ရသဆောင်းပါးစုံ

ထိုင်းဘုရင့်သမီးတော် မြန်မာပြည်ခရီးနှင့် ကျောင်းအိမ်သာလိမ်လည်မှုကြီး

ကိုသောင်း (ပုလဲမြေ)
အောက်တိုဘာ ၂၆၊ ၂၀၁၂
မကြာသေးမီက ကမ္ဘာကျော်ဘီလျံနာသူဌေးကြီး ဘေလ်ဂိတ်စ်သည် အနာဂတ်အိမ်သာပြိုင်ပွဲတစ်ခုကို ငွေကုန်ကြေးကျများခံကာ ကျင်းပပြု လုပ်ပေးလိုက်သည်။ ကမ္ဘာ့နိုင်ငံအသီးသီးမှ တက္ကသိုလ်ကျောင်းများကို ဆင်းရဲသောနိုင်ငံများအတွက် အသင့်လျော်ဆုံးနှင့် အကျိုးအရှိဆုံး အိမ်သာများဖြစ်ရေး ဒီဇိုင်းထုတ်ခိုင်းခြင်းဖြစ်ပါသည်။ ကျောင်းသားများသည် အုပ်စုလိုက်ဝင်ပြိုင်ကြပြီး အနာဂတ်အိမ်သာကို ပုံဖော်ပြကြ သည်။

အနာဂတ်အိမ်သာသည် နေရောင်ခြည် ဆိုလာပြားအမိုးတွေနှင့်ဖြစ်သည်။ စွန့်ပစ်ပစ္စည်းများကို လောင်စာ၊ မြေဩဇာအဖြစ်ပြန် ထုတ်သုံးနိုင် ရန် ရည်ရွယ်ကြသည်။ အိမ်သာဆိုသည်မှာ စိတ်ပျော်မွေ့စရာ ခေတ္တအနားယူ အပန်းဖြေနိုင်သည့် နေရာတစ်နေရာဖြစ်အောင် ဖန်တီး ပြသူတွေလည်းရှိသည်။ ဆင်းရဲသောနိုင်ငံများတွင် အိမ်သာစနစ် ကောင်းမွန်စွာ အသုံးမပြုနိုင်ခြင်းကြောင့် ရောဂါဘယထူပျောကာ မသေ သင့်ဘဲ သေဆုံးနေကြရသည်ဟုမြင်ပြီး စရိတ်ကျဉ်း၊ အကျိုးရှိ၊ အသုံးတည့်အိမ်သာများကို တည်ဆောက်နိုင်ရန် ကြိုးစားနေခြင်းဖြစ်ပါသည်။

ကျွန်တော်သည် မကြာမီကနယ်မှ သူငယ်ချင်းတစ်ယောက်၏ ကျောင်းသို့အလည်ရောက်ခဲ့ပါသည်။ ကားပေါ်မှ ဆင်းဆင်းချင်း တလမ်းလုံး အောင့်အည်းသီးခံနေရသော ဆီးသွားချင်သည့်ဝေဒနာကို ဖြေရှင်းချင်သဖြင့် ကျောင်းရုံးခန်းသို့မတက်မီ အိမ်သာဆီသို့ပြေးခဲ့ရပါသည်။ ကျောင်းအိမ်သာတွင် ဆရာများသာဆိုသည့် အိမ်သာကြီး ၄ ခန်းတွဲလုံးကို သော့တွေခတ်ထားသဖြင့် ကျောင်းသားများဆီးသွားရန် ပြုလုပ် ထားသော သေးပေါက်ခန်းသို့ ဝင်လိုက်မိပါသည်။

ကျွန်တော့်နှာခေါင်းထဲသို့ ဆိုးရွားလှသည့်အနံ့အသက်တစ်ခုက ပြေးဝင်ဆောင့်တော့သည်။ မူးမေ့လုမတတ် နံလှပါသည်။ သေးစီးဆင်း ရာမြောင်းထဲတွင် စက္ကူစတွေက ပြည့်ပိတ်နေသည်။ နီကျင်ကျင် ဆီးအိုင်ကြီးတွေက မြောင်းထဲတွင် ဟိုတစ်အိုင် သည်တစ်အိုင် ပုပ်အက်နံ ဟောင်နေသည်။ ကျွန်တော် အသက်အောင့်ပြီး ကိစ္စပြီးလိုက်ရသည်။

ကြုံတုန်း ကျွန်တော် ကျောင်းသား ကျောင်းသူတွေ အိမ်သာဘက်ကိုလျှောက်ကြည့်မိသည်။ ကျောင်းပိတ်ရက် ဖြစ်သဖြင့် ကျောင်းသားတွေ မရှိ။ တံခါးတွေက ပျက်သည့်အခန်းတွေ ပျက်နေသည်။ မည်သို့မျှ ကျောင်းသားတွေဝင်ထိုင်ပြီး ကိစ္စမပြီးနိုင်။ အိမ်သာခွက်တွေက ပလပ် စတစ်အဖြူရောင်ဟုဆိုသော်လည်း အရောင်အဆင်းပျောက်နေပြီ။ အိမ်သာကန်တွင် ရေမရှိ။ ကျောင်းသားအိမ်သာများအတွင်းတွင်လည်း ရေခွက် ရေပုံးမရှိ။ ရေဆင်းအပေါက်တွေပိတ်ဆို့ပြီး မည်သို့မျှ အိမ်သာသွားနိုင်စရာ အကြောင်းမမြင်။ အနံ့အသက်တွေကလည်း ပြောမ ကောင်းလောက်အောင် နံဟောင်နေသည်။ ထိုအရာကို ကျောင်းအိမ်သာဟုခေါ်ပါသည်။

ကျွန်တော်က သူငယ်ချင်း ကျောင်းအုပ်ဆရာကြီး ရုံးခန်းသို့ရောက်သောအခါ ကျောင်းရှိအိမ်သာများအကြောင်း ပြောပြသည်။ သူက သူ့ ရုံးခန်းကိုတက်လာရင်ပြီးရောဆိုပြီး အပြစ်တင်သည်။ သူ့ရုံးခန်းတွင်လည်း အိမ်သာသီးသန့်ရှိသည်။ ကျောင်းအုပ်ဆရာကြီး သီးသန့်သုံးရန် ဘိုထိုင်၊ ကြွေပြားကပ်တွေနှင့်ဖြစ်ပြီး အနံ့ကလည်း မွှေးကြိုင်သင်းပျံ့နေသည်။ ကိုယ့်အတွက် ကိုယ်ကောင်းအောင်လုပ်ထားပြီး ကျောင်း သားတွေအတွက် ပစ်စလက်ခတ်ထားရက်သော သူငယ်ချင်းကျောင်းအုပ်အပေါ် အတော်လေးအထင်သေးသွားမိသည်။

အိမ်သာပြဿနာကို ကျွန်တော် လွန်ခဲ့သည့် ၁၀ နှစ်ကျော်ကလည်း ထူးဆန်းစွာဖြင့် အတွေ့အကြုံတစ်ခုရှိခဲ့ဖူးသည်။ ကျွန်တော်က ထိုစဉ် အချိန်တွင် မာလ်တီမီဒီယာစာသင်ခန်းများအတွက် လိုအပ်သည့်ကွန်ပျူတာများ လိုက်လံဆင်ပေးခြင်း၊ ကျောင်းသားကျောင်းသူများကို အမှန်တကယ် ကွန်ပျူတာမတတ်သော်လည်း ဌာနဆိုင်ရာမှတာဝန်ပေးချက်အရ တစ်နေ့ တစ်ညလောက်နှင့် ကွန်ပျူတာဖွင့်တတ်၊ ပိတ် တတ်၊ ပြတတ်စေရန် (တစ်နည်းအားဖြင့် လူကြီးမင်းများလာကြည့်လျှင် အပြကောင်းစေရန် ရှေ့ပြေးအညာတပ်တွင် ပါဝင်ခဲ့ရသူဖြစ်သည်)

တနေ့တွင် မြို့နယ်ပညာရေးမှူးက ကျွန်တော့်ကို ရုံးသို့ဆင့်ခေါ်ပြီး အမှတ် (–) အခြေခံပညာ အလယ်တန်းကျောင်းသို့ ကွန်ပျူတာများယူ သွားကာ သွားတပ်ဆင်ပြီး ကလေးများကိုသင်ကြားပေးရန် အမိန့်ပေးလာသည်။ ကျွန်တော်က ထိုအချိန်တွင် အထက်တန်းကျောင်းကြီးတစ် ကျောင်းတွင် စာမသင်ရသော ကွန်ပျူတာဆရာဘဝဖြင့် ကျင်လည်နေရသည်။ ထိုစဉ်က အလယ်တန်းကျောင်းများကို မာလ်တီမီဒီယာ စာသင်ခန်းများတပ်ဆင်ပေးရန် အစီအစဉ်မရှိသေးပေ။ မြို့ပေါ်ရှိ အထက်တန်းကျောင်းများတွင်သာ မာလ်တီမီဒီယာစာသင်ခန်းများ ဖွင့် လှစ်ရန် ပြင်ဆင်နေကြသောကြောင့် အလယ်တန်းကျောင်းတွင် ကွန်ပျူတာတွေသွားဆင်ပြီး သင်ပေးရမည်ဆိုသဖြင့် ထူးဆန်းနေသည်။

ကွန်ပျူတာသွားဆင်ပေးရသည်ဆိုသည့်အကြောင်းကို ရှင်းပြချင်ပါသည်။ တစ်မြို့လုံးတွင် စုစုပေါင်းလိုက်မှ Apple Macintosh ကွန်ပျူတာ ၁၀ လုံးလောက်ရှိမည်ထင်ပါသည်။ ထိုကွန်ပျူတာများသည် မာလ်တီမီဒီယာ စာသင်ခန်းများဖွင့်မည့် ကျောင်းတိုင်းကို အလှည့်ကျသွား ရောက် အသုံးတော်ခံရသည်။ ကွန်ပျူတာတတ်သော ကျွန်တော့်မှာလည်း ကွန်ပျူတာတွေ ကားနှင့်တင်သွားပြီး ဇာတ်ဆရာလို ဇာတ်ဝင် တိုက်ပေးနေရသည်ကို သဘောမကျသော်လည်း ဝန်ထမ်းဖြစ်နေသောကြောင့် ခိုင်းတာလုပ်နေခဲ့ရသည်။

မာလ်တီမီဒီယာစာသင်ခန်းဖွင့်မည့်စာရင်းတွင်မပါသေးသည့် အလယ်တန်းကျောင်းတစ်ကျောင်းကို မာလ်တီမီဒီယာပုံစံလုပ်နေသဖြင့် အံ့ အားသင့်ပြီး စုံစမ်းကြည့်လိုက်မှ ထိုင်းနိုင်ငံ ဘုရင့်သမီးတော် သီရိဒုံနှင့်အဖွဲ့ရောက်လာမည်။ ကျောင်းပတ်လည်ရှိ နာမည်ကျော် တန်ခိုးကြီး ဘုရားများကို လာဖူးမည်။ ကျောင်းသို့ဝင်ကြည့်မည်ဖြစ်သဖြင့် ပြင်ဆင်နေကြခြင်းဖြစ်ကြောင်း သိရသည်။

ကျွန်တော်က ကိုယ့်တာဝန်ကျရာ ကွန်ပျူတာခန်းတွင် ကလေးတွေနှင့် အလုပ်ရှုပ်နေသလို၊ သီရိဒုံလာလျှင် ကွန်ပျူတာပရိုဂျက်တာဖြင့် ညွှန်ကြားရေးမှူးချုပ်ကရှင်းပြလျှင် ကွန်ပျူတာမှ PowerPoint ဖြင့်ပြနိုင်ရန်လည်း တာဝန်ယူထားရသေးသည်။ အခြားစိုက်ပျိုးရေး၊ အိမ်တွင်း လက်မှုလုပ်ငန်း၊ သိပ္ပံခန်းစသည်ဖြင့်လည်း ပြင်ဆင်နေကြရသေးသည်။

ကျွန်တော့်သူငယ်ချင်း စိုက်ပျိုးရေးတာဝန်ခံဆရာက စိတ်တွေတိုပြီး အော်ဟစ်နေသံကို ကွန်ပျူတာခန်းမှ အတိုင်းသားကြားနေရသည်။ ကျောင်းရှေ့စိုက်ခင်းကို မြက်တွေ ဦးစွာရှင်းရသည်။ မြောင်းဘောင်တွေဖော်ပြီး မုန်လာ၊ ဆလပ်၊ မုံညင်းပင်တွေကို ဈေးမှသွားဝယ်ကာ နေ့ ချင်းပြီး အပင်ပေါက်စိုက်ပြရသည်။ ဘူးစင်ကိုလည်း လတ်တလောဆောက်ကာ ဘူးညွှန့်၊ ဘူးနွယ်တွေကို စင်ပေါ်တင်ရသည်။ ဘူးသီးကို ဈေးမှသွားဝယ်ပြီး စင်ပေါ်တွင် သွပ်နန်းကြိုးနှင့် လူမမြင်နိုင်အောင်တွဲရသည်။

ဆောင်းဦးပေါက်ဖြစ်သော်လည်း နေရောင်ရှိနေသဖြင့် ယနေ့စိုက်သည့်အပင်တွေက နွမ်းလျလျဖြစ်နေသည်။ သူက ထိုအဖြစ်ကို စိတ်တိုနေ သည်။ ရေလောင်းစရာမှာလည်း ကန်ကအဝေးကြီး သူကိုယ်တိုင်သွားထမ်းနေရသဖြင့် အဆင်မပြေ။ နောက်ဆုံး မီးသတ်တပ်ဖွဲ့ထံ အကူ အညီတောင်းပြီး မီးသတ်ပိုက်ကြီးဖြင့် စိုက်ခင်းကို ရေဖြန်းနေရသည်။

မနက်ဖြန် မင်းသမီး သီရိဒုံရောက်လာတော့မည်။ ထိုအချိန်တွင် ရှေ့ပြေးအနေဖြင့် ဗိုလ်ချုပ်တစ်ဦးနှင့်အဖွဲ့ရောက်လာကာ ဘာတွေ လုပ် ဆောင်ထားသနည်းဆိုပြီး ကြိုတင်လာကြည့်သည်။ ထိုင်းဘုရင်သမီးတော်ဆိုသည့် အရှိန်အဝါကလည်းရှိနေသည်။ ပြဿနာတစ်ခုခု ဖြစ် မည်ကို စိုးရိမ်နေပုံလည်းရသည်။ ဗိုလ်ချုပ်က ရှင်းလင်းဆောင်တွင် တာဝန်ရှိသူများကို “ဒါနဲ့ နေစမ်းပါဦး။ ခင်ဗျားတို့ အိမ်သာကောင်းကောင်း ရှိသလား” ဟု မေးသည်။ ကျောင်းအုပ်ဆရာမကြီးက အဝေးမှ ဆရာအိမ်သာကို လက်ညှိုးထိုးပြသည်။ စစ်ဗိုလ်တစ်ယောက်က သွားကြည့်ပြီး ခေါင်းခါကာ ပြန်လာသည်။

“မင်းသမီးက မင်္ဂလာဒုံလေဆိပ်ကနေ မိုင် ၅၀ ဝေးတဲ့နေရာကို တောက်လျှောက်လာမှာ။ ဒီရောက်လို့ အိမ်သာဝင်ချင်ပါပြီတဲ့၊ ခင်ဗျားတို့ လေးတိုင်စင်အိမ်သာမှာ မင်းသမီးကိုသွားခိုင်းရမှာလား။ ဘယ်မှာလဲအင်ဂျင်နီယာ ခေါ်စမ်း” ဟုဆိုကာ ခေါင်းချင်းရိုက်ကြတော့သည်။

ရှင်းလင်းဆောင်ဘေးတွင် ၁၀ ပတ်လည် အုတ်စီ၊ သွပ်မိုး၊ ကြွေပြားကပ်၊ ဘိုထိုင်အိမ်သာကြီးကို ချက်ချင်း တစ်ညလုံးဆောက်ကြသည်။ အင်္ဂတေတွေ မခြောက်သည်ကိုပင် မီးတွေအပူပေးကြရသည်။ မနက်မိုးလင်းလျှင် အိမ်သာအသင့်ဖြစ်သွားသည်။ အိမ်သာတစ်လုံးကြေးက ကွန်ပျူတာ ၁၀ လုံးဖိုးလောက်ကုန်သွားသည်။

နောက်တစ်နေ့တွင် မင်းသမီး သီရိဒုံအလာကို ကြိုဆိုကြသည်။ မနက် ၁၀ နာရီခန့်တွင် မင်းသမီးနှင့်အဖွဲ့ ကားသုံးစီးဖြင့် ရောက်လာကြသည်။ ယမန်နေ့က ရှေ့ပြေးအဖွဲ့မှ ဗိုလ်ချုပ်၏ ကြိုတင်မှန်းဆထားချက်အတိုင်း မင်းသမီးသည် ကားပေါ်မှဆင်းဆင်းချင်း သူ့အတွင်းရေးမှူးလားမသိ အမျိုးသမီးကို အနားကပ်ပြောသည်။ ထိုအမျိုးသမီးက ကျောင်းအုပ်ဆရာမကြီးကို ဘာသာပြန်မှတဆင့် ကပ်ပြောသည်။ တွေးထင်ထားကြ သည့်အတိုင်း မင်းသမီးကို အိမ်သာတော်ဆီသို့ ဦးစွာခေါ်သွားကြရသည်။ ကျွန်တော်ကတော့ မီးဖြင့်အခြောက်ခံထားသည့် ဘိုထိုင်ကြီး မင်းသမီးဝိတ်ဖြင့် ဝုန်းခနဲအသံ မကြားရပါစေနှင့်ဟု ဆုတောင်းနေမိသည်။

မင်းသမီးက ရှင်းလင်းဆောင်တွင်နားနေပြီး ရှင်းပြသည်များကို စကားပြန်မှတစ်ဆင့် နားထောင်သည်။ ပြီးတော့ ကျောင်းကိုလှည့်ကြည့် သည်။ မင်းသမီးကျောင်းပေါ်တက်ကြည့်နေစဉ်တွင် မင်းသမီးနှင့်ပါလာသည့် အဖွဲ့ဝင်ထဲမှ သုံးဦးက စိုက်ခင်းဆီသို့သွားသည်။ လူကြီးတွေ မျက်လုံပြူးပြီး တစ်ယောက်မျက်နှာတစ်ယောက်ကြည့်ကြသည်။ တစ်ယောက်က ဘူးစင်သို့သွားပြီး ဘူးသီးကို သေသေချာချာကိုင်ကြည့် သည်။ နောက်တစ်ယောက်က စိုက်ခင်းသို့သွားပြီး မုန်လာပင်ကိုနုတ်ကြည့်သည်။ သူတို့အချင်းချင်း ဘာတွေပြောကြသည်မသိ။ သဘော တွေကျပြီး ခေါင်းတွေညိမ့်ကြသည်။ မနက်ကတည်းက ရေတစ်ကြိမ်ဖြန်းပြီး နေအပူဒဏ်ကြောင့် အပင်တွေက ဦးကျိုးနေကြသည်။

ကျွန်တော် အိမ်သာအကြောင်းပြန်ဆက်ပါမည်။ မကြာမီက ထိုင်းနိုင်ငံမှပြန်လာသော မောက္ခပညာရေးအဖွဲ့နှင့် ကျွန်တော်တွေ့ဆုံရသည်။ သူတို့က ထိုင်းနိုင်ငံကျောင်းများတွင် သန့်ရှင်းသောအိမ်သာ စနစ်၊ လမ်းဘေး အများသူငါအသုံးပြုရသောနေရာများတွင် သန့်ရှင်းသည့် အိမ်သာစနစ်တွေအကြောင်း အားရပါးရပြောကြသည်။ ကျွန်တော် တောကျောင်းများတွင် နှစ်ပေါင်း ၁၀ နှစ်ကျော်ကျော် တာဝန်ထမ်း ဆောင်ခဲ့ရသူဖြစ်ပါသည်။ အိမ်သာမရှိ၊ ကျင်းပေါ်တွင် ဝါးလုံးနှစ်တန်းပစ်ကာ တုတ်တံဖြင့် အသုံးပြုသောစနစ်၊ ချောက်ထဲ၊ ဝါးတောထဲ ကျင် ကြီး ကျင်ငယ်စွန့်စေသည့်စနစ်များကို ကျွန်တော်တို့ခေတ်က ပြုပြင်ရန်မည်သို့မျှ မတတ်နိုင်ခဲ့ပါ။ အိမ်သာဆိုသည်မှာ ဘုန်းကြီးကျောင်းများ တွင် ဆရာတော်အတွက် ဆောက်လုပ်လှူဒါန်းရသည့် အဆောက်အအုံဟု ခံယူထားပုံရသည်။ အိမ်ထောင်စု ၁၀ လုံးတွင်ပင် အိမ်သာတစ် လုံးမရှိသည့်ခေတ်တွင် ကျွန်တော်တို့ကျေးရွာ၌ အမှုထမ်းခဲ့ကြရသည်။

နောက်ပိုင်း ယင်လုံအိမ်သာစနစ်၊ ပလပ်စတစ်ခွက်စနစ်များဖြင့် ကျေးရွာများတွင် ထွန်းကားလာရန် ကြံဆောင် ကြသည်ဆိုစေ၊ ရေအမြဲ ပြည့်ကာ ပုပ်ဟောင်နေသောကျင်းစနစ်ကြောင့် ယခင်ခြင်ကြားကြီးတွေမရှိသော ရွာများတွင် ထူးဆန်းစွာခြင်ကြားကြီးတွေ ရောက်လာသည် ကိုလည်း ရွာသားတွေပါးစပ်ဖြားတွင် ပြောစမှတ်ဖြစ်ကြရသည်။ အိမ်တိုင်း၊ ကျောင်းတိုင်းတွင် ယင်လုံအိမ်သာများကို အကောင်အထည် ဖော်ကြသည်မှန်စေ၊ ရေလောင်းအိမ်သာစနစ်သည် ရေပေါများမှသာ အဆင်ပြေနိုင်ပါသည်။ ကျောင်းတွင် သောက်သုံးရန် သောက်ရေတစ် အိုးကိုပင် နာရီဝက်လောက်လျှောက်ရသော ရွာဦးကျောင်းမှသွားခပ်နေရသော ရွာကျောင်းရှိ အိမ်သာအဖြေမှာ တုတ်မစင်များဖြင့်ပြည့်ပြီး အိမ်မသာနိုင်မှာကတော့ သေချာသည်။

ရုပ်မြင်သံကြား ပညာပေးအစီအစဉ်မှ “လက်ဆေးပြီးပြီလား”ဆိုသည့် ဇာတ်လမ်းတိုလေးကို ကြိုက်ပါသည်။ သို့သော် လက်ဆေးစရာနေရာ မရှိ၊ ရေမရှိ၊ ဆပ်ပြာမရှိသည့်ကျောင်းများ၊ ထိုသို့လုပ်ဆောင်နိုင်ရန် ပါးစပ်ကပြောပြီး လက်တွေ့မပါသည့် စေတနာများ၊ အိမ်သာကို အလေး ထားရကောင်းမှန်းမသိသော ပညာရေးဌာနမှပုဂ္ဂိုလ်များဖြင့် စံပြုလောက်သည့်ကျောင်းတစ်ကျောင်းကို ထူထောင်နိုင်မည်မဟုတ်ပါ။ မြန်မာ့ ပညာရေးတွင် ဘက်စုံပြုပြင်စရာတွေက များလှပါသည်။ အထူးသဖြင့် အိမ်သာကို အလေးထားရကောင်းမှန်းမသိသော၊ အိမ် သာမှထွက် လာလျှင် လက်ဆေးရမည်ကို လူကြီးလာမှ ဟန်ပြလုပ်တတ်သော၊ လက်ဆေးပွဲကို အခမ်းအနား ဖင့် တစ်ခမ်းတနားလုပ်ပြကာ တီဗွီထဲတွင် အရှက်မရှိ လက်ဆေးပြနေသောလူကြီးများ၊ ကျောင်းအုပ်ကြီးများကို ကျောင်းအိမ်သာများတွင် ရေအလုံအလောက်ရအောင်လုပ်ပေးပြီးမှ လက်ဆေးပြကြပါဟု မေတ္တာရပ်ခံချင်ပါသည်။

ဤနေရာမှ ကူးယူဖော်ပြပါသည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts

One thought on “ထိုင်းဘုရင့်သမီးတော် မြန်မာပြည်ခရီးနှင့် ကျောင်းအိမ်သာလိမ်လည်မှုကြီး

Comments are closed.