ဖော်ပြထားပြီးဖြစ်တယ်။

 

၂။အမှန်တရားသွေဖီအားနည်းရာမှအဓမ္မမတရားမှုအဆင့်အဆင့်ကျူးလွန်ခြင်း

(က) အမှန်တရားသွေဖီအားနည်းခြင်း

 

ခေါင်းဆောင်များခင်ဗျား၊

ဗိုလ်ချုပ်အောင်ဆန်း ဦးဆောင်ခဲ့တဲ့ ဖဆပလအဖွဲ့ချုပ်နဲ့ တိုင်းပြုပြည်ပြုလွှတ်တော်ရဲ့ ပထမညီလာခံကြီးက ချမှတ် ထားတဲ့ အခြေခံမူများ၊ အခြေခံမူကျောရိုးများအတိုင်း အမျိုးသားများတန်းတူရည်တူ စစ်မှန်တဲ့ဒီမိုကရက်တစ် ဖက်ဒရယ်ပြည်ထောင်စုသမတနိုင်ငံတော်ကို ရေးဆွဲပြဋ္ဌာန်းပါက အမျိုးသားများစည်းလုံးညီညွတ်ပြီး ငြိမ်းချမ်းသာယာ ၀ပြောတဲ့ ဒီမိုကရက်တစ်ဖက်ဒရယ်ပြည်ထောင်စုသမတနိုင်ငံတော်သစ်ကို မလွဲမသွေတည်ဆောက်နိုင်မည်ဖြစ်တယ်။

 

ဒါပေမဲ့ ဗိုလ်ချုပ်အောင်ဆန်းကျဆုံးပြီးတဲ့နောက် ပင်လုံစိတ်ဓါတ်အခြေခံမူအပေါ်သွေဖီအားနည်းခဲ့ရာမှ ၁၉၄၇ ခု ဖွဲ့စည်းပုံအခြေခံဥပဒေရေးဆွဲရာမှာ ဗမာပြည်မကို ပြည်ထောင်စု(ဗဟို)အာဏာနဲ့တွဲထားပြီး ရခိုင်၊ မွန်၊ ကရင်အမျိုး သားများအတွက် အမျိုးသားပြည်နယ်ကို မဖော်ပေးခြင်း၊ သီးခြားလွတ်လပ်သောကရင်နီပြည်ကို စောဖျာများနဲ့ ပြည် သူ့ဆန္ဒအမှန်ရယူခြင်းမရှိဘဲ အဖွဲ့ဝင်ပြည်နယ်အဖြစ် သတ်မှတ်ခြင်း၊ ပါတီစုံဒီမိုကရေစီ လက်တွေ့ကျင့်သုံးရာမှာ ဂိုဏ်းဂဏပြင်းထန်လွန်းခြင်း စတဲ့ပြဿနာများကြောင့် ရခိုင်၊ မွန်၊ ကရင်၊ ပအိုဝ့် အမျိုးသားလက်နက်ကိုင်တော်လှန် ရေး၊ ကရင်နီအမျိုးသားလက်နက်ကိုင်ခုခံတော်လှန်ရေးနဲ့ ဗကပ၊ အလံနီ၊ တော်လှန်သောဗမာ့တပ်မတော်၊ ပြည်သူ့ ရဲဘော် စတဲ့ တော်လှန်ရေးအဖွဲ့အစည်းများ ပေါ်ပေါက်လာပြီး ပြည်တွင်းစစ်မီး စတင်လောင်ကျွမ်းသွားခြင်း ဖြစ်တယ်။

 

၁၉၄၇ခု၊ဖွဲ့စည်းပုံအခြေခံဥပဒေအခန်း [၁၀] မှာ၁၀နှစ်ကျော်ရင်ခွဲထွက်ခွင့်နဲ့အခန်း [၁၁] မှာဖွဲ့စည်းပုံအခြေခံဥပဒေပြင်ဆင်ခွင့်ပြဋ္ဌာန်းထားတယ်၊တိုင်းရင်းသားခေါင်းဆောင်များဟာခွဲထွက်ခွင့် တကြိမ်တခါမှမတောင်းပါ။ဖွဲ့စည်းပုံအခြေခံဥပဒေပြင်ဆင်ရန် အကြောင်းအမျိုးမျိုးပြအချိန်ဆွဲလွန်းခြင်း၊ရှမ်းပြည် (၁၃)နယ်ကိုစစ်အုပ်ချုပ်ရေးသတ်မှတ်ခြင်း၊ကချင်အစိုးရနဲ့ ပြည်သူ့ဆန္ဒမရယူဘဲဖီမော်၊ဂေါ်လန်၊ကန်ဖန်နယ်မြေကိုတရုတ်သို့ပေးအပ်ခြင်း၊ဗုဒ္ဓဘာသာကိုနိုင်ငံတော်ဘာသာအဖြစ်ပြဋ္ဌာန်းခြင်းပြဿနာများကြောင့်ရှမ်း၊ကချင်၊ချင်းစတဲ့ အမျိုးသားလက်နက် ကိုင်တော်လှန်ရေးပေါ်ပေါက်လာလို့ပြည်တွင်းစစ်မီးထပ်ဆင့်လောင်ကျွမ်းသွားပြီးဗိုလ်ချုပ်နဲ့တိုင်းရင်းသား ခေါင်းဆောင်များတည်ဆောက်ထားတဲ့ပြည်ထောင်စုစိတ်ဓါတ်ယိမ်းယိုင်သွားခြင်း ဖြစ်တယ်။

 

() အဓမ္မမတရားမှု စတင်ကျူးလွန်ခြင်း

 

ခေါင်းဆောင်များခင်ဗျား၊

ဖဆပလအဖွဲ့ချုပ်က သန့်ရှင်း-တည်မြဲ နှစ်ခြမ်းကွဲပြီးတဲ့နောက်ပိုင်းမှာ ၀န်ကြီးချုပ်ဦးနုဟာ ယိမ်းယိုင်နေတဲ့ တိုင်းရင်း သားများပင်လုံစိတ်ဓါတ်၊ ပြည်ထောင်စုစိတ်ဓါတ်ကို ပြန်လည်တည်ဆောက်ရန် ၁၉၆၂ ခုနှစ်မှာ ပါတီစုံ တိုင်းရင်းသား လူမျိုးပေါင်းစုံနှီးနှောဖလှယ်ပွဲ ကျင်းပခဲ့တယ်၊ ဒါပေမယ့် အိမ်စောင့်အစိုးရကာလမှာ အာဏာငမ်းငမ်းတက်ပြီး ဒီမို ကရေစီနဲ့ တိုင်းရင်းသားများတန်းတူရေး လုံးဝမလိုလားဘဲ ပြည်သူကိုကျွန်ပြုလို၊ လူမျိုးကြီးဝါဒကျင့်သုံးလိုတဲ့ ဗိုလ်နေ ၀င်းဦးဆောင် ဖက်ဆစ်စစ်အုပ်စုက ‘တိုင်းရင်းသားများဟာ ဖက်ဒရယ်သမားများဖြစ်ကြတယ်၊ ခွဲထွက်ရေးသမားများ ဖြစ်ကြတယ်၊ တိုင်းပြည်ချောက်ကမ်းပါးကျလုဆဲဆဲမှာ တပ်မတော်က အချိန်မှီကယ်တင်လိုက်ရတယ်’ ဆိုပြီး သူခိုးလူ ဟစ်ခဲ့တယ်၊

 

ဝန်ကြီးချုပ်ဦးနုနဲ့ အပေါင်းအပါများ၊ တိုင်းရင်းသားခေါင်းဆောင်အများအပြား ဖမ်းဆီးထောင်ချ ညှဉ်းပမ်း နှိပ်စက်လို့ သေဆုံးခဲ့ကြတယ်။ ဒါကြောင့် ဝ၊ ပလောင်၊ ကယန်း၊ နာဂ၊ လားဟူ စတဲ့ တိုင်းရင်းသားလူမျိုးစုပါမကျန် လက်နက်ကိုင်တော်လှန်ရေးတွေ ထပ်မံပေါက်ကွဲ ပေါ်ထွက်လာပြီး ပြည်တွင်းစစ်မီးတွေလည်း တဟုန်းဟုန်းတောက် လောင်ခဲ့ခြင်းဖြစ်တယ်။

 

ဒါ့အပြင်ဗိုလ်နေ၀င်းဦးဆောင်တဲ့မဆလတပါတီအာဏာရှင်ဖက်ဆစ်စစ်အုပ်စုဟာဖွဲ့စည်းပုံအခြေခံဥပဒေဖြင့် ပြည်သူ တရပ်လုံးကိုကျွန်ပြုထားရေး နဲ့တိုင်းရင်းသားများအမျိုးဖြုတ်ရေးအတွက်၁၉၇၄ခုဖွဲ့စည်းပုံကိုစိတ်ကြိုက်ရေးဆွဲ ပြဋ္ဌာန်းလိုက်တယ်။ဒါပေမဲ့တန်းတူရေးအတွက်တိုင်းရင်းသားလက်နက်ကိုင်တော်လှန်ရေးအဖွဲ့များရဲ့ တောက် လျှောက်တိုက်ပွဲဝင်မှု၊ ဒီမိုကရေစီရေးအတွက် ပြည်သူများရဲ့ အဆက်မပြတ်တိုက်ပွဲဝင်မှု၊နောက်ဆုံး ၁၉၈၈ခုနှစ်ပြည်သူများရဲ့ဒီမိုကရေစီအရေးတော်ပုံကြီးကြောင့်မဆလတပါတီစနစ်ကျရှုံးကာ၎င်းတို့စိတ်ကြိုက်ရေးဆွဲထားတဲ့ဖွဲ့စည်းပုံအခြေခံဥပဒေကိုလည်းကိုယ်တိုင်ဖျက်သိမ်းလိုက်ရတယ်။

 

() ထပ်ဆင့်အဓမ္မမတရားမှုကျူးလွန်ခြင်း

 

ဖက်ဆစ်စစ်ခေါင်းဆောင်ဗိုလ်နေ၀င်းဟာပြည်သူတရပ်လုံးကိုကျွန်ပြုထားတဲ့၁၉၇၄ဖွဲ့စည်းပုံအခြေခံဥပဒေကို ဖျက်သိမ်းလိုက်ပေမဲ့ပြည်သူလိုလားတဲ့ဒီမိုကရေစီအခွင့်အရေးကိုလုံးဝမပေးလိုဘဲ၊ပြည်သူလူထုအပေါ်ဆက်လက် ကျွန်ပြုထားနိုင်ရေးကိုရည်မှန်းချက်ထားရှိပြီးမဟာဗျူဟာလုပ်ငန်းဖြစ်တဲ့မဆလတဖြစ်လဲတစညနိုင်ငံရေးပါတီနဲ့န၀တစစ်အုပ်ချုပ်ရေးလုပ်ငန်းကိုချမှတ်အမွေပေးခဲ့တယ်။

 

ဒါကြောင့် န၀တ/နအဖ အုပ်စုဟာ ဗိုလ်နေ၀င်း အမွေပေးခဲ့တဲ့ ၁၉၇၄ ခုဖွဲ့စည်းပုံအခြေခံဥပဒေကဲ့သို့ ပြည်သူလူထု အား ဆက်လက်ကျွန်ပြုထားနိုင်မယ့် ဖွဲ့စည်းပုံအခြေခံဥပဒေတခုပေါ်ပေါက်ရေးကို ရည်မှန်းချက်အဖြစ်ချမှတ်ထားပြီး မဟာဗျူဟာအဖြစ် အတုအယောင်အမျိုးသားညီလာခံနဲ့ အပစ်အခတ်ရပ်စဲရေး-ဖွံ့ဖြိုးရေးလုပ်ငန်းကို ချမှတ်ထားတယ်။

အဲဒီတုံးကဒီမိုကရေစီအင်အားစုများနဲ့တိုင်းရင်းသားအင်အားစုများတို့ရဲ့ရည်မှန်းချက်ဟာစစ်မှန်တဲ့ဒီမိုကရက်တစ်ဖက်ဒရယ်ပြည်ထောင်စုတည်ဆောက်ရေးဖြစ်ပေမဲ့၊’ဖက်ဒရယ်ဆိုတာခွဲထွက်ရေး၊တိုင်းပြည်ဖြိုခွဲရေး’လို့ မှိုင်းမိထား တဲ့အတွက်ရဲတင်းပြတ်သားစွာပြည်သူလူထုအားမချပြနိုင်ခဲ့ပါ။မဟာဗျူဟာကိုလည်းမချမှတ်နိုင်ခဲ့ပါ။

 

ဒါကြောင့်ဒီမိုကရေစီအင်အားစုနဲ့တိုင်းရင်းသားအင်အားစုအားလုံးစစ်အုပ်စုရဲ့မဟာဗျူဟာတခုဖြစ်တဲ့အတု အယောင်အမျိုးသားညီလာခံမှာပါဝင်လိုက်တာဟာအမှားကြီးမှားခြင်းဖြစ်တယ်။ဒီမိုကရေစီအင်အားစုရောတိုင်းရင်း သားအင်အားစုပါအတုအယောင်ညီလာခံ မတက်ပါကဘယ်လိုမှရုပ်ပြစရာအကြောင်းမရှိပါ။နောက်ပိုင်းမှာ NLD ၊ SNLD နဲ့ ပြည်သူ့လွှတ်တော်ကိုယ်စားလှယ်များညီလာခံမှထွက်သွားခဲ့ပေမဲ့မွန်ပြည်သစ်ပါတီလေ့လာသူအဖြစ်တက် ရောက်ခြင်းမှအပအခြားတိုင်းရင်းသားအားလုံးဟာညီလာခံကိုယ်စားလှယ်အဖြစ်အပြီးထိတက်ရောက်ခဲ့တဲ့အတွက်တိုင်းရင်းသားပါဝင်တယ်လို့ရုပ်ပြနိုင်ခဲ့ပြီး၎င်းတို့စိတ်ကြိုက်ရေးဆွဲထားတဲ့၂၀၀၈ခုဖွဲ့စည်းပုံအခြေခံဥပဒေကိုအတင်းအတည်ပြုပြဋ္ဌာန်းနိုင်ခြင်းပင်ဖြစ်ကြောင်းကောင်းကောင်းကြီးဘ၀သင်ခန်းစာရရှိပြီးဖြစ်တယ်။

 

ဒါပေမဲ့၂၀၀၈ ခုဖွဲ့စည်းပုံအခြေခံဥပဒေကို အတင်းအတည်ပြုပြီးတဲ့နောက်တိုင်းရင်းသားလက်နက်ကိုင်တော်လှန် ရေးအဖွဲ့အစည်းအားလုံးကို နယ်ခြားစောင့်တပ်၊ဌာနေပြည်သူ့စစ် အသွင်ပြောင်းရန်၃ ကြိမ်တိုင်တိုင်ရာဇာသံပေးခဲ့ ပေမဲ့အားလုံးညီညွတ်ခြင်းအင်အားကြောင့်အခုလိုငြိမ်းချမ်းရေးနဲ့ဖွံ့ဖြိုးရေး ဆိုတဲ့အခြေအနေဆိုက်ရောက်လာတာ ကိုလည်းကောင်းကောင်းလက်တွေ့ကြုံကြပြီးဖြစ်တယ်။

 

(ဃ) အမှန်တရားကို ဆုပ်ကိုင်ထား၊ အဓမ္မမတရားမှုကို တိုက်ဖျက်ကြ

 

ယနေ့သမတဦးသိန်းစိန်နဲ့ ဗိုလ်ချုပ်မင်းအောင်လှိုင်တို့စစ်အုပ်စုဟာမဆလတပါတီဖက်ဆစ်စစ်အာဏာရှင်နဲ့န၀တ/ နအဖစစ်အာဏာရှင်တို့ရဲ့လမ်းစဉ်အပေါ် ဆက်လက်အမွေခံထားတဲ့အတိုင်းယင်းတို့ရဲ့ရည်မှန်းချက်ဟာပြည်သူ တရပ်လုံးကျွန်ပြုထားတဲ့၂၀၀၈ခုဖွဲ့စည်းပုံအခြေခံဥပဒေခိုင်မာရေးဖြစ်ပြီးမဟာဗျူဟာလုပ်ငန်းအဖြစ်ဖွဲ့စည်းပုံ အခြေခံဥပဒေပြင်ဆင်ရေးနဲ့ငြိမ်းချမ်းရေး-ဖွံ့ဖြိုးရေးလုပ်ငန်းပင်ဖြစ်တယ်၊

 

ယခုဖွဲ့စည်းပုံအခြေခံဥပဒေပြင်ဆင်ရေးလုပ်ငန်းဟာ ယခင်အတုအယောင်အမျိုးသားညီလာခံနဲ့ထပ်တူဖြစ်ပြီး ယခုငြိမ်း ချမ်းရေး-ဖွံ့ဖြိုးရေးလုပ်ငန်းဟာ ယခင်က အပစ်အခတ်ရပ်စဲရေး-ဖွံ့ဖြိုးရေးလုပ်ငန်းနဲ့ တထပ်တည်းပင်ဖြစ်တယ်။ ဒါပေမဲ့ ယခင်မဟာဗျူဟာနှစ်ရပ်ကိုရင်ဆိုင်ရေးနဲ့ ယနေ့မဟာဗျူဟာနှစ်ရပ်ကိုရင်ဆိုင်ရေး ခြားနားချက်ကတော့ ဒီမို ကရေစီအင်အားစုများနဲ့ တိုင်းရင်းသားအင်အားစုများဟာ အမှန်တရားကိုဆုပ်ကိုင်ပြီး ယခုမဟာဗျူဟာအပေါ် ပူးဝင် လှုပ်ရှားသွားကြရမှာ ဖြစ်တယ်။ ဒါမှသာ ပြည်သူတရပ်လုံးလိုလားနေတဲ့ ဒီမိုကရေစီအခွင့်အရေး၊ အမျိုးသားများ တန်းတူရေး၊ စစ်မှန်တဲ့ဒီမိုကရက်တစ်ဖက်ဒရယ်ပြည်ထောင်စု တည်ထောင်နိုင်မှာ ဖြစ်တယ်။

 

() အမှန်တရားသို့ဦးတည်ချီတက်ကြစို့

 

ဒီမိုကရေစီအင်အားစုများနဲ့တိုင်းရင်းသားအင်အားစုများတို့ရဲ့ရည်မှန်းချက်ဟာစစ်မှန်တဲ့ဒီမိုကရက်တစ်ဖက်ဒရယ် ပြည်ထောင်စုသမတနိုင်ငံတော်တည်ဆောက်ရေးဖြစ်ပြီးမဟာဗျူဟာလုပ်ငန်းနှစ်ရပ်မှာပင်လုံမူအခြေခံထားတဲ့ပြည် ထောင်စုညီလာခံပူးပေါင်းကျင်းပရေးနဲ့ပြည်သူတရပ်လုံးစွမ်းအားဖြင့်ပူးပေါင်းပါဝင်ရေးပင်ဖြစ်တယ်။

အဲဒီမဟာဗျူဟာ ရောက်ရှိလာရေးအတွက် ဒီမိုကရေစီအင်အားစုများနဲ့ တိုင်းရင်းသားအင်အားစုများတို့ဟာ လုပ်ငန်း များအပေါ် အပြန်အလှန်နားလည်မှုရှိရှိ၊ ဆက်စပ်မှုရှိရှိ ထောက်ခံကြပြီး ပူးပေါင်းဆောင်ရွက်သွားကြရမှာ ဖြစ်တယ်။

 

() ဖွဲ့စည်းပုံအခြေခံဥပဒေပြင်ဆင်ရေးလုပ်ငန်း

ဦးသိန်းစိန်ဦးဆောင်တဲ့ဖွဲ့စည်းပုံအခြေခံဥပဒေပြင်ဆင်ရေးလုပ်ငန်းဟာအနာဂါတ်အမျိုးသားနိုင်ငံရေးမှာတပ်မတော် ကအစဉ်တစိုက်ဦးဆောင်ပါဝင်ထမ်းဆောင်နိုင်ရေးဆိုတဲ့ဦးတည်ချက်အပေါ်အထိခံမှာမဟုတ်ဘဲနည်းမျိုးစုံဖြင့်အချိန်ဆွဲဖြိုခွဲသွားမှာဖြစ်တယ်။အဲဒီအပေါ် NLD နဲ့ဒီမိုကရေစီအင်အားစုတို့ဟာပုဒ်မ၄၃၆ပြင်ဆင်ရေးမှရည်မှန်း ချက်ဖြစ်တဲ့စစ်မှန်တဲ့ဒီမိုကရက်တစ်ဖက်ဒရယ်ပြည်ထောင်စုတည်ဆောက်ရေးအောင်မြင်တဲ့အထိနောက်ဆုတ်မှာ မဟုတ်ဘဲတဆင့်ပြီးတဆင့်တိုက်ပွဲဝင်သွားမှာဖြစ်လို့နားလည်မှုရှိရှိ၊ဆက်စပ်မှုရှိရှိထောက်ခံကြပြီးပူးပေါင်းဆောင် ရွက်ကြရမှာဖြစ်တယ်။

 

() ဒီမိုကရက်တစ်ဖက်ဒရယ်ပြည်ထောင်စု ဖွဲ့စည်းပုံခြေခံဥပဒေ ပြင်ဆင်ရေးဆွဲရေးလုပ်ငန်း

၂၀၀၈ခုဖွဲ့စည်းပုံအခြေခံဥပဒေကိုဒီမိုကရေစီစံချိန်စံညွှန်းနဲ့အညီပြင်ဆင်ရေးဆွဲရေးလုပ်ငန်းနဲ့ဒီမိုကရက်တစ်ဖက်ဒရယ်ပြည်ထောင်စုသမတနိုင်ငံတော် ဖွဲ့စည်းပုံအခြေခံဥပဒေပြင်ဆင်ရေးဆွဲရေးလုပ်ငန်းဟာ တထပ်တည်းဖြစ်တယ်။ ဒါကြောင့်ပြည်သူ့လွှတ်တော်ပြင်ပ ဖွဲ့စည်းပုံအခြေခံဥပဒေပြင်ဆင်ရေးဆွဲရေးလုပ်ငန်းကိုလည်း အပြန်အလှန် နားလည်မှုရှိရှိ၊ဆက်စပ်မှုရှိရှိထောက်ခံကြပြီး ပူးပေါင်းဆောင်ရွက်ကြရမှာဖြစ်တယ်။

 

() ငြိမ်းချမ်းရေးနဲ့ဖွံ့ဖြိုးရေး လုပ်ငန်း

စစ်အုပ်စုရဲ့ ငြိမ်းချမ်းရေးနဲ့ ဖွံ့ဖြိုးရေးလုပ်ငန်းဟာ ၂၀၀၈ ခု ဖွဲ့စည်းပုံအခြေခံဥပဒေအောက် အတင်းဆွဲသွင်းရေးနဲ့ အကြွင်းမဲ့လက်နက်ချရေးပင်ဖြစ်တယ်။ တိုင်းရင်းသားလက်နက်ကိုင်တော်လှန်ရေးအဖွဲ့အစည်းများ ကြိုးပမ်းနေတဲ့ ငြိမ်းချမ်းရေးလုပ်ငန်းဟာ ပြည်သူတရပ်လုံးလိုလားနေတဲ့ ဒီမိုကရေစီရေး၊ ဖွဲ့စည်းပုံအခြေခံဥပဒေပြင်ဆင်ရေး၊ ဒီမို ကရက်တစ်ဖက်ဒရယ်ပြည်ထောင်စု ဖွဲ့စည်းပုံရေးဆွဲရေး၊ တိုင်းရင်းသားများ တန်းတူရည်တူကိုယ်ပိုင်ပြဋ္ဌာန်းခွင့် ရှိပြီး စစ်မှန်တဲ့ ဒီမိုကရက်တစ်ဖက်ဒရယ်ပြည်ထောင်စုသမတနိုင်ငံတည်ဆောက်ရေးနဲ့ တဆက်တစပ်တည်းဖြစ်လို့ အပြန် အလှန်ထောက်ခံ ပူးပေါင်းဆောင်ရွက်ရမှာဖြစ်ပါတယ်။

 

ငြိမ်းချမ်းရေးဆိုင်ရာအဓိကအခြေခံမူများနှိုင်းယဉ်ချက်
စစ်အုပ်စု၏ငြိမ်းချမ်းရေးအဓိကအခြေခံမူများ

၁။ ထာဝရငြိမ်းချမ်းရေးရယူရန်အမှန်တကယ်ဆန္ဒရှိရန်

၂။ သဘောတူစာချုပ်များအတိုင်းကတိတည်ရန်

၃။ ငြိမ်းချမ်းရေးသဘောတူညီချက်အပေါ် အမြတ် မထုတ်ရန်

၎။ ဒေသခံပြည်သူများအပေါ် ဝန်ထုပ်ဝန်ပိုးမဖြစ်စေ ရန်

၅။ နိုင်ငံတော်ကထုတ်ပြန်သည့် တည်ဆဲဥပဒေများကို တိတိကျကျလိုက်နာရန်

၆။ ဒို့တာဝန်အရေး ၃ ပါးနှင့် ဒီမိုကရေစီအနှစ်သာရ ကို လက်ခံပြီး ၂၀၀၈ ဖွဲ့စည်းပုံအခြေခံဥပဒေဖြင့် ဒီမိုကရေ စီလျှောက်လှမ်းမှုတွင် လိုက်ပါ ဆောင်ရွက်ရန် 

တိုင်းရင်းသားလက်နက်ကိုင်တော်လှန်ရေးအဖွဲ့များ၏ငြိမ်းချမ်းရေးအဓိကအခြေခံမူများ

၁။ ပြည်ထောင်စုဗမာနိုင်ငံ၏ ပြဿနာသည် နိုင်ငံရေး ပြဿနာဖြစ်ပြီး ယင်းပြဿနာကို လက်နက်အင်အားဖြင့် မဖြေရှင်းဘဲ၊ နိုင်ငံရေးနည်းလမ်းဖြင့် ဖြေရှင်းသွားရန်၊

၂။ ပင်လုံမူအခြေခံသော ပြည်ထောင်စုညီလာခံကြီး ပူးပေါင်း ကျင်းပရန်၊

၃။ နိုင်ငံရေးအခြေခံပြဿနာဖြစ်သော ပြည်သူ့ဒီမိုကရေစီ ဆိတ်သုန်းခြင်းပြဿနာနဲ့ တိုင်းရင်းသားများတန်းတူရေး ဆုံး ရှုံးခြင်းပြဿနာကို ပင်လုံအခြေခံမူအရ အမျိုးသားများတန်း တူရည်တူရှိပြီး ကိုယ်ပိုင်ပြဋ္ဌာန်းခွင့်ရှိသော ဒီမိုကရက်တစ် ဖက်ဒရယ်ပြည်ထောင်စုသမတနိုင်ငံတော် တည်ဆောက် သွားရန်၊

၎။ငြိမ်းချမ်းရေး-နိုင်ငံရေးဆွေးနွေးခြင်းကြားကာလတွင်အုပ်ချုပ်ရေး၊စီမံခန့်ခွဲရေးနဲ့ပတ်သက်၍လက်ရှိအနေ အထားအတိုင်းတည်ရှိရန်၊

 

အထက်ပါ ငြိမ်းချမ်းရေးအဓိကအခြေခံမူများ နှိုင်းယှဉ်ချက်ပါရှိသည့်အတိုင်း သမတဦးသိန်းစိန်နဲ့ ဗိုလ်ချုပ်မင်းအောင် လှိုင် ဦးဆောင်တဲ့ စစ်အုပ်စုရဲ့ငြိမ်းချမ်းရေးအခြေခံမူတွေဟာ ပြည်သူတရပ်လုံးကို ဆက်လက်ကျွန်ပြုထားလိုကြောင်း ပေါ်လွင်ထင်ရှားပြီး တိုင်းရင်းသားရဲ့ ငြိမ်းချမ်းရေးအခြေခံမူတွေကတော့ ပြည်သူတရပ်လုံးလိုလားနေတဲ့ ပြည်တွင်းစစ် ရပ်စဲရေး၊ ငြိမ်းချမ်းရေး၊ ဒီမိုကရေစီအရေး၊ ဒီမိုကရက်တစ်ဖက်ဒရယ်ပြည်ထောင်စုသမတနိုင်ငံတော် တည်ဆောက် ရေးကို တည့်တည့်မတ်မတ်ဦးတည်နေလျှက်ရှိပါတယ်။

 

ခေါင်းဆောင်များ ခင်ဗျား၊

နောက်ဆုံးအကြံပြုတင်ပြလိုတာကမိမိတို့ရဲ့ငြိမ်းချမ်းရေးအခြေခံမူများဟာတိုင်းရင်းသားပြည်သူများကိုခွန်အား မီးအိမ် ဖြစ်စေတာနဲ့အမျှတိုင်းရင်းသားလူမျိုးပေါင်းစုံပြည်သူလူထုများသို့ ရဲရင့်ပြတ်သားစွာတင်ပြ အင်အားရယူရန်အချိန်ကျရောက်ပြီဖြစ်တယ်။

ပြည်သူလူထုတရပ်လုံးမွေးရာပါဒီမိုကရေစီအခွင့်အရေးနဲ့ပင်လုံစာချုပ်ပါရှိတဲ့အတိုင်းတိုင်းရင်းသားများရရှိထားတဲ့တန်းတူရေးထက်ဘာအရေးကိုမှအလေးထားရန်မလိုကြောင်း တိုက်တွန်းလိုပါတယ်။  မိမိတို့တော်လှန်ရေးဟာ ကျည်ဆံတိုက်ပွဲကို၆၄နှစ် ကြာကာလတိုင်တွန်းလှန်ဝံ့သကဲ့သို့တိုင်းရင်းသားပြည်သူတရပ်လုံးနဲ့လက်တွဲပြီးငြိမ်းချမ်းရေး-နိုင်ငံရေးစာပွဲဝိုင်းတိုက်ပွဲကိုလုံးဝလက်မလျှော့ဘဲအမှန်တရားဆုပ်ကိုင်ထားပြီးအဓမ္မမတရားမှုကို အပြီးအပိုင်တိုက်ဖျက်ကာ ငြိမ်းချမ်းရေးအောင်မြင်ပြီးစစ်မှန်တဲ့ဒီမိုကရက်တစ်ဖက်ဒရယ်ပြည်ထောင်စုသမတနိုင်ငံ တော်တည်ဆောက်ရေးအောင်မြင်သည်အထိအင်တိုက်အားတိုက်လက်တွဲညီညာ ချီတက်ကြပါစို့ဟုတိုက်တွန်း အကြံပြု တင်ပြလိုက်ရပါတယ်။

 

ဒီမိုကရေစီအရေးနဲ့အမျိုးသားများတန်းတူရေး တပြိုင်တည်းအောင်ပွဲခံကြရမည်။

စစ်မှန်တဲ့ဒီမိုကရက်တစ်ဖက်ဒရယ်ပြည်ထောင်စုတည်ဆောက်ရေးအောင်ရမည်။

 

တော်လှန်ရေးသစ္စာဖြင့်

ဒီမိုကရေစီအရေးနဲ့ အမျိုးသားများတန်းတူရေးဆိုင်ရာ လုပ်ဖော်ကိုင်ဖက်များ

နေ့စွဲ – ၂၀၁၄ ခု၊ ဇူလိုင် ၂၁ ရက်နေ့


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts