မဆုံးတဲ့ခရီး မပြီးတဲ့ဆောင်းပါး

စာတစ်ပုဒ်ရေးချင်နေတာ။ ဘာအကြောင်းရေးနေချင်မှန်း တိတိကျကျ မသိ။ ဒါမျိုးက ကုိုယ့်အဖုို့ ဖြစ်ခဲတဲ့အရာ။ ပုံမှန်အားဖြင့်ဆုို ရေးချင်တဲ့အကြောင်းအရာတွေ များလွန်းလုို့သာ ဘာကုို စရေးရမယ်လုို့ မသိဖြစ်တတ်တာမျိုး။ ခုတော့ တကယ့်ကုိုမှ ထူးထူးဆန်းဆန်း။ ရေးချင်ပါလျက် ဘာအကြောင်းအရာကို ရေးရမယ်ဆုိုတာ ဘယ်လုိုမှ စဉ်းစားလုို့ကုို မရဖြစ်နေတာ။ ခုလုို စဉ်းစားလုို့ မရကာမှ ပုိုိုပုိုပြီး ရေးချင်စိတ်က ဖြစ်လာတယ်။ ဒါကြောင့် ဘာမှ ရေးစရာမရှိတဲ့အကြောင်းကုို ရေးမယ်ဆုိုပြီး ဒီစာကုို စလုိုက်တာ။ ဒါကြောင့် ဒီစာက ပြီးဆုံးချင်လျင်လည်း ဆုံး မယ်။ မပြီးဆုံးပဲလည်း ဖြစ်သွားနုိုင်ပါတယ်။

ခုရက်ပုိုင်းမှာ ဘာကုိုများ စိတ်ဝင်စားနေခဲ့သလဲလုို့ တွေးကြည့်မိတယ်။ ဘာရယ်လုို့ တိတိကျကျ အဖြေမရခဲ့။ ဒါဆုို ဘယ်အရာကုိုများ အများဆုံးအချိန်ပေးပြီး လုပ်ခဲ့သလဲ။ ‘လောလောဆယ် အချိန်အများဆုံးပေးပြီး ကုိုယ် လုပ်ဖြစ်ခဲ့တဲ့အရာတစ်ခုခုဟာ လောလောဆယ်အားဖြင့် ကုိုယ်စိတ်ဝင်စားနေတဲ့အရာဖြစ်တတ်တယ်’လုို့ မှတ်ခဲ့ ရဖူးတယ်။ ဒါဖြင့် ခုလောလောဆယ် ဘာအတွက် အချိန်အများဆုံးပေးခဲ့သလဲ။ ပေးခဲ့တဲ့အချိန်အများဆုံးအရာ ထဲက ဘာကုိုများ မှတ်မှတ်သားသားစိတ်ထဲမှာ ရှိနေခဲ့သလဲ။ စဉ်းစားကြည့်ခဲ့တယ်။

ခုရက်ပုိုင်းမှာ ခရီးတုိုနှစ်ခု ထွက်ဖြစ်တယ်။ Lake Tahoe နဲ့ Yosemite အမျိုးသားဥယျာဉ်ဆီ။ နှစ်ခုလုံးက ကာ လီဖုိုးနီယားပြည်နယ်ထဲမှာ။ နှစ်ခုလုံးကလည်း နီဗားဒါးပြည်နယ်အစပ်မှာ ရှိကြတယ်။ Lake Tahoe က တောင် ကြားမှာ။ တောင်ပေါ်လုို့လည်း ပြောလုို့ရတဲ့နေရာမှာ။ ကန်ရေမျက်နှာပြင်က ပင်လယ်ရေမျက်နှာထက် အမြင့်ပေ ခြောက်ထောင်ကျော်မှာဆုိုတော့ တောင်ထိပ်ကရေကန်လုို့လည်း ပြောနုိုင်တာပေါ့။ တကယ့်မျက်စိ အမြင်အရ တော့ ဝုိုင်းရံနေတဲ့ တောင်တန်းများကြားက ကြီးမားတဲ့ရေကန်ကြီးတစ်ခုသာ။ ဆောင်းအခါမှာ နှင်းလျောစီးသူ တွေရဲ့ နိဗ္ဗာန်ဘုံ။ စနုိုး(နှင်းဖွေးဖွေး)နဲ့ စိမ်းတဲ့ ကာလီဖုိုးနီးယားသား အများစုအတွက် မြောက်ပုိုင်းကာလီဖုိုးနီး ယားရှိ စနိုးတောင်တန်းတွေပေါတဲ့ ဒီဒေသက တစ်ခုတ်တရ သွားကြရတဲ့နေရာ။

လွန်ခဲ့တဲ့ ဆယ်နှစ်ခန့်က ဆောင်းလထဲမှာ ဒီ Lake Tahoe ကုို တစ်ခေါက်ရောက်ခဲ့ဘူးတယ်။ အဲဒီအချိန်က တော့ တစ်တောလုံး တစ်တောင်လုံး နှင်းတွေနဲ့ ဖွေးဖွေးဥလုို့။ ကြည့်လေမြင်ရာ နေရာတကာမှာ အဖြူရောင် ဆွတ်ဆွတ်ချည်းသာ။ သစ်ပင်တွေလည်းအဖြူ။ အဆောက်အဦတွေလည်း အဖြူ။ တောင်တန်းကြီးတွေက လည်းအဖြူ။ လမ်းဘေးဝဲယာမှာတစ်လျောက်လုံးလည်း ဖွေးဖွေးဖြူလုို့။ သီးခြားကမ္ဘာလေးတစ်ခုထဲ ရောက်သွား ရသလုို ခံစားမိခဲ့ရတယ်။

တစ်နယ်တစ်ရပ်လုံး ဖုံးလွှမ်းသွားအောင် တစ်ရောင်ထဲဖြူစင်အလှ ချယ်သထားပုံက အံ့သြမှုနဲ့အတူ ကြည်နူး ခြင်းရသ အပြည့်အဝ ပေးစွမ်းခဲ့တယ်။ ပတ်ဝန်းကျင်က အအေးသဲလေတော့ အအေးထဲမှာ ကဲမယ့်သူတွေ တောင်မှပဲ နွေးနွေးထွေးထွေး ထူထူထဲထဲ။ ခေါင်းဆုံးခြေဆုံး တစ်ကုိုယ်လုံးနီးပါးလုံအောင် ဖုံးအုပ်ထားကြလုို့ အပျော်မျက်နှာလောက်သာ မြင်ရတဲ့ စနုိုးပျော်များနဲ့ ပြည့်ကြပ်နေတဲ့ နေရာ။ တောင်တန်းမြင့်မြင့်တွေပေါ်ကနေ တစ်ရှိန်ထုိုးစီးဆင်းလာကြတဲ့ စနုိုးပျော်များရဲ့ စွန့်စားမှုအဖုံဖုံကုို အံ့သြဘနန်း ငေးကြည့်ရင်း ကြက်သီးဖျန်းဖျန်း ဖြစ်မိဘူးတဲ့နေရာ။

ခုတစ်ခေါက်ကတော့ နွေခေါင်ခေါင်၊ နှင်းလည်း မဝေ၊ လေလည်း မအေး၊ နေခြည်နွေးနွေးအောက်မှာ Lake Tahoe မြို့လေးက နွေချစ်သူ နေချစ်သူ ရေချစ်သူများနဲ့ တစ်မျိုးတစ်ဖုံ စည်ကားလှပလုို့။ ဖြူနီ ဝါပြာ ရောင် စုံဖြာတဲ့ ထုံးဖွဲ့ဆင်ယင်မှုများ။ အဆောက်အဦများ၊ ကားများ၊ မော်တော်ကြီးငယ်များ။ ပျားပန်းခတ်မျှ။ စိမ်းမြ မြတောင်တန်းနဲ့ ပြာလဲ့လဲ့ကန်ရေပြင်ကျယ်ကြား အသက်ဝင်နေတဲ့ ဆေးရောင်စုံ ပန်းချီကား တစ်ချပ်ပမာ။ ဖန်တီးမှုပြွမ်း စခန်းလေးက အပန်းများလည်း ပြေဖွယ်၊ အလွမ်းများလည်း ဝေဖွယ်။ အချို့သူတွေအတွက်တော့ အနမ်းများလည်း ခြွေဖွယ်ဖြစ်လေမလားပေါ့။

ဒီရာသီLake Tahoe  ကုိုရောက်ဖြစ်ခဲ့တဲ့သူတွေအတွက် အဓိက လုပ်ဆောင်တတ်တာက သုံးခုဖြစ်မယ်ထင် ပါတယ်။ ပတ်ဝန်းကျင်မှာရှိတဲ့ တောထဲကစခန်းများမှာ ရွက်ဖျဉ်တဲတွေထုိုးကာ အေးအေးဆေးဆေး အနား ယူချက်ပြုတ်စားသောက်ပြီး စက်ဘီးလမ်းလျှောက်ခြင်းစတဲ့ Campaign  ထွက်တဲ့အလုပ်ရယ်၊ ပင်လယ်ငယ် တစ်ခုမျှကျယ်တဲ့ ရေကန်ထဲမှာ ကုိုယ်ပုိုင်လှေစီးခြင်း၊ အပျော်စီး သင်္ဘောစီးခြင်းနဲ့ ပေကုိုးထောင်ကျော်ကျော် မြင့်တဲ့ တောင်ထိပ်ပေါ်ကုို Gondola Ride   ခေါ် ကေဘယ်ကြိုးများနဲ့တက်ရတဲ့ အလုပ်ရယ်ပါပဲ။

Lake Tahoe ကုိုရောက်တော့ နေ့လယ် ၁၁ နာရီဝန်းကျင်။ နေ့လည်စာစားသောက်၊ တည်းခုိုခန်းမှာနားပြီး ကမ်း နားကုိုသွားခဲ့တော့ နေ့လယ် ၃ နာရီထွက်တဲ့ သင်္ဘောချိန်ကုို မမီလိုက်ဘူး။ ဒါကြောင့် ညနေ ငါးနာရီခွဲမှာ ထွက် တဲ့ အပျော်သင်္ဘော ခရီးစဉ်လက်မှတ်ကုိုယူလုိုက်တယ်။ ညစာအတွက်တော့ ခုံနေရာ မရနုိုင်တော့ဘူးတဲ့။ ညစာ နဲ့ဆုို ဈေးနှုန်းကတစ်မျိုး။ ညစာမလုိုတဲ့ ကုိုယ်တုို့အတွက်တော့ ညစာအတွက် နေရာမရှိတဲ့တာ ဘာမှ ထူးလုို့ ဝမ်းနည်းဖွယ်ဖြစ်ပါ့မလဲ။

၅ နာရီခွဲမှာ ကန်တွင်းအပန်းပြေခရီးကုို စတင်ခဲ့တယ်။ ဇူလုိုင်လရဲ့ အနောက်ယွန်းယွန်း ဂေါယာကျွန်းဆီ ကျစ နေက အရှိန်ပြင်းပြင်း တောက်လောင်နေဆဲ။ ကန်ရေပြင်ကျယ်ကုို ဖြတ်တုိုက်လာတဲ့ လေအေးအေးကြောင့် သင်္ဘောအတွင်းနဲ့ အရိပ်ကျကျ ကုန်းပတ်လည်မှာတော့ အေးမြမြ။ ကမ်းနားရေပြင်ပေါ်မှာတော့ ဘောတံတား များ၊ လှေငယ်မော်တော်ငယ်များက နီညိုဝါပြာ ရောင်စုံရောင်ဖြာလျက်။ လှေလှော်သူလှော်၊ ရွက်တုိုက်သူတုိုက်၊ ရေချိုးသူချိုး၊ ရေကူးသူကူး၊ နေလှုံသူလှုံ။ အရောင်အသွေးစုံလှတဲ့ မြင်ကွင်းက သစ်လွင်လန်းဆန်းခြင်း အပျော်မြစ်တစ်စင်း စီးဆင်းနေဟန်။

ကန်ရေပြင် ဟုိုမှာဖက်ဆီက တောင်တန်းများတခုိုမှာတော့ မြူလေလား တိမ်လေလား ခွဲခြားမရနုိုင်တဲ့ အခုိုး အရိပ်များက ဟုိုနားတစ်စ ဒီနားတစ်စွယ်။ တောင်ထိပ်တောင်ဝှမ်း တောင်ခါးပန်းမှာ ရီးလေးတွဲခုို မှိုင်းညိုရိပ် သန်း။ အလွမ်းရပ်ဝန်း ထွန်းသည့်လေဟန်။

ကန်ရေပြင်ကျယ်တလျောက် ငြိမ့်ငြိမ့်ညောင်းညောင်း ခုတ်မောင်းလာတဲ့ သင်္ဘောပေါ်မှာတော့ အဖြူအမည်း၊ လူကြီးလူငယ်၊ ယောက်ျားမိန်းမ၊ အရွယ်စုံ၊ အနွယ်စုံ၊ နယ်စုံကသူတွေနဲ့။ ကုိုယ့်အစုနဲ့ကုိုယ်၊ စကားပြောသူပြော၊ ဓာတ်ပုံရုိုက်သူရုိုက်၊ ကန်ရေပြင်ကုို ငေးသူငေး။ တောင်တန်းတွေဆီ မျှော်သူမျှော်။ အပျော်မျက်နှာ၊ အလွမ်းမျက် နှာများနဲ့။ အပမ်းဖြေခရီး ထွက်လာကြသူတွေ။

နာရီဝက်ကျော်ကျော် ခုတ်မောင်းလာတဲ့ သင်္ဘောလေးက တဖြေးဖြေးနဲ့ တောင်တန်းတွေဖက်ကုို ပုိုနီးနီးလာ တယ်။ သဘောင်္ာထွက်စက တောင်ထိပ်ဖျားတွေရဲ့အထက်မှာ တော်တော်ဝေးဝေးကွာလှန်းနေတဲ့ နေမင်းကြီးက ကျနေအချိန်ကြောင့်ရယ်၊ သင်္ဘောက တောင်ခြေကုိုနီးလာတာရယ်ကြောင့် တောင်ထိပ်ဖျားနဲ့ ပုိုပုိုနီးနီးလာ တယ်။ ကန်ရေပြင်ရဲ့ အစိတ်ပုိုင်းတော်တော်များများပေါ်မှာလည်း တောင်ရိပ်က သိသိသာသာကျလာလုို့ တဖြေး ဖြေး ပုိုပုိုပြီးမှောင်လာတယ်။ ကောင်းကင်တပြင်လုံးမှာတော့ နေမင်းရဲ့အရှိန်တောက်တောက်က ထင်ထင်လင်း လင်း တောက်ပနေဆဲ။ ခပ်လှန်းလှန်းတောင်ခြေဆီလှန်းကြည့်လုိုက်တဲ့အခါမှာတော့ အမှောင်ပင်သမ်းစပြု နေပြီ။

လာရာလမ်းဖက်ဆီ နောက်ပြန်လှည့်ကြည့်လုိုက်တော့ သင်္ဘောစထွက်ခဲ့တဲ့ အရှေ့ဖက်ကမ်းခြေ တစ်ဝုိုက်နဲ့ ကမ်းခြေဘေးတောင်တန်းကြီးတွေပေါ်မှာ နေရဲ့အလင်းက ထိန်ဝင်းတောက်ပနေဆဲ။ မျက်စိတဆုံး မြင်ရတဲ့ အရှေ့ဖက်ကမ်း တောင်တန်းကြီးများက ရွှေဝါရောင်တောက်ပလုို့။ နေဝင်ဆည်းဆာချိန်ရဲ့ တိမ်ရောင်ပြန် အောက်မှာ ရွှေရောင်တောက်နေတဲ့ တောင်တန်းကြီးက ခန့်ခန့်ထည်ထည်။ တောင်ခြေတခုိုမှာရှိလေတဲ့ ထင်းရူး ပင်များကလည်း စိမ်းစိမ်းမြ ကတ္တီပါလွှာ အလှသားကုို ရွှေနားကွပ်ထားလေဟန်။

နေရောင်ခတဲ့ ကန်ရေပြင်လွှာပုိုင်းက လက်လက်ထနေချိန်မှာပဲ တောင်ရိပ်ထုိုးကျနေတဲ့ ရေလွှာပုိုင်းက အပြာ ရင့်ရင့်၊ အနက်ဖျော့ဖျော့။ နီလာလေလား၊ မဟူရာလေလား ခွဲခြားမရ။ တုိုးတုိုးပြီးနေရာယူလာတဲ့ အမှောင်ကြား မှာ အနောက်ဖက်ကမ်းခြေရှိ မြင်ကွင်းများက ပုိုပုို ဝုိုးဝါးလာတယ်။

အနောက်ဖက်ကမ်းနဲ့မလှန်းမကမ်းရှိ ကျွန်းငယ်တစ်ခုကုို သင်္ဘောစပတ်စဉ်က ကျွန်းလေးရဲ့အလှက ထင်ထင် ရှားရှား။ ကျွန်းလေးကုို ပတ်နေဆဲမှာပင်လျင် တုိုးလျိုးဝင်ရောင်လာတဲ့ညက ကျွန်းအလှကုို တစစနဲ့ ခပ်ဝါးဝါး ဖြစ်စေခဲ့ပြီ။ နောက်မိနစ်အနည်းငယ်မျှဆုိုလျင်ပင် ကျွန်းလေးက မြင်ကွင်းကနေ ပျောက်ကွယ်ပေတော့မယ်။ အမှောင်ဆုိုတာက အမြင်အာရုံတွေကုို ဖုံးကွယ်စေတတ်ရုိုး။  ကမ်းခြေတောင်ပါး တောစ်ိမ်းစိမ်းကြားမှာ ဝုိုးတဝါး မြင်ခဲ့ရတဲ့ တုိုက်အိမ်လေးနဲ့ တုိုက်အိမ်လေးရှေ့ရှိ ကျွန်းလေးပေါ်ကနေ လက်ဝှေ့ရမ်းနှုတ်ဆက်ပြနေတဲ့ မြင်ကွင်း လေးက လွမ်းမောဖွယ်လေလား။ ဝမ်းနည်းစရာလေလား။ ခွဲခြားမရနုိုင် ဖြစ်ခဲ့မိတယ်။

အပြန်လမ်းမှာတော့ လပြည့်ညရဲ့ လဝန်းဝုိုင်းဝုိုင်းစက်စက်ကြီးက အရှေ့ဖက်ကမ်း လာရာလမ်းဆီက တောင် တန်းပေါ်မှာ မေးတင်လုို့။ အနောက်ဖက်တောင်စွယ်မှာ ငုတ်လျိုးစပြုနေတဲ့ နေမင်းကတော့ သူ့အလင်းတွေကုို တစစ ရုပ်သိမ်းလုို့။ သုို့ပေမယ့် ကောင်းကင်းမှာ နေရဲ့အလင်းရှိန် ကောင်းကောင်းမပျောက်သေးသမုို့ လရဲ့ အရောင်က မထွန်းတောက်နုိုင်သေး။ အလင်းမဲ့နေသေးတဲ့ လမင်းကြီးက ကောင်းကင်ကုို တံဆိပ်ထုထားတဲ့ ဖွေးဖွေးဝုိုင်းဝုိုင်း အရာဝတ္ထုတစ်ခုမျှသာ။ မကြာမီအချိန်ပုိုင်းအတွင်းမှာတော့ နေမင်းအလင်းပျောက်ကွယ်တာနဲ့ လရဲ့အလင်းက တောက်ပလာပေလိမ့်မယ်။ နေနဲ့လ နေ့နဲ့ညဆုိုတာ တစ်လှည့်စီ သာခွင့်လာခွင့် ပေးတတ်ကြရုိုး မဟုတ်လား။

မြိုပြဘဝမှာ နေနေသူတစ်ဦးအဖုို့ နေနဲ့လကုို တပြိုင်ထဲ ထင်ထင်ရှားရှား ခုလုိုမြင်ရဖုို့က ရတောင့်ရခဲအခွင့်အရေး တစ်ခု။ နေအဝင် လအထွက်၊ ကန်ရေပြင်အလယ်မှာ လေညင်းလေးက သွဲ့သွဲ့။ မပူမအေး မျှတသာယာလှတဲ့ ညချမ်းတစ်ခုကုို တွေ့ခွင့်ရတော့ မြတ်ဗုဒ္ဓရဲ့ ဓမ္မစကြာတရားဦးကုို အမှတ်ထင်ထင် သတိရမိတယ်။ ဒွေ မေ ဘိက္ခ ဝေ အန္တာ ပဗ္ဗဇိတေန န သေဝိတဗ္ဗာ-အကောင်းကြိုက်လွန် အစွန်းနဲ့ မကောင်းကြိုက်လွန် အစွန်းနှစ်ပါးဟာ အမှန်လမ်းတွေ မဟုတ်သမုို့ ရှောင်ရှားရမယ့်အရာတွေဖြစ်တယ်လုို့ နားထဲမှာကြားလုိုက်မိသလုိုပင် ထင်မိလုိုက် တယ်။

ခုလုို သင်္ဘောတစ်စီးပေါ်မှာ လေညင်းခံရင်း သဘာဝ အလှရသကုို ကျကျနန ခံစားနေခြင်းကရော အကောင်း ကြိုက်လမ်းကုို လုိုက်ခဲ့သလုိုများဖြစ်နေပြီလားလုို့လည်း တွေးမိခဲ့သေးတယ်။ သုို့ပေမယ့် တိတ်ဆိတ်ငြိမ်သက် ခြင်းတွေ၊ ကောင်းကင်ကျယ်ကျယ်၊ ရေပြင်ကျယ်ကျယ်၊ ပင်လယ်သမုဒ္ဒရာ။ မြစ်ချောင်းတွေနဲ့ တောတောင် တွေရဲ့အလှကုို ကြိုက်တတ်တဲ့ ကုိုယ်ကတော့ ခုလုို ခရီးထွက်ခြင်းဆုိုတာကုို ဆက်လက်ပြီး လုပ်ဖြစ်နေလိမ့် ဦးမယ်။ ဒီလုိုဆုိုတော့လည်း မဆုံးနုိုင်တဲ့ခရီးကုို မနားသေးပဲ ဆက်လက်ပြီးလျှောက်နေသူတစ်ဦးသာပဲ၊ ခရီး သွားတစ်ဦးသာလျင်ပဲ ဖြစ်နေလိမ့်ဦးမယ်။ ။

သရုပ်ဖော်ပန်းချီအား ဤနေရာမှ ရယူပါသည်။