မြို့နယ်ရုံး
ပြည်သူ့ကိုယ်စားလှယ် ဒေါ်ဖြူဖြူသင်း တနေ့တာလှုပ်ရှားမှုများ တစေ့တစောင်း
မိုးမခဓာတ်ပုံသတင်း၊ နိုဝင်ဘာ ၂၅၊ ၂၀၁၃
နိုဝင်ဘာ ၂၅က မင်္ဂလာတောင်ညွန့်မြို့နယ်၊ ပြည်သူ့လွှတ်တော်ကိုယ်စားလှယ်၊ အင်န်အယ်ဒီပါတီ ခေါင်းဆောင် ဒေါ်ဖြူဖြူသင်း ရန်ကုန်ရောက်ရှိခိုက်မှာ တနေ့တာလှုပ်ရှားသွားလာမှုများကို တစေ့တစောင်း လိုက်ပါလေ့လာခွင့် ရရှိခဲ့ပါတယ်။
ဒဂုံအရှေ့ပိုင်း သင်တန်းကျောင်းသို့
သင်တန်းဆင်းသူ ၂၀ နှင့် တွေ့ဆုံ
မနက် ၅ နာရီခွဲ ကတည်းက တောက်လျောက် ပါတီမြို့နယ်ရုံးအခြေပြုပြီး အခမ်းအနားများ၊ ဧည့်သည်များနဲ့ တွေ့ဆုံတာ၊ ဆွေးနွေးတာတွေ လုပ်ဆောင်နေခဲ့ရာက နေ့လယ် ၂ နာရီခန့်မှာ ဒဂုံမြို့သစ် အရှေ့ပိုင်း၊ စီးပွားရေးတက္ကသိုယ်အနီးက ဒီချုပ်ပါတီရဲ့ အမျိုးသမီးစွမ်းဆောင်ရည်မြှင့်သင်တန်းကျောင်းက တတိယအကြိမ်မြောက် စက်ချုပ်သင်တန်းဆင်းပွဲကို တက်ရောက်ပြီး နှုတ်ဆက်ခြင်း၊ တွေ့ဆုံခြင်းတို့ ပြုခဲ့ပါတယ်။
သင်တန်းသူများ
သင်တန်းဆင်းလက်မှတ်များ
အပ်ချုပ်စက်များ
သင်တန်းသူတို့ရဲ့ အမည်နဲ့ စုဖွဲ့မှု
သင်တန်းဆရာ၊ ဆရာမများ
တတိယအကြိမ်သင်တန်းအထိမ်းအမှတ် နံရံကပ်စာစောင်
သင်တန်းကျောင်းမြင်ကွင်း
အလှုရှင် အမျိုးသမီးတဦးတည်းက ၂၀၁၃ နှစ်ဆန်းမှာ လှူဒါန်းခဲ့တဲ့ သင်တန်းကျောင်း အဆောက်အဦ
သင်တန်းသူများနဲ့ အမှတ်တရ
အဲတာနဲ့ တဆက်တည်း ညနေ ၄ နာရီ ခန့်မှာ အနီးမှာရှိနေတဲ့ HIV လူနာများ ပြုစုစောင့်ရှောက်ရေး မူလပထမဂေဟာကို သွားရောက်ပြီး ဂေဟာတာဝန်ခံများ၊ လူနာများ၊ ကလေးသူငယ်များနဲ့ တွေ့ဆုံ နှုတ်ဆက်ခြင်း၊ ဆေးကုသမှု အရေးတကြီးလိုအပ်နေတဲ့ လူနာတွေကို ကိုယ်တိုင် ကြည့်ရှုအားပေးပြီး ကုသမှုဆိုင်ရာ အကြံပေး ညွှန်ကြားခြင်းများ ပြုလုပ်တာကို တွေ့ရပါတယ်။
HIV လူနာများ စောင့်ရှောက်ရေး ဂေဟာသို့
တာဝန်ခံများ၊ ကလေး လူကြီးများရဲ့ နှုတ်ခွန်းဆက်
တည်ဆောက်ရန် ရည်ရွယ်နေတဲ့ ဂေဟာသစ်ပုံစံ (အလှူရှင်များ လိုအပ်နေဆဲ)
လက်ရှိ မူလဂေဟာ မြင်ကွင်း
လူနာများထဲက အရေးပေါ်စောင့်ရှောက်မှု လိုနေတဲ့ လူနာများနဲ့ …
လက်ရှိ ဂေဟာဆောင်ရဲ့ မြင်ကွင်း
ထမင်းစားနဲ့ မီးဖိုဆောင်နေရာ
ရေချိုးကန်
ဂေဟာမှ အပြန်
ညနေ ၅ နာရီကျော်မှာတော့ မင်္ဂလာတောင်ညွှန့်မြို့နယ် ပါတီရုံးနဲ့ ပြည်သူ့လွှတ်တော်ကိုယ်စားလှယ်ရုံးမှာ အဆင်သင့် စောင့်ဆိုင်းနေကြတဲ့ မြို့နယ်ဆိုင်ရာ ဒေသခံများ၊ ပါတီဝင်များနဲ့ တွေ့ဆုံဆွေးနွေး ညှိနှိုင်းပွဲတွေ ဆက်လက် ဆောင်ရွက်ဖို့ အစည်းအဝေးတက်ရောက်ပါတယ်။
ပြည်သူ့ကိုယ်စားလှယ်တဦးအဖြစ် လွှတ်တော်တက်ရောက်ခြင်း၊ သက်ဆိုင်ရာလွှတ်တော်ကော်မီတီ လုပ်ငန်းများ ဆောင်ရွက်ခြင်း၊ မူလ HIV လူနာများ စောင့်ရှောက်ခြင်း ပညာပေးလုပ်ငန်းများ ဆောင်ရွက်ခြင်း၊ အမျိုးသမီးများ စွမ်းဆောင်ရည်မြင့်တင်ရေးနဲ့ ကိုယ်စားပြုရာ မြို့နယ်အရေးကိစ္စများကိုပါ တာဝန်ယူ ထမ်းဆောင်မှုပြုနေတဲ့ အမျိုးသမီးခေါင်းဆောင်တဦးရဲ့ တနေ့တာထဲက အချို့သော တစိတ်တဒေသကို ဓာတ်ပုံ မှတ်တမ်းအဖြစ် တင်ဆက်လိုက်ရပါတယ်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
