>
ဇွန်လ ၃၀၊ ၂၀၁၀
လက်ရေတပြင်တည်း၊ နန်းတော်ရှေ့ဆရာတင်
မြန်မာ့ရိုးရာဓလေ့အတိုင်း ဒေါင်းလန်းကြီးနဲ့ ဝိုင်းဖွဲ့ပြီးထမင်းစားရတာကို လက်ရေတပြင်တည်းစားတယ် လို့ ခေါ်ပါတယ်။ ဟင်းခွက်ကို ဒေါင်းလန်းကြီးအလည်မှာတည်ထားပြီး ထမင်းပုံ ကိုယ်စီပုံလို့ တိုးတိုးခွေ့ခွေ့ ဝိုင်းဖွဲ့စားကြတဲ့ ထမင်းဝိုင်းပါ။ မိသားစုနဲ့ဖြစ်ဖြစ်၊ သူငယ်ချင်းအပါင်းအသင်းတွေနဲ့ဖြစ်ဖြစ်၊ အဲဒီလို ဒေါင်းလန်းကြီးကိုဝိုင်းထိုင်လို့ ထမင်းစားကြတဲ့အခါ ညီညီညွတ်ညွတ် ချစ်ချစ်ခင်ခင် မျှမျှတတ ဝိုင်းဖွဲ့ပြီး စားကြတာမို့ ပျော်လည်းပျော်တယ်။ ပျော်တော့လည်း ကျန်းမာလို့ အသက်ရှည်ကြတာပါပဲ။
မြမဒီခင် ခပ်ငယ်ငယ်၊ တေးဆိုကြ၊ မြူးပျော်ကြ၊ ဟေ့ သူငယ်ချင်းရေ၊”
လက်ရေတပြင်တည်း၊ နန်းတော်ရှေ့ဆရာတင်
စားရတာက မြန်မာ့ရိုးရာဓလေ့ထမင်းဟင်းဆိုတော့ ခပ်ဖွယ်ဖွယ်ဆန်ကြမ်းထမင်းနဲ့ ဟင်းသီးဟင်းရွက်တွေပဲ များတာပါ။
ချိုလည်းချိုလွန်း၊ ရည်ရွမ်းများစွာ၊ ကြံဟင်း ကြွက်နားပေါင်း သောင်းပြောင်းရော၍သာ၊”
လယ်သမားဖွဲ့တျာချင်း၊ ဝန်ကြီးပဒေသရာဇာ
ခပ်ဖွယ်ဖွယ်ထမင်းထဲမှာ အဲဒီ ဟင်းရွက်ကန်စွန်းပေါင်း သောင်းပြောင်း ဟင်းချိုဟင်းရေ ဆမ်းချလိုက်တဲ့အခါ ဟင်းရေတွေက ဘေးဘက် ဘယ်ညာ ထမင်းပုံတွေဆီကို စီးသွားတတ်တယ်။ အဲဒါကို လက်ရေတပြင်စီးတယ် လို့ ခေါ်ပါတယ်။ မိသားစုတစုမှာ သားသမီး ဘုစုခရုတွေများနေရင် လူတိုင်းကိုယ်စီ ဒေါင်းလန်းကြီးကို ဝိုင်းပြီး ဝင်မထိုင်သာတဲ့အခါ လက်ချည်းပဲ လှမ်းလို့ဝင်နှိုက်စားရတတ်တယ်။ ဒါကလည်း ပျော်စရာပါပဲ။
ထန်းတက်သမားဖွဲ့တျာချင်း၊ ဝန်ကြီးပဒေသရာဇာ
ဒေါင်းလန်းဆိုတာ အဝန်းကျယ်ကျယ် လင်ပန်းပုံစံ ဗျပ်ကြီးတမျိုးပါ။ တပေလောက်အမြင့် အောက်ခံအခြေ ဝိုင်းဝိုင်းတပ်ထားတဲ့ စားပွဲငယ်ကလေးနဲ့ဆင်တူတယ်။ အောက်ခံအခြေမပါတဲ့ ဗျပ်ကြီးတွေကိုလည်း ဒေါင်းလန်းအစား သုံးပါတယ်။ အချင်း ၃ ထွာခွဲ၊ ၄ ထွာခွဲ၊ ၅ ထွာခွဲ၊ အရွယ်အမျိုးမျိုး ရှိတယ်။ တထွာမှာ ၉ လက်မ ရှိပါတယ်။
ရောင်ပေစူး၊ အကော်ဒီယံ အုန်းကျော်
နှီးဒေါင်းလန်းလို့ခေါ်တာကတော့ ဝါးနှီးဖြာပြီး ယက်ထားတဲ့ဗျပ်အဝိုင်းကို သစ်စေးသုတ်ပြီး အချောကိုင်ထား ကြောင့်ပါ။ အများအားဖြင့် ဝါးနှီးနဲ့ ယက်ထားတဲ့ အဖြူထည်အခြေခံပုံစံလုပ်ပြီး သစ်စေးသုတ် ယွန်းထည်မျိုးတွေကို ပုဂံမြို့နယ် မြင်းကပါအရပ်က လုပ်ကြတယ်။ မုံရွာနယ်က ကျောက်ကာ အရပ်မှာတော့ ဝါးနှီးကိုခွေထားတဲ့ အဖြူထည်အခြေခံပုံစံကို သုံးကြတယ်။ မြင်းကပါလက်ရာ ယွန်းထည်တွေကို အနုအယဉ်အလှအပအတွက် နှစ်သက်ကြတယ်။ ကျောက်ကာနယ် ယွန်းထည်တွေကတော့ အခိုင်အခံ့မှာ နာမည်ရပါတယ်။ နှီးဒေါင်းလန်းတွေကိုတော့ မြင်းကပါမှာရော ကျောက်ကာမှာပါ လုပ်ကြတယ်။
ကျောက်ကာအရပ် ယွန်းပညာရှင်တွေက ဒေါင်းလန်းကို ဒေါင်းနန်း လို့ ခေါ်ကြတယ်။ ဘာကြောင့်လဲဆိုတော့ အနက်ရောင် ဒေါင်းလန်းတွေရဲ့အလယ်မှာ ဒေါင်းရုပ် အမြဲပါလေ့ရှိတယ်။ ဒေါင်းရဲ့နေရာ၊ ဒေါင်းရဲ့နန်း ဖြစ်တာကြောင့် ဒေါင်းနန်း ခေါ်တယ်လို့ ပြောကြတယ်။ အနီရောင် ဒေါင်းလန်းတွေမှာတော့ ဒေါင်းရုပ်ထည့်လေ့ မရှိပါ။ အနီရောင် ဒေါင်းလန်းတွေမှာ ဈေးကြီးတဲ့ ဟင်္သပြဒါး ကိုသုံးရတော့၊ ပစ္စည်းဖိုးပိုကုန်လို့ အနက်ရောင်ထက် ကုန်ကျစားရိတ်ပိုပါတယ်။ ဒါကြောင့် လက်ခ သက်သာအောင် ဒေါင်းရုပ်မထည့်တာပါတဲ့။ ဒါပေမယ့် အနီရောင်ရော အနက်ရောင်ပါ ဒေါင်းနန်း လို့ပဲ ခေါ်ကြတယ်။
သခင်ကိုယ်တော်မှိုင်း
သခင်ကိုယ်တော်မှိုင်း
ညီညွတ်ရေးနဲ့ အသက်ရှည်ရှည် ခင်ခင်မင်မင်၊ ထာဝစဉ် နေချင်သူတွေအဖို့မှာတော့ ဒေါင်းအိုးဝေတို့ရဲ့ နန်းဖြစ်တဲ့ ကိုယ့်နိုင်ငံ၊ ကိုယ့်ဇာတိနွယ်ကို လွမ်းကြရတာပါပဲလေ။
လက်ရေတပြင်တည်း၊ နန်းတော်ရှေ့ဆရာတင်
အထူးကျေးဇူးတင်စွာဖြင့် ကိုးကားခြင်း
(၁) မြန်မာ့ရိုးရာ ယွန်းလက်မှုပညာ (သပြေညိုမောင်ကိုဦး)၊ ၁၉၇၁
(၂) မဟာကဗျာကျမ်း၊ ဒုတိယတွဲ (ဆရာမောင်ပန်းဦး)၊ တပေါင်းလ၊ မြန်မာခုနှစ် ၁၂၆၈
(၃) ပြည်သူချစ်သော အနုပညာသည်များ၊ လူထုဒေါ်အမာ၊ မေလ၊ ၁၉၆၄
(၄) Visions From Golden Land: Burma and the art of Lacquer (Ralph Isaacs and T. Richard Blurton) 2000
(၅) Animals and Birds in Myanmar Art by U Aye Myint : www. Goldenlandpages.com/articles
(၆) www.crwflags.com