မန္တလေး အကြမ်းဖက်မှု နဲ့ နောက်ကွယ်က လက်မည်း
ဇင်လင်း၊ ဇူလိုင် ၁၀၊ ၂၀၁၄
မန္တလေးတွင်ဖြစ်ပေါ်နေသည့် အကြမ်းဖက် လှုံ့ဆော်မှု ပဋိပက္ခများနှင့်ပတ်သက်၍ ဘာသာရေးကို အသုံးချကာ နိုင်ငံရေးလုပ်နေကြ သည်ဟု လေ့လာအကဲခတ်သူ အများစုက သုံးသပ်လျှက်ရှိသည်ကို သတိပြုမိသည်။ ဇူလိုင်လ (၇) ရက်နေ့တွင် သမ္မတဦးသိန်းစိန် က အရေးပေါ်မိန့်ခွန်းတစ်ရပ် ပြောကြားရာ၌ လက်ရှိ မန္တလေးမြို့အခြေအနေကို ထိန်းချုပ်နိုင်အောင် ဆောင်ရွက်နေပြီး၊အကြမ်းဖက် မှုများတွင် ပါဝင်သူများကို စုံစမ်းဖေါ်ထုတ်ပြီး ပြင်းပြင်းထန်ထန် အရေးယူသွားမည်ဟု ပြောသွားခဲ့သည်။ မည်သူတွေက မည်သည့် အတွက် အပြစ်မဲ့ နိုင်ငံသူ နိုင်ငံသားများ၏ အသက်ကို စာနာမှုကင်းမဲ့စွာ ရန်ရှာသတ်ဖြတ်နေကြပါသနည်း။
“ပြုပြင်ပြောင်းလဲရေးကာလ အတွင်းမှာပဲ ကျနော်တို့နိုင်ငံအနေနဲ့ လူမျိုးရေးဘာသာရေး ပဋိပက္ခ စိန်ခေါ်မှုများကို ရင်ဆိုင်ကြုံတွေ့ ခဲ့ရပြီး၊ အချို့သော ပဋိပက္ခများဟာ ဆင်းရဲမွဲတေမှု၊ ပညာချို့တဲ့မှု၊ ဖွံ့ဖြိုးတိုးတက်မှု နိမ့်ကျမှု၊ စတဲ့ နက်နဲတဲ့ အကြောင်းတရား များစွာကြောင့်၊ ဖြစ်ပေါ်ခဲ့ရတာ ဖြစ်ပါတယ်။ သို့သော်လည်း အချို့သော ပဋိပက္ခများကတော့၊ ကျနော်တို့ လူ့အဖွဲ့အစည်းရဲ့ မျှော်လင့်ချက်ဖြစ်တဲ့ ဒီမိုကရေစီအလေ့အထများ ရှင်သန်ထွန်းကားတဲ့ လူ့အဖွဲ့အစည်းတည်ဆောက်ရေးကို တမင်နှောင့်ယှက် ဖျက်ဆီးလိုတဲ့ သဘောနဲ့၊ ရည်ရွယ်ချက်ရှိရှိလှုံ့ဆော်လုပ်ဆောင်ခြင်းဖြစ်တာကိုလည်း တွေ့ရှိရပါတယ်။မိမိရဲ့ကိုယ်ကျိုးစီးပွားကို ရှေးရှုပြီး အတ္တကို ရှေ့တန်းတင် လုပ်ဆောင်ကြသူများရဲ့ သွေးထိုးလှုံ့ဆော်မှုများကြောင့် အပြစ်မဲ့ပြည်သူများနာကျင်ခံစားခဲ့ရပြီး နိုင်ငံတကာမှာ တိုင်းပြည်ရဲ့ ပုံရိပ်နဲ့ ဂုဏ်သိက္ခာကို ညှိုးနွမ်းစေခဲ့ပါတယ်။” ဟု ဦးသိန်းစိန်က ဇူလိုင်(၇) မိန့်ခွန်း၌ ပြောကြားခဲ့ သည်။
မိမိတို့သြဇာအာဏာ တည်မြဲရေးအတွက် လူထု၏ အသက်အိုးအိမ်စည်းစိမ်ကို စတေးသည့် လုပ်ရပ်မှာ ဖက်ဆစ်ဝါဒ လမ်းစဉ်ဖြစ် သည်။ဤ လုပ်ရပ်မျိုးကို လုပ်ရဲသူ၊ လုပ်နိုင် သူများသည် ငွေကြေးဥစ္စာဓနအင်အားတောင့်တင်းခိုင်မာရုံမက၊ အာဏာပိုင်အချို့၏ အကာအကွယ်ပေးမှု ထီးရိပ်အောက်၌ ရှိနေ ကြသူများ ဖြစ်ဖို့ သေချာလှပေသည်။
ယခုကဲ့သို့ သုံးသပ်ရသည်မှာ လတ်တလော မန္တလေးဖြစ်စဉ်အတောအတွင်း ခြေရာလက်ရာ များသည် ဒီပဲရင်းခြုံခိုတိုက်ခိုက်မှုနှင့် မိတ္ထီလာ အကြမ်းဖက် တိုက်ခိုက်မှုဖြစ်စဉ်များ နှင့် သဏ္ဍာန်တူနေသဖြင့် ဖြစ်သည်။ ငွေကြေး အာဏာရှိသူတို့ အ၀န်းအ၀ိုင်း၌ သမ္မတ ဦးသိန်းစိန်အစိုးရနှင့် သဘောထားမတူ သည့် အုပ်စု တစ်ခုက မတည်ငြိမ်အောင် လုပ်နေ သလား ဟု လည်း စဉ်းစားစရာ ရှိပေသည်။
ယနေ့ခေတ်ကဲ့သို့ဆက်သွယ်ရေးနည်းပညာ ကျယ်ကျယ်ပြန့်ပြန့် တိုးတက်ဖြစ်ထွန်းလျှက်ရှိသည့် အခြေအနေမျိုးတွင် သက်ဆိုင် ရာ အစိုးရအာဏာပိုင်များအနေဖြင့် အမှိုက်ကစသည့် မီးကို ဘာကြောင့် ပြာသာဒ်ကို မီးကူးလောင်သည်အထိ စောင့်ကြည့်နေကြ သနည်း။ ပဋိပက္ခများဖြစ်ပေါ်လာနိုင်သည့် အခြေအနေ ကြိုတင်အရိပ်လက္ခဏာများကို ကြားသိနေရပါလျှက်၊ မန္တလေးတိုင်းအစိုးရ အနေဖြင့် ဘာကြောင့် လူထု အသက်အိုးအိမ်စည်းစိမ်ကို ကာကွယ်စောင့်ရှောက်ရန် ကြိုတင် ပြင်ဆင်မှု မလုပ် သနည်း။ ပိုဆိုးသည့် အချက်မှာ တာဝန်သိပြည်လူထုက သတင်းပေးသည့်တိုင် ပြဿနာဖြစ်ပွားရာနေရာသို့ ရဲအဖွဲ့၊ မီးသတ်၊ အရေးပေါ်ဆေးရုံကားနှင့် ဒေသအာဏာပိုင်များ ချက်ချင်းရောက်မလာသည့် ကိစ္စဖြစ်သည်။
ယင်း အပြုအမူက လူထု၏ သံသယကို ပိုမို ကြီးထွားလာစေ သည်။ ပဋိပက္ခဖြစ်ပွားစေရန် ဖန်တီးသူများတွင် အာဏာပိုင်အ၀န်းအ၀ိုင်းမှ ပုဂ္ဂိုလ်အချို့ ပါဝင်ပတ်သက် နေ သလား…ဟု မေးခွန်း ထုတ်စရာဖြစ်လာသည်။
နိုင်ငံရေးလေ့လာစောင့်ကြည့်သူများက ယခုဖြစ်ရပ်သည် အမျိုးသားဒီမိုကရေစီအဖွဲ့ချုပ်(NLD) ၏ ဖွဲ့စည်းပုံ အခြေခံဥပဒေ ပြင်ဆင် ရေးအတွက် လူထုဟောပြောပွဲများကို ပြည်နယ်နှင့် တိုင်းဒေသကြီးများတွင်ပြုလုပ်လျက်ရှိသည့် နိုင်ငံရေးလှုပ်ရှားမှုနှင့် တိုက်ရိုက် ပတ်သက်သည်ဟု ယူဆကြသည်။ အဖွဲ့ချုပ်သည် ဖွဲ့စည်းပုံအခြေခံဥပဒေ ပုဒ်မ ၄၃၆ အားပြင်ဆင်နိုင်ရန်အတွက် လူထုထောက်ခံမှု ပြသရန် လက်မှတ်ရေးထိုးသည့် လှုပ်ရှားမှုကိုလည်း ဆောင်ရွက်လျက်ရှိသည်။ ပုဒ်မ ၄၃၆ ပြင်ဆင်ရေး လက်မှတ်ရေးထိုး လှုပ်ရှားမှု ကို မေလ (၂၇) ရက်မှ ဇူလိုင်လ (၁၉) ရက်အထိ ပြည်သူလူထု လက်မှတ်ရေးထိုးထောက်ခံကြရန် ဆော်သြထားသည်။ ယခု ဇူလိုင် လဆန်းအထိ လက်မှတ်ရေးထိုးထားသူ ၃ သန်းကျော်ရှိကြောင်း NLD ပါတီမှ ထုတ်ပြန်ထားကြောင်း သတင်းများအရ သိရသည်။
၎င်း လှုပ်ရှားမှုကို လက်ရှိအာဏာရပါတီ အ၀န်းအသိုင်းက သိပ်ပြီး နှစ်မြို့ပုံမရဟု ထင်သည်။ အဘယ်ကြောင့်ဆိုသော် ပုဒ်မ ၄၃၆ ပြင်ဆင်ရေး လက်မှတ်ရေးထိုး လှုပ်ရှားမှု စတင်သည်နှင့် မဲအများဆုံး ရရှိသူကို အနိုင်ပေးသည့် ရွေးကောက်ပွဲ စနစ် (First Past The Post – FPTP System) အစား အချိုးကျ ကိုယ်စားပြု စနစ် (Proportional Representation-PR System) ကို ပြောင်းလဲ ကျင့်သုံး သင့်ကြောင်း လွှတ်တော်တွင် တကျော့ ပြန်ဆွေးနွေးရေး အဆိုပြုလာသည်ကို တွေ့ရသည်။
ရိုးသားဖြောင့်မတ်သည့် နိုင်ငံရေးသမားမှန်လျှင် လူထု၏ တိုက်ရိုက် အဆုံးအဖြတ်ကို ခံယူသည့် FPTP စနစ်ကို ကြောက်စရာ မလိုပါ။ (Proportional Representation-PR System) အချိုးကျကိုယ်စားပြု စနစ်တွင် လွှတ်တော်ကိုယ်စားလှယ်များကို လူထုက တိုက်ရိုက် ရွေးချယ် ရခြင်း မဟုတ်ပေ။ ပါတီက အချိုးကျရရှိသော ခွဲတမ်းစနစ်အရ လူထုက တိုက်ရိုက် ဆန္ဒပြုခြင်း မခံရသူများ လွှတ်တော်ထဲသို့ ဖြတ်လမ်းမှ လူမသိသူမသိ ၀င်ရောက်လာနိုင်သည်။ PR စနစ်၏ အဓိကအားနည်းချက်မှာ ဒီမိုကရေစီ အသားမကျ မရင့်ကျက် သေးသော နိုင်ငံမျိုးတွင် ပါတီချင်း ပဋိပက္ခ၊ တိုင်းရင်းသားချင်း ပဋိပက္ခ၊ လူတန်းစာချင်း ပဋိပက္ခများ ထိန်းသိမ်းရန် မလွယ်ကူသည့် အခြေအနေမျိုး ပေါ်ပေါက်လာနိုင်သည်။ ထိန်းမရ သိမ်းမရ ဖြစ်လာခဲ့လျှင် နောက်ကြောင်းပြန်လှည့် သွားနိုင်သည်။
ပုဒ်မ ၄၃၆ ပြင်ဆင်ရေး လက်မှတ်ရေးထိုး လှုပ်ရှားမှုနှင့် ပတ်သက်၍ အာဏာရပါတီက သဘောတွေ့ပုံမရဟု ပြောရသည်မှာ အကြောင်းရှိပါသည်။ နေပြည်တော်ရှိ လွှတ်တော်ပရ၀ဏ်အတွင်းတွင် ဇူလိုင် (၃) ရက်က ပြုလုပ်ခဲ့သည့် ပြည်ထောင်စုလွှတ်တော် နာယက၏ သတင်းစာရှင်းလင်းပွဲ၌ သူရဦးရွှေမန်းက အမျိုးသားဒီမိုကရေစီအဖွဲ့ချုပ်၏ ဖွဲ့စည်းပုံ အခြေခံဥပဒေ ၄၃၆ ပြင်ဆင်ရေး ဆိုင်ရာ လှုပ်ရှားမှုများသည် “လွှတ်တော်ဖွဲ့စည်းပုံ အခြေခံဥပဒေပြင်ဆင်ရေး ကော်မတီ” အပေါ် သြဇာသက်ရောက်နိုင်မည့် အနေ အထားမရှိဟု ပြောကြားခဲ့သည်ကို ထောက်ရှု၍ သိရှိနိုင်သည်။ သူရဦးရွှေမန်း၏ မှတ်ချက်နှင့် ပတ်သက်၍ ဒေါ်အောင်ဆန်းစုကြည် ၏ ထင်မြင်ယူဆချက်ကို သတင်းထောက်တစ်ဦးက မေးမြန်းခဲ့သည်။
“ဒါဟာ ကော်မရှင်အတွက်ရယ်လို့ လုပ်တာမဟုတ်ဘူး။ လွှတ်တော်တစ်ခုလုံးအတွက် လုပ်တာပဲ။ လွှတ်တော်အပေါ်မှာတော့ ပြည်သူလူထုရဲ့ ဆန္ဒက သက်ရောက်မှုတော့ ရှိရမှာပေါ့။ ပြည်သူ့ဆန္ဒ လွှတ်တော်ဆန္ဒဆို” ဟု အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ပြည်သူ့လွှတ်တော်ကိုယ်စားလှယ် ဒေါ်အောင်ဆန်းစုကြည်က မီဒီယာများမှတဆင့် တုန့်ပြန်စကားပြောကြားခဲ့သည်ကို သတိပြု သင့်သည်။
အကျဉ်းချုပ်ပြောရလျှင် အမျိုးသားဒီမိုကရေစီအဖွဲ့ချုပ်၏ ပုဒ်မ ၄၃၆ ပြင်ဆင်ရေး လက်မှတ်ရေးထိုး လှုပ်ရှားမှု အရှိန်မြင့်တက်လာ သည်ကို အာဏာရပါတီက မရှုစိမ့်နိုင် ဖြစ်နေသည်။ သို့ဖြင့် PRစနစ် ပြောင်းလဲကျင့်သုံးရေးအဆိုဖြင့် NLD အား ထိပ်တိုက်ထိုးနှက် ခဲ့ခြင်းဖြစ်သည်။ အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က “ဒီမိုကရေစီ လမ်းကြောင်းပေါ် လျှောက်လှမ်းနေ ပါသည်ဟု ပြောနေသူများအား ပြည်သူလူထုအနေဖြင့် အပြောနှင့် အလုပ်ညီ မညီ စောင့်ကြည့်ရန် လိုအပ်ကြောင်း” ၂၀၀၈ခုနှစ်၊ ဖွဲ့စည်းပုံအခြေခံဥပဒေ ပြင်ဆင်ရေးဆိုင်ရာ လူထုဟောပြောပွဲတစ်ခုတွင် နှိုးဆော်ပြောကြားခဲ့ကြောင်း သိရသည်။
ယခု မကြာသေးမီက ဖြစ်ပွားခဲ့သော မန္တလေးကိစ္စရပ် အပါအ၀င် မြန်မာနိုင်ငံ တနံတလျား၌ ဖြစ်ပွားခဲ့သော ဘာသာရေး၊ လူမျိုးရေး ပဋိပက္ခ အကြမ်းဖက်မှုများမှာ ထန်းသီးကြွေခိုက် ကျီးနင်းခိုက်ကိစ္စမျိုးမဟုတ်သည်ကတော့ သေချာသည်။ လက်ရှိ မန္တလေး ဘာသာရေး ပဋိပက္ခများ ဖြစ်ပေါ်နေခြင်းသည် သွေးရိုးသားရိုး မဟုတ်။ NLD ပါတီအား အကောက်ကြံလိုသော ပယောဂကြောင့် ဖြစ်နိုင်သည်။ တနည်းအားဖြင့် ၂၀၁၅ အကြို ဒေါ်အောင်ဆန်းစုကြည်နှင့် NLD အား စိန်ခေါ် ခြိမ်းခြောက်မှုဟု ဆိုနိုင်သည်။
ရခိုင်ဖြစ်စဉ်ကို ဖန်တီးခဲ့ စဉ်က လက်ပန်တောင်းတောင်အရေး အရှိန်မြင့်နေခိုက်ဖြစ်သည်။ တရုတ်နှင့် ဦးပိုင်အကျိုးစီးပွားတို့ကို ကာကွယ်ရန် အာရုံလွှဲသည့် လုပ်ကွက်ဟု ထိုစဉ်က နိုင်ငံရေးအကဲခတ်များက သုံးသပ်ခဲ့သည်။ ထိုနောက် မိတ္ထီလာကိစ္စ ဆက်လက် ဖန်တီးသည်။ စစ်တပ်ဖြင့် ထိန်းပြခဲ့သည်။ ၄င်းဖြစ်စဉ်များတွင် နောက်ကွယ်က ကြိုးကိုင်သူရှိသည်ဆိုသော သုံးသပ်ချက်ကို သမ္မတက ဖွင့်ဟပြောခဲ့ဖူးသည်။ သို့သော် သမ္မတကိုယ်တိုင်က ဥပဒေစိုးမိုးမှုရှိရေးအတွက် တင်းတင်းရင်းရင်းလုပ်ခဲ့သည်ကို မတွေ့ရ။ ထိုကြောင့် ထိုစဉ်က နောက်ကွယ်က ကြိုးကိုင်သူကို ဖမ်းဆီးနိုင်ခဲ့ခြင်း မရှိ။ ထိုဖြစ်စဉ်ကြောင့် ၄င်းနောက်ကွယ်က လူကို သမ္မတအနေဖြင့် ဖမ်းခွင့် မရှိ၍ လား၊ သို့မဟုတ် ထိုသူသည် သံလျက်တော် ခိုးသည့် သူခိုးဖြစ်နေ၍ လား…စသဖြင့် လူထုထဲတွင် ပြောစမှတ်ဖြစ်ခဲ့သည်။
ယခု မန္တလေးကိစ္စတွင်လည်း အလားတူ ဖြစ်ဦးမည်ဆိုလျှင် မြန်မာနိုင်ငံသည် ဥပဒေစိုးမိုးမှု ကင်းမဲ့သော နိုင်ငံဖြစ်နေပြီလားဟု မေးခွန်းထုတ်ဖို့ဖြစ်လာသည်။ အစိုးရတစ်ရပ်အနေဖြင့် လူထု၏ အသက်အိုးအိမ်စည်းစိမ်ကို ကာကွယ်မှုမပေးနိုင်တော့လောက် အောင် အရည်အချင်းမဲ့နေပြီဆိုလျှင်၊ ဥပဒေစိုးမိုးရေး မတည်ဆောက်နိုင်တော့ဟု ဆိုလျှင်၊ အစိုးရတာဝန်မှ နှုတ်ထွက်ပေးရန်သာ ရှိတော့သည်။ သို့သော် ဦးသိန်းစိန်က နောက်သမ္မတသက်တမ်းထပ်လုပ်ရန်ပင် ၀ါဒဖြန့်ချိမှုများ ပေါ်လာနေသည်။
ဦးသိန်းစိန် မဟုတ်လျှင်လည်း အာဏာရပါတီမှ လူ သမ္မတဖြစ်ရေး အကွက်ဆင်နေပုံတော့ ပေါ်လွင်သည်။
ထို့ကြောင့် ယခု လူထု၏ အသက်အိုးအိမ်လုံခြုံရေးအား ထိပါးစေသည့် ဖန်တီးမှုများနောက်ကွယ်တွင် ရှိနေသော လက်မည်းကြီးမှာ မကင်းရာ မကင်းကြောင်းထဲမှ လူဖြစ်နေသလားဟု ယူဆစရာလည်းရှိသည်။
အဘယ်ကြောင့်ဆိုသော် ယခု မန္တလေး ဖြစ်စဉ်မှာ NLD ၏ ပုဒ်မ ၄၃၆ ပြင်ဆင်ရေး လက်မှတ်ရေးထိုး လှုပ်ရှားမှုအား ဖျက်လိုဖျက်ဆီး လုပ်လိုမှုကို အခြေခံလျှက် ပေါ်ပေါက်လာ ကြောင်း ထင်ရှားလွန်းသောကြောင့်ဖြစ်သည်။ သက်သေအထောက်အထား အတော်များများက မန္တလေးကိစ္စကို ဖန်တီးနိုင်သူမှာ မန္တလေးတိုင်း အစိုးရကို လွှမ်းမိုးနိုင်သူတစ်ဦးဖြစ်ဖွယ်ရှိကြောင်း ဖေါ်ပြနေသည်။
လမ်းပေါ်တွင် ဥပဒေမဲ့ ဒုတ်များ ဒါးများကိုင်ကာ မော်တော်ဆိုင်ကယ်အုပ်ဖွဲ့ရမ်းကားမှုကြီးကို တိုင်းအစိုးရက ချက်ချင်း အရေးမယူနိုင်ခဲ့။ ပါဝင်သူအချို့ကို ဓါတ်ပုံအထောက်အထား များနှင့် တကွ တွေ့နေရပါလျှက် ဖမ်းဆီးကာ ကွင်းဆက်များ ဖေါ်ထုတ် ရမည်ဖြစ်သော်လည်း မဖေါ်ထုတ်ခဲ့။
ဤလူရမ်းကားများကို တချိန်တွင် အသုံးချနိုင်ရန် မွေးထားလိုက်သည့် သဘောဖြစ်နေသည်။
အထူးသတိပြုရမည့် အချက်မှာ အမျိုးသားဒီမိုကရေစီအဖွဲ့ချုပ်၏ ကြေညာချက်ကိုပင် အတုပြုလုပ် ဖြန့်ချိခဲ့သည့် အချက်ဖြစ်သည်။ သဘောမှာ အဖွဲ့ချုပ်အား ဤပဋိပက္ခများနောက်ကွယ်မှ လှုံ့ဆော်နေသူဖြစ်သည်ဟု ၀ါဒဖြန့်လိုခြင်းဖြစ်သည်။ ၄င်းလုပ်ရပ်က အဖွဲ့ချုပ်အား လူထုထောက်ခံမှု ကျဆင်းစေရန် ဖန်တီးသည့် နိုင်ငံရေးတိုက်ကွက်ဖြစ်ကြောင်း ထင်ရှားနေသည်။
ဇူလိုင် (၃)ရက် သတင်းစာရှင်းလင်းပွဲတွင် သူရဦးရွှေမန်းက အမျိုးသားဒီမိုကရေစီအဖွဲ့ချုပ်၏ ဖွဲ့စည်းပုံ အခြေခံဥပဒေ ၄၃၆ ပြင်ဆင်ရေး ဆိုင်ရာ လှုပ်ရှားမှုများသည် “လွှတ်တော်ဖွဲ့စည်းပုံ အခြေခံဥပဒေပြင်ဆင်ရေး ကော်မတီ” အပေါ် သြဇာသက်ရောက်နိုင်မည့် အနေအထား မရှိဟု ပြောကြားချက်ကလည်း၊ လက်မှတ်ထိုးသူလူထုကို၎င်း၊ NLD ကို၎င်း၊ အလေးဂရုမထားကြောင်း ပြသလိုက်ခြင်းဖြစ်သည်။
ခြု့ငုံသုံးသပ်ရလျှင် အဖွဲ့ချုပ်၏ နိုင်ငံရေးသြဇာအရှိန်အ၀ါသည် ၁၉၉၀ ရွေးကောက်ပွဲ အကြိုကာလက အနေအထားမျိုး ရောက်ရှိ လာချိန်တွင် လက်ရှိ အာဏာရပါတီနှင့် အစိုးရတို့သည် အာဏာလက်လွှတ်ရမည်ကို စိုးရိမ်လာကြပုံပေါ်သည်။
၂၀၁၅ အထွေထွေ ရွေးကောက်ပွဲနှင့် ပတ်သက်၍ အမေရိကန်၊ ဥရောပသမဂ္ဂ (EU)နှင့် ဂျပန်စသည့် နိုင်ငံတကာအင်အားစုများက လွတ်လပ်ပြီး တရားမျှတမှုရှိသော ရွေးကောက်ပွဲဖြစ်မြောက်ရေးအတွက် စောင့်ကြည့် ဖိအားပေးမှုများရှိနေသဖြင့်လည်း အာဏာရပါတီနှင့် အစိုးရအနေဖြင့် ပိုမို စိုးရိမ်မှုကြီးနေပုံရသည်။ လမ်းမှန် ကမ်းမှန်အတိုင်းသာ သွားပါက သူတို့ အာဏာလက်လွှတ်ရဖွယ်ရှိသည်ကို ရိပ်စားမိလာကြသည်။ ၂၀၁၅ ဆီ တစ်ရက်ထက် တစ်ရက် နီးလာလေလေ၊ အာဏာကိုစွဲလန်းသည့် ဥပါဒါန်က ဖိစီးလာလေ ဖြစ်နေပုံရပေသည်။
အာဏာလက်မလွှတ်ရ ရေးအတွက် ဟိရိ (မကောင်းမှုပြုရမည်ကို ရှက်ခြင်း)နှင့် သြတ္တပ္ပ (မကောင်းမှုပြုရမည် ကို ကြောက်ခြင်း) တရားတို့ကိုပင်လျှင် အာဏာကိုင်ထားသူတို့ မေ့လျော့နေကြသည်ကတော့ ထင်ရှားလှပေသည်။
ထို့ကြောင့် အာဏာလက်မလွှတ်ရရေးအတွက် တိုင်းပြည်မတည်ငြိမ်အောင် စတင်ဖန်တီးနေကြပြီလားဟု မေးခွန်းထုတ်ရန် ရှိလာသည်။၎င်းအချက်ကို လက်ရှိအာဏာပိုင်တို့ ငြင်းဆိုလိုပါက၊ ဥပဒေစိုးမိုးရေးကို ထင်ရှားအောင် သက်သေပြဖို့လိုပေမည်။
နောက်ကွယ်က လက်မည်းကြီးနှင့်တကွ၊ တိုင်းပြည်ကို မတည်ငြိမ်အောင်လုပ်သူများ၊ တိုင်းပြည်ဆင်းရဲနုံချာအောင် အကျင့်ပျက် ခြစားသူများကို ဦးသိန်းစိန်အစိုးရအနေဖြင့် ဖေါ်ထုတ် ဖမ်းဆီး အရေးယူ အပြစ်ပေးခြင်းဖြင့် သက်သေပြရန် အချိန်ကျပြီဖြစ်ကြောင်း၊ နိုးဆော်အပ်ပါသည်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
တ ဇောက် ကန်း မျိုး ချစ် ဆို သူ များသို့
မ လေး ရှား က မြန် မာ တွေ ကို သ နား ကြ ပါ အုံး။ ယ ခု ရက် ပိုင်း အ တွင်း မြန် မာ ၂ ယောက် အ သတ် ခံ ရ ပြီ။ ခင် ဗျား တို့ ရဲ့ လုပ် ရပ် ကြောင့် အ ပြစ် မဲ့ တဲ့ မြန် မာ များ အ သက် ဆုံး ရှုံး နေ ကြ ရ ပါ တယ်။ ဆင် ခြင် နိုင် ဖို့ ပါ။
စစ်အုပ်စုအသံ လွှတ်တော်အသံ ဖြစ်နေပါတယ်။ ဗိုလ်သိန်းစိန်က သူပြောတဲ့အတိုင်း အဖမ်းပြနေပါတယ်။ အဖမ်းခံရတဲ့သူ၊ အဖမ်းခံရမယ့်သူတွေက (ဗိုလ်သန်းရွှေတို့ စစ်အုပ်စုတစ်ခုလုံး လက်ရှိအနေအထားအတိုင်း အာဏာကိုဆုပ်ကိုင်နိုင်ဖို့) စတေးခံရမဲ့လူတွေဖြစ်တယ်။ ချဲ ဒိုင်ဖမ်းသလိုပေါ့။ လက်ခွဲလောက်ကိုဖမ်းပြီး ဒိုင်ချုပ်ကိုချန်ထားမှာပဲ။ တရားခံအစစ်က (ဟိုလူလိုလို ဒီလူလိုလို ယုံထင် ကြောင်ထင် ဖြစ်စရာ အကြောင်းကို မရှိဘူး) သူတို့ စစ်အုပ်စုပဲ။