>
တင်မိုး
ဧပြီ ၁၂၊ ၂၀၁၁
“—ဒီနေ့ခေတ်မှာတော့ သတင်းခေတ်၊ အုပ်စိုးသူတွေ လည်ပင်းညှစ်ချင်တိုင်း ညှစ်လို့မရ။ တမ္ဘာတခုလုံး ချိတ်ဆက်ပြီး ကွန်ယက်နယ်က အကျယ်ကြီး။ သံဝေဂတွေနဲ့ စိတ်ဓာတ်ကျနေစရာမလို—”
၁။
ကဗျာရဲ့သိမ်မွေ့နူးညံ့မှု သုခုမလက္ခဏာကို လောကရဲ့ “ဖုထစ်ရွတ်တွ ငှက်လင်းတ” ရဲ့ ကြမ်းရှမှုနဲ့ ပေါင်းစပ်လိုက်တဲ့အခါ အနုပညာမာယာကြောင့် နှစ်သက်စရာလက်ရာ ဖြစ်လာရတယ်။ ဥပမာပြရင် “ဘီလူး”ကို ကြည့်လေ။
ဘီလူးဟာ ကြမ်းတမ်းတယ်၊ ခက်ထန်တယ်၊ မာန်ပြင်းတယ်၊ ရုပ်ဆင်းအင်္ဂါ မတင့်တယ်ဘူး။ ဒါပေမယ့် ရုန့်ရင်းကြမ်းတမ်းဟန်ပြတဲ့ ဘီလူးအကနဲ့ ထွက်လာတဲ့အခါ နှစ်သက်ခြင်း ဖြစ်မိတယ်။ ဘီလူးဟာ ကြောက်စရာအသွင်ရှိပေမယ့် နှစ်သက်မှုပီတိကိုပေးတယ်။ ဒါကြောင့် ဒဿဂီရိဘီလူးကို မုန်းတီးရွံရှာမှု မဖြစ်ဘဲ စွဲလမ်းချစ်ခင်စရာ ဖြစ်သွားတတ်တယ်မဟုတ်လား။ စေတနာဓာတ်ခံနဲ့ ဖန်တီးလိုက်တဲ့အတွက် မလိုလားအပ်မှန်းသိသော်လဲ နှစ်သက်ဖွယ်လက်ရာ ဖြစ်လာရတယ်လို့ ဆိုနိုင်ပါတယ်။ ဒါကြောင့် အနုပညာနှလုံးသားမှာ အမုန်းခွန်အား နည်းပါးရတယ်လို့ မှတ်ချက်ချနိုင်တာပေါ့။
၂။
တောင်တွေးမြောက်တွေးနဲ့ အတွေးလက်စတွေ မဆုံးနိုင်၊ အတွေးမြိုင်ထဲမှာ ချာလည်ချာလည် မျောနေမိတယ်။ လောကပရိယာယ် မာယာအသွယ်သွယ်ထဲမှာ တ၀ဲလည်လည်ဖြစ်မိတယ်။ ဒီလိုလွင့်ပါးနေတဲ့ အတွေးတွေကို တည်ဆောက်မှဖြစ်မယ်။ စိတ်တိုရင် လူအိုတယ်။ စိတ်ပျိုအောင် အတွေးအို၊ အတွေးဟောင်းတွေကို မောင်းထုတ်မှဖြစ်မယ်။ ဒီလိုနဲ့ မိမိစိတ်ကို လွင့်မျောမသွားအောင် တည်ဆောက်ဖို့ ကဗျာဖွဲ့မိပါတယ်။
နုပျိုဆေး
လောကအကြောင်းက
ဒေါသတွေ ထောင်းလမောင်းထစရာ။
မြင်မြင်သမျှ အကျည်းတန်
ခရီးမမှန်၊ အကြံအစည်မချော
မြန်ပြည်တကြောမှာ
ကဏ္ဋကောစတွေက
ပေါလှသဗျာ။
အမျက်သိုရင် အသက်တိုတတ်သတဲ့
နုပျိုအောင် ကုသိုလ်သဘောတွေနဲ့
ယောနိသော နှလုံးသွင်း
မုန်းခြင်းတွေ ချေမှုန်း
အပြုံးနဲ့ရင်ဆိုင်ပါ … တဲ့
သြ၀ါဒစကား ကြားလိုကြား။
ကိုယ့်စိတ်ကိုယ် ထိန်းနိုင်မှ
မယိမ်းမယိုင် ခိုင်ခိုင်မတ်ပေလိမ့်
မတတ်မသိသူတွေက
ဟတ္ထိကို ယုန်ထင်သူထင်
ယုန်မြင်ပါလျက် ခြသေ့င်္လုပ်သူလုပ်
မဟုတ်တရုတ် အရှုပ်ထုတ်တွေကို
အလုပ်တလုပ် လုပ်ကာ မဖြေရှင်းလေနဲ့
စိတ်ရင်းမှန်မှန်တည်လို့
စိတ်ကြည်အောင် မှန်မှန်ရှုနိုင်မှ
နုပျိုလိမ့်တကား။
၃။
အကောင်းမြင်၊ အလှမြင်သမားအဖြစ်နဲ့ လူ့လောကထဲရောက်လာတဲ့ စာသမား၊ ကဗျာသမားတွေအဖို့ လက်တွေ့ဘ၀မှာ မမှန်တာ၊ မတရားတာ၊ ရက်စက်တာ၊ ကြမ်းကြုတ်တာ။ မမျှမတတာတွေ ကိုယ်တွေ့ ကြုံရတဲ့အခါကြတော့ လောကကို စိတ်ပျက်ငြီးငွေ့မိတယ်။ နိဗ္ဗိန္ဒတွေ၊ သံဝေဂတွေပေါ့။ ကုန်းဘောင်ခေတ်မှာ လူ့ဘ၀ငြီးငွေ့သံတွေ လွှမ်းမိုးတဲ့တေးကဗျာတွေ ထွန်းကားခဲ့ရတယ်။ “ကြုံမတွေ့ချင်ဘု၊ ဘုံဓလေ့ မုန်းလှပြီ” တုိ့၊ “ပစ်ရှာမဲ့ ၀ရဇိန်ငယ်၊ ပန်းတိမ်တွင် ပြင်တုန်းထင့်လေး” တို့ စိတ်ကျသံတွေကြားရတယ်။ အမှန်ကတော့ ပဒေသရာဇ်ခေတ်ဆိုး၊ ခေတ်ညစ်မှာ လူဖြစ်လာရတဲ့ဘ၀ အစစ ဆုံးရှုံးခဲ့တာကိုး။ ကလောင်သမားတွေဆိုတော့လဲ “သိလျက်နှင့်ပင်၊ ၀ိပါတ်ကြမ္မာငင်ရော့ထင့်၊ ရွှေဉာဏ်ရှင်မဝေခွဲနိုင်ဘု၊ ပွဲတွေ့အမှား” လို့ သံဝေဂနဲ့ ညည်းတွားရုံမှတပါး။
၎။
ဒီနေ့ခေတ်မှာတော့ သတင်းခေတ်၊ အုပ်စိုးသူတွေ လည်ပင်းညှစ်ချင်တိုင်း ညှစ်လို့မရ။ တမ္ဘာတခုလုံး ချိတ်ဆက်ပြီး ကွန်ယက်နယ်က အကျယ်ကြီး။ သံဝေဂတွေနဲ့ စိတ်ဓာတ်ကျနေစရာမလို။ မတရားမှုကို လက်တုံ့ပြန်နိုင်တဲ့နေရာတွေ အများကြီးပွင့်နေတယ်။ ငုံ့ခံနေစရာမလို။
ကျွန်တော်တို့နိုင်ငံမှာ ၆၂ က ဒီမိုကရေစီ လူထုအစိုးရကို စစ်တပ်ကအာဏာသိမ်းခဲ့တယ်။ ကလောင်သမားတွေက ရရာစင်မြင့်က ရင်ဖွင့်ကြတယ်။ ကလောင်လက်နက်နဲ့ အဆက်မပြတ် တိုက်ခိုက်ခဲ့ကြတယ်။ ကမ္ဘာကုန်ကျယ်သရွေ့ အသံကုန် ဟစ်ခဲ့ကြတယ်။
၁၉၈၈ မှာ လူထုအရေးတော်ပုံ အုံကြွခဲ့တယ်။ ၁၉၉၀ မှာ လူထုနည်းနဲ့ ရွေးကောက်ပွဲ လုပ်ပေးခဲ့ရတယ်။ ၁၉၉၀မှာ လူထုတင် မြှောက်တဲ့ အစိုးရကို အာဏာမလွှဲဘဲ စစ်တပ်က အာဏာသိမ်းပြန်တယ်။ ယခုအထိ။ ကမ္ဘာ့သတင်းမီဒီယာတွေက စစ်အစိုးရရဲ့လုပ်ရပ်ကို ဆန့်ကျင်ကြ၊ ရှုတ်ချကြ၊ ကန့်ကွက်ခဲ့ကြတယ်။ စစ်ပလ္လင်ဟာ ငလျင်တုန်ခါသလို ခါရမ်းနေခဲ့တယ်။ စာနယ်ဇင်းတွေက ၀ိုင်းဝန်းပစ်ခတ်ခဲ့ကြတယ်။ ပြည်သူလူထုဘက်က မားမားမတ်မတ် ရပ်ခဲ့ကြတယ်။ ကျွန်တော်တို့လဲ တိုက်ပွဲဝင် စာနယ်ဇင်းသမားတွေနဲ့အတူ ပါဝင်ဆင်နွှဲကြရတော့တာပေါ့။ စာနယ်ဇင်းလွတ်လပ်ခွင့်တွေ ဆုံးရှုံးခဲ့တာကိုး။
တလောက သတင်းတပုဒ်ပေါ်လာတယ်။ ဒီတခါ ကောလာဟလမဟုတ်။ တရားဝင်သတင်းတပုဒ်ပါ။ ကျွန်တော်တို့ရဲ့စစ်အာဏာရှင်ကြီး ဦးနေ၀င်းရဲ့သားမက် အေးဇော်ဝင်းနဲ့ မြေးများဖြစ်တဲ့ အေးနေ၀င်း၊ ကျော်နေ၀င်းနဲ့ ဇွဲနေ၀င်းတို့သတင်းပါ။ အာဏာရှင်ဆွေတော်မျိုးတော်တသိုက်က အာဏာသိမ်းဖို့ ကြံကြသတဲ့။ အာဏာကိုမှီပြီး သောင်းကျန်းချင်တိုင်း သောင်ကျန်းလို့မ၀နိုင်ကြတဲ့ သားမက်တော်နဲ့ မြေးတော် တို့က အာဏာကိုသိမ်းဖို့ ကြံစည်ကြတယ်ဆိုပဲ။
ဒီသတင်းပေါ်လာတော့ ကဗျာတပုဒ် ကောက်ကာငင်ကာ ရေးလိုက်မိပါတယ်။
ကောလာဟလ ငလျင်
လာပြန်ပြီ
မြန်မာပြည်က ငလျင်အသေးစား
ကောလာဟလစကား။
အာဏာရှင်မိသားစုက
သူ့အာဏာပြန်လိုချင်လို့
လက်ပြင်နေတုန်း ဗြုန်းခနဲမိ
အထိအခိုက်မရှိ … တဲ့။
ဘာတွေလဲ … ဘာတွေလဲ
ငါ … မဝေခွဲတတ်
ကမ္ဘာအရပ်ရပ်မှာတော့ သတင်းပြန့်
မလန့်သာ မထိတ်သာ။
ဘာပဲဖြစ်ဖြစ်
စစ်အုပ်စုယိမ်းယိုင်
မထိန်းသိမ်းနိုင် လှုပ်ခါ
အာဏာပြိုကွဲ ဖရိုဖရဲ ဖြစ်ရော့သလား။
အေး … ဒါဆို ကောင်းတာပေါ့။
ခေတ်ပြောင်းမဲ့အရိပ်
နိမိတ်ဖြစ်နိုင်ကောင်းပါရဲ့။ ။
ခေတ်ပြိုင်ဂျာနယ် အတွဲ (၁၀၇)၊ ဧပြီ ၂၀၀၂
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
