>
မေမေ သို့
ဂေါ်ရှယ်
မေ ၂၂၊ ၂၀၁၀
ဂေါ်ရှယ်
မေ ၂၂၊ ၂၀၁၀
သမီး ရယ်မောပျော်ရွင်နေချိန် မေမေ ကြည်နူးနေတတ်တယ်။
သမီး မျက်ရည်များနဲ့  ငိုကြွေးနေရင် မေမေ ဝမ်းနည်း ကြေကွဲနေတတ်တယ်။
အခြေအနေအရပ်ရပ်ကြောင့် ဘဝရပ်တည်မှုအတွက် လျှောက်လှမ်းသွားကြတဲ့အခါ မိဘ မွေးချင်း ညီအစ်ကိုမောင်နှမတွေ တရပ် တနေရာဆီ အသီးသီး ကွဲပြားသွားကြတယ်။
ဖြတ်သန်းလာခဲ့ရတဲ့ နေ့ရက်များစွာတွေထဲမှာ …
ဝမ်းမြောက်ပျော်ရွင်စွာနဲ့ ကျော်ဖြတ်ခဲ့တဲ့ အဝါရောင်နေ့ရက်တွေ၊
အေးချမ်းမွန်မြတ်တဲ့ ချစ်ချင်းကြင်နာခြင်းနဲ့ ပြည့်ဝတဲ့ အဖြူရောင်နေ့ရက်တွေ၊
အားအင် စွမ်းရည်တွေ မြဲမြံတိုးပွားစေပြီး ယုံကြည်မှုအပြည့်နဲ့ ရဲရဲတောက်လျောက်ခဲ့တဲ့ အနီရောင် နေ့ရက်တွေရယ် …
ပြီးတော့ ငြိမ်းချမ်း မှန်ကန်လတ်ဆတ်စွာ လျှောက်လှမ်းခဲ့တဲ့ အပြာရောင် နေ့ရက်တွေရယ်၊
လျှို့ဝှက်ဆန်းကြယ်ပြီး မပွင့်မလင်းဘဲ သေချာဖော်မပြနိုင်တဲ့ ခရမ်းရောင် နေ့ရက်တွေရယ်၊
မျှမျှတတ တွေးခေါ်ကျင့်သုံးပြီး လျှောက်ခဲ့တဲ့ အစိမ်းရောင် နေ့ရက်တွေရယ်၊
မျက်ရည်မကျဘဲ အတွင်းကြေကြေခဲ့ရတဲ့ နားလည်ရခက်ဆုံး အမည်းရောင် နေ့ရက်တွေ
လျှောက်လာခဲ့ရင်း … “မောပြီ မေမေ” လို့ ညည်းတွားပြီး
လျှောက်လာခဲ့ရင်း … “မောပြီ မေမေ” လို့ ညည်းတွားပြီး
လျှောက်လမ်းခဲ့တဲ့ ခရီးတွေကို ပြန်လှည့်ကြည့်မိလိုက်တော့ ဘဝခရီးရဲ့ သုံးချိုး နှစ်ချိုး ချိုးလာခဲ့ပြီပဲ။
အတမ်းတဆုံးက ရင်ခွင်ဟောင်း မေမေပါ။ ဆံဖြူ သွားကျိုးနေပြီဖြစ်တဲ့ မေမေက အရွယ်ရောက်ရုံမက အရွယ်လွန်နေပြီဖြစ်တဲ့ သမီးကို ကလေးလေးလို ချစ်နေဆဲ၊ နွေးထွေးမှု ပေးချင်နေဆဲပါပဲ။
အသေချာဆုံး တခုကတော့ မေမေ သမီးကို သတိရနေမှာ …
တွေ့ချင်နေမှာ …
စိတ်ပူနေမှာ …
စိတ်ပူနေမှာ …
ဆုတောင်း ပေးနေမှာ။ ။
သရုပ်ဖော် – အောင်ထက်
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
