ဇော်အောင် (မုံရွာ) – မေငြိမ်း-မြသီလာအလွမ်းပြေ၊ ကျော်ဇောခိုင်-တွေးခြင်းမဟာဗျူဟာများ၊ သောင်းဝေဦး- ဗိုလ်ချုပ်ကြီးစတီးဝဲလ်နှင့်မြစ်ကြီးနားတိုက်ပွဲ

2011+ စာအုပ်တိုက်မှ စာအုပ်သစ် ၂အုပ်ထွက်လာပါသည်။ (May 2013)

မြသီတာအလွမ်းပြေ

ဆရာမမေငြိမ်း ရန်ကုန်တက္ကသိုလ်၊ ဖားအံကောလိပ်၊ မော်လမြိုင်ကောလိပ်များတွင် မြန်မာစာတက္ကသိုလ်ဆရာမအဖြစ်တာဝန်ထမ်းဆောင်ရင်း အလွမ်းပြေရေးသားချက်များဖြစ်သည်။ မြန်မာပြည် ရှစ်လေးလုံးအရေးအခင်းဖြစ်ရပ်များ၊ အရေးအခင်းအပြီး မြန်မာပြည်စစ်အစိုးရခေတ် ဝမ်းရေး၊ ဘဝရုန်းကန်မှုများတွင် ပြည်တွင်းရှိမြန်မာ့ပညာရေးမှ စာသင်ကြားမှုများ၊ ဒီမိုကရေစီလှုပ်ရှားမှုများ၊ ကျူရှင်ပြစားရသော ငွေရလွယ်သည့်လုပ်ငန်းများ အစရှိသည်တို့ကို ရေးသားထားပါသည်။ မိမိကြုံရသော ဘဝခရီးတွင် တွေ့ဆုံရသော မိတ်ဆွေ၊ သူငယ်ချင်း၊ လုပ်ဖေါ်ကိုင်ဖက်များကို အောက်မေ့သတိရ အလွမ်းပြေရေးသားထားသည်။ ငယ်ရွယ်စဉ်ကတည်းက လုံးခြင်းဝတ္တုစာအုပ်များစွာ ထုတ်ဝေနိုင်ခဲ့ပြီး၊ သူမ အဆင်မပြေစဉ်၊ အခက်အခဲဖြစ်ချိန်များတွင် ရောက်ရှိကူညီပေးခြင်း၊ စာအုပ်ထုတ်ဝေပေးခြင်းများဖြင့် ကူညီသောမိတ်ဆွေများကိုလည်း ဘဝမှတ်တမ်းအဖြစ်ရေးသားထားသည်။ ဆရာမမေငြိမ်း စာပေများကိုဖတ်ရှုသူများ၊ သူမနှင့် ဆက်စပ်၊ လုပ်ဖေါ်ကိုင်ဖက်များ အမှတ်တရသိမ်းဆည်းထားသင့်သည့် စာအုပ်ကောင်းတစ်အုပ်ဖြစ်သည်။ 

တွေးခြင်းမဟာဗျူဟာများး

ဆရာကျော်ဇောခိုင် နော်ဝေးနိုင်ငံတွင်အလုပ်လုပ်ကိုင်နေစဉ်က  Thinking Strategically ကမ္ဘာ့အကောင်းဆုံးစာအုပ်ကို ကျော်သက်ခိုင်ဘာသာပြန်ထားခြင်းဖြစ်သည်။ မူရင်းစာရေးဆရာများနှင့် အပြန်အလှန်မေးမြန်းချက်များစွာကို အခြေခံပြီး မြန်မာနိုင်ငံပြုပြင်ပြောင်းလဲရေး ခေါင်းဆောင်များတတွက် အကျိုးရှိမည်လောဟု ဘာသာပြန်ရေးသားထုတ်ဝေခြင်းဖြစ်သည်။ အခန်း(၁၃)ခန်း တင်ပြခဲ့သည်။ ပုံပြင်(၁၀)ခုနှင့်စတင်ပြီး လက်တွေ့ဘဝ နိုင်ငံရေးအဖြစ်အပျက်ကြီးများကို ဥပမာဖြင့် ခေါင်းဆောင်များမည်ကဲ့သို့ တွေးတော၊ ဖြေရှင်းခဲ့ကြသည်ကို ရေးသားထားသည်။ 

၁။ မဟာဗျူဟာမှုအကျင့် (ပုံပြင် ဆယ်ခုကိုဥပမာရေးသားထားသည်)။

၂။ အလှည့်ကျကစားပွဲများ – အင်္ဂလိပ်ရွေးကောက်ပွဲ ၁၉၈၇ မာဂရက်သက်ချာ

၃။ တပြိုင်နက်ကစားပွဲများ – ရန်ကုန်ဘော်လုံးဂျာနယ်များ၊ Times, Newyork မျက်နှာဖုံးများ

၎။ အကျဉ်းသားကဲ့သို့ အကျဉ်း/အကျပ် – ကမ္ဘာ့နေနံဈေး OPEC, အမေရိကန်ဖွဲ့စည်းပုံ

၅။ မဟာဗျူဟာအလှည့်အပြောင်း – သမ္မတရေဂ် 1981, လေယာဉ်တည်ဆောက်ခြင်း

၆။ ယုံကြည်မှု Thrust ဖြစ်စေသော အချက်၈ချက်

၇။ ကြိုတင်မခန့်မှန်းနိုင်ခြင်း – ဒုကမ္ဘာစစ်အင်္ဂလိပ်ရေလက်ကြားဖြက်ခြင်း

၈။ အန္တရယ်နှင့်ချော့မြူခြင်း – ကျူးဗားအရေးခင်း 1962

၉။ တရုပ်နှင့်အရှေ့ဥရောပအရေးခင်းများ

၁၀။ ပူးပေါင်းဆောင်ရွက်ခြင်း – စီးပွားရေးအဒပ်စမစ် 1776, ဆန်ဖရန်စစ္စကိုမှလူနေမှုများ

၁၁။ ရွေးချယ်ခြင်း – မဲပေးရွေးချယ်ခြင်း၊ တရားစီရင်ခြင်း

၁၂။ မက်လုံး Incentives – လူသိမှတ်ပြုခံလိုခြင်း၊ ကွန်မြူနစ်စနစ်ကျဆုံးခြင်း

၁၃။ သုံးသပ်ချက်များ Conclusion (ကိုလူသွေး) …. 

ထိုစာအုပ်(၂)အုပ်ကို 2011+ စာအုပ်တိုက်မှ စာရေးဆရာ(၂)ဦးကို ဂုဏ်ပြုသည့်အနေဖြင့် သူတို့ရေးထားသော ဆောင်းပါးများကို စုပေါင်း၊ထုတ်ဝေပေးခြင်းဖြစ်သည်။ ရန်ကုန်မြို့ စာအုပ်ဆိုင်များတွင် ဝယ်ယူနိုင်ပါသည်။ 2011+ စာအုပ်တိုက်မှ Study of State Building စာစောင်ကို ထုတ်ဝေလျှက်ရှိရာ နိုင်ဝင်ဘာ ၂၀၁၃တွင် အမှတ်စဉ်၎ Vol1, No.4 (July, August, September) ကို ရန်ကုန်မြို့တွင်ဝယ်ယူဖတ်ရှုနိုင်ပါသည်။ မြန်မာပြည်တွင်းမှ ရေးသားချက်များ၊ စင်ကာပူ၊ထိုင်း၊မလေးရှားနှင့် ပြည်ပရောက်မြန်မာများ၏ရေးသားချက်များကို စုစည်းက ထုတ်ဝေခြင်းဖြစ်သည်။ အမှတ်စဉ်(၄)တွင် ကျော်လင်းဦး၊ သူရိယဝင်း၊ ဘိုးလှိုင်၊ ရဲသစ်၊ ထက်မျိုးနွယ်၊ သန်းစိုးနိုင်၊ ခင်မမမျိုး၊ စောမိုးမြင့်၊ နောက်ချိုသစ်၊ ရဲမြင့်ကျော်၊ ဌေးနိုင်၊ မင်းရဲခက်၊ တည်တံ့(GBP)၊ စိမ့်ယမင်းခင်၊ ခင်ရတနာအောင်၊ တင်မောင်မောင်သန်း၊ ဖိုးအော်၊ စိမ့်ရည်ထက်၊ မောင်မိုး(သတ္တုတွင်း)၊ နိုင်ချစ်ဖေ၊ ချောအိနွယ် စသည်တို့၏ ဆောင်းပါးများကို စုစည်းထုတ်ဝေထားပါသည်။ အယ်ဒီတာအဖွဲ့မှာ ဘိုဘိုဝင်း၊ ကျော်ဇောခိုင်၊ သက်ဝင်းတင့်၊ ဌေးနိုင်တို့ဖြစ်ပြီး၊ လုပ်ငန်းဆောင်ရွက်မှုမန်နေဂျာ အောင်ကျော်ဖြစ်သည်။ ဆက်သွယ်ရန် jsb2011plus@gmail.com

 

နောက်ဆုံးတစ်အုပ်မှာ ဆရာသောင်းဝေဦးရေးသား ထုတ်ဝေသော ဗိုလ်ချုပ်ကြီးစတီးဝဲလ်နှင့်မြစ်ကြီးနားတိုက်ပွဲ စာအုပ်ငယ်ဖြစ်သည်။ ထိုစာအုပ်မှာ လောလောဆယ်မြန်မာ့လူမျိုးစုလက်နက်ကိုင်များ ငြိမ်းချမ်းရေးအတွက် အဓိကဖြစ်နေသော ကချင်ပြည်နယ်အကြောင်း ဒုကမ္ဘာစစ်အချိန်က တစ်ဦးတည်းသော အမေရိကန်စစ်ဗိုလ်ချုပ်ကြီးအကြောင်း ဖြစ်သည်။ မြန်မာပြည်အနာဂါတ်သည် ထိုဒေသအပေါ်တွင် အလွန်အရေးပါကြောင်း သမိုင်းသုတေသီ သန့်မြင့်ဦးက အင်္ဂလိပ်ဘာသာဖြင့် ကမ္ဘာပညာရှင်များအတွက် စာအုပ်များရေးသာခဲ့သည်။ ဆရာသောာင်းဝေဦးကလည်း မြန်မာများကို တိုရင်းလိုရှင်းဖြင့် စစ်တပ် စစ်ဗိုလ်ချုပ်ကြီးများသည် နိုင်ငံရေးသမားများမဟုတ်၊ ပရိုဖက်ရှင်နယ်စစ်သားများဖြစ်ကြောင်းကို စာအုပ်ပေါင်း ၄၀ကျော် ရေးသားထုတ်ဝေခဲ့သူ ဖြစ်သည်။ ယခုစာအုပ်သည် ကချင်ပြည်နယ်နှင့်မြန်မာ၊အိန္နိယ၊တရုပ် သမိုင်းကြောင်းအကျဉ်းဖြစ်သည်။ ဂျပန်များ ဒုကမ္ဘာစစ် မတိုင်မီကတည်းက ရုရှားကိုစစ်နိုင်ခဲ့ပြီး ကိုးရီးယားနိုင်ငံနှင့်  တရုပ်ပင်လယ်ကမ်းခြေမြို့ကြီးများအားလုံး သိမ်းပိုက်ခဲ့သည်။ ဒုကမ္ဘာစစ်တွင် မြန်မာပြည်ကို လျှင်မြန်စွာဝင်ရောက်နေစဉ် တရုပ်ခေါင်းဆောင်နှင့် စစ်ဗိုလ်ချုပ်ကြီး ချန်ကေရှိတ်နှင့် တွဲဖက်ပြီး၊ မြန်မာပြည်ဝင်လာသော ဂျပန်များများ တိုက်ခိုက်တွန်းလှန်ရန် အသက်၆၀အရွယ်တွင် မြန်မာပြည်သို့ ဗိုလ်ချုပ်ကြီးအဖြစ် ရာထူးတိုး၊စေလွှတ်ခဲ့သည်။ တရုပ်စကားကျွမ်းကျင်စွာပြောနိုင်သော ဗိုလ်ချုပ်ကြီးစတီးဝဲသည် တရုပ်တပ်သား ၅သိန်းခန့်ကို အမေရိကန်စစ်လက်နက်များ တပ်ဆင်၊ လေ့ကျင့်သင်ကြားပေးပြီး ဂျပန်များကို တိုက်ခိုက်ရန်ဖြစ်သည်။ သို့သော် မြန်မာပြည်စစ်မြေပြင်ရောက်ပြီး ဂျပန်ထိုးစစ်ဒဏ်ကြောင့် တရုပ်စစ်တပ်များလည်း ဆုတ်ခွာ၊ ဗြိတိသျှစစ်တပ်များလဲ ဆုတ်ခွာပြီး၊ ဗိုလ်ချုပ်စတီးဝဲကိုယ်တိုင် လူ၁၀၀နှင့်ချောင်ပိတ်မိနေသဖြင့် မိုးကောင်းဒေသမှ (၁၄)ရက် တောမျက်မဲကို ဖြက်ကျော်ဆုတ်ခွာက အန္နိယနိုင်ငံသို့ရောက်ရှိပြီး ကြေညာစာတန်းထုတ်ပြန်နိုင်ခဲ့သည်။ စစ်ရှုံးသော်လည်း ကြယ်သုံးပွင့်ဗိုလ်ချုပ်အဖြစ် ရာထူးတိုးပြီး၊။ ကမ္ဘာကျော် လီဒိုလမ်းမကြီးကို (၂)နှစ်အတွင်း မိုင်ပေါင်း၄၇၀၊ အိန္နိယနိုင်ငံ၊ လီဒိုမြို့မှ ကချင်ပြည်နယ်မြစ်ကြီးနား၊ ဗန်းမော်မှ တရုပ်ပြည်တိုင်အောင် ဖောက်လုပ်နိုင်ခဲ့ခြင်းမှာ အံ့သြဘွယ်ဖြစ်သည်။ အခြားအံ့သြဘွယ် လမ်းဖေါက်လုပ်ခြင်းမှာ ဂျပန်တပ်များက မဟာမိတ်ချွေးတပ်များဖြင့်ဖေါက်လုပ်ခဲ့သော သေမင်းတမန် သံဖြူဇရပ် ထိုင်း၊မြန်မာ ရထားလမ်းဖြစ်သည်။ 

အထူးသဖြင့် မြစ်ကြီးနားတိုက်ပွဲသည် ဂျပန်စစ်သား ၄၀၀၀ကျော်က အင်အား ၄၀၀၀၀ (ဆယ်ဆများသော) တရုပ်၊ အိန္နိယ၊ အင်္ဂလိပ်၊ အမေရိကန် ထိုးစစ်ကြီးကို ၂လခွဲတိုင်အောင် ကြံ့ကြံ့ခံ အသေခံတိုက်ခိုက်ခဲ့သော ဗိုလ်ချုပ်ကြီးတာနာကာ ၏ အသေခံခုခံခဲ့ခြင်း။ နောက်ဆုံး ဗဟိုအမိန့်အရ စစ်သား၄၀၀ကျော်ဖြင့် အောင်မြင်စွာဆုတ်ခွာသွားခြင်း၊ ဆုတ်ခွာမှုတွင်မလိုက်ပဲ ဒါဏ်ရရသူဂျပန် ၁၆၇ဦးနှင့်အတူနေခဲ့ပြီး တာရီကီရီလုပ်ပြီး အသေခံသွားသူ  မြစ်ကြီးနားမြို့စောင့်တပ်မှုး ဗိုလ်ချုပ်မီဇူကာမီ တို့အား မှတ်တမ်းတင်ရေးသားထားပါသည်။ မြန်မာစစ်ပွဲကို အဆုံးတိုင်မတိုက်ရပဲ တရုပ်ခေါင်းဆောင် ချန်ကေရှိတ်နှင့် သဘောထားအကြီးကျယ်ကွဲလွဲသဖြင့် အမေရိကန်သမ္မတက ဝါရှင်တန်သို့ပြန်ခေါ်သည်။ ၆၄နှစ်တွင် ကွယ်လွန်ပြီးနောက် သူ၏နေ့စဉ်မှတ်တမ်း စာရွက်စာတန်းများကို Stihwell Papers အဖြစ် ထုတ်ဝေဖြန့်ချိရာမှ ထင်ရှားသည့် သမိုင်းဝင်ဗိုလ်ချုပ်ကြီးဖြစ်သွားခဲ့သည်။ နောက်ဆုံးအခန်းတွင် စာရေးသူ သောင်းဝေဦး သုံးသပ်ချက်မှာ  ရှာမှရှားသော တကယ့်စစ်သားတစ်ဦးဟု ရေးသားထားသည်။ မြန်မာစာအုပ်များစွာကို စင်ကာပူ၊ပင်နီစူလာ မြန်မာဆိုင်များစွာသို့ မေးမြန်းဝယ်ယူနိုင်ပါသည်။ မြသရဖူ (#02-14 Tel: +65 63393642  www.myathayaphu.ocm, Online Bookstore), လမ်းပြကြယ်စာကြည့်တိုက် (၄ထပ်)၊ ဒဏ္ဍာရီ (ပထမထပ်)၊ ရွှေမင်းသမီး၊ ရွေဝါမြေ (၄ထပ်)။ 

ထိုစာအုပ်ငယ်တွင် ဂျပန်၊တရုပ်၊မြန်မာ၊အင်္ဂလိပ်၊အမေရိကန် စစ်ရေး နိုင်ငံရေး သုံးသပ်ချက်များကို ရေးသားထားသဖြင့်၊ မြန်မာပြည်မှ ကချင်ပြည်နယ်အရေးပါမှု၊ ယခုလက်ရှိ ရွှေဓါတ်ငွေ့ပိုက်လိုင်း၊ ကချင်ပြည်နယ် လက်နက်ကိုင် KIA များနှင့် မြန်မာစစ်တပ်များ အရေးအခင်း၊ တရုပ်မြန်မာ စီးပွား၊စစ်ရေး၊ လူမှုရေးများကို စိတ်ဝင်စားသူများ လက်စွဲထားရမည့်စာအုပ်ဖြစ်သည်။