>
ဒီဇင်ဘာ ၂၂၊ ၂၀၁၁
၁။ ကျွန်တော်သည် (၂၈.၈.၈၈) ရက် သမဂ္ဂရင်ပြင်တွင် ကျောင်းသားညီလာခံကျင်းပခဲ့သော (မင်းကိုနိုင် ပထမဆုံးဥက္ကဌ စဖြစ်သည်။) ရန် ကုန်တက္ကသိုလ်ကျောင်းသားများသမဂ္ဂ (နောင်တွင် ဗမာနိုင်ငံလုံးဆိုင်ရာကျောင်းသားများသမဂ္ဂဖြစ်သွားသည်။) တွင် ဗဟိုအလုပ်အမှု ဆောင် (CEC) အဖြစ် တာဝန်ယူခဲ့ပါသည်။ ထို့ပြင် တပ်မတော်မှ အာဏာသိမ်းပိုက်ပြီး၊ မဲစနစ်ဖြင့်စနစ်တကျရွေးချယ်သည့် ဗမာနိုင်ငံလုံးဆိုင် ရာကျောင်းသားများသမဂ္ဂ (ဗကသ) တွင် (ရန်ကုန်ခရိုင်ကျောင်းသားများ သမဂ္ဂ (ရကသ) ဥက္ကဌအဖြစ် ရကသကိုယ်စားပြု) လည်း အထွေထွေအတွင်းရေးမှူးအဖြစ်နှင့် ယာယီဥက္ကဌအဖြစ် လှုပ်ရှားဆောင်ရွက်ခဲ့ပါသည်။ ၎င်းအပြင် (၁၇.၃.၈၈) ရက် အင်လျားကန်ဘောင်အရေးတော်ပုံတွင်လည်း ကျောင်းသားထု၏ (နှစ်အတန်ကြာ ပျောက်ကွယ်နေခဲ့သည့်) “ခွပ်ဒေါင်း”အလံကို ကိုယ်တိုင်ရေးဆွဲတင်မြောက်ခဲ့သူဖြစ်ပါသည်။ (ကြွားဝါခြင်းမဟုတ်ပါ၊ သက်သေများစွာရှိပါသည်။)
၂။ ကျွန်တော်သည် .. ထိုသို့လှုပ်ရှားမှုများ (၈၈နှင့်ပတ်သက်၍) အထင်ကရရှိခဲ့သော်လည်း “၈၈” တံဆိပ်ကို နဖူးကပ်၍ မာန်ဝင့် မာန်တက် နေသော“၈၈ ဝံ့ကြွားရောဂါ”မရှိခဲ့ပါ။ မဏ္ဍပ်တိုင် မတက်ခဲ့ပါ။ ပုဂ္ဂိုလ်ရေးကျော်ကြားမှု သြဇာမတည်ဆောက်ခဲ့ပါ။ နိုင်ငံရေး ရေပေါ်ဆီအဖြစ် မလုပ်ဆောင်ခဲ့ပါ။ အခြေအနေတော့ကောင်းပြီဆိုပြီး ပုဂ္ဂိုလ်ရေးဆိုင်းဘုတ်ထူထောင်ရန်လည်း မကြိုးစားခဲ့ပါ။
၃။ သို့သော် ကျွန်တော်သည် “၂၀၀၅”တွင် ဖွဲ့စည်းခဲ့သည့် မင်းကိုနိုင်တို့ဦးဆောင်သည့် “၈၈မျိုးဆက်ကျောင်းသားများအဖွဲ့” တွင်လည်း မပါဝင်ခဲ့ပါ။ မင်းကိုနိုင်တို့အားလုံးနှင့် ပုဂ္ဂိုလ်ရေးဆက်ဆံမှုရှိခဲ့သော်လည်း ကိုယ့်ဘဝကိုယ့်အခြေအနေကို သူတို့အား ဖွင့်ပြောပြကာ (နိုင်ငံ ရေးလှုပ်ရှားမှုများကို မျက်ခြေမပြတ်ခဲ့သော်လည်း) ကျွန်တော်၏ မိသားစုလုပ်ငန်းများကိုသာ လုပ်ဆောင်ခဲ့ပါသည်။
၎။ တဖန် ကျွန်တော်သည် ယခုပါတီများ စတင်ဖွဲ့စည်းခဲ့ကြစဉ်က ပါတီတစ်ခု၏ “နာယက” ဖြစ်ခဲဖူးပါသည်။ ရွေးကောက်ပွဲ ကော်မရှင်သို့ လက်မှတ်ထိုးကာ အမည်တင်သွင်းသောစာရင်းတွင် ကျွန်တော် မပါဝင်ခဲ့ပါ။ ရွေးကောက်ပွဲဥပဒေ၏ ဥပဒေအချို့ ကို ကျွန်တော်လက်မခံနိုင်၍ လက်မှတ်မထိုးခဲ့ခြင်းဖြစ်ပါသည်။ ထိုပါတီရွေးကောက်ပွဲကော်မရှင်သို့ မှတ်ပုံတင်အပြီးတွင် နာယကအဖြစ် ထပ်ခါထပ်ခါဖိတ်ခေါ်၍သာ နာယကဖြစ်ခဲ့ရခြင်း ဖြစ်ပါသည်။ သုံးလမျှသာ ထိုပါတီသို့ ရံဖန်ရံခါရောက်ရှိခဲ့ပြီး နောက်ပိုင်း လုံးဝမသွားဖြစ်ခဲ့ပါ။ မရောက်ခဲ့ပါ။
၅။ ကျွန်တော့်အမြင်အရ ယနေ့နိုင်ငံရေးအခင်းအကျင်းကို ပြောပါမည်။ အမျိုးသားဒီမိုကရေစီအဖွဲ့ချုပ်နှင့် ဒေါ်အောင်ဆန်းစုကြည်ကို ဝန်းရံ ထောက်ခံရမည်ဆိုသည်ကို ကျွန်တော် အကြွင်းမဲ့ထောက်ခံပါသည်။ ဒေါ်အောင်ဆန်းစုကြည်၏ နိုင်ငံရေး ဆုံးဖြတ်ချက်များကိုလည်း လေးစားကြည်ညိုမိပါသည်။ သို့သော် သမ္မတဦးသိန်းစိန်၏ မြစ်ဆုံစီမံကိန်းဆုံးဖြတ်ချက်ကို ထောက်ခံကြိုဆိုရမည်ဖြစ်သကဲ့သို့ နိုင်ငံရေး အကျဉ်းသားများလွတ်မြောက်ရေးကိုလည်း စဉ်ဆက်မပြတ် အရေးဆို ဆွေးနွေးပြောဆိုသွားရမည်ဖြစ်ပါသည်။ တဖန် ယခုဖြစ်ပေါ်နေသော “ကျွန်တော်တို့နိုင်ငံ၏ နိုင်ငံရေးရေစီးကြောင်းကို နိုင်ငံတကာ အဝန်းအဝိုင်းအားလုံးက ထောက်ခံနေသယောင်” ဖြစ်နေသည်ကိုလည်း အစဉ်သတိချပ်ဖို့ လိုအပ်နေသောအနေအထား ဖြစ်ပါသည်။
၆။ ထိုအခြေအနေ ထိုအနေအထားအရ ဖြစ်ပေါ်နေသော နိုင်ငံရေးရေစီးကြောင်းတွင် နှစ်များစွာဖြတ်သန်းခဲ့သော ကျွန်တော်တို့၏ အတွေ့ အကြုံသင်ခန်းစာများကို သုံးသပ်၍ နည်းနာမယူပဲ အချင်းချင်း မညီမညွတ် ဖြစ်နေကြသည်မှာ ကျွန်တော့်အတွက် အံ့သြဖွယ်ရာကိစ္စကြီးတခု ဖြစ်နေပါသည်။ တဖက်နှင့်တဖက် အပြန်အလှန် အပြောအဆိုများ တဖြည်းဖြည်းနှင့် များလာသည်နှင့်အမျှ ပုဂ္ဂိုလ်ရေးစွဲချက်များလည်း ထပ်ခါထပ်ခါဖြစ်လာကြမှာကို ကျွန်တော် မြင်ယောင်နေမိပါသည်။
၇။ “နိုင်ငံရေးဆိုသည်မှာ ရန်သူကို မိတ်ဆွေဖြစ်အောင် ပြုလုပ်ခြင်း”ဆိုသော ဆရာကြီး ဒဂုန်တာရာ၏အဆိုကို ကျွန်တော် အရမ်းနှစ်သက် လက်ခံပါသည်။ နိုင်ငံရေးသမားတယောက်၏ အဓိကအရေးအကြီးဆုံးအချက်မှာ “စည်းရုံးရေးစွမ်းအား”ဟု ကျွန်တော် မြင်ပါသည်။ အပြောအဆို၊ အပြုအမူ၊ အနေအထိုင်အားလုံး လှုပ်ရှားဆောင်ရွက်တိုင်း စည်းရုံးရေးဟန် အပြည့် ဖြစ်နေရပါမည်။ ကျွန်တော်တို့ ညီနောင် ရဲဘော်အားလုံးလည်း သိကြမည်ထင်ပါသည်။ ထိုအသိကို လက်တွေ့ဘာကြောင့် မကျင့်သုံးနိုင်ကြသနည်း။ ကျွန်တော်စဉ်းစားမရပါ။ အယူအဆကြောင့်လား။ ယုံကြည်ရာ အယူဝါဒကြောင့်လား။ ရပ်တည် ချက်ကြောင့်လား.။ ပုဂ္ဂိုလ်ရေးအာဃာတကြောင့်လား.။ အဖြေရှာ ကြည့်ကြစေလိုပါသည်။
၈။ ယခုဖြစ်နေသော“၈၈ မျိုးဆက်ကျောင်းသားများ”ဟူ၍ ကြေညာချက်များ အပြိုင်ထွက်ပေါ်နေသည့်ကိစ္စမှာ “အချင်းချင်း မညီညွတ် ကြောင်း”ကို အများပြည်သူအား ထုတ်ဖေါ်ပြသနေသည်မှာ အမှန်ပင်ဖြစ်နေပါသည်။
၉။ ပြီးစီးခဲ့သော “၂၀၁၀ ရွေးကောက်ပွဲ”ကို အကြီးအကျယ် လူသိရှင်ကြား ခါးခါးသီးသီး ငြင်းဆန်ခဲ့သော တိုးကျော်လှိုင်နှင့် ဖြိုး မင်းသိန်းတို့က မကြာမီကျင်းပမည့် ကြားဖြတ်ရွေးကောက်ပွဲကို ပါဝင်ဖြတ်သန်းမည်။ ဒေါ်အောင်ဆန်းစုကြည်၏ဦးဆောင်မှုအောက်တွင် ဆက်လက် လုပ် ကိုင်သွားမည်ဆိုသည်ကို ကျွန်တော်ကြိုဆိုထောက်ခံပါသည်။ သို့သော် “၈၈ မျိုးဆက်ကျောင်းသားများ”ဟူသော အမည်တံဆိပ်ကို စွန့်လွှတ်သင့်ပါသည်ဟု ရိုးသားစွာအကြံပေးလိုပါသည်။ သို့မှသာ ဖြောင့်စင်းသောဆုံးဖြတ်ချက်အဖြစ် သမိုင်းတွင်သွားပါမည်ဟု ကျွန် တော်မြင်ပါသည်။
၁၀။ တဖန်“၈၈ မျိုးဆက်ကျောင်းသားများ” အမည်ခံ ထွန်းမြင့်အောင်တို့မှာ “၈၈”ကို ကိုယ်စားမပြု၊ လေးဦးတည်းသာရှိသည်ဆိုသော အချက်မှာလည်း ပုဂ္ဂိုလ်ရေးစွပ်စွဲချက်ဆန်နေပါသည်။ ထိုအချက်ကို ပြန်လည်ရုတ်သိမ်းသင့်ပါသည်။ အကြောင်းမှာ ထွန်းမြင့်အောင်တို့ နိုင်ငံရေးလှုပ်ရှားခဲ့သည်။ လှုပ်ရှားနေသည်များကို တိုးကျော်လှိုင်တို့သိနေပြီး သိနေဆဲဖြစ်သောကြောင့် ဖြစ်ပါသည်။
၁၁။ “၈၈ မျိုးဆက်” ဘွဲ့ခံပြီး အများပြည်သူကို ထင်ယောင်ထင်မှား ပုံမှားရိုက်သော လူတစုအကြောင်းကို တိုးကျော်လှိုင်တို့သိပါသည်။ ထို လူတစုအပေါ်လိုအမြင်မျိုးကို တိုးကျော်လှိုင်တို့အပေါ်မြင်ကြမှာကို ကျွန်တော်မလိုလားပါ။ ထို့ကြောင့်လည်း ရိုးသားစွာ အကြံပေးရခြင်း ဖြစ်ပါသည်။
၁၂။ ထွန်းမြင့်အောင်တို့အနေနှင့်လည်း ယခုကာလအချိန်းအပြောင်းသည် အလွန်အရေးအကြီးဆုံးသောကာလ ဖြစ်နေခြင်းကြောင့် စကား လုံးအသုံးအနှုန်းများ ဆုံးဖြတ်ချက်များကို အထူးဂရုစိုက်သင့်ပါသည်။ “စည်းရုံးရေး”ကို ထိခိုက် စေနိုင်သည့် ထင်ယောင်ထင်မှားဖြစ်စေနိုင် သည့်စကားလုံးများကို သတိထားရမည့် အချိန်ကာလဖြစ်ပါသည်။( ယခုထိတော့ ကျွန်တော်မတွေ့၊ မကြားခဲ့ပါ။)
၁၃။ ယခုအခါ ခေါင်းစဉ်များဖြင့် ပွဲများကျင်းပနေကြပါသည်။ ပွဲကြိုက်မောင်၊ ပွဲကြိုက်ခင်များ ဖြစ်သွားမှာကိုပင် စိုးရိမ်ရပါသည်။ ပွဲများကျင်းပ ရခြင်း၏ ရည်ရွယ်ချက်များ ရှိကြပါလိမ့်မည်။ ပွဲများ ကျင်းပပြီး အချင်းချင်းညီညွတ်ရေးများမတည်ဆောက်နိုင်ကြပဲ ပွဲများကျင်းပတိုင်း အချင်းချင်း အမြင် ပိုစောင်း..စောင်းသွားလျှင် ဝမ်းနည်းစရာအလွန်ကောင်းပါသည်။
၁၄။ ကျွန်တော်တို့ ၁၉၈၈၊ ၁၉၉၆၊ ၁၉၉၉၊ ၂၀၀၇ စတဲ့ နိုင်ငံရေးလှုပ်ရှားမှု လှိုင်းတံပိုးကြီးများကို ဖြတ်သန်းခဲ့ကြစဉ်က.. ကျွန်တော်တို့ ကျောင်းသားများသည် နာမည်ကြီးဖို့အတွက် ပုဂ္ဂလအခွင့်အရေးများ ရယူဖို့အတွက် လှုပ်ရှားခဲ့ကြသလော.. စဉ်းစားကြစေလိုပါသည်။ ဥာဏ်အသိသဘောနှင့် လက်တွေ့လုပ်ဆောင်ချက်သဘောများ တထပ်တည်းမဖြစ်လျှင် အလွန်ကြောက်စရာကောင်းပါသည်။ ထို့ထက်ပို ၍ကြောက်စရာကောင်းသည်မှာ နိုင်ငံရေးဆိုသည်မှာ အကွေ့အကောက် များသော ရေစီးကြောင်းကြီးတခုဖြစ်သော်လည်း ထိုရေစီးကြောင်း ကြီးကို လှော်ခတ်ဆန်တက်နေသည့် ကျွန်တော်တို့၏ လှေငယ်ကိုယ်စီတွင် “ရိုးဖြောင့်ခြင်း”အလံတံခွန်လေးများတည်ရှိနေဖို့ပင် ဖြစ်ပါသည်။
တစ်ကိုယ်ရေအားဖြင့်သာ ….
ညိုထွန်း
၁၄.၁၂.၂၀၁၁
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
