>
mmstoryteller.org
သြဂုတ် ၂၈၊ ၂၀၁၁ —ယဉ်ကျေးမှုလို့ဆို လိုက်တာနဲ့ ခက်တာက အဆို၊ အက၊ အရေး၊ အတီးနဲ့ ရှေးဟောင်းအဆောက် အအုံတွေကိုပဲ ပြေးမြင်ကြတာပါ။ တကယ်က အဲဒီလောက်ထိပဲ မဟုတ်ဘဲ အစဉ်အဆက်က ရိုးရာ အစားအစာ၊ အဝတ်အစား၊ ပုံပြင်တွေ၊ သီချင်းတွေ၊ ဒါတွေကလည်း ယဉ်ကျေးမှု အဆောက်အအုံကြီးထဲမှာ ပါတာပါပဲ—“
ပုံပြောသူများ အဖွဲ့ကို ၂၀၀၉ခုနှစ် စက်တင်ဘာလ ၃၀ ရက်နေ့က ပုံပြောခြင်း ဓလေ့ကို ရှင်သန်လိုတဲ့၊ ရိုးရာ ပုံပြင်တွေကို ထိန်းသိမ်းလိုတဲ့ လူငယ်တွေက စတင် ဖွဲ့စည်းခဲ့ပါတယ်။ ကမ္ဘာမှာ ပုံပြောသူများ ဆိုပြီး အဖွဲ့တွေ ရှိကြပါတယ်။ အဲဒီလို နိုင်ငံတကာက ပုံပြောသူများ အဖွဲ့တွေဟာ ကမ္ဘာ့ပုံပြင် ပွဲတော်တွေမှာ တက်ရောက်ကြပါတယ်။
အမေရိကန် နိုင်ငံမှာ ဆိုရင်လည်း ပြည်နယ်တိုင်းမှာ ပုံပြောသူများ အဖွဲ့တွေ၊ ရိုးရာ ပုံပြင်တွေကို ထိန်းသိမ်း ကြတဲ့ အဖွဲ့တွေ ရှိတယ်လို့လည်း သိရပါသေးတယ်။ ရိုးရာ ပုံပြင်တွေကို ထိန်းသိမ်းကြတဲ့ ဒီလို အဖွဲ့တွေ ရှိနေကြတယ်၊ လုပ်ဆောင် နေကြတယ် ဆိုတာ ကျွန်မတို့ အမှတ်တမဲ့ ဖြစ်နေတဲ့ အချက်တစ်ခုလို့ ထင်ပါတယ်။
ပုံပြောတဲ့ ဓလေ့ကို လူထုကြားထဲမှာ ပြန်ပြီး ရစေချင်တဲ့ အတွက် ဖွဲ့စည်း ဖြစ်ခဲ့တာပါ။ မြန်မာနိုင်ငံမှာတော့ ဆရာကြီး လူထုဦးလှ ဆိုရင် ရိုးရာ ပုံပြင်တွေကို ရေးပြီး စာအုပ်တွေနဲ့ ထိန်းသိမ်းကြတာမျိုး ရှိပါတယ်။
ပုံပြောသူတွေ စတင်ခဲ့ချိန်က ရည်ရွယ်ချက်ဟာ အရမ်းကို ရိုးရှင်းပါတယ်။ ဒီအဖွဲ့ ရည်ရွယ်ခဲ့တာကတော့ လူငယ်တွေ အချင်းချင်းကြားမှာ ရိုးရာ ပုံပြင်တွေ(ပုံပြောခြင်း အနုပညာ)ကို အခြေခံပြီး၊ (Capacity) စွမ်းရည်မြင့် တက်လာအောင် ဆွေးနွေးဝိုင်းလေးတွေ လုပ်ကြမယ် ဆိုပြီး လုပ်ခဲ့တာပါ။ အစပိုင်းမှာတော့ ပုံပြောမယ် ဆိုတဲ့ အခါ ကလေးတွေကို ရည်ရွယ်ခဲ့တာတော့ မဟုတ်ပါဘူး။ ပုံပြောသူတွေရဲ့ ပထမဆုံး ခြေလှမ်းကို ကြည့်မယ်ဆိုရင် ရန်ကုန်မြို့ရဲ့ ဆင်ခြေဖုံးလို နေရာ တစ်ခုမှာ ပုံပြောခြင်းကို အခြေခံပြီး Capacity Building ဆိုင်ရာ ဆွေးနွေးဝိုင်းလေးတွေ လုပ်ဖြစ်ခဲ့ပါတယ်။
တင်ချိန်မှာလည်း အခက်အခဲလေးတွေနဲ့ ကြုံရ ပါသေးတယ်။ တာထွက် မကောင်းဘူးလို့ ဆိုပေမယ့် ကြုံရတဲ့ အခက်အခဲကတော့ လူငယ်တွေ အချင်းချင်း အားလုံး ပါလာအောင် စည်းရုံးရတဲ့ အခါ အခက်အခဲ အချို့နဲ့ ကြုံတွေ့ရတာပါ။ သူကလည်း ကျောင်းသား၊ ကိုယ်ကလည်း ကျောင်းသားဆိုတော့ အချင်းချင်းဆရာ လုပ်သလိုမျိုး ဖြစ်နေတယ်လို့ အထင် ခံရတာမျိုးလေးတွေ ရှိခဲ့ပါတယ်။ အစပိုင်းမှာ အဖွဲ့ရဲ့လှုပ်ရှားမှု သိပ်မများ သေးတော့ အရှိန် မရသေးတာကြောင့်လည်း တော် တော်လေး ရုန်းကန်ခဲ့ရပါတယ်။
ပုံပြောသူတွေကတော့ များသောအားဖြင့် အခြား အဖွဲ့တွေနဲ့ ပူးပေါင်း လုပ်ဆောင်ဖြစ်ကြတာ များပါတယ်။ တချို့အဖွဲ့တွေက လိုအပ်တဲ့ အခါ အကူအညီ တောင်းလာတာမျိုး၊ အားလုံး အတူတူ သွားကြဖို့ ဖိတ်တဲ့ အခါမျိုးတွေမှာ လိုက်ပါဖြစ် ကြပါတယ်။ သူတို့တွေက လှူတယ်၊ ပုံပြောသူ တွေက ပုံပြောကြတယ်။ သီချင်းတွေ ဆိုပြတယ်။ အတူတူ ကစား ပေးကြတာမျိုး တွေလည်း လုပ်ကြပါတယ်။ အခါ အားလျော်စွာ အဖွဲ့ ရန်ပုံငွေပေါ် မူတည်ပြီးလည်း အလှူ လုပ်ကြတာတွေ ရှိပါတယ်။ ပုံပြောသူတွေရဲ့ Trend မဟုတ်ဘဲ တခြား လူငယ် အဖွဲ့တွေနဲ့ ပူးပေါင်း လုပ်ဖြစ်ကြတဲ့ အဖွဲ့တွေထဲမှာ လောကတ္ထစရိယ Lotus စတဲ့ ဘာသာရေး အဖွဲ့ အချို့နဲ့ ဘာသာပေါင်းစုံ လူငယ်များ ချစ်ကြည်ရေး အဖွဲ့၊ MOSN စတဲ့ အဖွဲ့တွေ အပါအဝင် အဖွဲ့ တော်တော်များများ ပါဝင်ကြပါတယ်။ ဘာသာပေါင်းစုံ လူငယ်များ ချစ်ကြည်ရေး အဖွဲ့မှာ ဗုဒ္ဓဘာသာ၊ ဟိန္ဒူ၊ ခရစ်ယာန်နဲ့ အစ္စလာမ် ဘာသာဝင် လူငယ်များ ပါဝင်ကြ ပါတယ်။ အဲဒီ အဖွဲ့က နေပြီး ပုံပြောသူတွေကို နွေရာသီ ကျောင်းပိတ်ရက် Summer School မှာ ဘယ်လို လာကူ ပေးနိုင်မလဲ ဆိုပြီး ဖိတ်ခေါ်တဲ့ အခါ ပါဝင်ဖြစ်ခဲ့ ပါသေးတယ်။ အဲဒီမှာတော့ ပုံပြောတာအပြင် ရုံးအားတဲ့သူတွေကသွားပြီး စာသင်ပေးကြပါတယ်။ ပုံပြောသူတွေက ဒီလို Activity တွေကို ရှေ့ဆက် လုပ်ဆောင်သွားကြဦးမယ်လို့လည်းဆိုပါတယ်။ နောက်ထပ် ပူးပေါင်း လုပ်ဆောင်ဖြစ်ခဲ့တာတစ်ခုကတော့ ထူးခြားတယ်လို့လည်း ဆိုနိုင်ပါတယ်။
မြန်မာနိုင်ငံ တောင်တက်အသင်းက နာဂစ်အပြီး စောစောပိုင်းလတွေမှာ တစ်လ တစ်ခါ မြစ်ဝကျွန်းပေါ် ဒေသတွေကို ဆေးကုပေးဖို့ သွားခဲ့ကြပါတယ်။ မြန်မာ နိုင်ငံတောင်တက် အသင်းနဲ့ အတူ လိုက်ပါပြီး၊ ပုံပြောသူတွေက ကလေးတွေ စိတ်ပျော်ရွှင်အောင် အတူ ကစားပေးခဲ့ကြတယ်။ သီချင်းတွေ အတူဆိုကြ၊ ကကြ တယ်။ ကလေးတွေကို မုန့်တွေကျွေးပြီး ပုံပြင်တွေ ပြောပြကြတာတွေက ကလေးတွေရဲ့ ရင်ထဲက စိတ်ဒဏ်ရာတွေ လျော့ပါးသွားအေင်၊ ခဏပဲဖြစ်ဖြစ် ပျောက်ကွယ်သွားအောင် ကြိုးစားကူညီပေးခဲ့ကြတာပါ။
၂၀၁၀ ပြည့်နှစ် နွေအကုန် မိုးအကူး ကာလက ရန်ကုန်တိုင်းရဲ့ နေရာဒေသ အချို့ ရေပြတ်လပ်မှု ကြုံတွေ့ခဲ့ရချိန်မှာ အဖွဲ့အနေနဲ့ မဟုတ်ဘဲ၊ တစ်ဦးချင်း လှုပ်ရှားခဲ့ကြပါသေးတယ်။
ပုံပြောသူများ အဖွဲ့မှာ အဖွဲ့ဝင်မျိုးစုံ ပါဝင်ကြပါတယ်။ သတင်းထောက်များ၊ ကာတွန်း ဆရာများ၊ ဘလော့ဂါများ၊ အသံလွှင့် ဌာနတွေမှာ တာဝန် ထမ်းဆောင် နေကြတဲ့ ဝန်ထမ်းများ၊ အပျော်တမ်း တီးဝိုင်းတွေမှာ တီးခတ်ကြတဲ့ Player များ အပြင်၊ ဒီဂျေလိုမျိုး ဂီတ သမားများလည်း ပါဝင်ကြပါတယ်။ ပုံပြောသူတွေမှာ တခြား အဖွဲ့တွေလိုပဲ လစဉ်ကြေး သတ်မှတ်ထားတာ ရှိပါတယ်။ တကယ့် အဖွဲ့အစည်းကြီးတွေလို လခပေးပြီး ဝန်ထမ်းတွေ ခန့်ထား နိုင်တာမျိုးလည်း မဟုတ်တော့ စည်းကမ်း သတ်မှတ်ချက်တွေ မလုပ် မနေရလို့ အတင်းအကျပ် လုပ်ဆောင်တာမျိုး မဟုတ်ပေမယ့် ဒါလေးတစ်ခု ရှိသင့်တယ် ဆိုပြီး လုပ်ထားတာပါ။
အဖွဲ့ရဲ့ လစဉ်ကြေးကတော့ တစ်လကို (၅၀၀) ကျပ် ဆိုပေမဲ့ တကယ်တမ်း စုလိုက်တဲ့ အခါ လမ်းစရိတ်တော့ သုံးနိုင် သွားပါတယ်။ စောစောပိုင်း အချိန်တွေတုန်းက Activity တစ်ခု သွားခါနီးရင် ရန်ပုံငွေ အခက်အခဲကြောင့် ခေါင်းကိုက်ရတယ်လို့ ဆိုကြပါတယ်။ မနက်ဖြန်လို Activity သွားမယ်ဆိုရင် ဒီနေ့မှာ ရန်ပုံငွေက နည်းနေပြီး သူငယ်ချင်းတွေ အားလုံး ဝိုင်းဝန်းစုထည့် လိုက်တဲ့ အခါမှာလည်း အဆင်ပြေ သွားသလို၊ တစ်ဦးချင်း အလှူရှင်တွေကလည်း ဝိုင်းဝန်းပံ့ပိုး ပေးကြပါတယ်။ နိုင်ငံခြားရောက် သူငယ်ချင်းတွေက ပုံပြောသူများ အဖွဲ့ အကြောင်းကို ကြားသိရတဲ့ အခါ ဆက်သွယ်လာပြီး အလှူငွေတွေ ပေးကြတာမျိုး ရှိပါတယ်။
တခြား အဖွဲ့တွေလို Fund Raising ရှာဖို့ကို စိတ်ဝင်စားပေမယ့်၊ အရှုံးမခံ နိုင်တာကြောင့် မလုပ်ဖြစ်သေးဘူးလို့လည်း ဆိုပါတယ်။ ရန်ပုံငွေ ရှာဖို့ကိုလည်း ကြိုးစားခဲ့ကြ ဖူးပါတယ်။ အဲဒီအတွက် အခက်အခဲကတော့ ဘယ်သူမှ အချိန်ပြည့် မပေးနိုင်တာရယ်၊ အဖွဲ့အတွက် လုပ်ငန်း တစ်ခုလို ပုံစံမျိုးနဲ့ လုပ်မယ်ဆိုရင် စိတ်ရော ကိုယ်ပါ လုပ်ဆောင်နိုင်မှ အောင်မြင် နိုင်မှာမို့ အကောင်အထည် မဖော်ဖြစ်သေးတာ ဖြစ်ပါတယ်။ လက်ရှိမှာတော့ တစ်ဦးချင်း အလှူ ရှင်တွေကို အမှတ်တရလည်း ဖြစ်အောင် အလှူငွေ တွေကို ဘယ်မှာ သုံးလိုက်တယ် ဆိုတဲ့ စာရင်းရှင်း ပေးတဲ့ပုံစံ Post Card လေးတွေ ပြန်ပို့ပေးပါတယ်။
ရန်ကုန်တိုင်း ဒေသကြီးအတွင်း သာမက ပဲခူး၊ မုံရွာ၊ ဒေးဒရဲနဲ့ ကရင် ပြည်နယ်တွေကိုလည်း သွားခဲ့ကြပါသေးတယ်။ များသောအားဖြင့် Activity တွေကို ပိတ်ရက်တွေမှာ လုပ်ဖြစ်ကြပြီး၊ Activity သွားကြမယ် ဆိုရင်လည်း အားလုံးရဲ့ အလုပ် ပိတ်ရက် အားလပ်ချိန် ဆိုရင် အယောက် ၂၀ ရှိရင်၊ အဲဒီထဲကမှ သွားလို့ရမယ့် သူတွေ စုကြပါတယ်။
နယ်တွေဘက်ကို သွားတဲ့ အခါမှာလည်း အဖွဲ့ကို ကိုယ်စားပြုပြီး အဖွဲ့ဝင် အချို့ သွားကြပါတယ်။ နယ်သွားတဲ့ Activity တွေထဲက ကရင်ပြည်နယ်ကို သွားခဲ့တာ ဆိုရင် ကရင်ပြည်နယ် စာပေနဲ့ ယဉ်ကျေးမှု အဖွဲ့ရဲ့ ဖိတ်ကြားမှုကြောင့် ကရင်ပြည်နယ်ကို အဖွဲ့ဝင် ၂ ယောက် သွားခဲ့ဖူးပါတယ်။ စာပေနဲ့ ယဉ်ကျေးမှု သင်ကြားပေးတဲ့ အစီအစဉ်တွေထဲကမှ ပုံပြင် ပြောသူတွေဟာ ယဉ်ကျေးမှု ဆိုတဲ့ ခေါင်းစဉ်အောက်ကနေ ပါဝင်ခဲ့တာပါ။ ရိုးရာ ပုံပြင်တွေ၊ ပုံပြောတဲ့ ဓလေ့တွေ လူထုအတွင်း ဘယ်လိုဖြန့်ဝေ ပေးမလဲ ဆိုတာမျိုးတွေ ဆွေးနွေးခဲ့ ကြပါတယ်။ Activity တွေ သွားကြတဲ့အခါ နေရာသီးခြား သတ်မှတ် ထားတာမျိုး မရှိဘဲ ဘုန်း တော်ကြီးသင် ပညာရေးကျောင်း ဖြစ်စေ၊ ခရစ်ယာန် မိဘမဲ့ကလေး ဂေဟာဖြစ်စေ နေရာ မျိုးစုံကို အခွင့်အရေး ရှိမယ် ဆိုရင် သွားကြပါတယ်။ ပဲခူးတိုင်း ဒေသကြီး ကျောက်တန်းကျေးရွာ ဝေဠုဝန် ဘုန်းတော်ကြီးသင် ပညာရေး ကျောင်းမှာလည်း အချိန်ပိုင်း စေတနာ့ ဝန်ထမ်း အဖြစ် သီတင်းကျွတ်နဲ့ နွေရာသီ ကျောင်းပိတ်ရက်တွေမှာ စာသွား သင်ပေးကြပါတယ်။
ဒီ Activity ကတော့ ပုံမှန် ဆိုပေမယ့် အတန်း သွားဖွင့်တာမျိုး မဟုတ်ဘဲ၊ တတ်ကျွမ်း နားလည်တဲ့ ဆရာ၊ ဆရာမတွေဆီက သင်ရိုးတွေကို ယူပြီး၊ ကိုယ်နားလည် ထားသလောက် ပြန်လည် ဝေမျှပေးတဲ့ သဘော ဖြစ်ပါတယ်။ သင်ခန်းစာတွေကတော့ သင်ရတဲ့ အခြေအနေပေါ် မူတည်ပြီး အမျိုးမျိုး ကွဲသွားပါတယ်။ နွေရာသီ Summer School မှာ ဆိုရင်တော့ အင်္ဂလိပ်စာ၊ ဂီတနဲ့ Observation Skills လိုမျိုး ကျောင်းနဲ့ ဝန်းကျင်မြေပုံ ဆွဲတာမျိုး၊ ကျောင်းပတ်ဝန်းကျင်မှာ ဘာအပင်တွေ ပေါက်နေလဲ ဆိုတာကို အတူတူ လေ့လာကြတာမျိုး တွေကို လုပ်ပေးဖြစ်ကြပါတယ်။
တခြား အဖွဲ့တွေနဲ့ လုပ်ဖြစ်ခဲ့တဲ့ Activity တွေထဲက ပထမဆုံး အနေနဲ့ Lotus Foundation နဲ့ လှိုင်သာယာမြို့နယ်၊ အောင်ဇေယျာမင်း ဘုန်းတော်ကြီးသင် ပညာရေးကျောင်းမှာလုပ်ဖြစ်ခဲ့တဲ့ Activity ပဲဖြစ်ပါတယ်။ ကျောင်းရဲ့ ခန်းမကြီးထဲမှာ ကျောင်းသားတွေ၊ ကိုရင်တွေ၊ သီလရှင်တွေ အယောက် ၅၀၀ ကျော်နီးပါး ရှိနေတာမို့ ဘာလုပ်ရမှန်း မသိအောင်ကို ဖြစ်ခဲ့ရတာပါ။ အဲဒီလောက် အများကြီး ကလေးတွေကို ပုံမပြောဖူးတာမို့ ဂစ်တာ သမားက လည်း ဂစ်တာကြီး ပိုက်ပြီး ဘာလုပ်ရမှန်း မသိ ဖြစ်ကုန်တာပါပဲ။ ဒါပေမယ့် အဲဒီနေ့လေးမှာ အားလုံး အဆင်ပြေပြီး၊ အတူ သွားခဲ့တဲ့ အဖွဲ့ကိုလည်း အများကြီး အကူအညီ ပေးနိုင်ခဲ့ပါတယ်။ ကလေးတွေကို ပုံပြောတာ ပထမဆုံး အတွေ့အကြုံ ဖြစ်တာမို့ ကလေးတွေရဲ့ စိတ်ဝင်စားမှု ရအောင် ပုံပြင်တွေနဲ့ ထိန်းရတာ အနုပညာ ဆန်ပြီး၊ ခက်လည်း ခက်ခဲပါတယ်။
Activity တစ်ခု ရှိတယ်ဆိုရင် အားလုံးစုပြီး တိုင်ပင်ကြ၊ တာဝန်တွေ ခွဲယူကြလေ့ ရှိပါတယ်။ တကယ့် အဖွဲ့အစည်းကြီး မဟုတ်တော့ ဝန်ထမ်းဆိုတာ မရှိဘူး။ အားလုံးက Decision Making Body ထဲမှာပါတာပါပဲ။ အားလုံး အတူတူ စုပေါင်း လုပ်ဆောင်ကြတာကြောင့် မိသားစု ဆန်ကြပါတယ်။
အဖွဲ့မှာတော့ ကြုံတွေ့ရတဲ့ အခက်အခဲတွေထဲကမှ နောက်တစ်ခုက အားလုံး စေတနာ့ ဝန်ထမ်းတွေ ဖြစ်တာမို့ တစ်ဖက်ကလည်း ကိုယ့်အလုပ်နဲ့ကိုယ် ရှုပ်နေကြတာကြောင့် ဖြစ်ပါတယ်။ ငွေကြေးကလည်း အခက်အခဲ တစ်ခု ဆိုပေမယ့် ပြဿနာ ကြီးတစ်ခုတော့ မဟုတ်ဘူးလို့ ဆိုရမှာပါ။ အဖွဲ့ရဲ့ တစ်နှစ်ပြည့် မွေးနေ့လုပ် ခါနီးမှာလည်း အဖွဲ့ ရန်ပုံငွေ ၂ သောင်းပဲ ရှိပေမယ့် တကယ်တမ်း လုပ်ခါနီးမှာ ၂ သိန်းလောက်နဲ့ လုပ်ဖြစ်ခဲ့ပါတယ်။ အဲဒါကြောင့် ပုံပြောသူများ အဖွဲ့က စိတ်ထဲကသာ တကယ် ထက်သန်တယ်။ တကယ် လုပ်ပေးချင်တဲ့ စေတနာ သာရှိတယ် ဆိုရင် ငွေကြေးဆိုတာ ပြဿနာ မဟုတ်တော့ဘူးလို့ ဆိုပါတယ်။
ကြိုတင်ပြင်ဆင် လေ့လာမှုတွေနဲ့ ပတ်သက်ပြီး ဒီအဖွဲ့ဟာ ကံကောင်းတယ်လို့လည်း ဆိုနိုင်ပါတယ်။ အဖွဲ့နဲ့ ရင်းနှီးတဲ့ စာကြည့်တိုက် တစ်ခု ရှိပါတယ်။ စာကြည့်တိုက်မှာက ဆရာ လူထုဦးလှ ရေးခဲ့တဲ့ ရိုးရာပုံပြင်တွေ အတွဲလိုက် ရှိပါတယ်။ အဲဒီ စာအုပ်တွေ ဖတ်ပြီး လေ့လာတယ်။ အဲဒီအပြင် ကိုယ်တိုင် ကြားဖူးခဲ့တဲ့ ရိုးရာ ပုံပြင်တွေကို အချင်းချင်း ပြောကြပြီး သင်ခန်းစာတွေကို ရှာဖွေကြပါတယ်။ နိုင်ငံတကာ ပုံပြင်တွေ ကတော့ အင်တာနက်က ရှာပြီး စုဆောင်းတယ်။ ပုံပြင်တိုင်းကိုတော့ ယူတာ မဟုတ်ပေမယ့် မြန်မာရိုးရာ ပုံပြင်မှ မဟုတ်ပါဘူး။ ထိုင်း၊ အိန္ဒ်ိယ၊ ဂရိ၊ အာဖရိက ပုံပြင်တွေလည်း ပြောပါတယ်။ နိုင်ငံတကာ ပုံပြင်တွေ အတွက်ကတော့ နိုင်ငံတကာ ရိုးရာပုံပြင် စာအုပ်တွေ ဖတ်ပြီး လေ့လာပါတယ်။ အီစွတ် ပုံပြင်တွေ ဆိုရင်လည်း ဟိုးရှေးခေတ်ကတည်းက လာတဲ့ ရိုးရာ ပုံပြင်တွေပါ။ အဓိကကတော့ ပုံပြင်တွေထဲကနေ ဘာတွေ သင်ယူလို့ ရမလဲ ဆိုတာ အဓိကထား ရွေးပြီး ရိုးရာ ပုံပြင်တွေကို စုထားပါတယ်။
ပုံပြောတဲ့ အခါ အကျိုးလည်း ရှိရမယ်။ ကလေးတွေ ခေါင်းထဲကို သင်ခန်းစာတွေချည်း ထည့်ပေးတာမျိုး မဟုတ်ဘဲ ပျော်စရာလည်း ကောင်းပြီး၊ နားထောင်လို့ ကောင်းအောင် စုပြီး ရွေးချယ်ကြပါတယ်။ ပြီးရင် ဘယ်လို ပြောမလဲ လူတွေခွဲကြတယ်။ ဘယ်သူက ဘယ်လို သရုပ်ဆောင်ပြီး ပြောမလဲ စတာတွေကို သူငယ်ချင်းတွေ ဝိုင်းထိုင် ဆွေးနွေးပြီး၊ ကလေးတွေရှေ့ မရောက်ခင် ကြိုပြောကြည့်ကြပါတယ်။ ပုံပြင်တွေနဲ့ ပတ်သက်ပြီး သီချင်းတွေ စပ်ကြတယ်။ အဖွဲ့မှာက လူစုံဆိုတော့ ဂီတသမားတွေလည်း ပါတာကြောင့် ကံကောင်းတယ်လို့ ဆိုပါတယ်။ ကလေးတွေနဲ့အတူ သီချင်းတွေ ဆိုပြီး ကကြ တယ်။
အဲဒီလို Activity တွေလုပ်ဖြစ်တဲ့ အပြင် နောက်ထပ် ပုံပြင်ပြောတဲ့ နေရာမှာ ဖွံဖြိုးရေး Concept ကိုချိတ်ဖို့ စဉ်းစားထားတာလေးတွေ လည်း ရှိတာ တွေ့ရပါတယ်။ ဥပမာ-သဘာဝ ပတ်ဝန်းကျင်နဲ့ ပတ်သက်တာ တစ်ခုကို ရစေချင်တဲ့ အခါ ဘယ်လို ပုံပြင်လေးတွေ ပြောလို့ရမလဲ စဉ်းစား ကြည့်ကြပါတယ်။ အဲဒီအခါ ငယ်ငယ်တုန်းက သင်ရတဲ့ အဘိုးကြီးနဲ့ မင်းသားလေး သစ်ပင်စိုက်တဲ့ ပုံပြင်မျိုး ဆိုရင် ကလေးတွေကို စိတ်ထဲမှာ အမှတ်မထင် သစ်ပင်စိုက်ခြင်းဟာ ကောင်းတယ်ဆိုတဲ့ အသိလေး ရသွားစေတာမျိုး ဖြစ်ပါတယ်။ အဲဒီလို ပုံပြောခြင်း အနုပညာနဲ့ ဖွံ့ဖြိုးရေးကို ချိတ်ဆက်ပြီး နောက်ထပ် ဘာတွေ လုပ်လို့ ရဦးမလဲ စဉ်းစားပြီး ဆက်လုပ် သွားချင်တယ်လို့ ဆိုပါတယ်။ တခြား အဖွဲ့တွေက ကမ်းလှမ်း လာရင်လည်း အချိန်မရွေး ကူညီပေးဖို့ အသင့်ရှိပါတယ်။
ပုံပြော ဆွေးနွေးတဲ့ အခါ ကလေးတွေကို ပြောတာနဲ့ လူကြီးတွေကို ပြောတာ နှစ်မျိုးစလုံးမှာ အခက်အခဲ ရှိပါတယ်။ ကလေးတွေကို ပြောတဲ့အခါ အသက်အရွယ် အလိုက် တွေးနိုင်မယ့် စွမ်းရည်ကိုကြည့်ပြီး ပြောရတာပါ။ တချို့ ကလေးတွေက ပြောလိုက်တာကို လိုက်တွေးနိုင်ဖို့ သိပ်ငယ်လွန်းတာနဲ့ နေထိုင်တဲ့ ပတ်ဝန်းကျင်ကြောင့် အစ ရှိသဖြင့် ကွာခြားတာလည်း တွေ့ရပါတယ်။ ကိုယ်ပေးချင်တဲ့ Message နဲ့ ရသွားတာ လွဲသွားရင်လည်း သင်ခန်းစာ ရပါတယ်။ ဘယ်ဟာတွေ မှတ်ထားပြီး သင်ခန်းစာ ယူကြဖို့ မပြော ချင်တာကြောင့်၊ ကလေးရဲ့ ရင်ထဲကနေ မှန်ကန်တဲ့ အတွေးအခေါ်တွေ ရရှိလာစေအောင် ကြိုးစား အားထုတ်ရပါတယ်။
လူကြီးတွေ အနေနဲ့ကတော့ သူတို့မှာ အရင်က သိပြီးသား အခံတွေ၊ အစွဲတွေရှိ နေရင် လွယ်လွယ်နဲ့ မစွန့်ချင်တာမျိုးတွေ တွေ့ရ တတ်ပါတယ်။ ခက်ခဲတဲ့ မေးခွန်းတွေနဲ့ ပတ်သက်ပြီး ပုံပြောသူများ အဖွဲ့မှာ Pressure မရှိဘူးလို့ ဆိုပါတယ်။ အကြောင်းကတော့ ပုံပြောသူများ အဖွဲ့ဟာ လူငယ် အဖွဲ့ ဖြစ်ပြီး၊ ပညာရှင်တွေ မဟုတ်တာကြောင့် မသိတဲ့ အခါ မသိဘူးလို့ ပြောပြီး ဝန်ခံတယ်လို့ ဆိုပါတယ်။
အဖွဲ့ ရေရှည် ရပ်တည်နိုင်အောင် အခြား အဖွဲ့အစည်းကြီးတွေ၊ ကိုယ့်ထက် အတွေ့အကြုံ အများကြီး ရှိတဲ့ အဖွဲ့အစည်းတွေက Capacity မြှင့်ပေးနိုင်မယ့် ဘာသာရပ် ဆိုင်ရာ သင်တန်းတွေ တက်ဖို့ ကမ်းလှမ်းလာရင် အဖွဲ့ဝင်တွေ လွှတ်ပြီး တက်ခိုင်းတာမျိုးလည်း ရှိပါတယ်။ ဒါကို ရင်းနှီးမြှုပ်နှံမှု တစ်ခုလို့ သဘော ထားတဲ့ ပုံပြောသူများ အဖွဲ့က “အရင်တုန်းက ဆိုရင် အဖွဲ့မှာ တကယ်လုပ်တဲ့ လေး၊ ငါးယောက် မရှိရင် Activity တွေ မလုပ်နိုင်ဘူး။ အဲဒီလိုမျိုး မဖြစ်ရအောင် အဖွဲ့ဝင်တွေ အားလုံးကို Capacity မြှင့်ပေးနိုင်မယ့် သင်တန်းတွေ တက်ဖို့ အကူအညီ ပေးလာရင် ယူတယ်။ နောက်ပိုင်း အခုလို ဆက်ပြီး သွားနေနိုင်တာ အဲဒီ အကျိုးကျေးဇူးတွေကြောင့်ပါပဲ” လို့ပြောပါတယ်။ အဖွဲ့ဝင်တွေ ကြားထဲမှာ အချင်းချင်း အပြန်အလှန် သင်ယူကြတယ်။ ဘာ Activity တစ်ခုမှ မရှိလည်း တစ်လတစ်ခါ ဆုံကြပြီး၊ တစ်လလုံး လုပ်ခဲ့တဲ့ အလုပ်တွေကို ပြန်သုံးသပ်ကြတယ်။ လိုအပ်တာတွေကို ဝိုင်းဝန်း အကြံဉာဏ် ပေးပြီး ဖြည့်ကြတယ်။
အဖွဲ့ရဲ့ ဆောင်ပုဒ်ကတော့ Save Our Folk Tales, Save Our Nation ပါ။ အဓိပ္ပာယ်ကတော့ ရိုးရာ ပုံပြင်တွေကို ကယ်တင်ပါ။ ကိုယ့်လူမျိုးကိုလည်း ကယ်တင်ပါ ဖြစ်ပါတယ်။ ယဉ်ကျေးမှု ဆိုတဲ့ ရှုထောင့်က ကြည့်ရင် ရိုးရာ ပုံပြင်တွေကို ထိန်းသိမ်းတာ တိုင်းပြည်ရဲ့ အမွေအနှစ်ကို ထိန်းသိမ်းရာ ရောက်ပါတယ်။ အဲဒါကြောင့် ပုံပြောသူများ အဖွဲ့က ယဉ်ကျေးမှုရဲ့ တစ်စိတ်တစ်ပိုင်း ဖြစ်တဲ့ ပုံပြင်တွေ၊ တိုင်းပြည်ရဲ့ အမွေအနှစ် တစ်ဖြစ်လဲ ရိုးရာ ပုံပြင်တွေကို ထိန်းသိမ်းဖို့ လုပ်ဆောင် နေကြတာပါ။
ယဉ်ကျေးမှုလို့ဆို လိုက်တာနဲ့ ခက်တာက အဆို၊ အက၊ အရေး၊ အတီးနဲ့ ရှေးဟောင်းအဆောက် အအုံတွေကိုပဲ ပြေးမြင်ကြတာပါ။ တကယ်က အဲဒီလောက်ထိပဲ မဟုတ်ဘဲ အစဉ်အဆက်က ရိုးရာ အစားအစာ၊ အဝတ်အစား၊ ပုံပြင်တွေ၊ သီချင်းတွေ၊ ဒါတွေကလည်း ယဉ်ကျေးမှု အဆောက်အအုံကြီးထဲမှာ ပါတာပါပဲ။ ပုံပြောတဲ့ ဓလေ့ဆိုတာ ရှိခဲ့လို့သာ ရိုးရာ ပုံပြင်တွေကို လက်ဆင့် ကမ်းနိုင်ခဲ့ကြတာပါ။ အဲဒီလို ရိုးရာ ပုံပြင်တွေကို အဆင့်ဆင့် လက်ဆင့်ကမ်းပြီး သယ်ဆောင် လာခဲ့ကြတာပါ။
အဖွဲ့က ရှေ့ဆက်ပြီး ပုံပြင်တွေကို ဆက်လက်ထိန်း သိမ်းပြီး၊ ပြောသွားရင်းနဲ့ ပုံပြောတဲ့ ဓလေ့လေး လူတွေကြားထဲမှာ ပြန်ပြီး နေရာရလာအောင် မနိုင်ဝန်ထမ်းတာမျိုး မဟုတ်ဘဲ နိုင်သလောက် ကြိုးစားလုပ်ဆောင် နေကြတာ ဖြစ်ပါတယ်။