နိုင်ငံတကာမျက်မမြင် လမ်းလျှောက်တုတ်နေ့ (၂၁) ကြိမ်မြောက် ရန်ကုန်မြို့တော်ဝန်ဖလား မျက်မမြင်လမ်းလျှောက်ပွဲအား ၁၅.၁ဝ.၂ဝ၁၂ ရက်နေ့တွင် ပြည်သူ့ရင်ပြင်မှ ရန်ကုန်မြို့တော်ခန်းမအထိ (၃) မိုင်ခရီးအား ဝင်ရောက်ယှဉ်ပြိုင်ကြမည့် ပြင်ဦးလွင်မြို့ “ပရဟိတမျက်မမြင် ပညာသင်ကျောင်း” မှ ကျောင်းသား/သူ (၇၈) ဦးတို့သည် ၁၄.၁ဝ.၂ဝ၁၂ ရက်နေ့ နေ့လည် (၂း၃ဝ) နာရီအချိန်တွင် အမှတ် (၁၃/က)၊ ဗိုလ် မှူးဗထူးလမ်း၊ (၄၂) ရပ်ကွက်ရှိ နာရေးကူညီမှုအသင်း (ရန်ကုန်) ရုံးချုပ်ရှိရာသို့ လေ့လာရေးခရီးစဉ်အဖြစ် လာရောက်ခဲ့ကြသည်။
ပြင်ဦးလွင်မြို့ “ပရဟိတမျက်မမြင် ပညာသင်ကျောင်း” မှ ကျောင်းသား/သူများအား မျက်မမြင် လက်စမ်းစူးဖောက်စာပေ၊ အစိုးရအတန်း ပညာ (သူငယ်တန်းမှ တက္ကသိုလ်ဝင်တန်းအထိ)၊ သာမန်လူများနှင့်အတူ ကျောင်းတက်စာမေးပွဲဖြေဆိုနိုင်သည့်အပြင် ဘဝရှင်သန် ရပ် တည်နိုင်ရေးအတွက် မြန်မာဂီတ၊ ခေတ်ပေါ် ဂီတ၊ ဗေဒင်ပညာ (နက္ခတ်၊ တားရော့စ်) ဝါး၊ ကြိမ်၊ သိုးမွှေး၊ ဇာပန်းထိုးခြင်း စသည့် လက်မှုပညာ ရပ်များနှင့် လက်နှိပ်အကြောပြင်ပညာ (မြန်မာ၊ ဂျပန်) တို့ကို သင်ကြားတတ်မြောက်ထားသူပီပီ မျက်မမြင်သော်လည်း ကိုယ်စိတ်ကျန်းမာ၊ ကြံ့ခိုင်ပြီး ဉာဏစွမ်းအားများဖြင့် နိုင်ငံတကာမျက်မမြင် လမ်းလျှောက်တုတ်နေ့ (၂၁) ကြိမ်မြောက် ရန်ကုန်မြို့တော်ဝန်ဖလား မျက်မမြင်လမ်း လျှောက်ပွဲအား ဝင်ရောက်ယှဉ်ပြိုင်ရန်အတွက် ရန်ကုန်မြို့သို့ရောက်ရှိခိုက် နာရေးကူညီမှုအသင်း (ရန်ကုန်) သို့ သွားရောက်ချင်ကြောင်း ပြောလာကြသည့်အတွက် နာရေးကူညီမှုအသင်း (ရန်ကုန်) သို့ ကားကြီးနှစ်စီးဖြင့် နာရေးကူညီမှုအသင်း (ရန်ကုန်) သို့ ရောက်ရှိလာခဲ့ရာ ဘုရားခန်းမဆောင်တွင် အနားယူကြရင်း နာရေးကူညီမှုအသင်း (ရန်ကုန်) ၏ လူမှုရေးလုပ်ငန်းရပ်များအား စေတနာလုပ်အားပေးအဖြစ် ဝင်ရောက်၍ လုပ်ကိုင်ပေးဆပ်ကြမည့် မျိုးဆက်သစ်လူမှုရေးသင်တန်း အမှတ်စဉ် (၄/၂ဝ၁၂) သင်တန်းသား/သူများတို့သည် အသံဖြင့် မိမိတို့၏ရုပ်ခန္ဓာအား ပြောကြားမိတ်ဆက်ခဲ့ပြီး နာရေးကူညီမှုအသင်း (ရန်ကုန်) ၏ ဒုဥက္ကဌ ဒေါ်သန်းမြင့်အောင်၊ အုပ်ချုပ်ရေးမှူး ဒေါ်ဧရာ မောင်မောင်၊ အလုပ်အမှုဆောင် ဦးမြတ်ဆွေတို့သည်လည်း မိဘမဲ့မျက်မမြင် ကျောင်းသား/သူများအား အားပေးစကား ပြောကြားခဲ့သည်။ ထို့နောက် ကျောင်းသား/ သူများတို့မှ ညီနောင်ငါးဦး”၊ “ရဲစိတ်ဇွဲမာန်ခွန်အား” ကဗျာနှင့် “တောင်ပေါ်မြေမှဖိတ်ခေါ်သံ” သီချင်းတို့အား မိမိ တို့ စွမ်းသည့်ဘက်မှ ပြန်လည်ရွတ်ဆိုခဲ့ကြသည်။
၎င်းအချိန်ခဏတာလေးတွင် ကျောင်းသား/သူများတို့၏ မျက်နှာများသည် ပြုံးပျော်ရွှင်လို့နေကြပါသည်။ မျက်မမြင်အများစုသည် အကြား စွမ်းရည် မြင့်မားကြသည်လားမသိ။ အသင်းသား/သူတို့၏ လက်ခုတ်သီး အားပေးသံများသည် သူတို့လေးတွေအတွက် ခွန်အားတစ်ရပ် ဖြစ်လို့နေခဲ့ပေသည်။ သူတို့၏ဘဝတွေကို စိတ်ဓါတ်မကျ အရှုံးမပေးဘဲ ဇွဲ၊ လုံ့လ၊ ဝီရိယရှိရှိဖြင့် မိမိတို့ မျက်စိမြင်သည့် လူထက် ပင် ပို၍လုပ်နိုင်စွမ်းအားသည် လေးစားအားကျ ချီးကျူးဖွယ် အလွန်ကောင်းလှသည်။ မျက်မမြင် ကျောင်း သား/သူများသည် သူတို့၏ နေရာဋ္ဌာန ကျောင်းတွင် ဘေးအကူအညီမလိုပဲ တက်ကြွစွာ လှုပ်ရှားသွားလာနိုင်ကြသလို သာမန်လူများနှင့် တန်းတူလုပ်ဆောင်နိုင်ကြသည့်အတွက် မျက်မမြင်တိုင်း လူနှင့်လူ့ပတ်ဝန်းကျင်တွင် အတူတကွ ယှဉ်တွဲနေထိုင်နိုင်ကြပေသည်။
ယင်းနောက် နာရေးကူညီမှုအသင်း (ရန်ကုန်) ၏ မျိုးဆက်သစ်လူမှုရေးသင်တန်း အမှတ်စဉ် (၄/ ၂ဝ၁၂)မှ သင်တန်းသား/သူများတို့စုပေါင်း၍ ပြင်ဦးလွင်မျက်မမြင်မိဘမဲ့ကျောင်းအတွက် အလှူငွေ ၈ဝဝဝဝိ/- ကျပ်တိတိအား လှူဒါန်းပေးအပ်ခဲ့သည်။ လှူဒါန်းမှုအစုစုအား မျက်မမြင် ကျောင်းသား/သူများတို့မှ မေတ္တာပို့ သာဓုခေါ်ဆိုခဲ့ကြပြီး သုခအာဟာရ စားသောက်ဆိုင်၌ တနင်္ဂနွေလုပ်အားပေး အဖွဲ့သား/သူ များတို့မှ လည်း စုပေါင်းလှူဒါန်းသည့် အချိုရည်များအား တိုက်ကျွေးခဲ့ပြီးနောက် နာရေးကူညီမှုအသင်း (ရန်ကုန်) အား လက်ပြနှုတ်ဆက်၍ မိမိတို့၏ ဘဝပုံရိပ်များအား ဉာဏ်အလင်းဖြင့် သရုပ်ဖော်တည်ဆောက်ရင်း (၂၁) ကြိမ်မြောက် ရန်ကုန်မြို့တော်ဝန်ဖလား မျက်မမြင်လမ်းလျှောက်ပွဲ အတွက် အားအင်သစ်များ၊ စိတ်ခွန်အားများ မွေးဖွားပြင်ဆင်နေပါတော့သည်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
