ရန်လင်းအောင်
ဒီဇင်ဘာ ၂၇၊ ၂၀၁၃
သေနေ့တွေကို မေ့ပစ်ချင်လို့
မွေးနေ့တွေကို မြတ်မြတ်နိူးနိူး ပွေ့ပိုက်နေတာမျိုးလား ? ? ?
သေနေ့တွေကို တုန်လှုပ်ရမှာစိုးလို့ မွေးနေ့တွေကို
ဂုဏ်လုပ်နေရတာမျိုးလား ? ? ?
ဒီနှစ် ဒီလ ဒီရက်ပိုင်းလေးအတွင်း သေနိုင်မသေနိူင်
မတွေးတောမိပေမဲ့
မွေးနေ့လုပ်ဖို့တော့ သူသူကိုယ်ကိုယ်စိတ်ကူးမိကြမှာပါပဲ ၊
မွေးနေ့တွေ ၀င်ဝင်ပူးခိုင်းလို့ ဘ၀ဟာ နတ်ကတော်လို
ကခုန်မြူးတူးပြီး သေနေ့တွေဆီ ပျော်ပျော်ကြီးသွားချင်နေတာနဲ့
တူမနေဘူးလား ?
မွေးနေ့တွေပေါ် ဘယ်လိုစိတ်ထားမွေးရပါ့ ! ! !
စိတ်ထားတစ်ခုခုနဲ့ ခုခံလို့ ၊ စိတ်ထားတစ်ခုနဲ့ ခုခုပြီး တက်နိူင်ဖို့ ၊
မွေးနေ့တွေ ပိုကောင်းစေဖို့ပေါ့ ။
မွေးနေ့တွေကို
သေနေ့ အကြိုလုပ်သွားတဲ့ ရိုးရိုးကြီး ဦးဇေယျ ကို သတိရမိပေါ့ ၊
“ အယမန္တိမာဇာတိ၊ နတ္ထိဒါနိ ပုနဗ္ဘဝေါ “ တိ
ဘုရားအစရှိတဲ့ အရိယာသူတော်ကောင်းကြီးတွေကတော့
နောက်ဆုံးမွေးနေ့ဆီ ဆိုက်ရောက်ပြီးသကာလ နိဗ္ဗာန်စခန်းထိ
လမ်းပေါက်ခဲ့ကြပြီ ။
ငါတို့မှာသာ
မွေးနေ့လက်ဆောင်တွေ တပုံကြီး ပေးလိုက်ကြ ယူလိုက်ကြနဲ့ ၊
မွေးနေ့တွေ တပြုံကြီး ထမ်းလိုက်ကြ ပိုးလိုက်ကြနဲ့
သေနေ့တွေလည်း တလှေကြီးနေမှာပါပဲလေ ။
သေနေ့တွေဟာ သူ့တံခါးကို စေ့ရုံလေးစေ့ထားတာပါလားလို့
တွေးတွေးမိတော့ . . . . . . . . . . . . . . . .
တွေးတွေးရင်းနဲ့
မွေးနေ့တစ်ခုရောက်တိုင်း ထိတ်ထိတ်ပျာပျာ ဖြစ်လားဖြစ်မိရဲ့ 
မွေးနေ့တစ်ခုကြုံတိုင်း ကတုန်ကရင် ဖြစ်လားဖြစ်မိရဲ့ ၊
ဒေသနာတော် အရပြောရရင်
ဝင်လေ အနိစ္စ ၊ ထွက်လေ အနိစ္စ
ထိ အနိစ္စ ၊ သိ အနိစ္စ တဲ့
ဘာအခမ်းအနားမှမပါ
ဘာအဆန်းအပြားမှမပါ
အတ္တမှ ခမ်းခြောက်နေတာတဲ့ ! ဒီဥာဏ်မှာနားဖို့ပဲ
ငါ ငါ့ ဥစ္စာမှ ခမ်းခြောက်နေတာတဲ့ ! ဒီဥာဏ်မှာနားဖို့ပဲ
ဘယ်သူ့ မွေးနေ့ တွေ့ရသေးလဲ
ဘယ်သူ့ သေနေ့ တွေ့ရသေးလဲ ၊
ဆိုတော့
ငါတို့ကရော
ဘာတွေခမ်းခြောက်ပြီး ၊ ဘာတွေလန်းဆန်းပြီး
ဘယ်သောင်ဘယ်ကမ်းရယ်လို့
နားကြရရဲ့ လား . . . ?. . . . . . . . . ။
၃၆ – နှစ်ပြည့်မွေးနေ့သို့
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
