>
မြစ်ကြီးနားမြို့မှာ မီးလောင်မှု ဖြစ်ပွား
မိုးမခ အထောက်တော်၊ ရန်ကုန်
နိုဝင်ဘာ ၃၊ ၂၀၁၀
ယနေ့နံနက် ၃ နာရီခန့်က မြစ်ကြီးနားမြို့ မင်းရပ် သမာဓိလမ်း မွေ့ယာနဲ့ ၀ါဂွမ်းဆိုင်မှ မီးလောင်မှု စတင်ခဲ့ပြီး အိမ် ၅လုံး မီးလောင်ကျွမ်းခဲ့တယ်လို့ မျက်မြင် သက်သေတဦးကပြောပြပါတယ်။
မီးလောင်ပြီး နာရီဝက်ခန့််ကြာမှ မီးသတ်ကားရောက်လာပြီး ငြိမ်းသတ်ခဲ့တယ်လို့ အဆိုပါ ကိုယ်တိုင်မြင်တွေ့သူက ပြောပြပါတယ်။ မြစ်ကြီးနားမြို့မှာ မီးသတ်ကား ၃-၄ စီးရှိသော်လည်း တစ်စီးသာ မီးသတ်နိုင်သည့် အနေအထားဖြစ်ပြီး ၀ိုင်းမော်ဘက်မှ မီးသတ်ကားကို အကူအညီလှမ်းတောင်း နေရတာကြောင့် နောက်ကျပြီးမှ ရောက်ရတာလို့လည်း မြို့ခံများက ပြောပါတယ်။ မီးသတ်ကားအပြင် စည်ပင်ရေသယ်ကားများက မီးသတ်ကားအတွက် လိုအပ်တဲ့ရေသယ်ပေးတာကိုတော့ တွေ့ရတယ်လို့လည်း ဆိုပါတယ်။
မီးဟာ နံနက် ၆နာရီလောက်ထိ ၃ နာရီကြာ လောင်ကျွမ်းခဲ့ပြီး နံနက် ၉နာရီ ၁၀ နာရီဝန်းကျင်မှာ မီးခိုးငွေ့တွေ ထွက်နေဆဲ အကျွင်းအကျန်တွေကို ရေပက်ငြိမ်းသတ်နေဆဲပဲလို့လည်း မျက်မြင်သက်သေက ဆိုပါတယ်။ မီးလောင်ကျွမ်းသွားတဲ့ တိုက်ငါးလုံးမှာ ပလပ်စတစ်ပစ္စည်းဆိုင်၊ ကားဝပ်ရှော့တို့ပါဝင်ကာ ယနေ့နံနက်မှာ အဆိုပါမီးလောင်ရာ ၀န်းကျင်မှာ ကြံ့ဖွံ့ပါတီကလူတွေလည်း ရောက်ရှိနေပြီး အကူအညီပေးမယ်လို့ ကမ်းလှမ်းမှုတွေရှိနေပါတယ်။
သဘာဝဘေး အန္တရာယ်ကျရောက်ရာနေရာတွေမှာ နိုင်ငံရေးပါတီတွေက လာရောက်ကူညီတဲ့အခါ စစ်အစိုးရအနေနဲ့ နိုင်ငံရေး စည်းရုံးတယ်လို့ စွပ်စွဲလေ့ရှိပြီး တားမြစ်တာမျိုး မကြာခင်က ရခိုင်ပြည်နယ် ဂီရိမုန်တိုင်းတိုက်တဲ့ မြေပုံမြို့မှာ ဖြစ်ပွားခဲ့ပါတယ်။
သို့ပေမယ့် ကြံ့ဖွံ့လို စစ်အစိုးရ အာဏာယူထားသူတွေ ဦးဆောင်တဲ့ပါတီက ကူညီတဲ့အခါတော့ တားမြစ်တာမျိုးမရှိတာကို တွေ့ရပါတယ်။ မြန်မာ စစ်အစိုးရရဲ့ အနှစ် ၂၀ အကြာမှာ တကြိမ်ပြန်လုပ်မယ့် နိုဝင်ဘာ ၇ ရက် ရွေးကောက်ပွဲမှာ ကန့်သတ်ချက်၊ မသမာမှုနဲ့ အစိုးရ ၀န်ထမ်းတွေကို အကြပ်ကိုင်ကြိုတင်မဲထည့်ခိုင်းခြင်းတွေ ရှိနေပြီး စစ်အစိုးရ ကိုယ်တိုင်ပါဝင်တည်ထောင်ထားတဲ့ ကြံ့ဖွံ့ပါတီနိုင်ရေးအတွက် နည်းမျိုးစုံသုံး လုပ်ဆောင်နေတာ တွေ့ရပါတယ်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
