ပေါက္ခရ၀ဿ မိုးစက်များ
ကျော်ဟုန်း
ဇန်န၀ါရီ ၁၂၊ ၂၀၁၄
ဒီကောင်းကင်ထက်မှာ
လေရိုင်းတွေ တိုက်နေတယ်။
ပျံနေတဲ့ ငှက်တွေထဲ
လေဆန်ငှက်က ရှား
လေဟုန်ခိုစီးငှက်က များ။
အဇလ္လာတခွင်လုံး မှိုင်းညို့
ပြိုဆင်းလာတဲ့ မိုးစက်များဟာ
မိုးခါးရေ …။
မိုးခါးရေဆိုပြီး
သောက်သူမဲ့မယ် မထင်လေနဲ့ ၊
အခါးဟာ ဆေးဖက်ဝင်တယ်ဆိုပြီး
သောက်သူက မရှား၊
(ဟိုက်… အံ့သြနေပါသလား) ။
ဒို့ ဒေသဆီမှာတော့ ..…
လူ့ အခွင့်အရေးအော်ပြီး
သူ့ အခွင့်အရေးချည်း ဖြစ်နေ
လက်လက်ထနေတဲ့သူတွေ ရှိတယ်။
အမျိုးသမီးအခွင့်အရေးတဲ့
ဖိုရပ်တွေလုပ်၊ စည်းဝေးပွဲတွေလုပ်
တောင်းဆိုတင်ပြနေတဲ့ အများစု
ဖို-မ ပြဿနာတွေချည်း ဖြစ်ဖြစ်နေ
ကျုပ်နဲ့ စိတ်နဲ့ ညစ်တယ်ဗျို့ …။
နိုင်/ကျဉ်း ကူညီနေသူတွေကို
နိုင်/ကျဉ်း တချို့ က တရားစွဲမတဲ့၊
နိုင်/ကျဉ်း မှတ်တမ်းဟာ
သမိုင်းလား၊ ၀မ်းစာလား၊
“သမတကြီး သဘောကောင်းပြီး
နိုင်/ကျဉ်းတွေ အကုန် မလွှတ်ပါစေနဲ့ ”လို့ 
(ဘုရား… ဘုရား …)
ဆုတောင်းမှားကြသူတွေ မရှိဖို့ 
ဆုတောင်းမိပါရဲ့။
စည်းကမ်းပြည့် ဒီမိုနိုင်ငံတော်သစ်ကြီးမှာ
ပုဒ်မ (၁၈) သားကောင်တွေလဲ
ချုပ်လိုက်-လွှတ်လိုက် ကစားကွင်းမှာ ရှိဆဲ။
ငြိမ်းချမ်းရေးဖော်ဆောင်နေသူ (အီး-ဂရက်) အဖွဲ့ လဲ
တိုင်းပြည်တော့ မငြိမ်းချမ်းသေး
သူတို့ နဲ့ သူ့ မိသားစုတွေကတော့
နောက် ဆယ်သက်မက ငြိမ်းချမ်း
စိုလို့ ပြေလို့  ၀မ်းစာပြည့်။
ဟိုဘက် ဒီဘက် ကြည့်လိုက်
ဒီခေတ်နဲ့ ဒီလူတွေ ပနံသင့်
လိုက်ပ … မိုက်သဟ။
ပေါက္ခရ၀ဿမိုးတဲ့…
စိုခွင့်ရှိသူသာ စိုစေသတဲ့…
ဟိုတုန်းက ဒဏ္ဍာရီထင်
ခုတော့ ( … … … ) ။ ။