မြေအောက်ရေသုံးစွဲသူများနှင့်သံ
မောင်ကျေးရေ၊ ဧပြီလ ၂၇၊ ၂၀၁၃
စကားဦး
မဟာရန်ကုန်နယ်နမိတ်အတွင်း၊ တိုးချဲမြို့သစ်များတွင်နေထိုင်
မဟာရန်ကုန်နယ်နမိတ်၊ တိုးချဲမြို့သစ်များရှိ မြေအောက်ရေသုံးစွဲနေကြရသူအားလုံ
အထက်ဖေါ်ပြပါပုံမှာ ၂၀၀၀ခုနစ်က ကိုရီးယားလူမျိုးများ ဌားရန်းနေထိုင်သည့်အိမ်၊ တောင်ဒဂုံမြို့သစ်၌ စာရေးသူတပ်ဆင်ပေးခဲ့သည့်  “သံဓါတ်ဖယ်ရှားပေးသောယူနစ်” Iron Removal Unit (IRU) မှတ်တမ်းဓါတ်ပုံဖြစ်ပါသည်။ (ထိုရေ၏သံဓါတ်ပါဝင်မှု (့၁၀) ပီပီအမ် (ppm) ဖြစ်ပါသည်။ WHO ဒဗလူအိပ်ခ်ျအိုက သတ်မှတ်အဆင့် (၁) ပီပီအမ်ရအောင် လျော့ချထားခြင်းဖြစ်ပါသည်။
မြေအောက်ရေတွင် ပျော်ဝင်နေသော သံဓါတ်ဖယ်ရှားနည်းမှာ
မြေအောက်ရေတွင် ပျော်ဝင်နေသောသံဓါတ်ကို လေနှင့်ထိ တွေ့ဓါတ်ပြုစေခြင်း၊ (Aeration) ကာဘွန် (Carbon / C) ဖြင့် စုတ်ယူစေခြင်း၊ (Absorption) ကျောက်စရစ် ဖြင့် အနယ်စစ်စေခြင်း (Filtration) နည်းများ ဖြင့်သန့်ရှင်းကြည်လင်ပြီး သောက်သုံး၍ရသည် အထိ လျော့ချခြင်းဖြစ် ပါသည်။ မြေအောက်ရေသုံးစွဲသူများ ကြုံတွေ့ရသည့် ရေအရောင်ဝါခြင်း၊ နီခြင်း၊ သံချေးရောင်ဖြစ်နေခြင်းများမှာ အဓိကအားဖြင့် ရေတွင် သံဓါတ်၊ မဂ္ဂနီဓါတ်များ ပျော်ဝင်နေ၍ဖြစ်ပါသည်။ ထိုဓါတ်များကို ဖယ်ရှား၍ သောက်သုံးရန် သင့်တော်သောရေရရှိအောင် လုပ်ခြင်းဖြစ်ပါသည်။
“သံဓါတ်ဖယ်ရှားပေးသောယူနစ်” Iron Removal Unit (IRU) ပြုလုပ်တတ်ဆင်နည်း၊
(၁) တိုက်ခမ်း၊အိမ်းခမ်းသုံးသံဓါတ်
၁) အ၀န်း ၁၈ လက္မ၊ အမြင့် ၁၀ လက္မရှိသံပုံး (၁)ခု။ အ၀န်း ၁၈ လက္မ၊ အမြင့် ၂၄ လက္မရှိ သံပုံး(၁)ခု။ အ၀န်း ၁၈ လက္မ၊ အမြင့် ၁၄ လက္မရှိ သံပုံး (၁)ခု စုစုပေါင်း သံပုံး(၃) ခု ပြုလုပ်ပါ။ ပဌမ(၂)ခု၏ ဖင်ကို ပုံပါအတိုင်း အပေါက်သေးသေးလေးများ (၁၆ ပိုင်း ၁ ပိုင်းလက္မ အရွယ် အပေါက်များ) ဖေါက်ပါ။ (သံဖြူဆိုင်တွင် ပြုလုပ်ခိုင်းရပါသည်။)
၂) ပုံပါအတိုင်း သံချောင်း(၃)ချောင်းထောက် (သို့) ၄ ချောင်းထောက် စင် (၁) ခု လည်း ပြုလုပ်ရန်ဖြစ်ပါသည်။ စင်၏ ပဌမဆင့်သည် အောက်ခြေမှ (၂၀) လက္မ ကွာရပါမည်။ ပဌမဆင့်နှင့် ဒုတိယဆင့်သည် ၃၊ ၄ လက္မ ကွာရပါမည်။
၃) ပုံး (၂) ထဲသို့ ပုံတွင်ပြထားသည့်အတိုင်း ကျောက်စရစ်၊ စပါးခွံ၊ မီးသွေး၊ အုန်းဆံဖတ်တို့ကို ထဲ့ပါ။ (အဆိုပါပစ္စည်းတမျိုးခြင်း၏ အောက်တွင် နှိင်လွန်ဇာများ ခံပေးရပါမည်)
၎) ထိုကရိယာကို လေကောင်းစွာရမည့် လသာဆောင်၊ ၀ရံတာစသည့် အခမ်းအပြင် (Open space) တွင်ထားရပါမည်။ အိမ်ခမ်းထဲ၌ ထား၍ မဖြစ်ပါ။
၅) သံပုံး (၁)ထဲသို့ သံဓါတ်ပါသည် ရေလောင်းထဲ့ပါ။ ဖြေးဖြေးခြင်းလောင်းထဲ့ပါ။ (လက်နှိပ်တုံကင်သုံး ရေတွင်းများအတွက် ပိုကောင်းပါသည်)
၆) အောက်ဆုံးသံပုံးထဲသို့ သံဓါတ်ဖယ်ထုတ်ထားသော ရေများ ကျဆင်းလာပေမည်။ သောက်သုံး၍ရနေပါမည်။ (ပုံပါအတိုင်း ရေထွက်ပေါက်တခု ဖေါက်၍ ရေပိုက်ခေါင်းတခု တပ်ရပါမည်။ ရေပိုက်ခေါင်း တတ်ဆင်ရာတွင် ရေပိုက်ခေါင်းနှင့် သံပုံးကြား ရေမယိုစိမ့်နှိင်အောင် အတွင်း အပြင် ၀ါရှာ (၂) ခု၊ (အတွင်းတခု၊ အပြင်တခု) ခံရပါမည်။ ရေပိုက်ခေါင်း ခိုင်ခန့်စေရန် ရေတိုင်ကီအတွင်းမှ အရစ်ပါသော ပီဗီစီပိုက်အတိုတခုနှင့် ရေပိုက်ခေါင်းတို့ ဆက်ရန် ဖြစ်ပါသည်။)
၇) ပြုပြင်ထိမ်းသိမ်းနည်း၊ ၊
သံပုံး(၂) ထဲရှိ အုန်းဆံမျှင်များ မည်းလာပါကအသစ်လဲရန်၊ စပါးခွံမီးသွေးအပေါ်ပိုင်းသည် သံချေးရောင် အနယ်များ ဖြစ်လာပါက
ထိုနေရာတ၀ိုက်ရှိ စပါးခွံမီးသွေးကို အသစ်လဲ ပစ်ရပါမည်။
(၂) မိမိအိမ်ဝင်းအတွင်း၊ စက်ရေတွင်းအနီး ပြုလုပ်ပုံ (Outdoor Type)
၁) အလျား ၆ ပေ၊ အနံ ၃ ပေ၊ အမြင့် ၃ ပေ ရှိ မြေပေါ်အုတ်ကန်တခုကို စက်ရေတွင်းနှင့် အနီးဆုံးနေရာတွင် ဆောက်ပါ (အနည်းဆုံး ၅ ပေ ခွာ၍ ဆောက်လုပ်သင့်ပါသည်။) (ရေစစ်တိုင်ကီမှ ကျလာသော ရေသန့် ခံယူသိုလှောင်ရန် ဖြစ်ပါသည်။)
၂) အလျား၊ ၄ ပေ။ အနံ ၃ ပေ။ အမြင့် ၃ ပေ။ အရွယ်ေ ရတိုင်ကီတခုပြုလုပ်ပါ။ သွတ်ပြားနှင့် ပြုလုပ်ရမည် ဖြစ်ပါသည်။ ရေတိုင်ကီကို ခိုင်ခန့်အောင် အန်ကလ်ဘား (Angle bar) နှင့် ဘောင်ပြုလုပ်ရပါသည်။ သံဖြူဆိုင်က ရေတိုင်ကီပြုလုပ်သည်သူများ နားလည်ပါသည်။ ပုံပါအတိုင်း ပီဗီစီ ပိုက် တစ်လက္မခွဲ အရွယ် အပေါက် (၃) ပေါက် ပြုလုပ်ခိုင်းပါ။ (တာမွေဈေးနားတွင် ရေတိုင်ကီပြုလုပ်သည့်အလုပ်ရုံမျ
(ထိုနောက် အောက်ပါ အတိုင်း ဆက်လက်ပြုလုပ်ပါ)
၂ က) ၁ လက္မခွဲအရွယ် ပီဗီစီပိုက်(၁)ပေ အရှည်ကို လက်ကိုင်သံလွန် (Hand Drill) ဖြင့် ပတ်ပတ်လည် အပေါက်များဖေါက်ပါ၊ တစ်ပေါက်နှင့် တစ်ပေါက်၊ လေးပိုင်းသုံးပိုင်းလက္မ ကွာဝေးရပါမည်။ အပေါက်အရွယ်အစားမှာ တမတ်အရွယ် (လေးပိုင်းတပိုင်းလက္မ) ခန့်ရှိသော အပေါက်သေးသေး လေး ပေါင်း အနည်းဆုံး (၃၀) ခန့် ရှိရပါမည်။ စုစုပေါင်း (၃) ခု ပြုလုပ်ရမည် ဖြစ်ပါသည်။
၂ ခ) အပေါက်သေးသေးလေးများ ဖေါက်ပြီးသော ပီဗီစီပိုက်များ၏တဖက်စီကို ပီဗီစီအဖုံး (PVC Cap) တခုစီဖြင့် ရေပိုက်သုံးကော်(ပီဗီစီဂလူး) သုံး၍ပိတ်ပါ။ ကျန်တဖက်စီကို အတွင်းရစ်ပါသော၊ အမ၊ ဆော့ကက်(PVC Socket / Female) တခုစီဖြင့် ရေပိုက်သုံးကော် (ပီဗီစီဂလူး) (PVC Glue) သုံး၍ တွဲဆက်ပါ။
၂ ဂ) နှိင်လွန်စကာ(နှိင်လွန်ဇာ)ဖြင့် ထိုပိုက်တခုစီကို (၂)ထပ်ခန့် ပတ်၍ အုန်းဆံကြီုး(သို့) ဂုံနီကြီုးနှင့် စီထားပါ။
၂ ဃ) အထက်အပိုက်ပါ အတိုင်း ပြုလုပ်ပြီးပါက ထိုပိုက်များကို ရေတိုင်ကီအတွင်း အောက်ခြေမှာ ရေထွက်ပေါက် (၃) ပေါက် ဖေါက်ထားသော နေရာများတွင် အတွင်းရစ်ပါသော ဆော့ကက် (PVC Socket / Female) တခုစီကို ရေတိုင်ကီအပြင်ဖက်က အပြင်ရစ်ပါသော ၊ အဖိုဆော့ကက် (PVC Socket / Male) တခုစီနှင့် အတွင်းအပြင်၌ ၀ါရှာခံပြီး ဆီလ်တိပ်သုံး၍ တင်းကြပ်နေအောင် တွဲဆက်ပါ၊ ပိုက်ဂိုက် အသုံးပြုရပါမည်။ (ထို အကူးအဆက်၊ ရေမယိုရန် အရေးကြီးပါသည်။)
၂ င) ထိုနောက် တိုင်ကီအပြင်မှာ ဆော့ကက်နှင့် ပီဗီိစီအလ်ဘိုး (Elbow) ကို အတွင်းက ပီဗီစီပိုက်တို (၂လက္မခွဲ အရှည်ခန့်) တခုစီခံ၍ ဆက်ပါ။ (ပုံတွင်ပြ ထားပါသည်)
၂ စ) စက်ရေတွင်းမှ ရေတင်စက်နှင့် မောင်းတင်သည့်ရေကို ရေပန်းဇကာဖြင့် ရေစစ်ကန်သို့ ကျဆင်းစေရပါမည်။ သို့ပါ၍ ရေပန်းတခု ပြုလုပ်ရပါမည်။
ပြုလုပ်ပုံမှာ၊ ရေထွက်ပိုက်နှင့် အရွယ်တူ (same size) ပီဗီစီပိုက် အတို(၄)ချောင်း (အရှည်၊ လက္မ ၂၀ – ၂ ချောင်း လက္မ ၁၄ – ၂ ချောင်း ဖြတ်ပါ။ အဆိုပါပိုက် (၄)ချောင်းကို ၁/၈ လက္မ အရွယ် အပေါက်များ၊ အတန်းလိုက် (၃) တန်း ဖေါက်ပါ။ တစ်ပေါက်နှင့်တစ်ပေါက် အန်လွဲ၊ လက်မ၀က် ကွာရပါမည်။ (ပိုက်၏ တဖက်တချက် (၂)လက္မစီ ချန်၍ ဖေါက်ပါ။ ရေပန်းပုံကြမ်းနှင့် ရေကျပိုက်အပေါက်ပုံကို၊ ပုံကြီးနှင့် တွဲဖေါ်ပြထားသည်)
မှတ်ချက်။ ။ ပီဗီစီပိုက် ၁လက္ခမခွဲ အရွယ် ပေ ၂၀ တစ် ချောင်း (ပိုက်ပေအရှည်ကို မိမိလိုအပ်သလောက် ၀ယ်ယူရမည်ဖြစ်ပါသည်) နှင့် Sockets, elbows, seal tapes, union, washers, etc.. pipe wrench ဆော့ကက်၊ အလ်ဘိုး၊ ဆီလ်းတိပ်၊ ယူနီယံ၊ ၀ါရှာ၊ စသည့် ရေပိုက်လုပ်ငန်းသုံး ပစ္စည်း အပြည့်အစုံ ၀ယ်ယူရမည်ဖြစ်ပါသည်။
၃) ကျောက်စရစ် (တစ်မတ်အရွယ်) ကို အုတ် သဲ ကျောက် ရောင်းသောနေရာမှ ၀ယ်ပါ (အဆိုပါ ကျောက်စရစ်ကို ရေစင်ကျယ်စွာ ဆေးကျောပြီး ပီနံအိပ် များနှင့် ထဲ့ထားပါ။ (ပြုလုပ်ပြီး ရေတိုင်ကီကို ပဌမ မိမိတတ်ဆင်လိုသည့်နေရာသို့ သယ်ယူပြီး အုတ်ကန်ပေါ်၌ အထိုင်ကျအောင် ပြုလုပ်ပါ။ ထိုနောက် သံရေတိုင်ကီထဲသို့ ထိုကျောက်စရစ်ကို အောက်က နှိင်လွန်ဇာခံ၍ ထဲ့ပါ။ ကျောက်စရစ်ထု ၆ – ၈ လက္မခန့်ထူအောင် ထဲ့ပါ)
၎) စပါးခွံမီးသွေး (အရပ်အခေါ် – အိုးတိုက်ဖွဲပြာ(တမီးကျ) မှတ်ချက် – ပြာများ မပါစေရ) ကို ၀ယ်ပါ။ မြောက်ဥက္ကလာ၌ ၀ယ်၍ ရပါသည်။ ပီနံအိပ်ကြီးကြီး ၄ ၅ လုံးခန့် ၀ယ်ရပါမည်။ ကျောက်စရစ်လွာနှင့် စပါးခွံမီးသွေးကြားတွင်လည်း နှိင်လွန်ဇာ(၂)ထပ်ခံက ပိုကောင်းပါသည်။ စပါးခွံမီးသွေးကို ရေတိုင်ကီအပေါ်ပိုင်း (၆)လက္မ အလိုထိ ဖြည့်ပါ။
၅) အုန်းဆံဖတ်(အမျှင်များ) (အုန်ဆံဖတ်နှင့်အတူရှိသည် အဖတ် အဖတ်များ မပါရပါ။ ထိုအဖတ်များသည် ရေသန့်စင်ရာတွင် ကောင်းကျိုးထက် ဆိုး ကျိုး သက်ရောက်စေပါသည်။ (ရေကို စေး စေပါသည်။) ထိုကြောင့် အုန်းဆံအမျှင်များသာ ရယူရန်ဖြစ်ပါသည်။ (အုန်းတံပြက်စီး အမျှင်များများ ရယူ ရန်ဖြစ်ပါသည်။) (အုန်ဆံမျှင်ကို ပီနံအိပ် (ပုံမှန်အရွယ်) ၃ ၄ အိတ်ခန့် ၀ယ်ရပါမည်။ အဆိုပါ အုန်းဆံမျှင်ကို အမှုံအမွားများ ကင်းစင် အောင်ပြုလုပ် ပြီး နှိင်လွန်ဇာဖြင့် ခေါင်းအုံးပုံ ချုပ်ရပါမည်။ ခေါင်းအုံးအရွယ်မှာ အလျား ၂ ပေ ၆ လက္ခမ၊ အနံ ၁၄ လက္ခမ၊ အမြင့် ၄ သို့မဟုတ် ၆ လက္ခမခန့်ဖြစ်ရပါမည်။
၆) အုန်းဆံမျှင် ခေါင်းအုံးကို အပေါ်ဆုံးက တင်ပါ။ ထိုခေါင်းအုံးသည် စက်ရေတွင်းလာသော ရေပန်း (ရေပိုက်အောက်တွင် ရှိနေရပါမည်။)
၇) လိုအပ်သောပစ္စည်းများအပြည့်အစုံ၊ စုဆောင်းရရှိပြီးပါက စက်ရေတွင်းနှင့် အနီးဆုံးနေရာသို့ ထိုပစ္စည်းများ အားလုံး သယ်သွားပါ။
ပဌမ၊ ရေတိုင်ကီကို အုတ်ကန်ပေါ်သို့ တင်ပါ။ အုတ်ကန်နှင့် ရေတိုင်ကီကြားတွင် သစ်သားချောင်း( ၄ -၂ လက္မ ၃ ပေ။ ၂ ချောင်း) များ ခံရပါမည်။
အုတ်ကန်အပေါ်တွင် ရေစစ်သံတိုင်ကီ အထိုင်ကျပြီး ဖြစ်ပါက အထက်အပိုဒ်များပါအတိုင်း တခုပြီး တခုတတ်ဆင်ရပါမည်။
၈) စက်ရေတွင်းမှ ရေကိုရေသန့်စင်ယူနစ်သို့ မပို့လွတ်မီ ရေနမူနာယူထားပါ။
စ) စက်ရေတွင်းမှ ရေကိုမောင်းတင်ပြီး ရေစစ်ကန်သို့ ဖြည်းဖြည်းချင်း ရေပန်းပုံစံ (Sprinkler) ရေ ကျဆင်းပါစေ။
(မှတ်ချက် – ရေပန်းရေ ပိုက်နှင့် အုန်းဆံမျှင်ခေါင်းအုန်းတို့ အကွာအဝေးသည် ၁ ပေ၊ ၁ ပေခွဲ ခန့်ရှိရပါမည်။)
ဆ) စောင့်ဆိုင်းချိန် ၁၅ မိနစ် ၂၅ မိနစ်ခန့်ကြာပြီးနောက် ရေစစ်ကန်အောက်ခြေ၊ ရေထွက်ပိုက်မှ ရေကျလာမည် ဖြစ်ပေသည်။
ကနဦး ကျလာသောရေသည် အမဲရောင် ဖြစ်နေနှိင်ပါသည်။ ထိုရေကို မရယူပါနဲ့။ ဘေးသို့ထုတ်ပစ်ပါ။ နောက်တဖြည်းဖြည်းခြင်း ရေကြည်များ ကျ ဆင်းလာမည် ဖြစ်ပေသည်။ ရေကြည်ကို ရေသန့်ပုလင်းဖြင့် ရယူ၍ ရေ စမ်းသပ် ဓါတ်ခွဲကြည့်ပါ။သံဓါတ် လျော့နဲသွားသည်ကို တွေ့လာပါသည်။ ရေနွေးကြမ်းကြိုသောက်ကြည့်ပါ။
စာရေးသူ အတွေ့အကြုံအရ မြေအောက်ရေတွင် ပျော်ဝင်နေသော သံဓါတ် ၁၀ ပီပီအမ် (ppm) (part per millium) ကို ဒဗလူအိပ်အို WHO သတ်မှတ်အဆင့် (၀.၅ – ၁.၀၀) ပီပီအမ် အထိလျော့ချနှိင်ပါသည်။ (ရေနွေးကြမ်း ကြိုသောက်ကြည့်ပါ။ လက်တွေ့ ကောင်းကျိုး ရပါမည်။ ရေသန့်ဝယ်ရသည့် ငွေကုန်ကျစရိတ် သက်သာလာပါမည်။)
အထက်ပါနည်းကို စာရေးသူ၏ ကျေးဇူးရှင် ကွယ်လွန်သွားပြီဖြစ်သော ဆရာကြီးဦးငွေသိန်း (Retired Water Supply Officer / UNICEF အပူပိုင်းဒေသ၊ ကျေးရွာရေရရှိရေးစီမံကိန်း၊/ အငြိမ်းစားပါမောက္ခ၊ ဘူမိဗေဒဌာန၊ ရန်ကုန်စက်မှုတက္ကသိုလ်၊) က လက်တွေ့သင်ကြားပြသ ပေးခဲ့ပြီး စာရေးသူနှင့် အတူ ၁၉၉၉-၂၀၀၃ ခုနှစ် အတွင်း မဟာရန်ကုန် တိုးချဲ့မြို့သစ်များရှိ၊ အိမ်ယာများ၊ ရေနှင့်ဆက်နွယ်သော ဌာနများတွင် နည်းပညာ ၀န်ဆောင်မှူု၊ စရိတ်ရယူ၍ လုပ်ဆောင်ပေးခဲ့သော နည်းဖြစ်ပါသည်။ (ကျွန်တော်၏ ကျေးဇူးရှင်ဆရာကို ဆောင်းပါး၊ စာစောင်ဖြင့် ကန်တော့ပါသည်။)
ရေသည် ကမ္ဘာလောကသားအားလုံးအတွက် မရှိမဖြစ် အခြေခံအလိုအပ်ဆုံးသော အရာဖြစ်ပါသည်။ မြေအောက်ရေသည် မြေပေါ်ရေထက် ပမာဏ၊ အဆများစွာ ဖြစ်တည်နေပါသည်။ ထိုကြောင့် မြေအောက်ရေကို အဆိပ်အတောက်၊ ရောဂါပိုးပွားများ ပျော်ဝင်ညစ်ညမ်းမှု့မရှိအောင် စဉ်ဆက်မပြတ် ဆက်လက် စောင့်ရှောက် ထိမ်းသိမ်းထားရမည်ဖြစ်ပါသည်။ မြေပေါ်မြေအောက် ရေအရင်းအမြစ်မှာ သဘာဝ အလျောက် ဖြစ်တည်နေသောအရာများ ဖြစ်ပေသည်။ သို့မှသာ လူသားအားလုံးအတွက် အလိုအပ်ဆုံးသော သောက်သုံးရေကို အမြဲရယူ သုံးစွဲနှိင်မည်ဖြစ်ပေသည်။
စိတ်ချစွာ သောက်သုံးနှိင်သော ရေနှင့် သန့်စင်သော လေရရှိရေးသည် လူသားအားလုံးအတွက် မွေးရာပါ ရပိုင်ခွင့်ဖြစ်ပါသည်။
ရေကြောင့်စိတ်ဆင်းရဲမှု့မှ ကင်း
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
