သူတို့အာဘော်

မြန်မာပြည်တွင်းက ပြုပြင်ပြောင်းလဲရေးသမား ဦးသိန်းစိန်၊ တိုင်းပြည်ကို တကယ်ပြောင်းလဲနိုင်မလား

ကိုယဉ်
ဇန်န၀ါရီ ၁၈၊ ၂၀၁၃
ယခုအခါ မြန်မာအပေါ် နိုင်ငံတကာ၏ ပိတ်ဆို့မှုများလည်း ရုပ်သိမ်း ခဲ့ပြီးနောက် အနောက်တိုင်းစီးပွားရေးလုပ်ငန်းများ သည်လည်း ကမ္ဘာ၏ အသစ်လွင်ဆုံး စီးပွားရေးမျက်နှာစာ ဖြစ်သည့် မြန်မာသို့ အပြေးအလွှား ဝင်လာနေကြသည်။

ဤပြဇာတ်ဆန်သည့် နိုင်ငံရေး ရာသီဥတု အပြောင်းအလဲမှာ တစ်ခါက တိုင်းပြည်ကို အုပ်စိုးခဲ့သော စစ်အစိုးရအတွင်းမှ ထွက်ပေါ်လာသော ပြုပြင်ပြောင်းလဲမှုများကြောင့် ဖြစ်ပြီး၊ ယင်းပြုပြင် ပြောင်းလဲရေးသမားများထဲမှ ခေါင်းဆောင်မှာ သမ္မတ ဦးသိန်းစိန်ပင် ဖြစ်တော့သည်။

အသားဖြူရော်ရော်၊ နဖူးပြောင်နှင့် မြန်မာ၏ ဂေါ်ဘာချက်ဗ် ဖြစ်သည့် ဦးသိန်းစိန်သည် ယခုအပတ် တိုင်းမ်မဂ္ဂဇင်း၏အထူးပြုဖေါ်ပြရာ လူ ပုဂ္ဂိုလ်တစ်ဦးလည်း ဖြစ်လာခဲ့သည်။ ရုရှားကား ၎င်း၏ ဒီမိုကရေစီသို့ သွားရာလမ်း၌ နှောင့်နှေးချိန်တွင်“ဘားမား” ဟု လူသိများသော မြန်မာသည်ကား ရုရှားနှင့်မတူ ကွဲပြားခြားနားသော ဒီမိုကရေစီလမ်းကို လျှောက်လှမ်းနိုင်ခွင့် ရှိနေသည်။

ဦးသိန်းစိန်သည် တစ်ခါက သြဇာကြီးသော ဒေါ်အောင်ဆန်း စုကြည် အပါအ၀င် စစ်အစိုးရ၏ အညှာအတာကင်းမဲ့စွာ ခြောက်လှန့်ခြင်း ခံခဲ့ရသော မြန်မာ့အတိုက်အခံများကို စိတ်ဒေါသပြေစေခဲ့သည်။ ပြီးခဲ့သည့် စက်တင်ဘာက နယူးယောက်မြို့တွင်ပြုလုပ်သော ကုလသမဂ္ဂအထွေထွေ ညီလာခံ၌ မိန့်ခွန်း ပြောရာတွင်လည်း သူက ၎င်းကိုယ်တိုင် ပါဝင်ခဲ့ဖူးသော စစ်အစိုးရ၏အဏာရှင်ဆန်သည့် သဘော သဘာဝကို အသိအမှတ်ပြုဖေါ်ပြခဲ့ပြီး၊ ဒီမိုကရေစီရေး ကြိုးပမ်းအားထုတ်မှုများအတွက် သူမ၏ကြိုးပမ်းအားထုတ်မှုများကြောင့် အမေရိကန်တွင် ဆုများ လက်ခံရရှိခြင်းအတွက် လည်း ဒေါ်စုကို ချီးကျူးဂုဏ်ပြုခဲ့သည်။

အောင်ဆန်းစုကြည်စတင် ကျော်ကြားလာခဲ့သည့် ၁၉၈၈ ဒီမိုကရေစီရေး လှုပ်ရှားမှု ကြီးကို စစ်ဗိုလ်ချုပ် များက ကြမ်းတမ်းစွာဖြိုခွဲခဲ့ပြီး၊ ဆန္ဒပြ သူရာနှင့်ချီ သတ်ဖြတ်မှုများ ဖြစ်ပြီးနောက်ကျာင်းသားများ၊ ဘုန်းတော်ကြီးများ လည်း အိမ်နီးချင်းနိုင်ငံများသို့ ထွက်ပြေးခဲ့ကြရသည်။ ၎င်းနှင့် လုပ်ဖေါ်ကိုင်ဖက်ဗိုလ်ချုပ်များက တက်ကြွလှုပ်ရှားသူနိုင်ငံရေးသမားများကိုထောင်ချနေစဉ် ဦးသိန်းစိန်ကတော့ တချို့ကို တိတ်တဆိတ်ပင်ပြန်လွှတ်ပေးခဲ့သည်။ “ဦးသိန်းစိန်ဟာ လူတော်တစ်ဦး မဟုတ်ပေမယ့် ရိုးသားသူ တစ်ဦးပါ။ သူဟာ နိုင်ငံရေးသမား မဟုတ်ဘဲတိုင်းပြည်ပြု ခေါင်းဆောင် statemanဖြစ်ပါတယ်” ဟုယခင်မြန်မာ့ရေတပ် အကြီးအကဲဟောင်း၊ ယခုအခါ သမ္မတရုံး၏ပြုပြင်ပြောင်းလဲရေးသမား ဝန်ကြီးတစ်ဦးဖြစ်နေသူ ဦးစိုးသိန်းကပြောကြားသည်။

တစ်ခါက ကြောက်စရာကောင်းသော အစိုးရတစ်ရပ်သည်တိုင်းပြည်ကို ၂၀၀၈တွင်နာဂစ်မုန်တိုင်းက ပြင်းထန်စွာ တိုက်ခတ်ခဲ့ပြီးနောက် စတင်အသွင်ပြောင်းလဲခဲ့သည်။ အစိုးရ၏ မုန်တိုင်းအပေါ်တုံ့ပြန် ဆောင်ရွက်မှုကို ဝေဖန်ခဲ့သော မြန်မာများမှာ ထောင်ဒဏ်ကျခံခဲ့ရသည်။ မုန်တိုင်းသင့်သည့် ထိုနယ်စွန်နယ်ဖျားက ရွာများသို့ ပြည်တွင်းနှင့် ပြည်ပမှ အထောက်အပံ့များ စတင်ရောက်ရှိချိန်တွင် နောက်ထပ် လူလုပ် အကျပ်အတည်းတစ်ရပ်က တားမြစ်ခဲ့သည်။ သို့ပေမယ့် အစိုးရအပြောင်းအလဲကို ဆန့်ကျင်သော၊ ဒေါ်လာဘီလီယံနှင့်ချီ အကုန်ခံ တည်ဆောက်ထားသော မြို့တော်သစ်နေပြည်တော်၌ပင် ဗိုလ်ချုပ်ကြီးများ၏မုသားထဲ၌ပင် မြန်မာကို အုပ်စိုးထားသူများသည် အခြေအနေကရွေ့လျားပြောင်းလဲလာနေပြီ ဖြစ်ကြောင်း ခံစားမိလာခဲ့ကြသည်။

ယခုအခါ အသက် ၈၀ အရွယ်တန်းထဲရောက်နေသော စစ်အစိုးရခေါင်းဆာင် ဗိုလ်ချုပ်မှူးကြီး သန်းရွှေသည်လည်း ၎င်း၏ ဂုဏ်သတင်း အမွေအနှစ်အတွက် ကျိန်းသေစိုးရိမ်ခဲ့မည်ဖြစ်သည်။ယခင် စစ်အစိုးရ၏ ခေါင်းဆောင်များမှာလည်း အငြိမ်းစားယူကာအနားယူသွားခဲ့ပြီ။ ဦးသိန်းစိန်၏ လက်ထောက်တစ်ဦးကလည်း“ဗိုလ်ချုပ်မှူးကြီးက သူ့နောက် ဆုံး နှစ်ကာလတွေကို နေအိမ်အကျယ်ချူပ်နဲ့ မကုန်ဆုံးချင်ဘူး။ သူက သူ့ကို ဂုဏ်သိက္ခာရှိရှိပျောက်ကွယ်စေဖို့ ဦးသိန်းစိန်က ကတိ ပေးထားတာကိုလည်း ယုံကြည်စိတ်ချခဲ့ပါတယ်”ဟု ပြောကြားသည်။ ဦးသိန်းစိန်ကလည်းသူနှင့် သူ၏ အထက် လူကြီးဟောင်းသည် ပုံမှန်စကားပြော ဖြစ်ခြင်းမရှိကြောင်း တိုင်းမ်သို့ ပြောကြားခဲ့သည်။

၎င်း၏အာဏာပိုင်ဆိုင်ထားမှုအပေါ် ချီးမွမ်းမှုအာလုံး စုပုံထားမှုအတွက်ကြောင့် သမ္မတဦးသိန်းစိန်နှင့် မျက်နှာသစ် တိုင်းပြည်သစ် ဖြစ်နေသောမြန်မာမှာ ထည့်သွင်းစဉ်းစားဖွယ်ရာ အခက်အခဲများ ကြုံနေရသည်။အကယ်၍၎င်းသည် လက်ရှိအချိန်၏ လုံးဝလိုအပ် လျက်ရှိနေသော သူသာ ဖြစ်ခဲ့ပါမူ အောင်မြင်မှုမှာ အရေးတကြီးဆွေးနွေးစရာ ကိစ္စဖြစ်သည်။ သူသည် သူ့နှလုံးသားအတွက် ငြိမ်းချမ်းရေးသမားအသွင် ၀တ်စုံ ၀တ်ဆင်ထားသည်။ သမိုင်းက အပြောင်းအလဲကာလ ပုဂ္ဂိုလ်တစ်ဦးအဖြစ် ဒီဇိုင်းဆင်ထားသော သူတစ်ဦး ဖြစ်နေသောသူသည် ကိုယ်တိုင်၏ အပြောင်းအလဲကို လက်ခံနိုင်လိမ့်မည်မဟုတ်သည့် အန္တရာယ်လည်း ရှိနေပါသည်။

အကယ်၍ မြန်မာသည် စစ်မှန်သောနိုင်ငံတကာ ထောက်ခံမှုကိုလိုချင်ပါက ဥပဒေသစ်များက ကတိပြုမှုနှင့် ထိုဥပဒေများက ယခုအထိပြဋ္ဌာန်းနေသောအရာတို့ ကြားကကွက်လပ် အပါအဝင် ကျိုးပျက်နေသော စီးပွားရေးကိုလည်း ပြန်လည် မ,တင်နိုင်ရပါမည်။ မြန်မာတွင် နိုင်ငံခြားရင်းနှီးမြုပ်နှံမှုမှာ ၂၀၁၁ ကနှင့် နှိုင်းယှဉ်လျှင် ၂၀၁၂၏ ပထမကိုးလတာအတွင်း အမှန်တကယ် ကျဆင်းခဲ့သည်။ အစိုးရ၏ ခရိုနီများမှာ နိုင်ငံ၏ သဘာဝသံယံဇာတများကို ပျော်ပျော်ကြီးယူနေဆဲ၊ မြေယာများနှင့် လက်သိပ်ထိုးကန် ထရိုက်များကို သိမ်းပိုက်မိနေဆဲဖြစ်သည်။ လဘ်စားမှုပမာဏမှာ ကပ်ရောဂါဆိုးသဖွယ် ဖြစ်နေသည်။ ပြီးခဲ့သည့် နိုဝင်ဘာတွင်လူဆိုးများက တရုတ်လက်နက် ထုတ်လုပ်ရေး ကုမ္ပဏီ တစ်ခုနှင့်ဆက်နွယ်နေသော ကြေးနီမိုင်းတစ်ခုအား ဗုဒ္ဒဘာသာသံဃာတော်များကဦးဆောင်ဆန္ဒပြနေမှုကို ဖြိုခွဲခဲ့သည်။ ဤပုံစံမှာ စစ်အစိုးရ ခေတ်ကာလကလုပ်နေကျ အကြမ်းဖက်နည်းနာပင် ဖြစ်သည်း။ (အစိုးရသည်နောက်ပိုင်းတွင် ဖြိုခွဲခံရမှု၌ မီးလောင် ဒဏ်ရာရခဲ့သော ဆန္ဒပြသူသံဃာများကို ပြန်လည်တောင်းပန်ခဲ့သည်။)

မြန်မာအတွက် အရေးအပါဆုံးနှင့် ရှင်သန်ဖြစ်တည်နေမှု အရှိဆုံးစိန်ခေါ်မှုကား လူမျိုးစုများကြား အက်ကြောင်းပင် ဖြစ်ကောင်းဖြစ်နိုင်သည်။
ယင်းကိစ္စမှာ ကိုလိနီခေတ် မြေပုံများပေါ် ဆွဲခဲ့သော မျဉ်းများထက်ပင်အတူတကွ စုစည်းမှုနည်းလှသည့် နိုင်ငံတစ်ခုကို ခွဲခြမ်းထားစေနိုင်သည်။ဆယ်စုနှစ်များစွာ တိုက်ခိုက်မှုနှင့် လူမျိုးစု အချင်းချင်း မယုံကြည်ရမှုတို့ကမြန်မာတွင် လူပေါင်းတစ်သန်းကျော်ကို နိုင်ငံမဲ့ သို့မဟုတ် နေရာ ရွှေပြောင်းနေထိုင် ရသောသူများ ဖြစ်စေခဲ့သည်။

ယင်းမှ အပြင်းထန်ဆုံးဒေသမှာ နိုင်ငံအနောက်ပိုင်း ရခိုင်ပြည်နယ်ဖြစ်ပြီး၊ထိုဒေသတွင် ဗုဒ္ဒဘာသာ ရခိုင်များနှင့် ရိုဟင်ဂျာဟုခေါ်သော နိုင်ငံမဲ့မူဆလင်များ ရှိနေသည်။ ယခင်နှစ် ဇွန်လမှစ၍ ရခိုင်များနှင့် မူဆလင်များကြား ပဋိပက္ခများကြောင့် ပြည်နယ်တစ်လျှောက် အနည်းဆုံး လူပေါင်း ၁၀၀ကျော်သေဆုံးခဲ့ရပြီး ဖြစ်သည်။ လူထောင်ပေါင်းများစွာ အိုးအိမ်မဲ့ခဲ့ရပြီးဖြစ်သည်။

မြန်မာကို ၁၉၆၂တွင် အရပ်ဘက်အစိုးရထံမှ အာဏာသိမ်းယူကာထိန်းချုပ်ခဲ့သော ဗိုလ်ချုပ်များသည် သူတို့၏အုပ်စိုးမှုကို ဒုက္ခအများကြီးတွေ့အောင် မလုပ်ခဲ့ကြပါ။ သို့သော် စစ်အစိုးရအနေဖြင့် ပိုင်ဆိုင်ခဲ့သမျှဂုဏ်သတင်း အမွေအနှစ်မှာ ဤကွဲပြားခြားနားမှုစုံသော တိုင်းပြည်မှခွဲထွက်လိုသော အင်အားစုများကို တားမြစ်ထားနိုင်စွမ်းမှသာ လာပါသည်။ ဗြိတ်သျှကိုလိုနီလက်အောက်မှ လွတ်မြောက်လာပြီးနောက် မြန်မာမှာတရားဝင် အသိအမှတ်ပြုထားသော တိုငးရင်းသားလူမျိုးစု ၁၃၅ မျိုးဖြင့်အဆင်အသွေးစုံ တိုင်းပြည်တစ်ခု ဖြစ်ခဲ့သည်။ (ရိုဟင်ဂျာများမှာမူ ထိုကဲ့သို့ တရားဝင် လူမျိုးအဖြစ် အသိအမှတ်ပြုမခံခဲ့ရပေ။)

အာဏာရလာပြီးကတည်းကပင် ဦးသိန်းစိန်၏ အစိုးရသည်အဓိက တိုင်းရင်းသားလက်နက် ကိုင်အဖွဲ့အစည်း ၁၀စုနှင့် အပစ်အခတ်ရပ်စဲရေး လက်မှတ်ရေးထိုးခဲ့ပြီး ဖြစ်သည်။ ၎င်းအဖွဲ့များမှာ ကိုယ်ပိုင်အုပ်ချုပ်ခွင့်အတွက် တိုက်ပွဲဝင်နေကြသော အဖွဲ့များဖြစ်သည်။ တစ်ခုထဲသောတိုက်ပွဲဝင်နေဆဲတိုင်းရင်းသား အဖွဲ့ဖြစ်သည့် ကချင်လွတ်မြောက်ရေးတပ်မတော် (ကေအိုင်အေ)သာ စစ်တိုက်နေဆဲ ဖြစ်သည်။

ကချင်ဒေသများတွင် ၂၀၁၁ ဇွန်မှစ၍ တိုက်ပွဲများဖြစ်ပွားခဲ့ရာ လူရာပေါင်းများစွာသေဆုံးပြီး၊ လူ ၁၀၀,၀၀၀ (တစ်သိန်း)ခန့် နေရာရွေ့ပြောင်း နေထိုင်ခဲ့ရကာ အများစုမှာ နိုင်ငံတကာ၏ ကူညီထောက်ပံ့မှုမရကြပါ။ မကြာသေးမီ ရက်ပိုင်းအတွင်းကမူ မြန်မာစစ်တပ်သည် ကချင်တွင်လေကြောင်း တိုက်ခိုက်မှုများ ပြုလုပ်ခဲ့သည်။

ဦးသိန်းစိန်က နောက်ထပ်ပြုပြင်ပြောင်းလဲရေးများ လုပ်ဆောင်ခြင်းသည်မြန်မာ၏ တိုင်းရင်းသား လူမျိုးစုဆိုင်ရာ ပြဿနာကို ဖြေရှင်းရေးသော့ချက်ပင် ဖြစ်သည်ဟု ပြောကြားသည်။

ယခင်က ဗိုလ်မှူးချုပ်ဟောင်းတစ်ဦးဖြစ်ပြီး၊ ယခုအခါ တိုင်းရင်းသားရေးရာကိစ္စများ ကိုင်တွယ် နေသော ၀န်ကြီးဦးအောင်မင်းကလည်း“ဒါဟာ ဒီမိုကရေစီ အစိုးရတစ်ရပ်နဲ့မှသာ ငြိမ်းချမ်းရေး တည်တံ့အောင်ကျနော်တို့ လုပ်နိုင်မှာပါ”ဟု ပြောကြားသည်။ ၎င်းက လူနည်းစုလူမျိုးများ အတွက် အာဏာခွဲဝေရေး အစ်ီအစဉ်များအကြောင်း ဆွေးနွေးနေသည်။

လူနည်းစု တိုင်းရင်းသားများမှ အများစုမှာ သံယံဇာတကြွယ်ဝသောနေရာများတွင် နေထိုင်နေကြ ပြီး ၎င်းတို့အနေဖြင့် ခေါင်းပုံဖြတ်ခံနေရသည်ဟု မခံစားမိစေ ရန် အာမခံဖို့ လိုသည့် အစီအစဉ်များ အကြောင်းပြောနေပါသည်။ ဦးအောင်မင်းက “သမ္မတကြီးက ကိစ္စတွေ အများကြီးကိုလုပ်ချင်တဲ့ ဆန္ဒ ရှိနေပါတယ်။ သူက စစ်တပ်ကို သုံးတယ်ဆိုတာ ပဋ်ိပက္ခကို ဖြေရှင်းဖို့ နောက်ဆုံးနေရာမှာသာ ဖြစ်သင့်တယ်လို့ နားလည်ထားပါ တယ်”ဟု ပြောကြားသည်။

တစ်ခါတစ်လေတွင်တော့ ပြုပြင်ပြောင်းလဲရေးသမားများသည်သာဆက်သွားနေဖို့  ဆန္ဒရှိပုံပေါ်ကြသည်။ မြန်မာစစ်တပ်၏ ကချင်ကို ဗုံးကြဲ
တိုက်ခိုက်မှုက လက်နက်ကိုင်တပ်ဖွဲ့များနှင့် ငြိမ်းချမ်းရေး ရယူမည်ဟုပြောထားသည့် ဦးသိန်းစိန်၏ ကြုံးဝါးမှုကို ဖျက်ဆီးနေသည်။

ဤအတွင်း ၎င်း၏ ရခိုင်အရေးကိစ္စအပေါ် တုံ့ပြန်မှုသည်လည်း မဆိုသလာက်သာ အကောာင်းဆုံးဖြစ်ခဲ့ရသည်။ ပထမတွင် ၎င်းသည်ရိုဟင် ဂျာများကို ဘင်္ဂလားဒေ့ရ်ှသို့ ပြန်ပို့သင့်ကြောင်း ညွှန်ပြတော့မည့်ပုံပေါ်သည်။ ရိုဟင်ဂျာဆိုသူများမှာ ဘင်္ဂါလီရွှေ့ပြောင်းဝင် ရောက်လာ သူများသာ ဖြစ်ကြောင်းငြင်းဆိုထားသည်။ (ဘင်္ဂလားဒေရ်ှမှာ ရိုဟင်ဂျာဒုက္ခ သည်ပေါင်း သောင်းဂဏန်းကျော်ကို လက်ခံထားရှိပေးထားပြီး၊ နောက်ထပ်လူများကို လက်ခံရန် ငြင်းဆိုထားခဲ့သည်။)

တိုင်းမ်မဂ္ဂဇင်းနှင့် ပြုလုပ်သည့် အင်တာဗျူးတွင် ဦးသိန်းစိန် စိတ်တိုသွားသည့်ပုံ ပေါ်သည့် တစ်ခုထဲသော အချိန်မှာ တိုင်းမ်က ၎င်းကိုရို ဟင်ဂျာ များ၏ ကံကြမ္မာနှင့် ပတ်သက်၍ ဖိမေးသော အချိန်ဖြစ်သည်။
သူက “နောက်ထပ်မေးခွန်း ဆက်မေးပါ” ဟု ပြောကြားခဲ့သည်။

Ref: The Regine’s Inner Reformist : Can Thein Sein Change Burma. / Time/

ယခုဆောင်းပါးကို မူရင်း ရေးသားသူ ဟန်နာဘိခ်ျ Hanna Beech မှာ တိုင်းမ်မဂ္ဂဇင်း၏ အရှေ့အာရှရေးရာ သတင်းထောက်နှင့် ဘေဂျင်း အခြေစိုက် တိုင်းမ်၏ တရုတ်ဗြူရို အကြီးအကဲ အဖြစ် တာဝန်ယူဆောင်ရွက်နေသူ ဖြစ်သည်။

ဆောင်းပါး မူရင်းနေရာ


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts

2 thoughts on “မြန်မာပြည်တွင်းက ပြုပြင်ပြောင်းလဲရေးသမား ဦးသိန်းစိန်၊ တိုင်းပြည်ကို တကယ်ပြောင်းလဲနိုင်မလား
  1. I don’t want to say he’s good leader for burma but he’s better than U Nay Win , U khin Nyut and U Than Shwe…who know inside of his heart…

Comments are closed.