>
ဦးထွေးမြင့်၏ အကြံပြုစာအပေါ်မှတ်ချက်
တူမောင်ညို။ နိုဝင်ဘာ၁၇၊ ၂၀၁၁
ဦးထွေးမြင့်၏အကြံပြုစာ (၁၆၊ နိုဝင်ဘာ၊ ၂၀၁၁)သည်၊ (၁၈ နိုဝင်ဘာ) တွင် ဆုံးဖြတ်ချက်ချတော့မည့် ဒီချုပ်အတွက်အလေး ထား၊ ထည့်သွင်း စဉ်းစားသင့်သည့် “အကြံပြုချက်ကောင်း” တစ်ခုဟု ယူဆပါသည်။
အလားတူပင် အခြားလူပုဂ္ဂိုလ်များ၊ ပါတီအဖွဲ့အစည်းများ၏ အကြံပြုချက်များလည်းရှိပါလိမ့်မည်။
သူ၏ အကြံပြုစာတွင် “ရွေးကောက်ပွဲမဝင်ရေး” ကို ခိုင်မာစွာဆုပ်ကိုင်ထားသော်လည်း ပါတီမှတ်ပုံတင်ရေးကိုမူ ညှိနှိုင်းဆောင် ရွက်နိုင်သည့် အရာတစ်ခုအဖြစ်သဘောထားပုံရသည်ကိုလေ့လာတွေ့ရှိရပါသည်။
“သဘောထားမှန်သော တပ်မတော်ခေါင်းဆောင်များနှင့် မပူးပေါင်း၍မဖြစ်၊ပူးပေါင်းလက်တွဲ ညှိနှိုင်းဆောင်ရွက်နိုင်မှ လိုရာခရီး ရောက်နိုင်မည်။ ပေါင်းပုံပေါင်းနည်းကားအခရာဖြစ်သည်။ အရေးကြီးသည်မှာ လုပ်ပိုင်ခွင့်အာဏာမရှိဘဲနှင့် တာဝန်မယူသင့်” ဟူသည့် အချက်မှာအကြံပြုစာ၏ “အတွင်းသား”ဖြစ်မည်ဟုယူဆပါသည်။
သို့ပါ၍ တိုင်းပြည်နှင့်ပြည်သူလူထုအကျိုးကိုရှေ့ရှုသောအကြံပြုချက်များကို ဒေါ်အောင်ဆန်းစုကြည်နှင့် အမျိုးသားဒီမိုကရေစီ အဖွဲ့ချုပ်ဗဟိုဦးစီးအဖွဲ့ဝင်များ၊ ပါတီဝင်များ က အလေးထားထည့်သွင်းစဉ်းစားလိမ့်ကြမည်ဟု မျှော်လင့်မိပါသည်။
ဦးထွေးမြင့်သည် ၈၈ အရေးအခင်းကာလအတွင်းကဒေါ်အောင်ဆန်းစုကြည်ကို အနီးကပ်ဝန်းရံခဲ့သူတစ်ဦးလည်းဖြစ်သည်။
ဦးထွေးမြင့်က သူ၏ အကြံပြုစာကို ဤသို့ ဖွဲ့စည်းတင်ပြထားပါသည်။
အကြောင်းအရာ။ ။ဒေါ်အောင်ဆန်းစုကြည်နှင့်အမျိုးသားဒီမိုကရေစီအဖွဲ့ချုပ်ပါတီမှတ်ပုံမတင်သင့်၊ ရွေးကောက်ပွဲမဝင်သင့်၊ ရာထူးမယူသင့်။
အကြံပြုစာကို အောက်ပါခေါင်းစဉ် (၁၀) ခုဖြင့် အကြောင်း/အကျိုးဖေါ်ပြထားသည်။
၁။ အမျိုးသားညီလာခံ(ညောင်နှစ်ပင်ညီလာခံ)
၂။ ဖွဲ့စည်းပုံအခြေခံဥပဒေ
၃။ တရားစီရင်ရေး
၎။ ဘာသာရေးလွတ်လပ်ခွင့်
၅။ စီးပွားရေး
၆။ အလုပ်သမားအရေး
၇။ ကချင်ပြည်နယ်အခြေအနေ
၈၊ ၉၊ ၁၀ သည် သတိပေးချက်နှင့်အကြံပြုချက်များဖြစ်သည်။
(၈၊၉၊ ၁၀) ကို မူရင်းအတိုင်းကောက်နှုတ်ဖေါ်ပြလိုက်ပါသည်။
၈။ အခြေခံဥပဒေအရ ရွေးကောက်ပွဲဝင်အမတ်ဖြစ်၊အစိုးရအဖွဲ့ထဲဝင်လျှင် ဝန်ကြီးဖြစ်၊ ဝန်ကြီးဖြစ်လျှင် အမတ် အဖြစ်နှင့် နိုင်ငံရေးပါတီမှနှုတ်ထွက်ပေးရမည်၊ နိုင်ငံရေးပါတီအနေနှင့်စည်းရုံးခွင့်မရှိတော့၊ ယင်းသို့ဖြစ်လျှင်တရားရုံးရှေ့နေ ဦးဟန်ရှင်ဝင်း က “ခေါင်းနဲ့ကိုယ် အိုး စားကွဲလိမ့်မည်” ဟု ပြောသွားခဲ့သည်။ဦးထောင်ကိုထန်းကမူ “ခြေရောလက်ပါ တုတ်ပြီးနှောင်ပြီး ဖြစ်လိမ့် မယ်”ဟုပြောသွားသည်။
ဦးဝင်းတင်က ပါတီမှတ်ပုံတင်သော်လည်းရွေးကောက်ပွဲမဝင်သင့်ဟုပြောသွားသည်။ ပါတီမှတ်ပုံတင်ရေးနှင့် ရွေးကောက်ပွဲ အနည်းဆုံးသုံးနေရာဝင်ရေး ကိုချိတ်ဆက်ထားသည်။
ရွေးကောက်ပွဲဝင်အမတ်ဖြစ်၊ အစိုးရအဖွဲ့ထဲဝင်လျှင်ဝန်ကြီးဖြစ်သည့်တိုင်အောင်မိမိတို့ထင်သလိုလုပ်ပိုင်ခွင့်အာဏာ တစ်စုံ တစ်ရာ ရှိမည်မဟုတ်။ စစ်အုပ်စု၏ ဒီမိုကရေစီစနစ်နှင့်ဆန့်ကျင်သောလုပ်ရပ်များအတွက်သာ ပူးတွဲတရားခံဖြစ်ဖွယ်ရှိသည်။
၉။ မြန်မာနိုင်ငံ၏ လက်ရှိအခြေအနေမှာသဘောထားမှန်သော တပ်မတော်ခေါင်းဆောင်များနှင့် မပူးပေါင်း၍မဖြစ်၊ ပူးပေါင်းလက်တွဲ ညှိနှိုင်းဆောင်ရွက်နိုင်မှ လိုရာခရီးရောက်နိုင်မည်။ သို့သော် ပေါင်းပုံပေါင်းနည်းကားအခရာဖြစ်သည်။အရေးကြီးသည်မှာလုပ်ပိုင်ခွင့် အာဏာ မရှိဘဲနှင့်တာဝန်မယူသင့် အကြံပေးအတိုင်ပင်ခံအနေသာဖြစ်သင့်သည်။သမ္မတ၏ နိုင်ငံရေးအကြံပေး၊ စီးပွားရေးအကြံပေးကော်မတီ တို့ရှိနေပြီးသား သာဓကများရှိနေပြီ။
အလေးအနက်အကြံပြုလိုသည်မှာ ရွေးကောက်ပွဲမဝင်သော်လည်း-
“နိုင်ငံတော်အတိုင်ပင်ခံကောင်စီ”ဖွဲ့စည်းခွင့်တောင်းဆိုသင့်သည်၊ အဲန်အလ်ဒီအနေဖြင့် ၁၉၉၀ ပြည့်နှစ် ရွေးကောက်ပွဲ ရလဒ်ကို တစ်နည်းနည်းဖြင့်အသိအမှတ်ပြုရာရောက်မည်။ ၁၉၉၀ ပြည့် ရွေးကောက်ခံကိုယ်စားလှယ်များ၊အဲန်အလ်ဒီရွေးကောက်ခံ ကိုယ်စား လှယ်များ ၊ တစညပါတီဝင်များစသည်။ အခြားပါဝင်သင့်သူများဥပမာ ဦးခွန်ထွန်းဦး၊ ကိုမင်းကိုနိုင်၊ ကိုကိုကြီးလို ၊ တိုင်းရင်းသား ညီ နောင်ကိုယ်စားလှယ်များ၊ကေအဲန်ယူ၊ ကေအိုင်အို၊ စသည်တို့ ၊ အခြားပါဝင်သင့်သူများ၊ တပ်မတော်ကိုယ်စားလှယ်၊ စသည်တို့ပါဝင်ရန်။
၁၀။ “နိုင်ငံတော်အတိုင်ပင်ခံကောင်စီ”အနေနှင့် အမြင့်ဆုံးရည်မှန်းချက်အဖြစ် ရာစုသစ်ဒုတိယ ပင်လုံညီလာခံ/ အမျိုးသားညီလာခံကျင်းပနိုင်ရေးအထိ ရည်မှန်းချက်ထားသင့်သည်။ တိုင်းရင်းသားလူမျိုးအသီးသီးပါဝင်ပြီး အမျိုးသားပြန်လည်သင့်မြတ်ရေး၊တိုင်းရင်းသား အချင်းချင်း ညီညွတ်ရေး၊ ကိုယ်ပိုင်ဆုံးဖြတ်ပိုင်ခွင့်၊ တန်းတူရည်တူရှိရေး၊လောကပါလတရားများထွန်းကားရေး၊ အားလုံးပါဝင်ခွင့်ရှိစေပြီး ပြည်ထောင်စုသစ်ဖွဲ့စည်းတည်ထောင်နိုင်ရေး၊ထိုအင်္ဂါတို့ဖြင့်ကိုက်ညီသည့် တည်တံ့ခိုင်မာသည့် အခြေခံဥပဒေတစ်ရပ် ရေးဆွဲအတည်ပြု နိုင်ရေးကိုလုပ်ကိုင်ဖေါ်ဆောင်ကြရန်ဖြစ်ပါသည်။ “နိုင်ငံတော်အတိုင်ပင်ခံကောင်စီ ” အတွက် ကုန်ကျစရိတ်၊ဝန်ထမ်းအဖွဲ့အစည်း တို့ အတွက် နိုင်ငံတော်အစိုးရက ကျခံရန်ဖြစ်ပါသည်။
ရည်ညွှန်း – ဦးထွေးမြင့်၏ ပေးစာ၊ http://www.scribd.com/doc/72805783/u-Htwe-Myint-Bcp
ဓာတ်ပုံ – မိုးမခ။ မူလသတင်း။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
