ဖေဖော်ဝါရီ ၁၂၊ ၂၀၁၂
၁၁.၂.၂၀၁၂ (စနေနေ့) နံနက် (၆း၃၀) နာရီအချိန်တွင် နာရေးကူညီမှုအသင်း (ရန်ကုန်) ဥက္ကဋ္ဌနှင့် အသင်းသား/သူများတို့သည် ရန်ကုန် တိုင်း၊ ဆိပ်ကြီးခနောင်တိုမြို့နယ်ရှိ “စေတနာ” နာရေးကူညီမှုအသင်း (၈) နှစ်ပြည့် နှစ်ပတ်လည်အလှူငွေပေးအပ်ပွဲ အခမ်းအနားသို့ သွား ရောက်ခဲ့ကြသည်။ ဝါးတန်းဆိပ်ကမ်း၌ ဆိပ်ကြီးခနောင်တိုမြို့နယ်ရှိ “စေတနာ” နာရေးကူညီမှုအသင်းအဖွဲ့ဝင်များ စက်လှေ (၂) စီးဖြင့် ရောက်ရှိနေကြကာ ကြိုဆိုစောင့်ဆိုင်းနေတော့သည်။
ဆိပ်ကြီးခနောင်တို “စေတနာ” နာရေးကူညီမှုအသင်းသည် လူမျိုးမရွေး၊ ဘာသာမရွေး၊ ဆင်းရဲချမ်းသာမရွေးတို့၏ နာရေးကိစ္စများကို ၁၂.၄.၂၀၀၃ ခုနှစ်မှစ၍ ယနေ့အထိ နာရေးကူညီမှု စုစုပေါင်း (၆၄၇) ဦးအား ပံ့ပိုးကူညီပေးခဲ့ပြီးဖြစ်သည်။ “စေတနာ” နာရေးကူညီမှုအသင်း စတင်ဖွင့်လှစ်ခဲ့သော ဖွင့်ပွဲအခမ်းအနားကိုလည်း နာရေးကူညီမှုအသင်း (ရန်ကုန်)မှ ဦးကျော်သူဦးဆောင်သော အလုပ်အမှုဆောင်အဖွဲ့မှ တက်ရောက်ဖွင့်လှစ်ခဲ့ဖူးသည်။ ယခုကဲ့သို့ (၈) နှစ်တာကာလ အသင်းကြီး ရေရှည်တည်တံ့၍ ရှေ့လုပ်ငန်းစဉ်များအား ဆက်လက် အောင် မြင်စွာဆောင်ရွက်နိုင်မှုသည် အများပြည်သူတို့၏ ယုံကြည်စိတ်ချစွာလှူဒါန်းကြသော ငွေအား၊ လူအား၊ ပစ္စည်းအား၊ အကြံဉာဏ်အား တို့ဖြင့် ကူညီကြသူများ၊ လုပ်အားဒါနပြုကြသော လူမှုရေးစိတ်ဓါတ်ရှိသော လူမှုရေးသမားများကြောင့်ပင်ဖြစ်သည်။ ယခုကဲ့သို့ လူမှုရေးလုပ် ငန်းများကို စွမ်းစွမ်းတမံလုပ်ကိုင်နေကြသော ညီနောင်လူမှုရေးအသင်းအဖွဲ့များအား မကြာခဏသွားရောက်၍ အားပေး စကားပြောကြားခြင်း၊ လိုအပ်သည်များကို ထောက်ပံ့ကူညီ ပံ့ပိုးပေးခြင်းများကို လူသားချင်းစာနာထောက်ထားသောစိတ်ဖြင့် လုပ်ကိုင်ခဲ့သည်မှာ နာရေးကူညီမှု အသင်း (ရန်ကုန်) အနေဖြင့် (၁၁) နှစ်ကာလ ကျော်ခဲ့ပြီဖြစ်သည်။
ဆိပ်ကြီးခနောင်တို ဆိပ်ကမ်းသို့ရောက်ရှိသောအခါ ဒေသခံပြည်သူများတို့မှ ကြိုဆိုကြပြီး “စေတနာ” နာရေးကူညီမှုအသင်း (၈) နှစ်ပြည့် နှစ်ပတ်လည်အခမ်းအနား ကျင်းပရာ မြို့ဦးစေတီတော် အတွင်းရှိ “ဓမ္မရာဇာမုနိဗိမာန်တော်”တွင် ပြသထားသော “စေတနာ” နာရေးကူညီမှု အသင်း၏လုပ်ဆောင်ချက်မှတ်တမ်း ဓါတ်ပုံများကြည့်ရှုကြကာ စေတနာ နာရေးကူညီမှုအသင်း ရုံးခန်းရှိရာသို့ သွားရောက်လေ့လာခဲ့ကြ သည်။ ထို့နောက် နာရေးဖြစ်ပေါ်လာပါက နယ်ဓလေ့ထုံးစံအတိုင်း သယ်ဆောင်ကြသော “ဂါလီ” ဟုခေါ်သော ယာဉ်ငယ်တို့အား လိုက် လံပြသကြကာ နံနက်ခင်း ကော်ဖီ၊ မုန့်တို့ဖြင့် ဧည့်ခံကျွေးမွေးကြပြီး လုပ်ဆောင်ချက်များအား မေးမြန်းခြင်းတို့ကို ရင်းနှီးပွင့်လင်းစွာဖြင့် ဆွေးနွေးတိုင်ပင်ကြသည်။ ထို့နောက် နံနက် (၉း၀၀) နာရီအချိန်တွင် “စေတနာ” နာရေးကူညီမှုအသင်း (၈) နှစ်ပြည့် နှစ်ပတ်လည် အလှူ ငွေလှူဒါန်းခြင်း အခမ်းအနားအစီအစဉ်အား မြို့နယ်သြဝါဒ ဆရာတော်ကြီးများနှင့် အလှူရှင် ဧည့်ပရိသတ်ပေါင်းများစွာဖြင့် နမော တဿ ရွတ်ဆို၍ ဖွင့်လှစ်ခဲ့သည်။ သြဝါဒဆရာတော်ကြီးမှ ငါးပါးသီလ ခံယူစောင့်တည်ပြီးနောက် လူမှုရေးအသင်းအဖွဲ့များ လိုက်နာဆောင် ရွက်ရမည့် သတိပေးသြဝါဒတရားအား ချီးမြှင့်ကာ နယ်ခံအလှူရှင်များအား အလှူငွေပေးအပ်ခြင်းနှင့် ဂုဏ်ပြုမှတ်တမ်းလွှာ ပေးအပ်ခြင်း အခမ်းအနားကို ကျင်းပပြုလုပ်ခဲ့သည်။ ထို့နောက် နာရေးကူညီမှုအသင်း (ရန်ကုန်) ဥက္ကဋ္ဌ ဦးကျော်သူမှ အဖွင့်အမှာစကား ပြောကြားခြင်း၊ “စေတနာ” နာရေးကူညီမှုအသင်းမှ ဘဏ္ဍာရေးစာရင်းများအား ရှင်းလင်းခြင်းနှင့် အလှူရှင်တစ်ဦးမှ ကျေးဇူးတင်စကား ပြန်လည်ပြော ကြားခြင်းတို့ကို ဆောင်ရွက်ကာ နာရေးကူညီမှုအသင်း (ရန်ကုန်) အဖွဲ့သားများအား ထမင်း၊ ဟင်းများတို့ဖြင့် နံနက်စာ ကျွေးမွေးဧည့်ခံကာ စက်လှေဆိပ်သို့ ပြန်လည်ပို့ဆောင်ခဲ့ကြသည်။
လူမှုရေးအသင်းအဖွဲ့ ဖွဲ့စည်းရာတွင်လည်းကောင်း၊ လူမှုရေးသမားအဖြစ် လုပ်ကိုင်ဆောင်ရွက်ရာတွင်လည်းကောင်း၊ အဓိကအကျဆုံးမှာ ဗြဟ္မစိုရ်တရားလေးပါးဖြစ် သော မေတ္တာ၊ ဂရုဏာ၊ မုဒိတာ၊ ဥပေက္ခာတရားတို့ဖြင့် မိမိပေးဆပ်ရမည့် ရည်ရွယ်ချက်၊ ပန်းတိုင်သို့ မ ရောက်/ရောက်အောင် ဇွဲ၊ လုံ့လ၊ ဝိရီယတို့ဖြင့် တွေ့ကြုံရသော အခက်အခဲ အနှောက်အယှက် အတိုက်အခိုက်များအား ကိုယ်ကျိုးမဖက်ဘဲ စည်းလုံးညီညွှတ်စွာဖြင့် ကြံ့ကြံ့ခံကာ သီလလုံစွာဖြင့် လုပ်ကိုင်ဆောင်ရွက်ပေးဆပ်ပါက ကိုယ်ပြုသောကံ ပဲ့တင်သံ ကိုယ့်ထံပြန် လာမည်ဖြစ် သည်ဟု ဆိပ်ကြီးခနောင်တိုမှ ရန်ကုန်မြို့သို့ အပြန်ခရီးဖြစ်သော ရန်ကုန်မြစ်ကြောင်းတလျှောက် စက်လှေပေါ်တွင် အတွေးနယ်ချဲ့လာ ပါတော့သည်။