မြန်မာအစိုးရ၏ နိုင်ငံရေးမသင်္ကာမှုနှင့် အဖမ်းခံရသည့် ကျောင်းသားလူငယ်များနှင့် ပြည်သူပြည်သားများကို လွှတ်ပေးရန်နှင့် အစိုးရစစ်သားများ ကချင်အမျိုးသမီးများကို ဖမ်းဆီး မုဒိမ်းပြုကျင့်မှုများနှင့် အခြားလူ့အခွင့် အရေး ချိုးဖောက်မှုအမျိုးမျိုး ရပ်တန့်သွားရေးအတွက် အမေရိကန်အစိုးရမှတာဝန်ယူ ကူညီပေးရန်လိုအပ် ကြောင်းကိုလည်း သူမ တောင်းဆိုခဲ့သည်ဟု ဆိုသည်။
ဒေါ်ဘောက်ဂျာသည် ပြီးခဲ့သည့် ၂၀၁၀ ရွေးကောက်ပွဲတွင် အမျိုးသားဒီမိုကရေစီအင်အားစုပါတီ (National Democratic Force) ကိုယ်စားပြု ဖားကန့်ပြည်သူ့လွတ်တော်ကိုယ်စားလှယ်အတွက် ယှဉ်ပြိုင်ခဲ့သည်။
ထို့အပြင် ဟူးကောင်းချိုင့်ဝှမ်းရှိ ယုဇနကုမ္မဏီမှ ဒေသခံပြည်သူလူထု၏နယ်မြေ မတရားသိမ်းပိုက်ခံရမှုအား ပြည်သူများ ဘက်မှရပ်တည်ကာ တရားရုံးတွင်ဦးတိုက်ရှောက်ထားရာတွင် ဦးဆောင်ပေးခဲ့ခြင်းကြောင့် ၂၀၁၁ ဖေဖေါ်ဝါရီ ၅ ရက်နေ့တွင် ပြည်ပမှ ကချင်အမျိုးသားများ ချီးမြှင့်သည့် “The Kachin Civilian Defender” ဆုကို သူမ ရရှိသည်။
ဒေါ်ဘောက်ဂျာ နှင့်အတူ လူရွှင်တော် ဇာဂနာ၊ အမျိုးသားဒီမိုကရေစီအဖွဲ့ချုပ်(NLD)မှ ဒေါ်ခင်သန်းမြင့်တို့ ၃ ဦးသည် အမေရိကန်အခြေစိုက် (National Endowment for Democracy, NED) အဖွဲ့၏ ဖိတ်ကြားချက်အရ အမေရိကန်သို့ ရောက်ရှိနေခြင်းဖြစ်သည်။
ထိုသို့ အမေရိကန် ထိပ်တန်းအရာရှိများနှင့် တွေ့ဆုံရာတွင် နိုင်ငံရေးအကျဉ်းသားများကိစ္စ၊ အမျိုးသမီး အခွင့်အရေးဆိုင်ရာ ကိစ္စများနှင့် တိုင်းရင်းသားအရေးကိစ္စများကို အဓိကထား ဆွေးနွေးခဲ့ ကြကြောင်း သိရသည်။
အမေရိကန်အစိုးရမှလည်း မြန်မာနိုင်ငံ၏ နိုင်ငံရေးပြုပြင်ပြောင်းလဲရေး လုပ်ဆောင်နေမှုကို အနီးကပ်စောင့်ကြည့်နေပြီး ၎င်း လုပ်ဆောင်ခြင်း တိုးတက်မှုပေါ်အခြေခံ၍ ငွေကြေးအကူအညီနှင့် ပညာရေးကဏ္ဍတွင် ကူညီပေးရန်စီစဉ်နေကြောင်းကို ၎င်းတို့အားပြောဆိုခဲ့သည်ဟု ဒေါ်ဘောက်ဂျာ ပြောသည်။