သရော်စာ

၂၀၁၂ အတွက် အိပ်ရာဝင်ပုံပြင်များ (Joker TheGeek)

၂၀၁၂ အတွက် အိပ်ရာဝင်ပုံပြင်များ

ပျော်တော်ဆက်သာဂိ၊ ဒီဇင်ဘာ ၂၈၊ ၂၀၁၂

အယ်ဒီတာခင်ဗျား …

            “သရော်စာလေးတွေ လုပ်စမ်းပါဦး” ဆိုပေမယ့် ရေးရတဲ့သူက ရင်ဘတ်ကြီးနဲ့ ရင်းပြီး ရေးရတာဆိုတော့ တပုဒ်ရေးတိုင်း ရင်တခါ နာရပါတယ်။ ဟိုးတုန်းက ကိုဇာဂနာကို တိုင်တည်ပြီး ရေးတယ်ဆိုတာက သူက ထောင်ထဲမှာဆိုတော့ ကိုယ့်က အပြင်ကနေ လွတ်လွတ်လပ်လပ် ရေးလို့ ကောင်းတာပေါ့။ နောက်ပြီး အဲသည်တုန်းကလည်း ၂၀၁၀ ရွေးကောက်ပွဲဆန့်ကျင်ရေး တိုက်ပွဲတွေ ပြင်းထန်တုန်းကိုးလေ။ သာဂိတုို့က မလိမ်မိုး မလိမ်မာလေးတွေ မိုက်တွင်းနက်လို့ ကောင်းတုန်းမို့လား။ နောက်တော့ ကိုဇာဂနာက ထောင်ထဲကနေ (I Vote) ဆိုတဲ့ ဒီဇိုင်း လုပ်လွှတ်လိုက်တယ်လည်း ဆိုရော သာဂိတို့ ရင်ကျိုးတာပေါ့ဗျာ။ ဂျွတ်ဆိုပြီးတော့။ အဲသည်ထဲက စာမရေးဖြစ်တာပါ။ လှည်းတန်းထိပ်လမ်းဆုံ၊ တက္ကသိုလ်ရိပ်သာလမ်းပေါ်က ကောက်ရခဲ့တဲ့ ဗူးစေ့လေးတွေ စုပြီးတော့ ဗူးပင်စိုက်၊ ဗူးစင်ထိုးပြီးတော့ ပျော်တော်ဆက်သာဂိလည်း စာရေးသားခြင်းကနေ အနားယူခဲ့တယ်ပဲ ဆိုကြပါစို့ အယ်ဒီတာမင်းရယ်။

            ၂၀၁၀ တုန်းက စိုက်ခဲ့တဲ့ ဗူးပင်ကြီးလည်း ဗူးစင်ပေါ်မှာ ကြီးလှပြီပေါ့ဗျာ။ ဗူးသီးတွေကတော့ ၂၀၁၁ မှာ အကင်းလေးတွေ သီးသော်လည်း ၂၀၁၂ မှာ အကင်းတဖြိုက်ဖြိုက်ဖြစ်ကုန်တော့ ဗူးရွက်တွေပဲ ပြုတ်လိုက် သုတ်လိုက် အိမ်နီးချင်းတွေ ဝေလိုက်၊ အလှူပွဲ ရန်ပုံငွေပွဲတွေမှာ ဗူးသီးကြော် ရောင်းပြီး ငွေရှာချင်သော်လည်း ခါခြင်ကောင်လေး မောင်သာဂိခင်မျာ ခါးက မသန်လို့ ဆိုရမှာပေါ့။

            အခု ၂၀၁၂ နှစ်ကုန်မှာ ပျော်တော်ဆက်သာဂိကုို ပျော်တော်ဆက်ခိုင်းပြန်တော့လည်း အယ်ဒီတာမင်းများရဲ့ အမိန့်သြဇာကို မလွန်ဆန်နိုင်တာလည်း ပါရဲ့။ နောက်တချက်က အခု လွှတ်ပျော်တဲ့ လွှတ်တော်ကြီးမှာ ပျော်တော်ဆက်တွေကို လိုင်စင်ချပေးတော့မယ်ဆိုလား သတင်းသဲ့သဲ့ကြားမိလေတော့ သည်တခေါက်တော့ တသက်လုံး မှောင်ရိပ်ခိုပြီး လုပ်စားလာတဲ့ ပျော်တော်ဆက်ယူဂျီဘ၀ကနေ အလင်းရောင်အောက်ရောက် တရားဝင်ဖောက်သည်ရှာနိုင်တဲ့ ကလောင်ရှင်ကလေး ဖြစ်ဖို့ အကြောင်းကလည်း မက်လောက်စရာကိုး အယ်ဒီတာဆရာသမားတုို့ရယ့်။

            ဒီမိုကရေစီလမ်းကြောင်းပေါ်ရောက်ဖို့ အာဏာရှင်တွေ၊ အလိုတော်ရိတွေ၊ ခရိုနီတွေ၊ အပါးခိုတွေ၊ သာကူးတွေကို နွားကပ်များကဲ့သို့ နဖားကြိုးထိုး၊ အတင်းဆွဲပြီး ခေါ်ဖို့၊ တွန်းဖို့ လိုတယ်လို့ ဆရာသမားတွေက ပြောနေ ဆိုနေတာ ကြားနေရတော့လည်း သာဂိတကောင်လည်း သည်ဆွမ်းကြီးလောင်းပွဲမှာ ၀င်နွှဲဖို့ ကြိမ်စကြ်ာကလောင်တုံးကို ပြန်လည် ကိုင်စွဲမိတယ်ပဲ ဆိုကြပါစို့ ခင်ဗျား။

            ခင်ဗျားတို့ အယ်ဒီတာမင်းတွေက သူတို့ မိုးမခဂျီးကို ဇရပ်ကြီးလိုမျိူး နှိုင်းပါတယ်။ ပြီးတော့ စေတနာ့ဝန်ထမ်း ၀ိုင်းတော်သားတွေကိုတော့ နွားကျောင်းသားတွေလို့ ချီးမြောက်ပါတယ်။ သည်တော့ ကျောင်းရတဲ့ နွားတွေဆိုတာကလည်း အရေခွံထူတဲ့သူတွေဆိုတော့ ဒီမုိုကရေစီကိုသွားတဲ့ ခရီးကြမ်းမှာ အရေခွံပါးသူများကတော့ ပျော်တော်ဆက်သာဂိစာကို အရေးတယူ ဖတ်ကြမှာ မဟုတ်ဘူးလို့ ယူဆတဲ့အတွက် ဇရပ်ပေါ်က အခန့်သား စတိုင်ထွားသူ နွားကျောင်းသားသာဂိရဲ့ လောက်လေးသံ၊ ကြိမ်ဝင့်သံတွေဟာ အရေခွံထူသူတွေအတွက်ပဲ ရည်ရွယ်တာမို့ လိပ်ပြာသန့်သန့်လေးနဲ့ ဖတ်ရှုအားပေးကြပါလို့ ရွှေနားတော် သွင်းလိုက်ပါရယ့်။

            ၂၀၁၂ နှစ်တနှစ် ကုန်ခဲ့ပြီဆိုတော့ တနှစ်တာအတွက် ဘယ်နှယ့် ညာနယ့် အကောင်းဆုံး၊ အထင်ရှားဆုံး၊ အမိုက်ဆုံး၊ အမှတ်တရ အဖြစ်ဆုံး တော့ပ်တင်းတွေ ဘာတွေ ရေးရမယ်လို့ သဘောပေါက်မိပါတယ်။ ၂၀၁၂ ကို ပြန်ကြည့်လိုက်မိတော့လည်း ပြောချင်စရာတွေက တင်းကြမ်းကိုးဗျာ။ အယ်ဒီတာမင်းတွေပေးတဲ့ စာမျက်နှာကလည်း ၃ မျက်နှာကနေ ၄ မျက်နှာအထိပဲ ခွင့်ပြုတာမို့ ၂၀၁၂ တနှစ်တာ အနှစ်ချုပ်အဖြစ် ပုံပြင်လေးတွေ ဗဟုသုတဥပမာမှတ်စရာလေးတွေပဲ တိုတိုတုတ်တုတ် ရေးပါတော့မယ်လေ။

            ပထမပုံပြင်လေးကတော့ “မွေးနေ့လက်ဆောင်နွားနို့တပုံး” ပုံပြင်ပါ။ မြန်မာပြည်ဒီမုိုကရေစီရေးတိုက်ပွဲဟာ ပြင်းထန်ပါတယ်။ ကြာရှည်လေးမြင့်ပါတယ်။ မောင်မြန်မာလေးဟာ ဒီမိုရပ်ကွက်ထဲမှာ ကြီးပြင်းလာတော့ အသက်သာ ၂၄ နှစ် ရှိရော ဘေးနားက အိမ်နီးချင်းတွေ၊ ပြည်တွင်း ပြည်ပက အမျိုးအဆွေတွေကို သူ့အကျိုးလိုလားသူတွေချည်းလို့ အထင်ရောက်နေသတဲ့။ သူ့ဖခင်ကြီး ဘိုးဗမာကတော့ မောင်မြန်မာလေးကို မိတ်ဆွေစစ် မိတ်ဆွေမှန်တွေ ခွဲခြားသိအောင် ဘယ်လိုလုပ်ရမလဲဆိုတာ အကြံထုတ်နေပါသတဲ့။ အဲ တနေ့ကျတော့ ၂၀၁၂ ခုနှစ်ရဲ့ တခုသော မောင်မြန်မာလေး မွေးနေ့မှာ ဘခင်ကြီး ဘုိုးဗမာက မွေးနေ့ပွဲကြီးတခု ၀ှဲချီးပြီး ကျင်းပပါတော့သတဲ့။ ဘုိုးဗမာကြီးက မွေးနေ့ဖိတ်စာထဲမှာ ဘယ်လိုရေးထားသလဲ ဆိုတော့ …

            “မွေးနေ့လက်ဆောင် ပေးခြင်း သီးခံပါ။ သို့သော် တဦးလျင် နွားနို့တပုံးသာ ယူဆောင်လာပြီး၊ မဏ္ဍပ်အ၀င်ထောင့်က စဥ့်အိုးကြီးမှာ လောင်းထည့်ခြင်းဖြင့် ပွဲတော်ကို နွှဲပျော်ပါ” လို့ ရေးထားပါသတဲ့။

            ရပ်နီး ရပ်ဝေးက ဒီမို ရပ်ဆွေ ရပ်မျိုးဆွေကလည်း မောင်မြန်မာလေး မွေးနေ့အတွက် နွားနို့တပုံးပဲ စိုက်ထုတ်ရမယ်ဆိုတော့ ၀မ်းသာကြတာပေါ့လေ။ သူတို့အကြံက သူများတွေက နို့တပုံးဆိုရင် ငါကတော့ ရေတပုံးဆို ပြီးတာပဲလို့ တွေးကြသတဲ့။ နွားနို့တွေအထဲ ရေလေးတပုံးရောလို့ ဘယ်သူက သိမှာလဲလို့ ရွှေဥာဏ်တော် စူးရောက်ကြသတဲ့။ သည်လိုနဲ့ပဲ မောင်မြန်မာလေးရဲ့ မွေးနေ့မှာ ဒီမို ဆွေတော် မျိုးတော်တွေ သောက်သောက်လဲ လာကြပြီး ချီးမြှင့်ကြ၊ နွားနို့တပုံး နွားနို့ တပုံး ဆိုပြီး မဏ္ဍပ်ရှေ့ အ၀င်ထောင့်က စဥ့်အိုးကြီးထဲ လောင်းလောင်းပြီး ထည့်ကြသတဲ့။

            ကဲ … မွေးနေ့ပွဲပြီးသွားတော့ သားလေးမောင်မြန်မာကို ဘခင်ကြီးဘိုးဗမာက စဥ့်အိုးကြီးကို ခေါ်ပြသတဲ့။ ငါ့သားရေ … အနှစ် ၂၀ ကျော် သက်တမ်းတလျောက်မှာ ခင်မင် ပေါင်းသင်းခဲ့ကြတဲ့ မိတ်ဆွေတွေ အမျိုးအဆွေတွေ ပေးအပ်စုဆောင်းခဲ့ကြတဲ့ တယောက် တလက် နွားနို့တပုံးတွေ ဘယ်လောက်များ စုမိသလဲဆိုတာ လာကြည့်စမ်း ငါ့သားရေ လို့ ဆိုလိုက်တော့ … မဏ္ဍပ်ထိပ် အ၀င်ဝက ရာဝင်စဥ့်အိုးကြီးထဲမှာ နွားနို့တစက် ဝေးလို့ ရေတွေချည်း အပြည့်ပဲတဲ့ ပရိသတ်ကြီးရေ …။

            ဘိုးဗမာကြီးကတော့ ရုပ်ရှင်တွေ၊ ရေဒီယိုဇာတ်လမ်းတွေထဲကလ်ို ဘယ်လိုမျိုး ဆုံးမစကားပြောသလဲတော့ မသိဘူးဗျာ။ အကောင်းမြင်တဲ့ မောင်မြန်မာလေးကတော့ မှတ်ချက်ပေးပါ သတဲ့။ “အဖေရေ … ကျနော်တုို့ ကံကောင်းတယ်ဗျာ။ ရေတွေချည်း အပြည့်ရပေလို့။ တော်ကြာ ရေလေးတောင်မှ ရောမသွားရင် စဥ့်အုိုးဟောင်းလောင်းကြီးနဲ့သာဆို ရှက်စရာကြီးပေါ့နော် …” တဲ့ဗျား။

            ကဲ … နောက်ပုံပြင်လေး တပုဒ်ကတော့ “ငါးကြင်းဗိုက်သား ဘယ်သူစား” ဆိုတဲ့ ရိုးရာလေး တပုဒ်ပါပဲ။ ၂၀၁၂ အတွင်းမှာ မြန်မာပြည်တွင်း ပြည်ပတ၀ှမ်းလုံးမှာ အစစ ပိတ်ပင်ထားတဲ့ အင်းတွေ အိုင်တွေမှာ ငါးပက်ခြင်း၊ ကွန်ပစ်ခြင်းတွေကို ခွင့်ပြုလိုက်တဲ့အခါ မြန်မာပြည်သား ငါးဖမ်းသူ ဖျံကြီး ဖျံငယ် ဖျံလတ်တွေအားလုံးဟာ အကြီးအကျယ် ငါးဖမ်းကြတော့တာပဲ တဲ့။ တခါမှ လွတ်လွတ်လပ်လပ် ငါးမဖမ်းခဲ့ကြရတော့ သူ့ထက်ငါ အပြိုင်အဆိုင် ငါးဖမ်းကြ၊ အလုအယက် အိုင်တွေ အင်းတွေလည်း လုကြသတဲ့။ ဖျံကြီး ဖျံငယ် ဖျံလတ်တွေကလည်း ဖျံမျိုးစုံ သမဂ္ဂတွေ အစုအဖွဲ့တွေလည်း ဖွဲ့ကြသေးသတဲ့။ ငါးတွေ ဖမ်းမိကြတဲ့အခါမှာလည်း သူ့ဖမ်းမိတဲ့ ငါး၊ ကိုယ်ဖမ်းမိတဲ့ ငါးဆိုပြီး တံဆိပ်တွေ ရိုက်၊ မှတ်ပုံတွေတင်၊ အမျိုးအစားတွေ ခွဲပြီး ကြော်ငြာတာတွေ၊ ထုတ်ပြန်တာတွေ လုပ်ကြသေးသတဲ့။

            တနေ့ကျတော့ မြစ်ကြီး ၄ သွယ်ကနေ ပင်လယ်သမုဒ္ဒရာထဲ စီးဆင်းတဲ့ တလမ်းလုံးမှာ အလွန်ကြီးမားတဲ့ ငါးကြင်းကြီးတကောင် ကျက်စားနေတယ် ကြားတော့ ဖျံပေါင်းစုကြီးဟာ အဲသည် ငါးကြင်းကြီးကို ဖမ်းမိဖို့ အစွမ်းကုန် အပြိုင်အဆိုင် ကြိုးစားကြတော့တယ် ဆိုပဲ။ ငါးကြင်းကြီးကလည်း ပင်လယ်ထဲထွက်လိုက်၊ မြစ်ကြီးတွေထဲ စုန်ဆန်သွားလိုက်နဲ့ အရမ်းကို သွားလာလှုပ်ရှားနေတာမို့ အလွန်ကို ခက်ခက်ခဲခဲ ဖမ်းကြရ ဆိုပဲ။

            နောက်ဆုံးတော့ ပရိသတ်ကြီးရေ … ဖျံကြီး ၂ အုပ်စုဟာ အဲသည် ငါးကြင်းကြီးကို တပြိုင်နက်တည်း တနေရာတည်းမှာ အတူတကွ ဖမ်းမိကြတယ် ဆိုကြပါစုို့။ သူရသင့်တယ်၊ ငါရသင့်တယ် အကြီးအကျယ် အငြင်းပွားလိုက်ကြတာ၊ တဦးနဲ့ တဦး အတင်းတွေပြော၊ အပုပ်တွေချ၊ သတ်ကြ ပုတ်ကြနဲ့ ဖျံအုပ်စုကြီးတွေ သွေးချောင်းတောင် စီးရမတတ်ဖြစ်လာတော့ နောက်ဆုံးမှာ တရားဥပဒေနဲ့အညီ အဆုံးအဖြတ်ခံကြဖို့ ဒိုင်ယာလော့လုပ်ဖြစ်ကြသတဲ့။ အဲသည်လို ဖျံတွေအကြား တိုက်ပွဲတွေဖြစ်၊ အငြင်းတွေပွားနေချိန်မှာ လေညာအရပ်ကနေ အခန့်သား စောင့်ဆိုင်းနေတာက တရားသူကြီးလက်မှတ် ရထားတဲ့ မြေခွေးကြီး ခရိုနီစိန်ပဲ ဖြစ်ပါသတဲ့။

            အဲသည်အခါမှာ မြေခွေးကြီး ခရိုနီစိန်က မောပန်းနွမ်းနယ်နေတဲ့ ဖျံအုပ်ထဲကို ဆင်းလာပြီးတော့ သူကနေ တရားသဖြင့် ဆုံးဖြတ်ပေးမယ်၊ နားထောင်ကြမယ် မဟုတ်လားလို့ ၀မ်းခေါင်းသံကြီးနဲ့ ဟိန်းပြီးတော့ ပြောလိုက်သတဲ့။ ဖျံကောင်တွေဟာ ကြံရာမရတဲ့နောက် အချင်းချင်းကလည်း မသင့်မမြတ်ဖြစ်နေတဲ့အတွက် မြေခွေးကြီး ခရိုနီစိန်ရဲ့ အဆုံးအဖြတ်ကို လိုက်နာပါ့မယ်လို့ ၀န်ခံရတော့သတဲ့။

            ဟဲ ဟဲ … ဇာတ်ကိုပေါင်းတော့ မြေခွေးကြီးက ငါးကြင်းကြီးကို ၃ ပိုင်း ပိုင်း၊ ခေါင်းပိုင်းနဲ့ အမြီးပိုင်းကို အဝေမတည့်တဲ့ ဖျံအုပ်စုကြီးကို ခွဲပေးလိုက်သတဲ့။ အကောင်းဆုံး၊ အသားအများဆုံး ငါးကြင်း အလယ်ပိုင်း ၀မ်းဗိုက်သားတွေကိုတော့ လေညာအရပ်က အဆင့်သင့် စောင့်စားနေသူ ခရိုနီစိန် မြေခွေးကြီးက ရယူသွားပါတော့ သတဲ့ကွယ်။ အဲသည်မှာလည်း အမြီးပိုင်းနဲ့ ခေါင်းပိုင်းပဲ ရရှာသူ ဖျံအုပ်ကြီးက အဲသည်လို ပိုင်းဝေ ခွဲခြမ်းပေးဖော်ရသူ မြေခွေးကြီးကို ကျေးဇူးတင်မဆုံး ဖြစ်ကြပြီးတော့ ခရိုနီစိန်ကြီး သက်တော် ရာကျော် ရှည်ပါစေဆိုပြီး ပြဇာတ်တွေ၊ စတိတ်ရှိုးတွေ၊ ရန်ပုံငွေပွဲတွေ ၀ှဲချီးပြီး ဆင်နွဲကြသေးသတဲ့ကွယ်။ … သီချင်းတွေ ကဗျာတွေတောင် စပ်ကြ ဆိုကြသေး ဆိုလားပဲ။

            ၂၀၁၂ အတွက် ပုံပြင် ၂ ပုဒ်အပြီးမှာ ၂၀၁၂ အတွက် သိပ္ဗံဆိုင်ရာ သင်ခန်းစာလေးတခုကို မျှဝေပေးချင်ပါသေးတယ်။ မြန်မာပြည်ကြီးမှာက လွတ်လပ်ပွင့်လင်းလာပြီ ဖြစ်တာမို့ လူအမျိုးမျိုး စိတ်အထွေထွေ သဘောထားအဖုံဖုံ လုပ်ပုံကိုင်ပုံ အစုံစုံကို မြင့်တွေ့ သိရှိလာရတာမို့ အသက် ၂၄ နှစ်အရွယ် မောင်မြန်မာကလေးကို ပရော်ဖက်ဆာ ဒေါက်တာဆိတ်ဖွားက သိသင့် သိထိုက်တာလေးတွေ သင်ကြားပေးသတဲ့။

            မြန်မာပြည်မှာ အခု ၂၀၁၂ အတွင်းမှာ အင်အားကောင်းတဲ့ လူအမျိုးအစား ၃ မျိုး ပေါ်ပေါက်လာတယ်လို့ ဆိုပါတယ်။ အဲသည် လူ ၃ မျိုးကို ဓာတ်ငွေ့ ၃ မျိုးနဲ့ ကိုယ်စားပြုပြီး ရှင်းပြလို့ ရတယ်လို့ ဒေါက်တာဆိတ်ဖွားက ရှင်းပြပါတယ်။

            ပထမတမျိုးက အောက်စီဂျင်ပေါ့ ငါ့မြေးရယ်။ ကိုယ်တိုင်မီးမလောင်ဘူး၊ မီးလောင်ခြင်းကို အားပေးတယ်။ သူတို့တွေက တခုခုဆိုရင် တခြားလူတွေကို ဟိုလို လုပ်ပါလား၊ ဒီလုို လုပ်ပါလား။ ချလိုက်ပါတော့လား၊ နှက်လိုက်ပါတော့လား အားပေး အားမြှောက် အလွန်လုပ်တဲ့ သူမျုိူးတွေပေါ့ကွယ့်။ သူတို့ကိုယ်တိုင်ကျတော့ မလောင်ကြဘူးလေ။ ဒါက တမျိုး။

            နောက်တမျိုးကတော့ ဟိုက်ဒြိုဂျင်ပေါ့ကွယ်။ ကိုယ်တိုင်လည်း လောင်တယ်။ မီးလောင်ခြင်းကိုလည်း အားပေးတယ်။ အရေးအကြောင်းဆိုရင် ကိုယ်တိုင်လည်း ပါဝင်လှုပ်ရှားနေပြီ၊ သူများတွေကိုလည်း ပါဝင်လုပ်ကိုင်ကြဖို့ လှုံဆော်စည်းရုံးနေပြီ။ ဒါမျိုးက တပုံစံ။

            နောက်ဆုံး ဓာတ်ငွေ့ကတော့ နိုက်ထရိုဂျင်ပေါ့ မှတ်ထား ငါ့မြေး။ သူကိုယ်တိုင်လည်း မလောင်ဘူး။ မီးလောင်ခြင်းကိုလည်း အားမပေးဘူး။ သူတုို့မျိုးကျတော့ အရေးအကြောင်းတွေ ရှိလာရင် သွားပြီး ခေါ်လို့ အကူအညီတောင်းလို့ မရတဲ့အပြင် သွားပြီး အကူတောင်းမိတဲ့သူတွေကိုပါ တခါတည်း အားလျော့သွားအောင် အားကုန်သွားအောင် ငြိမ်းသတ်တတ်လို့  သူတို့တွေကုိုတော့ နိုက်ထရိုဂျင်လို လူတွေလုို့ သတ်မှတ်လို့ ရနိုင် သကွယ့် လို့ ပရော်ဖက်ဆာ ဒေါက်တာ ဆိတ်ဖွားက မောင်မြန်မာလေးကို ရှင်းပြလိုက်ပါတယ်။

            အဲသည်မှာ မောင်မြန်မာလေးက မေးရှာသတဲ့။ ဒါဖြင့်လည်း ဖိုးဖိုးဆိတ်ဖွားရယ် မြေးလေးရဲ့ မွေးနေ့ပွဲက စဥ့်အိုးထဲက ရေတွေက ဘယ်သူတွေ လာထည့်သွားတာလဲ လို့ မေးတော့ ဒေါက်တာဆိတ်ဖွားက … “င့ါမြေးရယ် အဲသည်ရေတွေက အောက်စီဂျင်က တဆ၊ ဟိုက်ဒြိုဂျင်က ၂ ဆနဲ့ အပေါင်းအသင်းလုပ်မိကြလို့ ဖြစ်ပေါ်လာတဲ့ ရေတွေပေါ့ကွယ်… ” လို့ အဖြေပေးလိုက်ပါ သတဲ့။

ငါ့မြေးပြောသလို နိုက်ထရိုဂျင်တွေကိုသာ မွေးနေ့ပွဲဖိတ်မိလို့ကတော့ မင့်စဥ့်အိုးထဲမှာ ရေတောင် ပါလာမှာ မဟုတ်ဘူးလေလို့ ကောက်ချက်ဆွဲလိုက်ပါသတဲ့။

            သည်တော့ ၂၀၁၂ မှာ ခေါင်းပဲ ကိုက်ရကုိုက်ရ၊ အမြီးပဲ ခဲရ ခဲရ၊ ရေလေးတပေါက်လောက် သောက်ရရင်ပဲ ဖျံကောင်လေးတွေအဖို့ နေပျော် သေပျော်တဲ့ ၂၀၁၂ ပဲလို့ ဆိုရမယ်လို့ ပြောရင်းနဲ့ သာဂိရဲ့ ပျော်တော်ဆက်ခန်းကို ရပ်နားလိုက်ပါတယ် ခင်ဗျား။ ။          


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts