ဝှိုက်ကတ်အရေးတော်ပုံကို မည်သို့ကိုင်တွယ် ဖြေရှင်းမည်နည်း
ဒေါက်တာဓမ္မပိယ (ITBMU)
̏အရေးတော်ပုံ̋ ဆိုတဲ့အသံကို ကြားရလျှင် ရင်များပင် တုန်မိပါ၏။ ၀ှိုက်ကတ်အရေးနှင့် နိုင်ငံသားအခွင့်အရေး ရောထွေးနေဆဲရှိ၏။ ယခုအချိန်မှာ ပြည်သူတွေရဲ့ဆန္ဒကို ထုတ်ဖေါ်ပြောဆိုခြင်းသည် တိုင်းပြည်နှင့်လူမျိုးအတွက် အရေးကြီးလှ၏်။ အရေးကြီးတဲ့သမိုင်းကို သမိုင်းဆရာတို့က ̏အရေးတော်ပုံ̋ ဆိုတဲ့ စကားအသုံးအနှုံးနှင့် သုံးနှုန်းဖေါ်ပြကြတာကိုတွေ့ရတယ်။ မြန်မာ့သမိုင်း၌ ထင်ရှားလှသော အရေးတော်ပုံ များမှာ – ၁၃၀၀ ပြည့်အရေးတော်ပုံ၊ ကျောင်းသားသပိတ်အရေးတော်ပုံ၊ ရွှေဝါရောင်အရေးတော်ပုံ စသည်တို့ ဖြစ်တယ်။ ̏အရေးတော်ပုံ အောင်ရမည်̋ဆိုတဲ့ ပြည်သူတို့၏အသံများသည် တိုင်းရေးပြည်ရေးနှင့် စပ်လျှုဉ်းနေ၍ မြန်မာ့သမိုင်းစာမျက်နှာများပေါ်၌ ယနေ့အချိန်အထိ ပဲ့တင်ညံနေဆဲဖြစ်၏။
ဖေဖော်ဝါရီ ၃၊ ၂၀၁၄ နေ့က စစ်တွေမြို့ပေါ်မှာ ဖြစ်ပွားသွားခဲ့တဲ့ ပြည်သူသုံးထောင်ကျောင်ပါဝင်တဲ့ ဆန္ဒထုတ် ဖေါ်ပွဲ အရေးတော်ပုံဟာ မထင်မှတ်ပဲ ပေါ်ပေါက်လာခဲ့တယ်။ သာမန်ကာလျှံကာ ကြည့်မည်ဆိုလျှင်တော့ ထိုဆန္ဒထုတ်ဖေါ်ပွဲသည် ရခိုင်ပြည်သူတို့ရဲ့အရေးဟု ထင်ရသော်လည်း တိုင်းပြည်နှင့်လူမျိုးအတွက် အရေး ပါလှသော အရေးတစ်ရေးဖြစ်နေတာကို သမိုင်းလေ့လာထားသော မြန်မာပြည်သူ၊ပြည်သားတို့သာ သိနိုင် ခြင်းပါ။ ၀ှိုက်ကတ်အရေးသည် သမိုင်းဝင်အရေးတော်ပုံတစ်ခု ဖြစ်ကောင်းဖြစ်လာနိုင်ခြင်းပါ။ တကယ်တော့ ထိုအရေးသည် ဘာသာရေးနှင့်လည်း တိုက်ရိုက်ပတ်သက်နေခြင်းမျိုးလည်းမဟုတ်။ ပါတီနိုင်ငံရေးနှင့်လည်း တိုက်ရိုက်မသက်ဆိုင်။ အမျိုးသားရေးနှင့်သာ တိုက်ရိုက်ပတ်သက်ယှက်နွယ်နေခြင်းဖြစ်လို့ စစ်တွေမြို့ပေါ်က လူတွေ ဆန္ဒပြနေခြင်းဖြစ်တယ်လို့ ယုံကြည်မိခြင်းပါ။
ရခိုင်ပြည်သူများက သူတို့ဆန္ဒများကို ထုတ်ဖေါ်ကြရာမှာ – ̏၁၉၈၂ နိုင်ငံသားဥပဒေ ချက်ချင်းအကောင် အထည်ဖေါ်ပေး၊ White Card (ကိုင်ဆောင်ထားသူများ) ကို မဲပေးတာ မလိုချင်၊ ဒေသခံပြည်သူများ လုံခြုံရေး ချက်ချင်းလုပ်ပေး၊̋ စတဲ့ ကြွေးကြော်သံများကို တခဲနက်ကြွေးကြော်နေကြခြင်းပါ။ ရခိုင်ပြည်သူတို့ တောင်းဆို နေတဲ့ အရေးတွေထဲမှာ – ၁၉၈၂ နိုင်ငံသားဥပဒေအား လွှတ်တော်ဆုံးဖြတ်ချက်ဖြင့် အမြန်ဆုံး အကောင် အထည်ဖော်ရန်ဆိုတဲ့ အချက်ရယ်၊ ၀ှိုက်ကတ် (white card) များနှင့် ယာယီမှတ်ပုံတင်ကတ်များကို သန်းခေါင်းစာရင်းမကောက်မီ တရားမ၀င်ကတ်များအဖြစ် အစိုးရက အမြန်ဆုံးကြေညာရန်ဆိုတဲ့ အချက်ရယ်၊ နောက်တစ်ခု အရေးကြီးဆုံးဖြစ်နေတဲ့ အချက်တစ်ခုက ဒေသတွင်း လုံးခြုံရေးတာဝန်ယူထားတဲ့ ရဲတပ်ဖွဲ့ဝင် တွေကို ခေတ်မီလက်နက်တွေ တပ်ဆင်ပေးရေးနှင့် ကိုယ်ပိုင်ခုခံကာကွယ်နိုင်ခွင့်တွေ၊ လုပ်ပိုင်တွေ ပေးထား ဖို့ဆိုတဲ့ အချက်တွေ ပါဝင်နေတာကို တွေ့ရတယ်။ ရခိုင်ပြည်သူတို့ဟာ ခေတ်သမိုင်းကို မရိုင်းစေချင်လို့ ဒီလိုတောင်းဆိုချက်တွေကို တောင်းနေကြတယ်လို့ သဘောပေါက်မိတယ်။ ရခိုင်ပြည်သူတို့ ဆင်နွဲနေတဲ့ အရေးတော်ပုံ ငြိမ်းချမ်းသောနည်းလမ်းဖြင့် အောင်မြင်နိုင်ဖို့ မြန်မာပြည်သူ၊ ပြည်သူများလည်း တခဲနက် ပါဝင်သင့်တယ်လို့ ယုံကြည်မိတယ်။
ဒီနေရာမှာ မြန်မာပြည်သူ၊ ပြည်သားအချို့ဟာ ရခိုင်ဒေသနေ ပြည်သူ၊ ပြည်သားတွေအတွက် ၀ှိုက်ကတ် (white card) နှင့် ယာယီမှတ်ပုံတင်ကတ် အရေးတော်ပုံက ဘယ်လောက်များ အရေးကြီးလို့ သူတို့ရဲ့ဆန္ဒတွေကို ထုတ်ဖေါ် နေကြပါလိမ့်လို့ တွေးကောင်းတွေးထင်ကြမယ်။ တကယ်တော့ ထိုအရေးဟာ သူတို့အရေးတွင်မဟုတ်ပါ။ တစ်တိုင်းပြည်လုံးရဲအရေးဆိုတာ ပြည်သူ၊ ပြည်သားများ သိထားနိုင်ကြဖို့ပါ။
ထိုကြောင့် နိုင်ငံခေါင်းဆောင်များ၊ နိုင်ငံတော်ကို တာဝန်ယူကြမည့်ခေါင်းဆောင်များနှင့် တိုင်းပြည် သစ္စာကို စောင့်စည်းကြသော ပြည်သူ၊ ပြည်သားများသည် သမိုင်းဖြစ်စဉ်ကို သိထားရန် လိုအပ်လာခြင်းပါ။ တိုင်းပြည်တစ်ပြည်ရဲ့အရေးကို ကြည့်ရှုသုံးသပ်ရာ၌ လူ့အခွင့်ရေးရှုထောင့်တစ်ခုတည်းကိုသာ အမြဲတမ်း ကြည့်ပြီး သုံးသပ်၍မရပါ။ လိုအပ်သောအခါမှာ အမျိုးသားရေးရှုထောင့်ကနေ ကြည့်၍လဲ သုံးသပ်နိုင်ကြဖို့ပါ။ ဥပမာ၊ စင်္ကာပူနိုင်ငံမှာ လွန်ခဲ့တဲ့ နှစ်လလောက်က ဖြစ်ပျက်သွားခဲ့တဲ့ ဆူပူလှုပ်ရှားမှုအရေးအခင်းမှာ စင်္ကာပူ အစိုးရရဲ့ ပြဿနာကိုင်တွယ်ဖြေးရှင်းပုံက ပညာသားပါပြီး၊ အတုယူဖို့လည်းကောင်းနေခြင်းပါ။ ထိထိ ရောက်ရောက် ပြဿနာကို ဖြေးရှင်းနိုင်ဖို့ လူမျိုးရေးပါတဲ့ စကားအသုံးအနှုန်းကိုလည်းမသုံး၊ ဘာသာရေး နွှယ်တဲ့ စကားမျိုးကိုလည်း ရှောင်ရှားပြီး၊ အစွန်းလွတ်တဲ စကားအသုံးအနှုံးမျိုးကို သုံးနှုံးထားတာကို တွေ့ရ တယ်။ အထူးသဖြင့် အကြမ်းဖက်မှု၌ ပါဝင်ပတ်သက်နေတဲ့ လူမျိုးများရဲ့ မူလနိုင်ငံနှင့်နွယ်တဲ့ အသုံးနှုန်းမျိုးကိုလည်း ရှောင်ရှားနိုင်တာဖြစ်လို့ တစ်ဖက်နိုင်ငံများမှလည်း ဒီပြဿနာဟာ စင်္ကာပူနိုင်ငံသား များရဲ့ အရေးပဲဖြစ်တယ်လို့ နားလည်သဘောပေါက်ခဲ့ကြပြီး ဝေးဝေးကပဲ ရှောင်ရှားနေခဲကြတယ်။ စင်္ကာပူ နိုင်ငံခေါင်းဆောင်များရဲ့ ဆောင်ရွက်ချက်မျုားကို နားလည်ပေးတဲ့သဘောကို သက်ရောက်စေခဲ့ကြတယ်။
စင်္ကာပူနိုင်ငံခေါင်းဆောင်များက ပြဿနာကို ပါးနပ်စွာ ဖြေရှင်းသွားပုံမှာ အတုယူဖို့ကောင်းတယ်။ ̏စင်္ကာပူနိုင်ငံဟာ ဒုစရိုက်မှုခင်းတွေ နည်းပြီး ငြိမ်းငြိမ်းချမ်းချမ်းနှင့် ပြည်သူတွေ အတူတကွ နေထိုင်နေကြတဲ့ နိုင်ငံတစ်နိုင်ငံဖြစ်တယ်။ ဒီလိုနိုင်ငံမျိုးမှာ မမျှော်လင့်တဲ့အချိန်မှာ မျှော်လင့်မထားတဲ့ အကြမ်းဖက်မှုတွေ ဖြစ်ပေါ်လာတဲ့အတွက် အကြမ်းဖက်ကျူးလွန်သူများကို အစိုးရအနေနှင့် လုံးဝသည်းခံမှာမဟုတ်ဘူး̋လို့ ပြတ်ပြတ်သားသား ပြောကြားခဲ့တယ်။ အပြစ်ကျူးလွန်သူများကိုလည်း ပြတ်ပြတ်သားသား အရေးယူခဲ့တယ်။ အကြမ်းဖက်မှု၌ ပါဝင်ပတ်သက်သူများကိုလည်း အလျှင်အမြန် ဖမ်းဆီးခဲ့ကြတယ်။
ဒီဖြစ်ရပ်နှင့်ပတ်သက်ပြီး စင်္ကာပူနိုင်ငံသားများဟာ တိုင်းပြည်နှင့်လူမျိုးအပေါ်မှာ သစ္စာရှိကြပြီး ထိုဖြစ်ရပ်အတွက် ဘာကွန်းပလိမ်းမှလည်း မတက်၊ နိုင်ငံတော်အစိုးရရဲ့ လုပ်ရပ်တို့အား ဘယ်လိုလူ့အခွင့်ရေး မျိုးနှင့်မှလည်း မတိုင်းတာပဲ တိုင်းပြည်နှင့်လူမျိုးဘက်မှ ပြတ်ပြတ်သားသား ရပ်တည်နိုင်ခဲ့ကြတယ်။ ထိုပြဿနာထဲမှာ ထဲထဲဝင်ဝင် ပါဝင်နေတဲ့ ပြစ်မှုကျူးလွန်သူ လူမျိုးစုနွယ်ဝင်များကလည်း ဘယ်နိုင်ငံခြားကိုမှ အကူအညီမတောင်းပဲ ပြည်တွင်းမှာဖြစ်နေတဲ့ ပြဿနာကို ပြည်တွင်းမှာပဲ ငြိမ်းချမ်းစွာ ဖြေရှင်းနိုင်ခဲ့ကြတယ်။ မြန်မာနိုင်ငံမှာလည်း တိုင်းပြည်နှင့် လူမျိုးအပေါ်မှာ သစ္စာရှိသူတိုင်းဟာ အသားရောင်မခွဲခြားပဲ၊ ဘာသာနှင့် လူမျိုးကို ယိုးမယ်ဖွဲ့၍ ကိုယ့်ဘာသာရဲ့အကျိုးစီးပွားကို အမြတ်မထုတ်ကြပဲ ပြဿနာကို ဖြေရှင်းကြရာ၌ ငြိမ်းချမ်းတဲ့နည်းနှင့် ပူးပေါင်းပါဝင်ဖြေရှင်းသင့်တယ်လို့ ထင်မြင်ယူဆမိခြင်းပါ။
ဒီနေရာမှာ အမေရိကန်သမ္မတအိုဘားမားနှင့် စင်္ကာပူဝန်ကြီးချုပ်ဟောင်း လီကွမ်ယုတို့ တွေ့ဆုံခဲ့ကြ တဲ့နေ့က ခေါင်းဆောင်နှစ်ဦးတို့ရဲ့ လူ့အခွင့်ရေးနှင့် နိုင်ငံသားများရဲ့ လွတ်လပ်ခွင့်နှင့်ပတ်သက်ပြီး အပြန် အလှန်ပြောဆိုခဲ့ကြတယ်။ ထိုသို့ပြောဆိုခဲ့ကြရာမှာ စင်္ကာပူဝန်ကြီးချုပ်ဟောင်း လီကွမ်ယု ပြေသွားတဲ့စကား တစ်ခွန်းဟာ အလွန်မှတ်သားဖို့ကောင်းတယ်။ သူပြောသွားတာက – ̏ကျွန်တော်လည်း စင်္ကာပူနိုင်ငံသားတွေရဲ့ အခွင့်အရေးနဲ့ လွတ်လပ်ခွင့်ကို လေးစားပါတယ်။ ဒါပေမဲ့ ခင်ဗျာရဲ့ အမေရိကန်နိုင်ငံလို သေနတ်တွေ လမ်းပေါ်မှာရောင်းနေတာမျိုးအထိတော့ အဖြစ်မခံနိုင်ဘူး̋ တဲ့။ စင်္ကာပူနိုင်ငံ ခေါင်းဆောင်ကြီးရဲ့ လေးစားဖို့ ကောင်းတဲ့ ခံယူချက်ပါ။
လူ့အခွင့်ရေးများ၊ နိုင်ငံသားအခွင့်ရေးများနှင့်ပတ်သက်၍ နိုင်ငံခေါင်းဆောင်းများ၏ အတွေးအခေါ်များ တစ်ဦးနှင့်တစ်ဦး မတူညီနိုင်ကြောင်းကို လေ့လာသုံးသပ်မိခြင်းပါ။ နိုင်ငံခေါင်းဆောင်များရဲ့ အတွေးအခေါ် များဟာ ဒေသအလိုက် သူ့နည်းနှင့်သူတော့ မှန်ကန်နေကြတာများပါတယ်။ သို့သော် လူမျိုးမတူ၊ ဘာသာမတူသူများ နေထိုင်နေကြတဲ့ နိုင်ငံမျိုးတွေမှာ နိုင်ငံသားများရဲ့အခွင့်အရေးများကို လူ့အခွင့်အရေးထက် ပိုမိုအလေးထားနိုင်ဖို့ကတော့ နိုင်ငံခေါင်းဆောင်များရဲ့ တာဝန်တစ်ရပ်ဖြစ်တယ်လို့ ဆိုရမှာပါ။
မြန်မာနိုင်ငံနှင့် ၀ှိုက်ကတ်ပြဿနာ။ ဒီအရေးက မသေးလှပါ။ သို့သော် ကမ္ဘာပေါ်ရှိ နိုင်ငံခေါင်းဆောင် များဟာ သူ့နိုင်ငံသူ၊ နိုင်ငံသားများရဲ့ လူနေမှုဘ၀မြင့်မားရေး၊ အဆင့်အတန်းရှိသော ပညာရေး၊ ကျန်းမားရေး စသော အရေးများအတွက် အားသွန်းခွန်စိုက် ဆောင်ရွက်နေကြခြင်းပါ။ မလွှဲမကင်းသာ၍ လူ့အခွင့်ရေး စကားကို ပြောကြားကြရသော်လည်း နိုင်ငံသားအခွင့်ရေးများနှင့်ယှဉ်လာတဲအခါမူ ဘယ်သောအခါမှ နိုင်ငံသား အခွင့်ရေးကို မေ့ထားလေ့းမရှိပါ။
ဒီနေ့ မြန်မာနိုင်ငံရဲ့ ၀ှိုက်ကတ်ပြဿနာအရေးကို ပွင့်ပွင့်လင်းလင်း ဆွေးနွေးပြောဆိုကြမည်ဆိုလျှင် ၀ှိုက်ကတ်အရေးသည် သိမ်မွေ့လှသော အစ်ရှုးတစ်ခုဖြစ်နေသည်ကို သတိပြုမိခြင်းပါ။ ဒီတော့ ဒီနေရာမှာ ၀ှိုက်ကတ်ဆိုတာ ဘာပါလိမ့်လို့ စဉ်စားလာမိခြင်းပါ။ စိတ်ဝင်စားမိလို့ ၀ှိုက်ကတ်သမိုင်းကို တစေ့တစောင်း လေ့လာ ကြည်တဲ့အခါ …။
ဝှိုက်ကတ်သမိုင်းကို ပြောရမယ်ဆိုရလျှင် သြစတြေးလီးယားနိုင်ငံမှ အခြေပျိုး စတင်ခဲ့တယ်လို့ ပြောရ မှာပါ။ ၀ှိုက်ကတ်ဆိုတာ အဖြူရောင်ကတ်လေးတစ်ခုပါ။ ထိုဝှိုက်ကတ်ကို ပြည်သူတွေအား ထုတ်ပေးရခြင်း၏ အဓိကရည်ရွယ်ချက်က လုပ်ငန်းခွင်မှာ အထူးသဖြင့် ကွန်စရပ်ခ်ရှင်း (construction) စတဲ့ ဆောက်လုပ်ရေး လုပ်ငန်းမျိုးတွေမှာ ဘေးအန္တရာယ်များ ကင်းရှင်းနိုင်ဖို့ အလုပ်သမားများဟာ တရားဝင် အလုပ်လုပ်နိုင်ရန် ၀ှိုက်ကတ်ကို ဦးစွာပထမ ရယူကြရတယ်။ ထိုဝှိုက်ကတ်ရဖို့အတွက် လုပ်ငန်းပိုင်းဆိုင်ရာသင်တန်း (white card training course) ကို တက်ကြရတယ်။ သင်တန်းပြီးဆုံးတဲ့အခါ အလုပ်လုပ်နိုင်ရန် အသိအမှတ်ပြု ၀ှိုက်ကတ်ကို သက်ဆိုင်ရာမှ ထုတ်ပေးကြတယ်။ ထိုဝှိုက်ကတ် ရရှိထားသူများကိုသာ လုပ်ငန်းခွင်၌ အလုပ် လုပ်ခွင့်ကို ရရှိကြတာဖြစ်တယ်။ ထိုထိုသို့သောအကြောင်း များကြောင့် ၀ှိုက်ကတ်ဆိုတာကို လူသိများ လာခြင်းဖြစ်တယ်။
အချို့နိုင်ငံများ၌ ထိုဝှိုက်ကတ်ကို ဆင်းရဲမွဲတေသူများအား ထုတ်ပေးထားတာမျိုးကိုလည်း တွေ့ရှိ နိုင်တယ်။ ဥပမာ၊ အိန္ဒိယနိုင်ငံ၊ ဘုံဘေမြို့ (ယခု မွန်ဘိုင်းမြို့-MUMBAI) မှာ ထိုဝှိုက်ကတ်ရရှိထားသူများအား စတိတ်မှ ဆံစသော အစားအစားများကို ထောက်ပံ့တယ်။ ထိုသို့ထောက်ပံ့နိုင်ရန် ၀ှိုက်ကတ်ကို ထုတ်ေးပး ထားခြင်းဖြစ်တယ်။
မြန်မာနိုင်ငံလို နိုင်ငံများမှာတော့ – အခြားနိုင်ငံများမှ တရားမ၀င် ၀င်ရောက်လာသော နိုင်ငံခြားသား များနှင့် နိုင်ငံတွင်း၌ တရားမ၀င် အလုပ်လုပ်နေသော နိုင်ငံသားကတ် မရှိသူများအား နိုင်ငံတော် အာဏာပိုင် များမှ အကြောင်းအမျိုးမျိုးအတွက် ထုတ်ပေးထားခြင်းဖြစ်တယ်။ သို့သော် အမေရိကန်လိုနိုင်ငံမျိုး၌ ၀ှိုက်ကတ်ကိုင်ဆောင်ထားသူများသည် အလုပ်လုပ်ပြီး အခွန်မဆောင်သူများနှင့် ပြစ်မှုကျူးလွန်းသူများကိုမူ နိုင်ငံတော်မှ ထိုဝှိုက်ကတ်ကို ပြန်လည်ရုပ်သိမ်းကြတယ်။ ပြန်လည်းရုပ်သိမ်းခွင့်ရှိအောင်လည်း ဥပဒေဖြင့် ပြဋ္ဌာန်းသတ်မှတ်ပေးထားတာကို တွေ့ရှိရတယ်။ ထိုကြောင့် နိုင်ငံတစ်နိုင်ငံရဲ့ဥပဒေကို နေရာတကာတိုင်းမှာ လူ့အခွင့်ရေးပေတံနှင့်ချည်း တိုင်းတာ၍ မရနိုင်ကြောင်းကို ပြည်သူများအား သိထားစေခြင်းပါ။
အမေရိကန်နိုင်ငံမှာ အင်မီးဂရေးရှင်းရဲ့ (လူဝင်မှုကြီးကြပ်ရေးရဲ့) စည်းမျဉ်းစည်းကမ်းများနှင့်အညီ စာရွက်စာတမ်းများကို တင်ပြနိုင်သူများအား ဂရင်းကတ် (Green Card) လို့ခေါ်တဲ့ အမြဲနေထိုင်ခွင့်ကတ်ကို မရမီ ယာယီအလုပ်လုပ်ခွင့်ကတ်အဖြင့် ၀ှိုက်ကတ်ကို ထုတ်ပေးထားတာကို တွေ့ရတယ်။ ထိုကတ်ရဲ့ အရောင်ဟာ အဖြူရောင်ဖြစ်လို့ ၀ှိုက်ကတ်လို့ လူအများက သိထားကြခြင်းဖြစ်တယ်။
အမေရိကန်နိုင်ငံတွင် ထိုဝှိုက်ကတ်ကို ကိုင်ဆောင်ထားသူများသည် နိုင်ငံသားဖြစ်ခွင့်ရနိုင်ဖို့ သေခြာနေပြီလို့တော့ ပြောလို့မရပါ။ အဘယ့်ကြောင့်ဆိုသော် ထိုဝှိုက်ကတ်ရှိထားသူများထဲမှ နိုင်ငံတော်အား အခွန်မှန်မှန် ဆောင်သူများ၊ ပြစ်မှုမကျူးလွန်သူများကိုသာ ဂရင်းကတ်ကို ဆက်လက်ထုတ်ဝေပေးခြင်းဖြစ်လို့ပါ။ ထိုဂရင်းကတ်ရဲ့သက်တန်း (၅)နှစ်ပြည့်လာတဲ့အခါမှာ ထိုဂရင်းကတ်ကိုင်ဆောင်ထားသူများကို ရုံးတစ်ရုံးမှာ အင်တာဗျူးလုပ်၍ စစ်ဆေးမေးမြန်းခြင်းပါ။ လိုအပ်ချက်များ ပြည့်စုံစွာ တင်ပြနိုင်သူများကိုသာ ဂရင်းကတ်(green card) မှတစ်ဆင့် စီတီဇင်း (နိုင်ငံသားဖြစ်ခွင့်) အဖြစ်ကို ခံယူနိုင်တဲ့ အခွင့်ရေးကို ပေးအပ်လိုက်ခြင်းပါ။ သို့သော် ၀ှိုက်ကတ်ကို ကိုင်ဆောင်ထားသူများ၊ ဂရင်းကတ်ကို ကိုင်ဆောင်ထားသူများ မဲပေးခွင့်မရှိကြောင်းကို သိထားခဲ့ခြင်းပါ။
အမေရိကန်နိုင်ငံမှာ မြန်မာနိုင်ငံမှာလို စစ်ဆေးမခံတဲ့ ၀ှိုက်ကတ် ကိုင်ဆောင်ထားသူများကို ဘယ်သောအခါမှ ဂရင်းကတ် (ယာယီနိုင်ငံသားဖြစ်ခွင့်)နှင့် စီးတီးဇင်း (အမြဲနိုင်ငံသားဖြစ်ခွင့်) ဖြစ်ခွင့်ကို ဘယ်သောအခါမှ ပေးမည်မဟုတ်ပါ။ ထိုသို့ စစ်ဆေးမှုပြုလုပ်ရာမှာလည်း ပြစ်မှုကျူးလွန်မှုမရှိခြင်း၊ အခွန်ကို တာဝန်သ်ိစွာ ပေးဆောင်ခြင်း၊ တိုင်းပြည် အတွက် (တိုင်းပြည်မှ လိုအပ်လာလျှင်) စစ်မှုထမ်းဆောင် နိုင်ခြင်းစသော နိုင်ငံသားဖြစ်ခွင့်ရှိသော အရည်အချင်းရှိသူများကိုသာ နိုင်ငံသားဖြစ်ခွင့်ပေးပြီး၊ နောက်ဆုံး ကျမ်းသစ္စာကျိန်ဆိုမှုကိုလည်း ပြုကြရခြင်းပါ။ ဒီနေရာမှာ အရာရာတိုင်းကို လူ့အခွင့်ရေးပေတံနှင့် တိုင်းတာပြီး၊ ဇွတ်အတင်းကြီး ကျမ်းသစ္စာ ကျိန်ခိုင်းတာမျိုးဟာ လူ့အခွင့်ရေးကို ချိုးဖေါက်တာဖြစ်လို့ ဘာ-မတရားဘူး၊ ညာ-မတရားဘူးလို့ ပြောလို့မရပါ။ သူတို့နိုင်ငံ အတွက်ကတော့ ရှင်းတယ်။ နိုင်ငံတော်ကချမှတ်ထားတဲ့ စည်းမျဉ်းစည်းကမ်းများကို လိုက်နာနိုင်အောင်ကြိုးစား၊ မလိုက်နာနိုင်ဘူးဆိုရင်တော့ အချိန်မရွေး ကြိုက်ရာ နိုင်ငံကို သွားနိုင်တယ်ဆိုတဲ့သဘောပါ။
ဒီလောက်ဆိုရင် ပြည်သူများ ၀ှိုက်ကတ်ရဲ့သဘောကို သိနားလည်နိုင်လိမ့်မည်လို့ ထင်မြင်ယူဆ မိခြင်းပါ။ ဤသို့ဆ်ိုလျှင် ရခိုင်ပြည်သူတို့ရဲ့ ဆန္ဒထုတ်ဖေါ်မှုများသည် တိုင်းပြည်နှင့်လူမျိုးအတွက် မည်မျှ အရေးကြီးနေကြောင်း နားလည်နိုင်ကြဖို့ပါ။ နိုင်ငံဆိုတာ စည်းတစ်ခုဖြင့် အကန့်အသတ်ပြုပြီး သတ်မှတ်ထားတဲ့ နေရာမျိုးဖြစ်တယ်။ ထိုစည်းအတွင်းမှာ ဘိုးဘွားမိဘ အစဉ်အဆက်နေထိုင်လာခဲ့ပြီး ထိုနိုင်ငံအတွင်းမှာ မွေးဖွားလာသူများကို နိုင်ငံသားဟု နိုင်ငံတကာစံနှုန်းနှင့် သတ်မှတ်ထားကြခြင်းပါ။ (အချို့နေရာများ၌ ချွင်းချက်ထား၍ သတ်မှတ်ထားခြင်းမျိုးကိုလည်း တွေရခြင်းပါ။ ဥပမာ၊ ဂျပန်နိုင်ငံ၌ ထိုနိုင်ငံအတွင်းမှာ မွေးဖွားသော်လည်း ဘယ်သောအခါမှ နိုင်ငံသားဖြစ်ခွင့်မရှိပါ။) ထိုကြောင့် ရခိုင်ပြည်သူတို့ ဆင်နွဲနေသော ၀ှိုက်ကတ် အရေးတော်ပုံသည် နိုင်ငံတကာစံနှုန်းနှင့်အညီ ဆင်နွဲနေတာဖြစ်လို့ အကျိုးရှိနိုင်တဲ့ အရေးတော်ပုံ ကြီးတစ်ခု ဖြစ်လာနိုင်တယ်ဆိုတာကို ယုံကြည်ထားမိခြင်းပါ။ ချမ်းသာစွာ အိပ်စက်နိုင်ကြပါစေ။
(Photo Credit – http://www.mmfreedom-daily.com )
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
