ငယ်စဉ်အခါက မြန်မာ့ရုပ်မြင်သံကြားတွင် “ရန်သူမျိုးငါးပါးထဲမှာ အင်မတန်ဆိုးဝါးလှတာ မညှာတာ ဘယ်သူ့မှမထောက်ပါ သူခိုး၊ ဓါးပြထက် ဆိုးတဲ့ရန် သူဟာ … ဤဇဗ္မူတစ်ခွင်မှာ ရန်သူမီးကို ရှောင်ရှား သတိပြုပါ” ဟူသော သီချင်းစာသားလေးအား မိဘပြည်သူများ သတိရကြဦးမည်ထင်ပါသည်။ အချို့သော အညာဒေသတို့၏ ရွာအဝင်တံခါး ဆိုင်းဘုတ်လေးတွင်လည်း မီးဘေးအန္တရာယ်မှ ကင်းဝေးစေအံ့ဟူသော မီးသတိပေး ဆိုင်းဘုတ်ကလေးများ ချိတ်ဆွဲထားသည်ကို တွေ့မြင်ခဲ့ရဖူးပါသည်။ မှန်ပါသည်။ ယခုပူပြင်း လှသောနွေရာသီအချိန်ကာလတွင် မြန်မာနိုင်ငံအဝှမ်း နေရာဒေသအသီးသီးတို့တွင် မီးလောင်ဆုံးရှုံးမှု သတင်းများ ရေဒီယို၊ ရုပ်မြင်သံကြားနှင့် ပုံနှိပ်မီဒီယာများ၊ အွန်လိုင်းမီဒီယာများတို့တွင် ခပ်စိပ်စိပ်ကလေး တွေ့မြင်ကြားသိရသည်မှာ စိတ်မချမ်းမြေ့စရာ။ ကျွန်တော်တို့၏ မြန်မာနိုင်ငံတွင် နှစ်စဉ်မီးလောင်မှုကြောင့် မိဘပြည်သူတို့၏ အသက်အိုးအိမ်စည်းစိမ်နှင့် ငွေကျပ်သန်းပေါင်းများစွာ ဆုံးရှုံးခဲ့ရပြီဖြစ်သည်။ ထို့ကြောင့် မိဘပြည်သူများအနေဖြင့် မီးဘေးအန္တရာယ်များကင်းဝေးစေရန် “မီးဘေးရှောင် မလောင်ခင်တား” ဟူသော ဆောင်ပုဒ်လေးအတိုင်း မလိုလားအပ်သောဆုံးရှုံးမှုများ မဖြစ်ပေါ်စေရန်အတွက် မိဘပြည်သူများအနေဖြင့် ဝိုင်ဝန်းကာကွယ်ကြရန်နှင့် မီးဘေးနှင့်ပတ်သက်သော အသိပညာပေးလုပ်ငန်းများ၊ မီးဘေးကာကွယ်ရေး အစီအမံများ ပိုမိုလုပ်ဆောင်ကြရန် လိုအပ်လာပြီဖြစ်သည်။
၂ဝ.၄.၂ဝ၁၃ ရက်နေ့တွင် မြန်မာနိုင်ငံ၏အပူပြင်း အခြောက်သွေ့ဆုံးသောဒေသတစ်ခု အပါအဝင် ဖြစ်သော ညောင်ဦးမြို့နယ်ရှိ ယဉ်စမ်းကျေးရွာတွင် မီးလောင်ကျွမ်းမှုကြောင့် အိမ်ခြေ (၁၉) အိမ် မီးလောင် ဆုံးရှုံးခဲ့ရပြီး လူဦးရေ (၁ဝဝ) ကျော် အိုးမဲ့အိမ်မဲ့ဖြစ်ခဲ့ရသည်။ အဆိုပါ မီးလောင်မှုဖြစ်ပြီး တစ်ရက်အကြာ တွင် နာရေးကူညီမှုအသင်း(ရန်ကုန်)မှ ညောင်ဦးမြို့ရှိ “ကရုဏာရှင်” နာရေးအခမဲ့ကူညီမှုအသင်းနှင့် ဆက်သွယ်ကာ မီးဘေးသင့်ပြည်သူများအတွက် လိုအပ်သောပံ့ပိုးမှုများ ကူညီဖေးမခဲ့သည်။ ယဉ်ဆမ်း ကျေးရွာ မီးဘေးသင့်ပြည်သူများသို့ နာရေးကူညီမှုအသင်း(ရန်ကုန်)မှ ဆန်အိတ်များ၊ ဖိနပ်များ၊ မီးဖိုချောင် သုံးပစ္စည်းများဖြစ်သည့် စတီးအိုး၊ ထမင်းပေါင်းအိုး၊ ခွက်၊ ပန်းကနန်၊ ဓါး၊ ဇွန်း၊ ကပ်ကြေးနှင့် စောင်၊ ခြင်ထောင်၊ ခေါင်းဦး၊ အိပ်ယာခင်းနှင့် အဝတ်အထည်များ (စုစုပေါင်းငွေကျပ် (၁ဝ) သိန်းကျော်ခန့်)အား ညောင်ဦးမြို့ရှိ “ကရုဏာရှင်” နာရေးအခမဲ့ကူညီမှုအသင်းမှ တဆင့်ပေးပို့၍ လှူဒါန်းကူညီပေးခဲ့သည်။ အရေးပေါ်ကယ်ဆယ်ရေးလုပ်ငန်းများအတွက် လှူဒါန်းနိုင်ခဲ့ခြင်းသည် နာရေးကူညီမှုအသင်း(ရန်ကုန်)သို့ အများပြည်သူတို့၏ နာရေးကိစ္စသာမက ကျန်းမာရေး၊ ပညာရေး၊ မီးဘေး၊ လေဘေး၊ ရေဘေး၊ သဘာဝ ဘေး၊ စစ်ဘေးများဖြစ်ပေါ်လာပါက မဆိုင်းမတွန့် အကူအညီပေးနိုင်ရန်အတွက် အလှူငွေများ စနစ်တကျ စီစဉ်ထားရှိမှုတို့ကြောင့် ယခုကဲ့သို့ ထိရောက်လျင်မြန်စွာ ကူညီပေးနိုင်ခဲ့ခြင်းဖြစ်သည်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
