ထောင်ချောက်
မောင်လူပေ
ဇွန် ၂၃၊ ၂၀၁၃
တကယ်က အပ်ကြောင်းထပ်နေတဲ့ ဓါတ်ပြားဟောင်းကြီး ပြန်ဖွင့်ပြနေတာပါ။ ရွှေပြည်ကြီးမှာကလည်း ထစ်ကနဲဆို ဓါးဆွဲ၊တုတ်ဆွဲနဲ့ ဝိုင်းပြီး ဆွမ်းကြီးလောင်းချင်ကြတဲ့ သူတွေကလည်း အများသား။ လူမျိုးရေး၊ဘာသာရေး မုန်းတည်းမှု ဆိုတဲ့ လောင်စာက အသင့်ရှိပြီးသားဆိုတော့ အမျိုးသားရေးဆိုတဲ့မီးတုတ်နဲ့ တုို့လိုက်တာနဲ့ တဟုန်းဟုန်း လောင်မြိုက်တော့တာပါပဲ။ မလောင်သေးတဲ့ နေရာမှာဆိုလည်း မီးလေးတွေ မငြိမ်းအောင် လေလေးတွေနဲ့လိုက်ပင့်ပေးပေါ့။
ဒီအဆင်လာတော့မယ်ဆိုတာလည်း စဉ်းစားတတ်တဲ့ လူအများစုက ခန့်မှန်းပြီးသားပါ။ သူတုို့ကစားနေတဲ့ လုပ်ပွဲကြီးမှာ ဝင်ကစားရင် လူမိုက်ပဲ ဖြစ်မှာပေါ့။ ဒါပေမဲ့ ဆိုရေးရှိက ဆိုတတ်ရ၏ ဆိုတဲ့ စကားအတိုင်း နည်းနည်းတော့ ပြောချင်ပါတယ်။
အာဏာရှင်နိုင်ငံ တခုကနေ ပြောင်းလဲဖုို့ ကြိုးစားခဲ့တဲ့ နိုင်ငံတိုင်း ဒီလိုပဲ တွေ့ ကြုံရလေ့ရှိပါတယ်။ အာဏာရှင်စနစ်ကြောင့် အဆမတန် ကြီးပွားလာခဲ့သူများပီပီ ဒီစနစ်ဆိုးကို ပြန်ပြီးအသက်သွင်းဖုို့ ကြိုးစားနေကြတာပါ။ နိုင်ငံကို စနစ်တကျဖျက်ဆီးခဲ့ကြတာလည်း ဒီလူတွေပါပဲ။ လူအများစုကို သူတုို့လို မျက်ကန်းမျိုးချစ်တွေဖြစ်အောင် လုပ်ထားနိုင်ခဲ့ကြပြီလုို့ ထင်နေတာပါ။ ဒါပေမဲ့ မြန်မာပြည်သားအများစုက သူတုို့ ဆင်ထားတဲ့ခွင်ထဲ ဝင်မလာခဲ့ကြပါ။ ပညာမဲ့အောင်လုပ်ထားနိုင်ပေမဲ့ အတွေးအခေါ်ညံ့အောင်တော့ လုပ်လုို့မရခဲ့ပါဘူး။ ဒါကြောင့်လည်း တိုက်စစ်အားကိုဖြည့်တဲ့အနေနဲ့ တချိန်က ရဟန်းတုဆိုပြီး သူတုို့ကိုယ်တိုင် ဖမ်းဆီးထောင်ချခဲ့တဲ့ရဟန်းတပါးကို ရှေ့တန်းမှာ တင်လာတာ ပေါ့။
သူတုို့ရဲ့ ဦးတည်ချက်က ၂၀၁၅။ ပြီးခဲ့တဲ့ ကြားဖြတ်မှာ အပြတ်ရှုံးခဲ့တဲ့အတွက် တိုက်ကွက်ပြောင်းတယ်။ သူတုို့လေသံပြောင်းတယ်။ ပြည် သူတုို့ ဒီမိုကရေစီ တုို့တွင်တွင်သုံးပြီး မဲဆွယ်ခဲ့ပေမဲ့ ဗိုလ်ချုပ်ကြီးဟောင်းများကြီးစိုးတဲ့ နေပြည်တော်လို နေရာမှာတောင် ရှုံးခဲ့တာမို့  အတော် လည်း တုန်လုပ်သွားခဲ့ကြတာပါ။
ဒါကြောင့်လည်း ချောင်ထိုးထားတဲ့ အမျိုးသားရေးဆိုတဲ့ ဓါတ်ပြားဟောင်းကြီး ပြန်ဖွင့်၊ အသုံးဝင်မယ်ထင်တဲ့သူတွေကိုစင်ပေါ်ပြန်တင်ပေးပြီး တိုက်စစ်ဆင်လာတာပါ။ အမျိုးသားရေး ဆိုတာကလည်း လှုံ့ ဆော်လုို့ကောင်းနားထောင်ရလွယ်တဲ့ဟာမျိုးလေ။ ဒီမှာပဲ သူတုို့ဆင်ထားတဲ့ ထောင်ချောက်ထဲ ဝင်လာတဲ့ လူတချို့ ကို အသုံးချပြီး ဆူပူမှုတွေဖန်တီး ပါတော့တယ်။ သူတုို့ရဲ့ အမာခံ စွမ်းအားရှင်ဆိုတဲ့ လူမိုက်တွေကလည်း အဆင်သင့်ရှိပြီးသားဆိုတော့ ပြည်ဖျက်စီမံကိန်း စပါတော့တယ်။ နိုင်ငံရေးနဲ့ဘာသာရေးကို ရောသမမွှေဖုို့ကြံစည်ကြပါတော့တယ်။
မြို့ နယ်အချို့ မှာ ဖြစ်ပျက်ခဲ့တာတွေဟာ သူတုို့လက်ရာတွေမှန်း ဘူးပေါ်သလို ပေါ်လာတော့မှကိုယ်ရှိန်သတ်လိုက်ကြပါတယ်။ သာသနာရဲ့  နာမည်ညိုးနွမ်းမှုကို ဝင်ရောက်ထိန်းသိမ်းဖုို့ဝင်ရောက်လာတဲ့ ရဟန်းသံဃာများကို အသုံးချဖုို့ကြိုးစားနေတာလည်း တွေ့ နေရပါတယ်။ သံဃာတွေကို သူတုို့လိုရင်လိုသလို အသုံးချခဲ့တာ ကြာပြီမို့  အထာကလည်း နပ်ပြီးသား။ သံဃာတော်တွေထဲမှာလည်း အမျိုးသားရေး စိတ်ပြင်းထန်သူတွေက ရှိပြီးသား။ ဒါကြောင့်လည်း ဝံသာနု သံဃာတွေရဲ့ လှုပ်ရှားမှုတွေကို မသိမသာရော၊သိသိသာသာပါ မြှောက်ပေးနေ တာပါ။ ရွှေဝါရောင်တွေ ရှေ့တန်းတင်ပြီး ကစားကွက်ပြောင်းကြည့်တာပါ။
ရလာဒ်ကတော့ အများသိပြီးကြတဲ့ အတိုင်းပါပဲ။ အေးချမ်းလှတဲ့ သာသနာလည်း အကြမ်းဖက် သမားတွေကြောင့် နာမည်ပျက်ရတာပဲ အဖတ်တင်ခဲ့ရပါပြီ။သူတုို့ရဲ့ တချက်ခုတ် နှစ်ချက်ပြတ် လိုအပ်ချက်ဖြစ်တဲ့“အမျိုး၊ဘာသာ၊ သာသနာကို ကာကွယ်သူများ အမည်ခံပြီး လည်းဖြစ်၊ ပြည်သူများရဲ့ ညီညွတ်မှုကိုလည်း ဖြိုခွဲပြီးလည်းဖြစ် “ဆိုတာလည်း ပြည့်လုနီးပါးဖြစ်လာပါပြီ။ ယာလည်းညက်စေ၊ကြက် လည်းပမ်းစေ လွှတ်ပေးထားပြီးမှ ၂၀၁၅ မှာ ကယ်တင်ရှင်ဝင်လုပ်မယ် ပေါ့။သူတုို့တွေတည်ဆောက်ချင်တဲ့ စည်းကမ်းပြည့်ဝသော ဒီမိုက ရေစီနိုင်ငံကြီးကို သူတုို့စိတ်ကြိုက် လွတ်လပ်စွာတည်ဆောက်မည်ပေါ့။
ဒါပေမဲ့ ပြည်သူအများနဲ့ သံဃာတော်အများစုက သူတုို့ထင်သလို မညံ့ကြပါဘူး။ ပညာတတ် သံဃာတော်များ ကလည်း လူ့ အခွင့်အရေးကို ဖြောင့်ဖြောင့်ကြီးဆန့်ကျင်တဲ့ မည်သည့် ဥပဒေကိုမှ အားပေးထောက်ခံကြမည် မထင်ပါ။ ပြည်သူအများစုကလည်း ငြိမ်းချမ်းစွာ အတူယှဉ်တွဲ နေထိုင်ရေး ကိုသာ လိုလားကြတာမို့  သူတုို့ထောင်ချောက်ကိုရေရှည်မှာ ရှောင်ရှားနိုင်ကြမှာ မလွဲပါ။ အမှန်ကို အမှန်အတိုင်း မြင်လာ ကြားလာ သိလာရမဲ့နေ့  ကို စောင့်ကြိုရင်း ဗိုလ်ချုပ်အောင်ဆန်းရဲ့ စကားတခွန်းကို လက်ဆောင်ပါးလိုက်ပါတယ်။
“လူမှာ အရေးကြီးဆုံး နှစ်ခုဘဲရှိတယ်။ အဲဒါက ကိုယ်ကျင့်တရားရယ်၊ အမှန်တရားကို မြတ်နိုးမှုရယ်ပဲဖြစ်တယ်။ ဘယ်နေရာမှာမဆို အမှန် ကို အမှန်အတိုင်း ပြောရဲရမယ်။ပြောဝံ့တဲ့ သတ္တိလည်းရှိရမယ်။ “
(ဗိုလ်ချုပ်အောင်ဆန်း)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ