ကျနော့်နာမည် မောင်ဘညွှန့် (၅)
ဆောင်းလူ
ဇွန် ၂၆၊ ၂၀၁၃
တကယ်တမ်း အမှတ်ရမယ်ဆိုရင် ..
မန်းရှာထိုးတဲ့ ၀ါးစားပွဲပေါ်မှာ
လက်ထောက်တွေ အလီလီပြောင်း
သလွန်ညောင်စောင်း ဒီကုတင်ဟောင်းက
အမှန်တိုင်းပြောရမယ်ဆိုရင်
ကျူပ်တို့အတွက်တော့
မ,ရတာ တကယ်လေးလွန်းတော့လည်း
အဟောင်းဈေးနဲ့ ရောင်းချင်လှတယ် …။
မောင်ဘညွှန့်တုို့ သတင်းစာတုိုက်ကြီးမှာကလည်း အမှတ်ရစရာတွေကလည်း အများသား …။ သတိရစရာတွေကလည်း အများသား …။ ရီစီဗာမကောင်းတဲ့ စလောင်းကြီးတုို့ … လေး ငါး သောင်းနဲ့ အင်ထုခံလုိုက်ရတတဲ့ ၃၂၄ တုို့ …။ ဗမာငွေ သိန်းကျော်တန်လောက်အောင် ပေးလုိုက်ရတဲ့ စက်ရုပ်လုိုလုို ..စပေ့ရှစ်ခ်လုိုလုို (spaceship) အုိုင်ဝါကြီးတုို့ …။ နောက် ဟုိုအကောင်လေးတွေရဲ့ ဆီတွေ လွှမ်းနေတဲ့ ဒယ်အုိုးကြီးလည်း သတိရပါတယ် ..။ မနက်တုိုင်း ထမင်းကျော်ရင် သူနဲ့ချည်း နှစ်ပါးသွားရတာ …။ မောင်ဘညွှန့်တောင် ကုိုဝေယံ (အမေရိကား) လက်ချက်နဲ့ အဆီတုံးလေးတတုံး ၀ါးခဲ့မိဖူးတယ် …။
ဒီနေရာမှာ ဖဒုိုမန်းရှာရဲ့ ၀ါးစားပွဲလေးကလည်း အပါအ၀င်ပေါ့ …။ တဆင့်စကား နားနဲ့ကြားဖူးတာတော့ .. ဒီဝါးစားပွဲလေးက အတော်ကြာပါပြီ။ မောင်ဘညွှန့်တုို့ အနှီသတင်းစာတုိုက်ကြီးဆီ မရောက်ခင်ကတည်းကပါ။ ဒီ ၀ါးစားပွဲလေးဟာ ဖဒုိုမန်းရှာရဲ့ လက်နဲ့ ကုိုယ်တုိုင်လုပ်ထားတဲ့ ၀ါးစားပွဲလေးပါ ..။ စားပွဲလေးက နှစ်ဆင့်ပါပါတယ် …။ မောင်ဘညွှန့် မှတ်မိတာကတော့ အဲ့အချိန်က ၀ါးစားပွဲပုိုင်ရှင်က ဦးဗလ။ (အယ်ချုပ်နဲ့ အမျိုးတော်ပါတယ်။ ခုတော့ ပြင်သစ်) ပါ။ နုိုင်ငံတကာသ တင်းအယ်ဒီတာပေါ့။
အဲ့စားပွဲလေးပေါ်မှာ မောင်ဘညွှန့်တွေ့မိတာတော့ နုိုင်ငံခြားဖြစ် ထုိုင်းလုပ် မီးအိမ်လေးရယ် … ။ ဗမာပြည်ကထုတ်တဲ့ အထူဆုံး အင်္ဂလိပ်အဘိဓာန်ရယ် … ။ တခြား မောင်ဘညွှန့်တုို့နားမလည်တဲ့ ပေါ်လစီရေးရာ .. နုိုင်ငံတကာရေးရာ စာအုပ်တွေပါပဲ …။ နောက် အိမ်ရှင်ကပေးထားတဲ့ ကျွန်းသလွန်ကုတင်နဲ့ဆုိုတော့ ဖထီးရဲ့ စားပွဲလေးနဲ့ တွဲလုိုက်ရင် ဆရာ့ ဆရာတွေသာပေါ့ …။ အဲ့ဒီဗိမ္မာန်မှာနေဖူးတာက .. ဦးဗလ (ယခုပြင်သစ်)၊၊ ကုိုဝင်းသိန်းနုိုင် (အမေရိကား- ဦးပီတာလင်းပင်ရဲ့တူလုို့လည်း ဆုိုတယ်)၊ မောင်နေသွင် (ယခု ထုိုင်း) ပေါ့။
မောင်ဘညွှန့်နဲ့ စောဒီထူးကတော့ အဲ့ဗိမ္မာန်ရဲ့အရှေ့က ကွက်လပ်ကုို အပုိုင်စားတော်မူတယ် …။ လူများများလာမှာစုိုးလုို့ .. အဲ့အချိန်က ရေဆေးတွေကုို ရေနဲ့ဖျော် .. ကဲန်းဗတ်စ်တွေ၊ စက္ကူစတွေပေါ် ဟုိုပက် ဒီပက် ..။ အခွိုင်းလစ်တွေကုို ဟုိုခြစ် သည်ခြစ် .. .. ဒီကြားထဲ ဆေးထုိုးအပ်နဲ့ ထည့်ပြီး ကျဲတာတောင် ပါသေး …။ မသိရင်တော့ အတ်ခ်ျ ပေါ့ဗျာ ..။ ပန်းချီကားလုို့အမည်တပ်ထားတာတွေကလည်း စိတ္တဇလုိုလုိုဆုိုတော့ … အနားလူမကပ်တော့ပါဘူး …။
ခုတော့ နှစ်တွေ အလီလီ တော်လှန်ရေးလမ်းခုလတ်မှာ မန်းရှာလည်း ကျဆုံးခဲ့ရသလုို (မန်းရှာဈာပနာမှာ ၀ီနဲဗား ဆလမ်းဒါး , ၀ီနဲဗား ဂစ်အပ်ခ်ျ (We never surrender, we never give up) ဆုိုပြီး အမေရိကားရောက်သွားသူတယောက်ကုိုလည်း သတိရလုိုက်တာဗျာ။ မောင်ဘညွှန့်တုို့လည်း မျက်နှာဖြူစကားနားမှမလည်တာ။ ဘာပြောမှန်းတောင်မသိဘူး .. ။ အယ်ချုပ်မောင်းချလုိုက်တာပဲ သိလုိုက်ရတယ် …။ နောက်ပုိုင်းနှစ်တွေကြာလာမှသာ .. အော် ..အမေရိကားမှာ လက်နက်သွားရှာတာဖြစ်မှာပါလေဆုိုပြီး ဖြေတွေးလေး တွေးရတာပေါ့) ..သူ့လက်ရာ စားပွဲလေးလည်း ဘယ်ရောက် ဘယ်ပေါက်ဆုိုတာ မောင်ဘညွှန့်လည်း မသိတော့ပါဘူး ….။
++++++
ပိတ်ရက်တွေ ပိတ်ရက်တွေ
လေထိုး လေလျှော်နဲ့
အရက်တစ်လုံး ဘေးချ
ထန်းပင်စိုက် အုန်းသီးစိုက်နဲ့
ဂျက်ကွင်း ..ကင်းတွေမှာ..
ဂျိုကာတွေ မျက်ဖြူလန်
ပုလင်းတွေသာ ပုံလာပြန်လို့
ဘ၀ဟာ သိက္ခာကို ကျလွန်းလှတယ် …။
မောင်ဘညွှန့်တုို့ သတင်းစာတုိုက်ကလည်း ပိတ်ရက်ရှိပါတယ်။ အမှန်တော့ ကုိုယ်ထူကုိုယ်ထဆုိုတော့ ပိတ်ရက်မရှိပါဘူး။ သုို့ပေမယ့် ကုိုယ့်ဘာသာကုိုယ် ပိတ်ရတာပေါ့ဗျာ .. ။ အဓိကတော့ အလုပ်ပြီးမြောက်ကြောင်းပေါ့ .. ။ အလုပ်ပြီးရင် တစ်ရက် နှစ်ရက်လောက် ဂလေရုိုက်နေရင် အယ်ချုပ်က ဘာမှ မပြောပါဘူး ..။ အဲ့ထက်ကျော်ရင်တော့ မျက်ထောင့်နီကြီးနဲ့ ..။ နဲနဲများလာပြီဆုိုရင်တော့ .. ငါကုိုင်တုတ်တော့တာပါပဲ …။ မောင်ဘညွှန့်တုို့က အမြဲခံနေကျဆုိုတော့ အရေထူနေပါပြီ …။ ထုဟယ် နှက်ဟယ်ဆုိုရင်လည်း သီအုိုရီအရ မသိမသာ အလုိုက်သင့်ရွှေ့လျားပေးလုိုက်ပါတယ်။ အထိမနာအောင်ပါ။ မသိသူဆုို မျက်ရည် ဗူးသီးလုံးလောက်တောင် ကျသွားနုိုင်ပါတယ် ..။
ပုံမှန်ဆုို မောင်ဘညွှန့်တုို့ ပိတ်ရက်တွေမှာ ယစ်ရွှေရည်မှီဝဲတာပေါ့ …။ စားစရာသာ မရှိတာ ..သောက်စရာကတော့ ဘယ်က ဘယ်လုိုထွက်လာမှန်းမသိဘူး ..။
မောင်ဘညွှန့်တုို့ဆီမှာ ဦးဂျမ်းတွေရှိပါတယ်။ ဦးဂျမ်းတွေကလည်း ဦးဂျမ်းဆုိုတဲ့အတုိုင်း အဌာရသမျိုးစုံတတ်ပါတယ်။ မောင်ဘညွှန့်တုို့က ပညာရှာသူတွေပေါ့။ ခါတုိုင်း ပုံမှန်ဆုို ယစ်ရွှေရည်ပဲ မှီဝဲတာပါ။ နောက် ပေါက်ပေါက်ဖောက်ကြတာပဲ …။ သူကောင်းတယ် .. ငါကောင်းတယ် ..။ သူကတော့ ဘာ .. ငါကတော့ ဘာ .. ဟုိုကောင်က ဒီလုို .. ဒီကောင်က ဟုိုလုို .. စသည်ဖြင့် သတင်းလုပ်ကြတာပေါ့။
ဒီတခါတော့ … နောက်တနည်းတတ် နည်းတာမှတ်လုို့ဆုိုပြီး … ကုိုရေချမ်း (ဗမာပြည်)၊ ကုိုညဏ်လင်းထွန်း (အမေရိကား)၊ ဦးတင်ညို (ဦးဂျမ်း)၊ စောဒီထူး (နယူးဇီလန်) နဲ့ မောင်ဘညွှန့်တုို့ ၀ုိုင်းဖွဲ့ပြီး ကုလား ကြည့်ကြတယ်ဗျာ …။ မောင်ညဏ်နဲ့ ဦးတင်ညိုက ဆရာတွေပါပဲ .. ။ ထန်းပင်စုိုက်တွေရော အုန်းသီးစုိုက်တွေရော စုံနေတာပဲ .. ။ မောင်ဘညွှန့်နဲ့ ကျန်သူတွေကတော့ .. အသစ်လေးတွေပေါ့ ..။ ကြေးကလည်း လေထုိုး လေလျှော်ပါ။ တကယ်ပေးရမယ်ဆုိုလည်း ချူးတပြားတောင်မရှိပါဘူး .. ။ ကြက်ဖတောင် သူများချူးနဲ့ အငှားစီးရတဲ့ဘ၀ဆုိုတော့ ..။
တနေကုန် တနေခမ်း မောင်ဘညွှန့်တုို့လည်း သင်တော့ သင်တာပါပဲ .. ဒါပေမယ့် စိတ်က ဘေးက ပုလင်းဖြူလေးတွေပေါ်ပဲ ရောက်နေလုို့လားလည်း မသိပါဘူး။ ဖြစ်ထွန်းအောင်မြင်မှု မရခဲ့ဘူးဆုိုပါတော့။ နောက်ဆုံးတော့ .. မောင်ဘညွှန့်တုို့တွေလည်း ပုလင်း ဖက်ပြီး ၀မ်းလျားမှောက်ကုန်ကြတော့တာပါပဲ ..။ ဖြစ်နုိုင်တာတော့ မောင်ဘညွှန့်တုို့ သင်္ချာညံ့တာဖြစ်မှာပါ။ ဘာပဲပြောပြော အဌာရသ တမျိုးကုို အကြောင်းအမျိုးမျိုးကြောင့် မောင်ဘညွှန့်် လက်လွှတ်ခဲ့ရပါတယ် ..။
+++++
အခါတော်ပေးသလိုပဲ …
တစ်ရာသီပြီး တစ်ရာသီ
သီးထပ်တွေ သီးညှပ်တွေနဲ့
ယာခင်းဘေးက ဆူးပုတ်အို ငုတ်တိုခမျာလည်း
အမောင်တို့ နောက်နောင်များ
ယောင်လို့တောင် မလာဖို့
တောင်းပန်နေသလားလို့ …။
မောင်ဘညွှန့်တုို့သတင်းစာတုိုက်ကြီးဟာ မောင်ဘညွှန့်တုို့ ရောက်တဲ့အချိန်ကစလုို့ ကုိုယ်ထူ ကုိုယ်ထပါပဲ …။ တရာသီပြီး တရာသီမှာ .. သီးထပ်တွေ သီးညှပ်တွေ စုိုက်ရပါတယ် ..။ ဒါမှ နေ့စဉ် မောင်ဘညွှန့်တုို့ ရိက္ခာအတွက် လိပ်ပတ်လည်မှာပါ။ လူကလည်းများဆုိုတော့ .. ဟင်းချက်ရင်တောင် .. အငံလေး ကဲရပါတယ်။ အစပ်လေး ကဲရပါတယ်။
မောင်ဘညွှန့်တုို့ ကုိုယ်ထူကုိုယ်ထ စုိုက်ခင်းတွေမှာ မောင်ဘညွှန့်တုို့ ရိက္ခာအတွက်.. ဘူး၊ ဖရုံ၊ ကန်စွန်း၊ ချဉ်ပေါင်၊ ငရုတ် …အဲ့ကလုို ရာသီပေါ် သီးနှံလေးတွေစုိုက်သလုို .. ဈေးကွက်တင်ဖုို့ ဖရဲ၊ ပန်းဂေါ်ဖီ၊ စပါး စတဲ့ ဈေးကွက်ဝင် သီးနှံတွေလည်း စုိုက်ခဲ့ဖူးပါတယ်။
မောင်ဘညွှန့်တုို့ လယ်စုိုက်ဖုို့ အကြောင်းဖန်လာပုံက .. ရှမ်းသူဌေး အဘုိုးကြီးက သူ့လယ်ကွက်တွေကုို ပေးပြီး မင်းတုို့ ၀မ်းရေးအတွက် စုိုက်ကြဆုိုပြီး စုိုက်ကြတာပါ။ အမှန် အဲ့လယ်ကွက်က အကြမ်းထည်ကြီးပါ ..။ လယ်သမားစကားမောင်ဘညွှန့်တုို့ နားမလည်ပေမယ့် .. ဒီတနှစ် ထွန်းရေးတွေ ညက် .. စပါးတွေ စုိုက်ပြီးသွားရင် နောင်နှစ်မှာ ဒီမြေဟာ ယဉ်ပြီး ကျက်သွားပြီဆုိုတာတော့ သိနေပါတယ် ..။ နောက်နှစ်တော့ ပေးမစုိုက်တော့ပါဘူး .. ။ သူ့ဟာသူပဲ စုိုက်ပါတော့တယ် …။
မောင်ဘညွှန့်တုို့ လက်ချက်နဲ့ပဲ .. လယ်ကန်ဇင်းဘေးမှာ ခြံဝင်းလေးနဲ့ စီတန်းစုိုက်ထားတဲ့ ဆူးပုတ်တွေလည်း အနုတွေ .. အရွတွေ ပုရစ်ဖူးတွေ … ငုတ်တုိုဘ၀နဲ့ ကျန်ခဲ့ရတာချည်းပါပဲ …။ ဆူးပုတ်နုနုလေးနဲ့ .. ဒုက္ခသည်စခန်းတွေဆီက ရောက်ရောက်လာတတ်တဲ့ ပဲဝါလေးတွေနဲ့ ရောပြီး ပဲဟင်းချိုတမျိုး …။ ရောက်ရောက်လာတတ်တဲ့ ငါးပိနဲ့တွဲဖက်ဖုို့ ဆူးပုတ်
ရေနွေးဖျောလေးနဲ့ တဖုံ ..။ ခြံစည်းရုိုးကပ်ပေါက်နေတဲ့ အလေ့ကျ ကင်းမွန်ရွက်နုနုတွေနဲ့ ရောလုို့ … ကြော်ချက်ဆုိုပြီး ဟင်းလေးကတသွယ်နဲ့ .. အမျိုးမျိုးအဖုံဖုံ … လွေးခဲ့ရတာပါ။
ခုချိန်များတော့ အဲ့ဒီဆူးပုတ်နုလေးတွေကုို လွမ်းသလုိုတော့ ရှိသား …။ ခုနေများ ငါးပိရည်း စိမ်းစိမ်းလေးနဲ့ တုို့မြှုပ်ပြီး စားလုိုက်ရင်ဖြင့်ဆုိုပြီး အတိတ်ကုိုလည်း လွမ်းသလုိုလုိုရှိသား ..။ အဲ့အချိန်က လူများသလောက် ပြသနာကလည်း ခဏ ခဏဖြစ်တယ် ..။ ဒါပေမယ့် တာဝန်ကျစာဖုိုမှူးရဲ့ everybody လုို့ ခေါ်လုိုက်တဲ့အသံအောက်မှာ .. ထမင်းပူပူ .. အတုို့ပူပူ ငါးပိရေကျဲကျဲအောက်မှာ အားလုံးကတော့ ချွေးတဖြိုက်ဖြိုက် သံတဖြိုက်ဖြိုက်နဲ့ …ငါးပိရည်ခွက်ထဲက ဇွန်းကလေးလည်း လက်မလည်လောက်အောင်နဲ့ ပူပါတယ်ဆုိုတဲ့ လောကကြီးကုိုတောင် မေ့လုို့ ..။
++++
ဘယ်သူက ဘယ်လို စလိုက်တယ်မသိဘူး…။
ဒီကွက်ကြားလေး လက်ထဲရောက်ရင်
ဟိုရောက်မယ်လိုလို … ဒီရောက်မယ်လိုလိုနဲ့
လက်ဆင့်ကမ်းသယ်ဆောင်
လက်နှီးစုတ်လောက်မှ အရောင်မထွက်တဲ့
အင်္ကျီဟောင်းတထည်ကို
ကျကျနန ခေါက်ရိုးကျိုး မီးပူထိုးလို့
ဝတ်ခဲ့ဖူးသေးတယ် …။
အခုများတော့ စုတ်စမြှုပ်စပေါ့ …။
မောင်ဘညွှန့်တုို့ဆီမှာ အစိမ်းနဲ့ အ၀ါနုလေးကွက်ထားတဲ့ အင်္ကျီလေး တထည်ရှိတယ် …။ မူလပုိုင်ရှင်ကတော့ ကုိုငြိမ်းချမ်းထင်တယ် …။ နောက်တော့ သူက အမေရိကားကုို ပညာတော်သင်ဘ၀နဲ့သွားရမယ်ဆုိုတော့ … သူ့ရှိတဲ့ အဟောင်းထည်လေးတွေ ထားခဲ့ရတာပေါ့ ..။ ရှိသူများကလည်း သူ့ကုို အကောင်းထည်လေးတွေ ပြန်မျှပေါ့ ..။ ရှိသူများဆုိုလုို့ တော်တော်ရှိတယ်ထင်မနေနဲ့ဦး …။ အလွန်ဆုံးရှိလှမှ တစ်စုံပေါ့။ ပွဲတက်ဝတ်စုံအနေနဲ့ထားတာ။
ဒီနေရာမှာ အမှတ်ရတာ ဦးအောင်စောဦး (အမေရိကား) ..။ သူက မောင်ဘညွှန့်တုို့ သတင်းစာတုိုက်ရဲ့ ဒု အယ်ချုပ်ဆုိုလား … သေချာတော့ မသိပါဘူး ..။ သူလာရင် အင်္ကျီ အ၀တ်အစားတွေ ပုဒ်ပြတ်ဝယ်လာတယ်ထင်တယ် ..။ ဒီရောက်ရင် မောင်ဘညွှန့်တုို့ မဲနှိုက်ရပြီ ..။ ပုဒ်ပြတ်ဆုိုတော့ သိတဲ့အတုိုင်းပဲလေ …။ ရောနှောပြီး ပါလာတာများပါတယ် ..။ မိန်းမ၀တ်တွေ ပါလုို့ပါ ..။ တခါတလေ သူ့နုိုင်ငံက လူတွေနဲ့တုိုင်းချုပ်ထားတဲ့ .. ဆုိုဒ်အကြီးကြီးတွေနဲ့ ..။ ဒါပေမယ့် မောင်ဘညွှန့်တုို့အတွက်တော့ အသုံးဝင်ပါတယ် …။
မောင်ဘညွှန့်လည်း ကုိုငြိမ်းချမ်းဆီက ဂျင်းဘောင်းဘီဟောင်းလေးတထည် ရလုိုက်သလုို .. မောင်ဘညွှန့် ကျိုက်ထီးရုိုးခရီးစဉ်က ၀ယ်လာခဲ့တဲ့ .. တထည်ထဲသော အကောင်းစား ဖျင်ထည်အင်္ကျီလေး ပြန်ပေးလုိုက်ပါသေးတယ်။
နောက်ပုိုင်း အဲ့အကွက်ကျားလေးကုို ဦးဗလ၀တ်သလုို ..သူ ပြင်သစ်သွားခါနီးတော့ မောင်နေသွင်လက်ထဲ ထားခဲ့တယ်ထင်တယ် ..။ နဲနဲသတိမူမိလာတာပေါ့ …။ ဒါလေးဝတ်ဖူးရင် ဟုိုရောက်မလုိုလုို ဒီရောက်မလုိုလုိုနဲ့ တောင်တွေး မြောက်တွေးပေ့ါ။ နောက်ပုိုင်း မောင်နေသွင်လည်း ချင်းမုိုင် သတင်းစာဆရာသင်တန်းအသွား .. မောင်ဘညွှန့်လက်ထဲကျန်ခဲ့တာပါပဲ …။ ဟုိုရောက်မယ် ဒီရောက်မယ်စိတ်ကူးလေးတွေနဲ့ မီးပူလေးအကျအနထိုးပြီး ၀တ်ခဲ့ဖူးပါတယ် …။
မောင်ဘညွှန့်လက်ထဲ ရောခဲ့ပြီးနောက်ပုိုင်း .. မောင်ဘညွှန့်လည်း ထုိုင်းမှာတင် ဆယ်စုနှစ်တခုလောက် သောင်တင်နေတော့တာပဲ ..။ ဘယ်မှလည်း မရောက်ပါဘူး ..။ ဘယ်မှလည်း မသွားရပါဘူး ..။ ဟုိုပြောင်း ဒီရွှေ့နဲ့ ဒီကြားထဲ အမိမြေကုို တိတ်တဆိတ် ပြန်သွားခဲ့တာတခုနဲ့တင်ပဲ .. အနှီကွက်ကြားလေးလည်း ဘယ်ရောက်လုို့ ဘယ်ပျောက်သွားမှန်း မောင်ဘညွှန့်လည်း မသိတော့ပါဘူး …။
ဆက်လက်ရေးပါဦးမည်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
