>
သံဃနာယကဆရာတော်တွေကလဲတမှောင့်
အရှင်ပညာန္ဒ
ဒီဇင်ဘာ၊၁၅၊၂၀၁၁
ခုတလော မြန်မာတပြည်လုံးငြိမ်းချမ်းဖို့အတွက်ငြိမ်းချမ်းရေးတရားတွေ ဟောနေတဲ့ ရွှေည၀ါဆရာတော်ကို အရေးယူပေးဖို့ စစ်အစိုးရလက်ကိုင်တုတ်ဖြစ်တဲ့သံဃနာယကအဖွဲ့က အမိန့်စာတွေ ထုတ်နေတာတွေကိုတွေ့ရလို့ သူတို့အစား ရှက်မိပါတယ်။
ရွှေည၀ါဆရာတော်ကို ကျောင်းတိုက်ကဖယ်ရှားရန်အမိန့်စာတွေထုတ်ရအောင် ရွှေည၀ါဆရာတော်က ဘယ်လို ရာဇ၀တ်မှုတွေ ကျူးလွန်နေလို့လဲ။ ငြိမ်းချမ်းရေးတရားဟောတာ၊သူ့ကျောင်းမှာ နိုင်ငံ့အရေး အမျိုးသားအရေး လှုပ်ရှားသူတွေရဲ့ အလှူအတန်း အခမ်းအနားတွေလုပ်တာ၊အကျဉ်းကျသံဃာတွေ၊ ကျောင်းသားတွေ၊ နိုင်ငံရေးသမားတွေလွှတ်ဖို့ ဆုတောင်းပွဲတွေလုပ်တာ ဘယ်သူတွေကိုထိခိုက်နေလို့လဲ။
သံဃမဟာနာယကဆရာတော်တွေ ဘုရားရှင်ရဲ့ဥပဒေကိုမျက်ကွယ်ပြုပြီး အာဏာပိုင်တွေအလိုကျ ကိုယ့်သံဃာအချင်းချင်းနှိပ်ကွပ်နေတာ အင်မတန်မှအရုပ်ဆိုးလှပါတယ်။ ကိုယ့်အမျိုးသားအချင်းချင်း သတ်တာ ဖြတ်တာတွေ ရပ်ဖို့၊ အတူတကွ ချစ်ချစ်ခင်ခင်နဲ့တိုင်းပြည်ကြီးပွားတိုးတက်အောင် အတူတကွဆောင်ရွက်ကြဖို့ တရားဟောတာ မကောင်းဘူးလား။
မြတ်စွာဘုရား သက်ရှိထင်ရှားရှိနေတဲ့အချိန်တုန်းကတောင်စစ်မက်ဖြစ်ပွားနေတဲ့နေရာတွေကို ကိုယ်တိုင်ကြွရောက်ပြီး ငြိမ်းချမ်းရေးတရားတွေဟောခဲ့လို့လူ့အသက်ပေါင်းများစွာ ချမ်းသာရခဲ့တာ ပိဋကတ်စာပေတွေမှာ အထင်အရှားရှိနေသေးတာကို ဆရာတော်တို့မေ့နေပြီလား။
ခုလို ပြည်သူတွေဒုက္ခရောက်နေချိန်မှာသံဃမဟာနာယကဆရာတော်တွေအနေနဲ့ တိုင်းပြည်ငြိမ်းချမ်းအောင် လုပ်ဆောင်ကြဖို့ စစ်အစိုးရအာဏာပိုင်တွေကိုတခွန်းတပါဒမှ ဆုံးမသြ၀ါဒမပေးဘဲ စစ်အစိုးရအလိုကျ လုပ်ဆောင်နေတာတွေဟာ အင်မတန်မှ တာဝန်မကျေပွန်ရာရောက်သလိုရဟန်းရှင်လူပြည်သူလူထုတွေရဲ့အလိုဆန္ဒကိုလည်း ဆန့်ကျင်ရာရောက်နေပါတယ်။
အစိုးရကိုယ်တိုင်တောင် ပြည်တွင်းစစ်တွေရပ်စဲဖို့တိုင်းရင်းသားအဖွဲ့တွေနဲ့ ငြိမ်းချမ်းရေးရဖို့ ဆွေးနွေးနေတာ အားလုံးအသိပါ။ တဖက်တလမ်းကနေရွှေည၀ါဆရာတော်က ငြိမ်းချမ်းရေးတရားတွေ ဟောနေတာ အစိုးရကိုတောင် အထောက်အကူဖြစ်ပါသေးတယ်။
ရွှေည၀ါကျောင်းတိုက်ဆရာတော် ဦးပညာသီဟအား အရေးယူဆောင်ရွက်ရန်ကိစ္စလို့ ခေါင်းစဉ်တပ်ထားတဲ့စာမှာဆရာတော်အနေဖြင့် မန္တလေးမြို့ အမျိုးသားဒီမိုကရေစီအဖွဲ့ချုပ်ရုံးတွင်တရားဟောကြားသည့် ကိစ္စနှင့် စပ်လျဉ်း၍ ၂၀-၁၁-၂၀၁၁ ရက်နေ့တွင်ကျင်းပသည့် သံဃနာယက ၄၇ပါးစုံညီအစည်းအဝေးမှ ဆရာတော်အား ကျောင်းတိုက်မှဖယ်ရှားရန်၊ သံဃာ့အဖွဲ့အစည်းအဆင့်ဆင့်၏ဆုံးဖြတ်ချက်ကို မနာခံသဖြင့် ဒုဗ္ဗစပုဂ္ဂိုလ်အဖြစ် သတ်မှတ်ရန်နှင့်ရွှေည၀ါကျောင်းတိုက်အတွင်း မည်သည့်သင်တန်းမှ ဖွင့်လှစ်ခြင်းမပြုရန်ဆိုသည့်အချက်သုံးချက်ကို ဖေါ်ပြထားပါတယ်။
မန္တလေးအမျိုးသားဒီမိုကရေစီအဖွဲ့ချုပ်ရုံးမှာ တရားဟောတာအပြစ်လား။
ပင့်ဖိတ်တဲ့ ဒကာ၊ ဒကာမတွေရှိရင် ဘယ်နေရာဘယ်ဒေသမဆို တရားဟောရမှာ ဘုန်းကြီးတွေအလုပ်မဟုတ်ဘူးလား။ ဦးသိန်းစိန်အစိုးရကဖိတ်ရင်လည်း ဆရာတော်က ဟောမှာပါ။ အစိုးရရယ်၊အတိုက်အခံရယ်လို့ ဆရာတော်က ခွဲခြားမှာမဟုတ်ပါဘူး။
အမျိုးသားဒိမိုကရေစီအဖွဲ့ချုပ်မှာ တရားဟောတာနဲ့ပဲ ကျောင်းတိုက်ကဖယ်ရှားပေးရမယ်၊ဒုဗ္ဗဇပုဂ္ဂိုလ် (ဆိုဆုံးမရခက်တဲ့ပုဂ္ဂိုလ်) ဖြစ်တယ်လို့ သံဃာ့အဖွဲ့အစည်း အဆင့်ဆင့်၏ဆုံးဖြတ်ချက်ကို မလိုက်နာသဖြင့် ဆိုတာတွေဟာ အတော်လေးသဘာဝမကျတဲ့ ကိစ္စတွေဖြစ်ပါတယ်။
ဒီနေရာမှာ သံဃနာယကဆရာတော်တွေကို တခုလောက် လျောက်ထားချင်ပါတယ်။
စစ်အစိုးရအာဏာပိုင်တွေက သံဃာတော်တွေကိုဖိနှိပ်နေတာတွေကို (အနည်းဆုံးလက်နက်မဲ့တဲ့ အားနည်းတဲ့ သတ္တ၀ါတွေကို လက်နက်ရှိသူတွေ၊အားကြီးသူတွေက နှိပ်စက်သတ်ဖြတ်နေတာတွေကို) တခွန်းတပါဒ ဟန့်တားဘူးပါသလား။
သံဃာတော်တွေက ရေဘေး၊ မီးဘေး၊ ပညာရေးကိစ္စတွေမှာ ကိုယ်တိုင်ပါဝင်ပြီး လူထုကိုအကူအညီတွေပေးတယ်။ အဲဒီသံဃာတွေကို စစ်အစိုးရတွေက ဖမ်းတယ်။ ထောင်ချတယ်။ဒီလိုမတရားလုပ်နေတာတွေကိုကျတော့ စစ်အစိုးရကို တခွန်းတပါဒမှ ပြောဖော်မရဘဲ အမျိုး၊ ဘာသာ၊သာသနာ ကြီးပွားတိုးတက်ဖို့ လုပ်ဆောင်နေတဲ့ သံဃာတွေကိုတော့ စစ်အာဏာရှင်တွေအလိုကျအမိန့်တွေ ထုတ်ပြန်ပြီး ပိတ်ပင်တားဆီးနေတာတွေဟာ တရားရဲ့လား။
စစ်အစိုးရအလိုကျ သံဃာတွေကို ဖိနှိပ်နေတာတွေဟာ တကယ့်ကို အဂတိတရား လိုက်စားနေတယ်ဆိုတာထင်ရှားနေပါတယ်။
နောက်ဆုံးအနေနဲ့ လျောက်ထားချင်တာကတော့ စစ်အစိုးရအလိုကျ စစ်အစိုးရခိုင်းတာတွေလုပ်ဘို့သံဃနာယက ဖွဲ့စည်းထားတာလား။ ဘာအတွက် သံဃနာယကကိုဖွဲ့စည်းထားတာလဲ ဆိုတာ ဆရာတော်တို့အနေနဲ့သေချာစဉ်းစားပြီး မလုပ်သင့် မလုပ်ထိုက်တာတွေကို မလုပ်ဖို့ လျောက်ထားလိုပါတယ်။
အဲလိုမဟုတ်ဘဲ ဘုရားမျက်နှာတော်ကို မကြည့်ဘဲ စစ်အစိုးရခိုင်းတိုင်း လုပ်နေမယ်ဆိုရင်တော့စစ်အစိုးရ၀န်ထမ်းတွေ (ကြံ့ဖွံ့အစိုးရရဲ့ ကြိုတင်မဲကိုယ်စားလှယ်ကြီးများ) အဖြစ် သတ်မှတ်ရတော့မှာဖြစ်ကြောင်းလျောက်ထားလိုက်ပါတယ်။
(Photos – Internet & Facebook on current views at Shwe Nya Wah Monastery)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
