တန်ရာ တန်ရာ
မောင်လူပေ
ဇွန် ၃၊ ၂၀၁၃
(ဘဝအမောများနဲ့ လုံးထွေးပြီး ပင်ပန်းနေကြမဲ့ မောင်လူပေရဲ့ သူငယ်ချင်းများအတွက် ဒီတခါတော့ ရီစရာလေးတွေ ပြောပြချင်ပါ တယ်။ မောင်လူပေ ကြားဖူးသမျှ ဖတ်ဖူးသမျှလေးတွေကိုဝေမျှတဲ့သဘောပါ။ ရီမောခြင်းဟာ အကောင်းဆုံးဆေးဝါးတခုပဲလို့ ဆိုရိုးရှိတာကြားဖူး ပါတယ်။ အားလုံးပျော်ရွှင်ကြပါစေ။)
ကျွန်တော့်မိတ်ဆွေကြီး ကိုတုတ်နဲ့ သူ့ရဲ့မဟေသီ မဒမ်တုတ်တို့ လင်မယားဟာတယောက်နဲ့တယောက် အလွန်ချစ်ကြတဲ့လင်မယားပါ။ အ ညာက တောမြို့ လေးမှာနေပြီး အသင့်အတင့်လဲ ချမ်းသာကြပါတယ်။ သူတို့ရဲ့ နှစ်လေးဆယ်ပြည့် မင်္ဂလာနှစ်ပတ်လည်အထိမ်းအမှတ်အ ဖြစ် ရန်ကုန်ဆင်းပြီး ကန်တော်ကြီးဟော်တယ်မှာ တပတ်စာအနားယူရင်းဘုရားဖူး ကြဖို တိုင်ပင်ကြကာ ရန်ကုန်ကို ရောက်လာကြပါတယ်။
ဟော်တယ်ရောက်တော့ သူ့ မိန်းမကို အငှားကားပေါ် ခဏနေခိုင်းပြီး အခန်းရ မရ သွားစုံစမ်းပါသတဲ့။ အခန်းအဆင်ပြေလို့ငှားပြီး ပြန်အ ထွက်မှာ ခေတ်ဆန်ဆန် ဝတ်ဆင်ထားတဲ့ မိတ်ကပ်အဖွေးသားနဲ့ မိန်းကလေးတယောက်က ကိုတုတ်ကို သူ့ နာမည်က ထက်ထက်ပါဆိုပြီး မိတ်ဆက်လာပါတယ်။ ဘာဆိုတာသိတဲ့ ကိုတုတ်ကလဲ နှင်ထုတ်လိုက်ပါတယ်။
သူတို့လင်မယား အခန်းထဲရောက်တော့မှ ရိုးသားတဲ့ကိုတုတ်က သူ့မိန်းမကို အပျော်မယ်လေး သူ့အားကပ်လာလို့ ငြင်းခဲ့ကြောင်း ပြောပြ တော့ မိန်းမက မယုံပဲ ရီပါတယ်တဲ့။ ဒါနဲ့  ကိုတုတ်ကသက်သေပြမယ်ဆိုပြီး ဧည့်ကြိုဌာနကို ဖုံးဆက်ကာ ထက်ထက်ကို အခန်းအမှတ် ( —- ) လွှတ်လိုက်ဖို့  ပြောပါတယ်။ သူ့မိန်းမကိုလဲ “မင်း ရေချိုးခန်းထဲဝင်နေ၊ တံခါးကို ငါတို့ပြောတာ ကြားရယုံလေးဖွင့်ထား” ဆိုပြီး နား ထောင်ခိုင်းပါတယ်။
ခဏနေတော့ တံခါးခေါက်ပြီး ထက်ထက် ဝင်လာပါတယ်။ “နောက်ဆုံးတော့ အကိုကြီးလဲ မီးကိုစိတ်ဝင်စားလို့  ခေါ်ရတာပဲမဟုတ်လား” လို့ ကိုတုတ်ကို ညုတုတုနဲ့  ပြောပါတယ်။ ကိုတုတ်က “နင့်ကို ဘယ်လောက်ပေးရမှာလဲ” လို့ မေးတော့ “ ရိုးရိုး ငါးသောင်း၊ ရှယ်တသိန်း” ပါတဲ့။ ဒါနဲ့  ကိုတုတ်ကလဲ “တသိန်းတောင်ဆိုတော့ များတယ်။ ငါက ငါးထောင်လောက်ပဲ ပေးရမယ်ထင်တာ” လို့ ပြောတော့ ထက်ထက် က ရီ ပြီး “အကိုကြီးက ရှေးတုန်းကဈေးတွေ ပြောနေတာကိုး။ ကျမလို ငယ်ငယ်လေး ဒီဈေးဘယ်ရမှာလဲ” လို့  ပြန်ဖြေပါတယ်။ ဒါနဲ့  ကိုတုတ်လဲ “နင်နဲ့ငါ ဈေးမတဲ့ဘူး.. ပြန်တော့” လို့ ပြောတော့မှ ထက်ထက်လဲပြန်သွားပါတယ်။ အခန်းထဲမှာ ချောင်းနားထောင်နေတဲ့ သူ့မိန်းမလဲ အဲဒီ ကျမှ အပြင်ထွက်လာပြီး “ပြောမယုံ ကြုံဖူးမှသိဆိုတာ ဒါမျိုးပဲနေမှာ၊ ကျုပ်လဲ ကိုယ်တွေ့မိုလိုသာ ယုံတော့တယ်” လို့ ပြောပါတယ်။
ကိုတုတ်ကလဲ သူ့ မိန်းမကို “မေ့လိုက်ပါကွာ၊ အောက်မှာ အအေးတခုခုသွားသောက်ရအောင်” ဆိုပြီး ဟော်တယ်အောက်ထပ်ကဆိုင်မှာ အအေး ဆင်းသောက်ကြပါတယ်။ ဆိုင်မှာအအေးသောက်နေတဲ့ အဖိုးကြီး အဖွားကြီး လင်မယားနောက်ကနေ ထက်ထက်ဆိုတဲ့မိန်းကလေး ဗြုံးကနဲရောက်လာပြီး ကိုတုတ်ရဲ့ မိန်းမကို လက်ညှိုးထိုးကာပြောလိုက်တာကတော့ “အကိုကြီးက ငါးထောင်ပဲတတ်နိုင်တော့ ဒါမျိုးပဲရမှာ ပေါ့” တဲ့ …။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
