> “ပြောပြစရာတွေလည်း တပုံကြီးရှိသေးတယ်” အမှတ် (၃၁၈)
တို့ပြည်ထောင်စုသားမှ တိုင်းရင်းသားတို့ သံပြိုင်ပိုဒ်
မာမာအေး
မေ ၄ ၊ ၂၀၁၀
သောတရှင်များ ကျန်းမာတော်မူကြပါစရှင်၊ မာအေးချစ်တဲ့ သောတရှင်တွေ၊ ဂီတဝါသနာရှင်တွေ အားလုံး မာအေးရဲ့အသံလေး ကြားရတဲ့အခါမှာ ကိုယ်ရောစိတ်ပါ ချမ်းသာကြပါစေလို့ ဆုမွန်ကောင်း တောင်းလိုက်ပါတယ်။
သောတရှင်တို့ရေ … ရှေ့မှာ တို့ပြည်ထောင်စုသား သီချင်း ကိစ္စ ပြောလာတာ သီချင်း တဝက်လောက်တော့ ရောက်သွားပါပြီ။ ဒီနေ့ တိုင်းရင်းသား ညီအစ်ကို မောင်နှမများနဲ့ အတူ ဆိုခဲ့ကြရတဲ့ သံပြိုင်ပိုဒ် ဆိုကြ အသံသွင်းကြတုန်းက အကြောင်းတွေ ပြောပါမယ်။ အတူဆိုခဲ့တဲ့ မောင်ညီမတွေ မတိုင်ခင်ကလည်း မြန်မာ့အသံမှာ အသံလွှင့်နေကြတဲ့ တိုင်းရင်းသား ဘာသာရပ် ဆိုင်ရာ ဝန်ထမ်း လုပ်ဖော် ကိုင်ဖက်တွေနဲ့ အေးအတူ ပူအမျှ ချစ်ကြ ရင်းနှီးကြသလား မမေးနဲ့လို့ ပြောရမယ့် အကြောင်းတွေက ရှိနေခဲ့ပါတယ်ရှင်။ အမှတ်တရ ရယ်စရာ အဖြစ်ကလေးတွေပါလို့ အခုတော့ ပြောရတော့မှာပါ။
ဒီလိုပါရှင် မာအေးတို့ နိုင်ငံမှာ တခါတခါ အရေးအခင်းကြီးတွေ ပေါ်ခဲ့တယ် မဟုတ်လား။ အဲဒီလို အချိန်မျိုး ဆိုရင် ရပ်ကွက်တွေ ပိတ်၊ လမ်းတွေ ပိတ်သွားလို့ လာလို့ မရတာတွေ ဖြစ်တယ်လေ။ တိုင်းပြည် အခြေအနေ ကောင်းကောင်း မကောင်းကောင်း အသံလွှင့် လုပ်ငန်းက ရပ်စကောင်းတာမှ မဟုတ်တော့ အသံလွှင့်ရုံနဲ့ အနီးဆုံးနေတဲ့ မာအေးက ဒိုင်ခံ အသံလွှင့်တာဝန် ယူရလေ့ရှိပါတယ်။ လိုအပ်ရင် ညပါ အိပ်ပြီး စောင့်ရှောက်ရလေ့ ရှိပါတယ်။ တိုင်းရင်းသူ ညီမတွေဟာလည်း လူစားထိုး အသံလွှင့်ပေးမယ့်သူ မရှိတဲ့ အတွက် မာအေးလိုပဲ ညအိပ်စောင့်ပြီး အသံလွှင့်ပေးကြရပါတယ်ရှင်။ နေ့လယ်ပိုင်းမှာတော့ မင်းသားကြီး ဗိုလ်ဗကိုရဲ့ ဇနီး – သီရိဂေဟာ အခန်းမှာ မခင်မူ လုပ်တဲ့ ဒေါ်ခင်ခင်ကြည်က မြေနုလမ်းမှာ နေတာမို့လို့ လမ်းလျှောက် လာပြီး ကူပါတယ်။
မာအေးတို့တွေ အဲဒီလိုရုံးမှာ ညအိပ်ကြရတဲ့အခါ အပေါ်ထပ်မှာရှိတဲ့ အထူးဧည့်ခံတဲ့ အခန်းမှာ တန်းစီပြီး အိပ်ကြရပါတယ် ရှင့်။ မာအေးတို့တွေဟာ အရွယ်ရောက်သူတွေ ဖြစ်ပေမယ့် အသံလွှင့်ရုံမှာ မကောင်းဆိုးဝါး ပရလောကသားတွေ ရှိတယ် ဆိုတဲ့ သတင်းက ကျော်ကြားနေတာ ဆိုတော့ မအိပ်ရဲ သလိုလို ဘာလိုလို ဖြစ်မှာပေါ့ရှင်။ ဒါမျိုးကို ကြောက်တယ် ဆိုတာက ဘာသာ ရွေးနေတာမှ မဟုတ်ပဲ။ “မာအေးရေ … ဘုရားစာ ရွတ်မယ်၊ နင့်အသံဆို သရဲလည်း ကြိုက်မှာပါ ဆိုပြီးတော့ ရယ်ကြရ၊ ရွတ်ပေးရ ကလေးထိန်း အာယားမညတွေများ ခဲ့တဲ့အဖြစ်က တအားပဲ ချစ်စေခဲ့တာပါရှင်။ ရိုးရိုးသားသား ချစ်သူငယ်ချင်းများ – ဘယ်လို မေ့ထားလို့ ရပါမလဲ။ သူတို့ရဲ့ အခက်အခဲကို ရှင်းပေးတတ်တဲ့ မာအေးကိုလည်း သူတို့မေ့မယ် မထင်ပါဘူးလေ…..”
တို့ပြည်ထောင်စုသားရဲ့ သံပြိုင်ပိုဒ်ကို တိုင်းရင်းသား ဘာသာ အသီးသီးနဲ့ တခေါက်စီ ဆိုဖို့ စန္ဒရားလှထွတ်က စီစဉ်လိုက်တော့ ဗမာစာသား အဓိပ္ပာယ် အတိုင်း သူတို့ ဘာသာတွေနဲ့ ပြန်ဆိုဖို့ ဆိုမယ့်သူတွေ စည်းရုံးရ၊ ခေါ်ဆောင်ပေးဖို့ လုပ်ရနဲ့ အသံလွှင့်ရုံ တိုင်းရင်းသား ဘာသာ ဝန်ထမ်းတွေက တာဝန် ယူပေးကြရပါတယ်။ အဲဒါနဲ့ လှပတဲ့ သံစဉ်လေးတွေ မြူးမြူး ကြွကြွ ကြားရတော့တာပါပဲ။
(သံပြိုင်ပိုဒ်) ကချင်၊ ကယား၊ ကရင်၊ ချင်း၊ ဗမာ၊ ရှမ်း၊ တို့တတွေ ပြည်ထောင်စုဘွား တိုင်းရင်းသားမို့ ညီအစ်ကို မောင်နှမပေ သွေးစည်းကာသာလေ ညီညွတ် ချစ်ကြည်နေ အေးအတူပူအမျှ အတူတကွ ခံစား စံစားကြမယ်ဟေ
+ ကချင်ဘာသာဖြင့်
+ ကယားဘာသာဖြင့်
+ ကရင်ဘာသာဖြင့် (၁)
+ ကရင်ဘာသာဖြင့် (၂)
+ ချင်းဘာသာဖြင့်
+ ရှမ်းဘာသာဖြင့်
အသံတူ ဘာသာ စာကွဲ သံပြိုင်ပိုဒ်လေးတွေ ဖြစ်လို့ နားထောင်ရတာ အီမသွားဘူးလို့ ခံစားရတယ် မဟုတ်လားရှင်။ နိုင်ငံအကျိုးပြု ပေါ်လစီ သီချင်း ဖြစ်ပေမယ့် မြန်မာနိုင်ငံ အတွင်းမှာ နေထိုင် ကြီးပြင်းလာရတဲ့ လူသားအားလုံး နှစ်သက် လက်ခံ နိုင်တဲ့ အကြောင်းအရာ တခု ဖြစ်ပြီး မြူးကြွတဲ့ ရိုးရာ တိုင်းရင်းသား စည်းထား ဝါးထားနဲ့ လိုက်နိုင်တဲ့ စည်းချက် ဒိုးချက်က – လက်မြှောက်ချင် ခြေမြှောက်ချင် ဖြစ်စေသလို စီကုံးတဲ့ စာကလည်း ဟိန်းဟောက် တောင့်တင်း မေတ္တာယွင်းစရာ မပါ၊ ဆိုရတဲ့ အလိုက်တေးသွားကလည်း ချိုချိုသာသာ ဖြစ်လေတော့ လူတိုင်းကြိုက် သီချင်းထဲမှာ စာရင်း မြဲသွားပေတာပေါ့။
ဘာသာစကား မတူတဲ့ အုပ်စု (၇)စု – ပေါင်းပြီး ဆိုခဲ့ရတဲ့ ပြည်ထောင်စုရဲ့ သီချင်း ဘယ်လိုများ အသံ သွင်းယူကြရသလဲ၊ ဘာတွေ ထူးပါသေးသလဲ။ ကဲ… အချိန်က မရပြန်ဘူးရှင် နောက်တပတ်မှ ဆက်ကြသေးတာပေါ့နော။ ။
[ မူရင်း – ဘီဘီစီ အသံလွှင့်ဌာန၊ မြန်မာပိုင်း။ www.bbcburmese.com ]
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
