မေ ၂၀၊ ၂၀၁၂
ပူပြင်းလှသည့် နွေရာသီရက်များ စိပ်လာသည်နှင့်အမျှ မြန်မာပြည်အလယ်ပိုင်းနှင့် ပင်လယ်နှင့်နီးစပ်သော ရေချိုလိုအပ်မှု အခက်အခဲပြဿနာ တွေကြားနေရသည်မှာ တစ်နေ့ထက်တစ်နေ့ ပိုမိုများပြားလာတော့သည်။ သောက်သုံးရေပေါများလှသည့် မြန်မာပြည်အောက်ပိုင်းဒေသများ တွင် ယခုအချိန်တွင် “ရေအသက် တစ်မနက်” ဆိုသလို ၂ဝ၁၂ ခုနှစ် မတ်လ၊ ဧပြီလမှစတင်၍ သောက်သုံးရေ ရှားပါးပြတ်လပ်မှုနှင့် ရင် ဆိုင်နေကြရသည့်အတွက် နာရေးကူညီမှုအသင်း (ရန်ကုန်) သို့လာရောက်၍ အကူအညီတောင်းခံကြသော ရေရှားပါးသည့် မြို့နယ်၊ ကျေး ရွာဒေသများရှိ ရေတွင်း၊ ရေကန်များ သောက်သုံးရေအတွက် အလှူခံထားရှိသော အရပ်ဒေသများသို့ နာရေးကူညီမှုအသင်း (ရန်ကုန်) မှ အသင်းသား/သူများတို့သည် ကွင်းဆင်းလေ့လာမှုများနှင့်အတူ အရေးပေါ်လိုအပ်နေသော သောက်ရေများရရှိနိုင်အောင် အမြန်ဆုံးစီစဉ် ဆောင်ရွက်ကာ အလျင်မြန်ဆုံး ကူညီဆောင်ရွက်မှုများ ပြုလုပ်ခဲ့တော့သည်။
၁၂.၅.၂၀၁၂ ရက်နေ့တွင် နာရေးကူညီမှုအသင်း (ရန်ကုန်) အုပ်ချုပ်ရေးမှူး ဒေါ်ဧရာမောင်မောင်၊ စာရင်းစစ် ဒေါ်စီစီမာနှင့်အဖွဲ့တို့သည် ပြည်မြို့ရှိ သုခကုသိုလ်ဖြစ်ဆေးခန်း(ပြည်)သို့သွားရောက်၍ ငွေစာရင်းကိစ္စရပ်များအားစစ်ဆေးခြင်း၊ ပဲခူးတိုင်း၊ ပြည်ခရိုင်အတွင်းရှိ ကျူ တောကျေးရွာအတွက် အဝီစိစက်ရေတွင်းများ တူးဖော်ခြင်းလုပ်ငန်းအား ကြည့်ရှုလေ့လာစစ်ဆေးခြင်း၊ “နှလုံးလှစာကြည့်တိုက်” အတွက် နာရေးကူညီမှုအသင်း (ရန်ကုန်) ရှိ သုခအလင်း စာကြည့်တိုက်မှ ပိုလျှံနေသည့် သုတ၊ ရတ စာအုပ် စာပေများအား လှူဒါန်းပေးအပ်ခဲ့ပြီးနောက် ဆင်မြီးဆွဲမြို့ရှိ “ကရုဏာရှင်” နာရေးကူညီမှုအသင်းသို့ဝင်ရောက်ခဲ့ပြီး လုပ်ဆောင်မှုများအား ကြည့်ရှုလေ့လာခဲ့ပြီး စာအုပ်စာပေများ လှူ ဒါန်း ပေးအပ်ခဲ့ကြသည်။ မကွေးတိုင်းအတွင်းရှိ ဧက (၂ဝ) ကျော်ကျယ်ဝန်းလှသည့် သောက်သုံးရေကန်ပြုပြင်ရန်အတွက် နာရေးကူညီမှု အသင်း (ရန်ကုန်) ၏ အသင်းသူ ဒေါ်ခင်ထားထားအောင်နှင့်အဖွဲ့သည် သွားရောက်၍လေ့လာမှုများပြုလုပ်ခဲ့ရာ၌ ညောင်ပင်ရွာ၊ ညောင်ပင် သာရွာ၊ တည်ပင် ကန်ပေါက်ကျေးရွာ အစရှိသည့် ကျေးရွာ (၃) ရွာတို့သည် ၎င်းသောက်သုံး ရေကန်အားအမှီပြု နေထိုင်လျှက်ရှိကြောင်းအား သိရှိခဲ့ရသည့်အတွက် ကျေးရွာနေ ဒေသခံ ပြည်သူအပေါင်းတို့မှ ကိုယ့်အားကိုယ်ကိုး တတ်ညီလက်ညီဖြင့် ဝိုင်းဝန်း၍ သောက်သုံး ရေကန် အမြန်ဆုံးပြီးစီးနိုင်အောင် လုပ်ဆောင်နေကြသလို နာရေးကူညီမှုအသင်း (ရန်ကုန်) သည်လည်း လိုအပ်သော အကူအညီထောက်ပံ့မှုများ ပြုလုပ်ပေးလျှက်ရှိရာ မကြာတော့မည့်အချိန်၌ အောင်မြင်စွာ ပြီးစီးကာ နောက်နှစ်များတွင် ၎င်းသောက်သုံး ရေကန်ကြီးသည် ယခုကဲ့သို့သော မြင်ကွင်းမျိုးအစား ကြည်လင်အေးမြ သန့်ရှင်းသည့်သောက်သုံးရေကန်ကြီးအဖြစ် မြင်တွေ့ရကာ သောက်သုံးရေပြတ်လပ်မှု ပြဿနာကြုံ တွေ့ရတော့မည် မဟုတ်တော့ချေ။
သောက်သုံးရေရှားပါးသည့် ကျေးရွာ၊ ဒေသခံ ပြည်သူလူထုတို့သည် မိမိတို့၏ကျန်းမာရေးအတွက် သောက်ရေများကို အခြားသောအရပ်ဒေ သများသို့သွားရောက်၍ခပ်နေကြရခြင်းကြောင့် သောက်ရေပြတ်လပ်မှုနှင့် လုံးပန်းနေကြရကာ ကလေးငယ်များ၏ ကျောင်းတက်ချိန်များ လစ်ဟင်းနေခြင်းနှင့် ဝမ်းစာဖူလုံရေးအတွက် ကောင်းမွန်စွာအလုပ်မလုပ်နိုင်ကြခြင်း အစရှိသည့်အခက်အခဲများအား လူသားချင်း စာနာ ထောက်မွေးကာ စေတနာရှင်၊ ကုသိုလ်ရှင်များတို့မှ မိမိတို့ တစ်နိုင်တစ်ပိုင် (သို့) စုပေါင်း၍ဖြစ်စေ တတ်စွမ်းသရွေ့ သွားရောက်၍ လှူဒါန်းကြ ဖို့ မေတ္တာရပ်ခံနှိုးဆော်အပ်ပါသည်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
