>
နာရေးကူညီမှုအသင်း ပဲခူးနယ်တ၀ှမ်း ရေအလှူဒါနခရီး မှတ်တမ်း
ဓာတ်ပုံ – လူမှုစေတနာရှင်များ
မေ ၁၆၊ ၂၀၁၀
နာရေးကူညီမှုအသင်း(ရန်ကုန်
နာရေးကူညီမှုအသင်း(ရန်ကုန်
၁၁ – ၅ – ၂၀၁၀ ရက်နေ့တွင် ပဲခူးမြို့နယ်တစ်ဝိုက်သို့ သွားရောက်ပြီး ရေဘေးဒုက္ခသည် ရွာများ၏ အခြေအနေကို သွားရောက်စုံစမ်းခဲ့ကြသည်။
၁၂ – ၅ – ၂၀၁၀ ရက်နေ့တွင် ထပ်မံ၍ ပဲခူးမြို့သို့ သွားရောက်ပြီး မိမိတို့ ၀ယ်ယူထားသော ပလပ်စတစ် ရေတိုင်ကီများကို ပို့ဆောင်၍ ရေလှူဒါန်းမည့်ကိစ္စကို အသေးစိတ် ညှိနှိုင်းခဲ့ကြသည်။
၁၃ – ၅ – ၂၀၁၀ ရက်နေ့မှ စတင်လှူဒါန်းခဲ့ရာတွင် ပဲခူးမြို့၊ ဝေါမြို့နယ်အတွင်းရှိ ပုဂံရွာသို့ ရေဂါလံ ၂၀၀၀ လှူဒါန်းခဲ့ပါသည်။
၁၄ – ၅ – ၂၀၁၀ ရက်နေ့တွင်လည်း ပဲခူးတိုင်း က၀မြို့နယ်၊ သက္ကလကျေးရွာအုပ်စု၊ ပျော်ဘွယ်ရွာ အိမ်ခြေ (၁၅၆)၊ လူဦးရေ (၆၀၀) ကျော်အတွက် သောက်ရေ ဂါလံ ၂၅၀၀ လှူဒါန်းခဲ့ပြီး ဖြစ်ပါသည်။
ယင်းသို့ လှူဒါန်းရာတွင် နေ့စဉ် တစ်နေ့လျှင် နှစ်ခေါက် နှုန်းဖြင့် ပဲခူးမြို့မှ သောက်သုံးရေ လိုအပ်သော ရွာအသီးသီးသို့ မြို့ခံစေတနာရှင် လုပ်အားပေး လူငယ်များမှ နာရေးကူညီမှုအသင်း (ရန်ကုန်)နှင့် ပူးပေါင်းကာ သွားရောက်လှူဒါန်း နေကြပါသည်။
ထိုသို့ လှူဒါန်းရာတွင် ရေဒုက္ခသည်များ၏ သောက်ရေ မလုံလောက်၍ ဒုက္ခရောက် နေရကြောင်း မိမိတို့ က၀မြို့နယ်အပိုင် ပျော်ဘွယ်ကျေးရွာတွင် လူဦးရေ (၁၅၀) ခန့်ရှိကြောင်း ကရင်၊ ကုလား၊ ဗမာ လူမျိုးစုံ နေထိုင်ကြကြောင်း ယင်းကဲ့သို့ လာရောက်လှူဒါန်းကြသည့်အတွက် ရေအကျိုး (၁၀) ပါး ပြည့်စုံကြပါရန်နှင့် နောက်နောင်လည်း ယခုကဲ့သို့ ဒုက္ခရောက်နေသော ပြည်သူလူထုတို့ အပေါ် လူသားချင်းစာနာစိတ်ဖြင့် ကူညီဖေးမမှုများ ပြုလုပ်နိုင်ကြပါစေဟု ဆုတောင်းမေတ္တာ ပို့ပေးခဲ့ကြပါသည်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
