Uncategorized

Interview with Hanthar Waddy U Win Tin

အကြမ်းဖက်ဝါဒကျင့်သုံးသူတွေကုို မေတ္တာမပုို့နုိုင်ပါ
ဇူလုိုင် ၄၊ ၂၀၁၃


၁၉၄၇ ခုနှစ် ဇူလိုင်လ ၁၉ ရက်နေ့၌ ဗိုလ်ချုပ်အောင်ဆန်းနှင့် အာဇာနည်ခေါင်းဆောင်ကြီးများ အကြမ်းဖက် လုပ်ကြံသတ်ဖြတ်ခံခဲ့ရသည်မှာ ၂၀၁၃ ခုနှစ်တွင် ၆၆ နှစ် ပြည့်မြောက်ခဲ့ပြီဖြစ်ပါသည်။ မြန်မာနိုင်ငံ၏အနာဂတ်ကို တစ်ဆစ်ချိုးကွေ့သွားစေခဲ့သည့် အာဇာနည်ခေါင်းဆောင်ကြီးများအကြမ်းဖက် လုပ်ကြံသတ်ဖြတ်လုပ်ကြံခံရမှုနောက်ပိုင်း မြန်မာ့နိုင်ငံရေးမှာ သွေးစွန်းခဲ့သည့်ဖြစ်ရပ်များ အမြောက်အများပေါ်ပေါက် ခဲ့ပါသည်။ အမျိုးသားခေါင်းဆောင်ကြီး ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင်ကြီးများ အကြမ်းဖက်လုပ်ကြံသတ်ဖြတ်ခံ ရခြင်းနှင့် အခြား မြန်မာ့နိုင်ငံရေးသမိုင်းရှိ အကြမ်းဖက်လုပ်ရပ်များနှင့်ပတ်သက်၍ ရနံ့သစ်မဂ္ဂဇင်းအယ်ဒီတာအဖွဲ့က သတင်းစာဆရာကြီး ဟံသာဝတီဦးဝင်းတင်အား တွေ့ဆုံမေးမြန်းခဲ့သည်များကို အောက်တွင်ဖော်ပြအပ်ပါသည်။
သစ် ။ ။ ဗိုလ်ချုပ်အောင်ဆန်းနှင့် အာဇာနည်ခေါင်းဆောင်ကြီးတွေ လုပ်ကြံသတ်ဖြတ်ခံရတာ ဒီနှစ်ဆို ၆၆ နှစ် ပြည့်မြောက်ခဲ့ပါပြီ။ မြန်မာနိုင်ငံ ရဲ့ အနာဂတ်ကို တစ်ဆစ်ချိုးကွေ့သွားစေခဲ့ တဲ့ နိုင်ငံရေးအကြမ်းဖက် လုပ်ကြံသတ်ဖြတ်မှုနှင့်ပတ်သက်လို့ ဆရာ့အမြင်ကိုသိပါရစေ။
ဝင်း ။  ။ အာဇာနည်နေ့နီးလာရင်၊ အာဇာနည်နေ့နဲ့ပတ်သက်ပြီးသတိရမိတာ၊ စဉ်းစားမိတာရှိပါတယ်။ ဗိုလ်ချုပ်အောင်ဆန်းနဲ့ အာဇာနည် ခေါင်းဆောင်ကြီးတွေလုပ်ကြံသတ်ဖြတ်ခံခဲ့ရတဲ့အချိန်မှာ ကျွန်တော်က ကျောင်းသားဘ၀ပါ။ အသက် ၁၆ နှစ် ၁၇ နှစ်ပေါ့။ အာဇာနည်နေ့တစ် ၀ိုက်မှာ ကျွန်တော့်ရဲ့ဘ၀မှာ ပထမဆုံးအနေနဲ့ လူကြီးသူမတို့နဲ့ ပေါင်းသင်းဆက်ဆံရ၊ ပြောရဆိုရ၊ လုပ်ရကိုင်ရတာကို မှတ်မိနေပါတယ်။ စိတ်ထဲမှာလည်း ထိခိုက်ပါတယ်။ စိတ်ထိခိုက်တဲ့ အလျှောက်ပြောတာဆိုတာများလည်း ရှိခဲ့ပါတယ်။ ဒီနေရာမှာ ဗိုလ်ချုပ်အောင်ဆန်း နဲ့ကျွန်တော် လူကိုယ်တိုင် နီးနီးကပ်ကပ် တွေ့ ခဲ့ဖူးတာကို ပြန်ပြောပြချင်ပါတယ်။
သစ် ။ ။ ဆရာကြီးနဲ့ ဗိုလ်ချုပ်အောင်ဆန်းက ဘယ်မှာ လူကိုယ်တိုင် တွေ့ခဲ့ဖူးတာလဲ။
ဝင်း ။  ။ ဗိုလ်ချုပ်အောင်ဆန်းနဲ့ကျွန်တော် လူကိုယ်တိုင်တွေ့ခဲ့ဖူးတာက ကြို့ပင်ကောက်မြို့နဲ့ နှစ်မိုင်လောက်ဝေးတဲ့ ရှမ်းစုကျေးရွာမှာပါ။ ၁၉၄၅ မတ် ၂၇ တော်လှန်ရေးနေ့နီးလာတော့ ဗိုလ်ချုပ်အောင်ဆန်း နယ်ဆင်းလာပါတယ်။ ကျွန်တော့်ဦးလေး ဗိုလ်မင်းခေါင်က ဗိုလ်ချုပ် အောင်ဆန်းရဲ့ ကိုယ်ရံတော်တပ်မှူးဖြစ်တာကြောင့် ပြည်လမ်းအတိုင်းဆင်းလာတဲ့ ဗိုလ်ချုပ်တို့ကျွန်တော့်အိမ်ကို ရောက်လာပါတယ်။ တော်လှန်ရေးစစ်ဌာနချုပ်ကို အသွားခရီးမှာ ရွာမှာတစ်ထောက်ဝင် နားတဲ့သဘောပါ။ အဲဒါ မနက်မိုးလင်းပိုင်းလောက်မှာ ဗိုလ်ချုပ်အောင်ဆန်းနဲ့အဖွဲ့အိမ်ကို ရောက်လာပါတယ်။ ခဏနားပြုပြီး နေ့ခင်းဘက်ပေါ့ ဗိုလ်ချုပ်ရေချိုးပါတယ်။ အဲဒီမှာ ကျွန်တော်နဲ့တွေ့တာပါ။ ကျွန်တော် က ဗိုလ်ချုပ်ရေချိုးဖို့အတွက်ရေခပ်ပေးရပါတယ်။ ရေခပ်ပေး ဘာညာလုပ်ပေးရင်းနဲ့ ဗိုလ်ချုပ်အောင်ဆန်းရေချိုးတဲ့နေရာနားမှာ ကျွန်တော် သွားရပ်၊ စကားပြောမိပါတယ်။
သစ် ။ ။ ဆရာက ဗိုလ်ချုပ်ကို ဘာသွားပြောတာပါလဲ။
ဝင်း ။  ။ ဗိုလ်ချုပ်ကို ကျွန်တော် စစ်ထဲဝင်ချင်တဲ့အကြောင်း သွားပြောတာပါ။ ဂျပန်တွေကို ကျွန်တော်လည်း ချချင်တယ်လေ။
သစ်။ ။ ဗိုလ်ချုပ်က ဆရာ့ကို ဘာပြန်ပြောပါသလဲ။
ဝင်း ။  ။ ဗိုလ်ချုပ်အောင်ဆန်းက ကျွန်တော့်ကို “မင်း ကျောင်းနေသလား” လို့ မေးပါတယ်။ ကျွန်တော်က ကျွန်တော်ကျောင်းနေပါတယ်လို့ ပြန်ဖြေတော့ ဗိုလ်ချုပ်က “တို့ စစ်တိုက်မဲ့လူတွေ အများကြီးရှိတယ်ကွ။ မင်းပညာသာဆက်သင်ပါ။ တို့တိုင်းပြည် လွတ်လပ်သွားရင် ပညာ တတ်တွေအများကြီးလိုမှာကွ။ စစ်တိုက်မယ့်လူတွေကရှိပါတယ်။ မင်းပညာသာဆက်သင်ပါ” လို့ ပြန်ပြောပါတယ်။ အဲဒီအချိန်မှာ ကျွန်တော် က စာအုပ်တွေတော်တော်များများ ဖတ်ဖူးနေပါပြီ။ ကျွန်တော့်ဦးလေး ဗိုလ်မင်းခေါင်က စာအရမ်းဖတ်တာပါ။ သူစုထားတဲ့စာအုပ်တွေ၊ သူ ဖတ်တဲ့စာအုပ်တွေ အများကြီးရှိပါတယ်။ ကျွန်တော်ကလည်း သူစုထားတဲ့စာအုပ်တွေကို လိုက်ဖတ်တော့ အဲဒီအချိန်မှာ တော်တော်လေးကို စာဖတ်နာနေပါပြီ။ ဗိုလ်ချုပ်ကိုလည်း ကိုယ်တိုင်တွေ့လိုက်ရ၊ စာတွေကလည်း ဖတ်ထားဆိုတော့ ဗိုလ်ချုပ်အောင်ဆန်းဟာ ကိုယ့်ဘ၀မှာ လမ်းညွှန်တဲ့ပုဂ်္ဂိုလ်၊ ကိုယ့်ရဲ့ခေါင်းဆောင်အဖြစ် စွဲစွဲလမ်းလမ်း ခင်ခင်မင်မင်ဖြစ်နေတာကိုး။ အဲဒီတော့ ဗိုလ်ချုပ်အောင်ဆန်းတို့ လုပ်ကြံ ခံရတယ်လည်း ကြားလိုက်ရော စိတ်ထဲမှာအရမ်းကို ထိခိုက်ခဲ့တာပေါ့။ ကိုယ့်ဆွေမျိုးသားချင်းတစ်ယောက် အသတ်ခံရသလိုဖြစ်ပြီး တော်တော့်ကို စိတ်ထိခိုက် ကြေကွဲခဲ့ရပါတယ်။
ဗိုလ်ချုပ်အောင်ဆန်းလုပ်ကြံခံရပြီး နောက်တစ်နှစ်မှာပဲ မဟတ္တမဂန်္ဓီ လုပ်ကြံခံလိုက်ရပါတယ်။ အဲဒီအချိန် ၄၇-၄၈ ကာလတုန်းက ကျွန် တော်က အသက် ၁၇ နှစ်ကျော်ကျော်၊ ကျောင်းသားသမဂ္ဂဥက္ကဋ္ဌ တာဝန်လည်းယူထားတာဆိုတော့ မြို့ကနိုင်ငံရေးခေါင်းဆောင်တွေနဲ့ ဆက်ဆံရတာတွေ ရှိလာပါတယ်။ အထက်မှာပြောခဲ့သလို ပထမဆုံးအကြိမ်အနေနဲ့ ကျွန်တော့်ဘ၀မှာ လူကြီးသူမတွေနဲ့ ဆက်ဆံခဲ့ရတာပါ။ ဗိုလ်ချုပ်အောင်ဆန်း လုပ်ကြံခံရပြီးတဲ့နောက် ကျွန်တော်တို့မြို့မှာ ဟောပြောပွဲတွေ လုပ်ကြပါတယ်။ လူသတ်ဝါဒ ရှုတ်ချပွဲ၊ အကြမ်းဖက်ဝါဒ ရှုတ်ချပွဲတွေပေါ့။ အဲဒီပွဲတွေမှာ ကျွန်တော် တက်စကားပြောပါတယ်။ မြို့က နိုင်ငံရေးခေါင်းဆောင်တွေနဲ့အတူ တက်ပြောရတာပါ။ ခုအချိန်မှာ ပြန်စဉ်းစားလိုက်တော့ မလောက်လေး မလောက်စား ကျွန်တော်လိုကောင်က တက်ပြောခဲ့တာပဲလို့ တွေးမိပါတယ်။ ပြောစရာဆို စရာကလည်း ရှားပါး၊ စာအုပ်စာတမ်းကလည်းရှားပါးနဲ့ မပြောတတ်မဆိုတတ်ပေါ့ဗျာ။ အဲဒီကြားထဲက ခံစားချက်နဲ့ ကျွန်တော် တက်ပြော ခဲ့တာပါ။
သစ် ။ ။ ဟောပြောပွဲတွေက ဘယ်သူတွေက ဦးစီးပြီးကျင်းပတာပါလဲ။
ဝင်း ။  ။ ဖဆပလနဲ့ ကွန်မြူနစ်ပါတီ ပူးတွဲပြီးကျင်းပတာပါ။ အဲဒီအချိန် မှာ ကွန်မြူနစ်ပါတီကို ဖဆပလက ထုတ်ထားပြီးဖြစ်ပေမဲ့ ဗိုလ်ချုပ် အောင်ဆန်းတို့ လုပ်ကြံခံလိုက်ရတော့ နှစ်ပါတီညီညွတ်ပြီး လူသတ်ဝါဒရှုတ်ချပွဲတွေကို တစ်နိုင်ငံလုံးမှာ ကျင်းပကြတာပါ။ ကျွန်တော်တို့ ကြို့ပင်ကောက်မြို့လည်း အပါအ၀င်ပေါ့။ ဒါပေမဲ့ ခုနကပြောခဲ့သလို ကျွန်တော်က နိုင်ငံရေးရယ် ဘာရယ်သိပ်နားလည်လို့ပြောတာမဟုတ် ပါဘူး။ ရိုးရိုးပြောရရင်ခံစားချက်ကြောင့် ကိုယ့်သွေးရင်း သားရင်းထဲက လုပ်ကြံခံရလိုက်ရသလိုကို ခံစားရတာကြောင့် တက်ပြောတာပါ။
ဒီနေရာမှာ ကြုံကြိုက်လို့ပြောရရင် အဲဒီအချိန်က ကျွန်တော်တို့အိမ်မှာနေတဲ့ ဦးလေးဆင်ဆိုတဲ့ ပုဂ်္ဂိုလ်ကြီးတစ်ယောက်ရှိပါတယ်။ ကျွန်တော် တို့အိမ်မှာ သူရောက်နေတဲ့အချိန်မှာ သူသိပ်စိတ်မမှန်တော့ပါဘူး။ ကျွန်တော်ကသာ ဦးလေးဆင်ခေါ်နေတာပါ။ သူ့အသက်က တော်တော် လေးကြီးပါပြီ။ ကျွန်တော့်ဘွားအေကတောင် သူ့ကို ဦးလေးဆင်ဟုခေါ်တာပါ။ အဲဒီဦးလေးဆင်က မြင်မြင်သမျှကို မေတ်္တာပို့ပါတယ်။ အိမ်မှာ ထိုင်နေ အိမ်မှာမြင်တဲ့သူမှန်သမျှ သူ မေတ္တာပို့ပါတယ်။ လမ်းထွက်သွားလမ်းမှာတွေ့သမျှလူကုန် သူ မေတ္တာပို့ပါတယ်။ အဲဒီလိုပဲ ဈေးထဲသွား ဈေးထဲတွေ့သမျှလူ အကုန် မေတ္တာပို့ပါတယ်။ အဲဒီလိုပုဂ်္ဂိုလ်မျိုးပါ။
ကျွန်တော်တို့အိမ်မှာနေတယ်ဆိုပေမဲ့လည်း နေရုံလေးနေတာပါ။ ဘာမှစားသောက်တာမျိုး မရှိပါဘူး။ ရေသောက်တာလောက်ပဲ ရှိတာပါ။ သူက ဈေးထဲသွားပြီး ဈေးသူဈေးသားတွေ ခိုင်းတာမှန်သမျှ အကုန်လုပ်ပေး၊ ဈေးသူဈေးသားတွေကိုရော ဈေးလာဝယ်တဲ့သူတွေကိုပါ အကုန်မေတ္တာပို့၊ ခိုင်းတာတွေအကုန်လုပ်ပေးဆိုတော့ တစ်ဈေးလုံးက သူ့ကို ကျွေးမွေးတာကအစ အကုန်စောင့်ရှောက်ထားပါတယ်။ ကျွန်တော်တို့အိမ်မှာ ရေလောက်ပဲ သောက်တာပါ။ နောက် တစ်ခုက ဦးလေးဆင်က ရုပ်ဆင်းအသွင်သဏ္ဌာန်မှာ မဟတ္တမဂန်္ဓီကြီးနဲ့ တော်တော်ဆင်ပါတယ်။ ခေါင်းတုံးလည်းခေါင်းတုံး၊ အင်္ကျီကလည်း အမြဲတမ်းချွတ်ထားတယ်။ ခပ်ပိန်ပိန် ခါးကိုင်းကိုင်းနဲ့ တောင်ဝှေးကြီး တစ်ချောင်း ဆောင်၊ အဲဒီတောင်ဝှေးနဲ့ အိမ်ကနေ ဈေးကိုသွား၊ ဈေးကနေ အိမ်ကိုပြန်လုပ်နေတာပါ။ ဂန်္ဓီကြီးနဲ့ တော်တော်ကိုဆင်တာပါ။ ဦးလေးဆင်ဟာ ဘယ်လောက်တောင်   မေတ္တာရှင်ပီသသလဲဆိုရင် လမ်းလျှောက်သွားရင်း လမ်းမှာ ကလေးတွေက မြွေကို ၀ိုင်းရိုက်နေတာ တွေ့တာနဲ့ ကလေးတွေကို အတင်း ၀င်တား၊ မြွေကို အတင်းဝင်ကိုင်၊ မြွေက သူ့ကိုကိုက်၊ ကိုက်လည်း ကိုက်ကိုက်ပဲ၊ သူက မြွေကိုမေတ္တာပို့၊ ကလေးတွေလက်ထဲက အတင်းလုပြီး ဘေးကင်းရာကိုသွားပို့တဲ့အထိ ဖြူစင်တဲ့သူတော်ကောင်းကြီးပါ။ အဲဒီအမြဲတမ်းမေတ္တာပို့နေတဲ့ ဦးလေးဆင်ကို ဂျပန်က သတ် သွားပါတယ်။ လှံစွပ်နဲ့ထိုးသတ်သွားတာပါ။ ကျွန်တော်တို့မြို့မှာ ဂျပန်တော်လှန်ရေးကာလမှာ ဖက်ဆစ်တွေက လူလေးငါးဆယ်လောက်ကို လှံစွပ်နဲ့ထိုးသတ်ခဲ့တာ ဖြစ်ပါတယ်။ အဲဒီထဲမှာ ဦးလေးဆင်လည်း ပါသွားတာပေါ့။ သူ့အကြောင်းကို မြ၀တီ လား၊ ငွေတာရီလား အဲဒီမှာ ကျွန်တော် “မေတ္တာရှင်” ဆိုတဲ့နာမည်နဲ့ ဆောင်းပါးတစ်စောင်ရေးပြီး မှတ်တမ်းတင်ဖူးပါတယ်။
အဲဒီမှာ ကျွန်တော် ဘာသွားတွေးမိသလဲဆိုတော့ ဦးလေးဆင်ဟာ သူ့ကိုသတ်တဲ့ ဂျပန်ဖက်ဆစ်ကို မေတ္တာများပို့သွားသလားလို့ တွေးမိပါ တယ်။ လူတကာကို မေတ္တာပို့နေတဲ့ ဦးလေးဆင်ဟာ သူ့ကို လှံစွပ်နဲ့ထိုးသတ်တဲ့ ဂျပန်စစ်သားကိုလည်း မေတ္တာပို့သွားမှာပဲလို့  ကျွန်တော် တွေးမိပါတယ်။ အဲဒီမှာ ကျွန်တော် ဆက်စဉ်းစားမိတာက ဦးလေးဆင်ဟာ လူသတ်သမားကို မေတ္တာပို့စရာမလိုဘူး။ ကျိန်ဆဲရမယ်၊ ဖက် ဆစ်ကို အကြမ်းဖက်သမားကို မေတ္တာပို့စရာမလိုဘူး။ ကျိန်ဆဲရမယ်၊ ရှုတ်ချရမယ်လို့ စဉ်းစားမိပါတယ်။
ဗိုလ်ချုပ်အောင်ဆန်းတို့ ဂန်္ဓီတို့လုပ်ကြံခံရပြီးတဲ့နောက် ကျွန်တော့်တို့မြို့မှာလုပ်တဲ့၊ ကြို့ပင်ကောက်မှာ ကျွန်တော်တို့ ဈေးနား မှာ ဘုရားထဲမှာ အကြမ်းဖက်မှု ရှုတ်ချရေး ဟောပြောပွဲတွေလုပ်ပါတယ်။ အဲဒီဟောပြောပွဲတွေမှာ ကျွန်တော်က လူသတ်ဝါဒကို ရှုတ်ချပါတယ်။ အဲဒီ ဖက်ဆစ်တွေ၊ လူသတ်သမားတွေကို မေတ္တာပို့ဖို့ မကောင်းဘူး၊ မေတ္တာမပို့ရဘူး ရှုတ်ချရမယ်၊ ကျိန်ဆဲရမယ်။
ခုလို အာဇာနည်နေ့ နီးလာတဲ့အချိန်မှာ ကျွန်တောပြန်စဉ်းစားတော့ အဲဒီလိုပဲ စိတ်ထဲမှာပေါ်ပါတယ်။ ကျွန်တော်ထောင်ထဲမှာ ရှိနေတဲ့ အချိန်မှာ ဒီပဲယင်းလုပ်ကြံမှုကြီးအကြောင်း ကြားရပါတယ်။ စုံစုံလင်လင် အတိအကျတော့ ကြားရတာမဟုတ်ပါဘူး။ ထောင်ထဲက ကြားရ တာဆိုတော့ ဟိုတစ်စ သည်တစ်စပေါ့။ သို့သော်လည်း ဒေါ်အောင်ဆန်းစုကြည်အပါအ၀င် ခေါင်းဆောင်တွေနဲ့ ထောက်ခံတဲ့ပြည် သူတွေကို အကြမ်းဖက် ရိုက်နှက်သတ်ဖြတ်တယ်ဆိုတာလောက်ကိုတော့ ထောင်ထဲကကြားရပါတယ်။ နောက်ပိုင်းမှာ ဒေါ်အောင်ဆန်းစုကြည်က သူ့ကို လုပ်ကြံသတ်ဖြတ်ဖို့ ကြိုးစားတဲ့သူတွေကို ခွင့်လွှတ်တယ်လို့ပြောပါတယ်။
ကျွန်တော်ကတော့ ခွင့်မလွှတ်နိုင်ပါဘူး။ ဘယ်တရားမှာလဲ။ အကြမ်းဖက်လူသတ်သမားတွေကို ကျွန်တော်တို့အားလုံးက ရှုတ်ချရမယ်၊ ခွင့်မလွှတ်ရဘူး။ ဒါ့အပြင် ဒီပဲယင်းနဲ့ပတ်သက်ပြီး တာဝန်ရှိသူတွေကို ဖော်ထုတ်ရမယ်။ ဘာလို့မဖော်ထုတ်နိုင်ရမှာလဲ၊ ဘာလို့ ခွင့်လွှတ်ရမှာ လဲ။ ကာယကံရှင်က လက်စားမချေချင်တဲ့စိတ်ဓာတ်နဲ့ ခွင့်လွှတ်သည်းခံနေမယ်၊ ခွင့်လွှတ်ရင်ခွင့်လွှတ်မယ်၊ ဒါပေမဲ့ ကျွန်တော်က လက်မခံ နိုင်ဘူး။ အကြမ်းဖက်သမားတွေ လူသတ်သမားတွေကို ခွင့်လွှတ်လို့မရဘူး၊ သည်းခံနေလို့မရဘူး။
ဗိုလ်ချုပ်အောင်ဆန်းဟာ သူ့ကို လုပ်ကြံသတ်ဖြတ်တဲ့အချိန်မှာ စိတ်ထဲက အကြမ်းဖက်သမားတွေကို ခွင့်လွှတ်ရင်ခွင့်လွှတ်သွားလိမ့်မယ်၊ ဂန်္ဓီကြီးကလည်း သူ့ကို လုပ်ကြံသတ်ဖြတ်တဲ့ လူသတ်သမားကို မေတ္တာပို့ရင် ပို့သွားလိမ့်မယ်။ ဦးလေးဆင်ကလည်း သူ့ကို လှံစွပ်နဲ့ထိုး သတ်တဲ့ ဖက်ဆစ်ဂျပန်စစ်သားကို မေတ္တာပို့သွားလိမ့်မယ်။ ကျွန်တော်ကတော့ သဘောမတူဘူး။ အဲဒီလူတွေဟာ မေတ္တာပို့သင့်တဲ့လူတွေ မဟုတ်ဘူး။ မေတ္တာတရားနဲ့ မထိုက်တန်ဘူး။ အဲဒီအကြမ်းဖက်သမားတွေကို ကျိန်ဆဲရမယ်။ တုံ့ပြန်မှုနဲ့ ရှုတ်ချမှုနဲ့ အပြစ်တင်မှုနဲ့ အရေးယူ မှုနဲ့သာ ထိုက်တန်တဲ့လူတွေ။ ဒါ ကျွန်တော် လူပုဂ်္ဂိုလ်ရေးအရပြောနေတာ မဟုတ်ဘူး။ ၀ါဒအရ ပြောတာ။
အကြမ်းဖက်လူသတ်သမားတွေကို သူတော်ကောင်းစိတ်ဓာတ်နဲ့ တုံ့ပြန်နေလို့ကတော့ နိုင်ငံရေးအကြမ်းဖက်မှုဟာ ဘယ်တော့မှ ပပျောက် မှာ မဟုတ်ဘူးဆိုတာ ဒီနေ့လည်း ပြောချင်တယ်။ လွန်ခဲ့တဲ့ ကျွန်တော့်အသက် ၁၆ နှစ် ၁၇ နှစ်က ပြောခဲ့တဲ့အတိုင်းပဲ ဒီနေ့  အသက် ၈၀ ကျော် ၉၀ နီးပါးအရွယ်မှာလည်း အဲဒီအတိုင်းပဲ ပြောချင်တယ်။ နောင်လည်း ကျွန်တော်အသက်ရှိနေသရွေ့ အဲဒီအတိုင်းပဲပြောမှာပဲ။ ဘယ် တော့မှ ပြောင်းလဲသွားမှာမဟုတ်ဘူး။ အကြမ်းဖက်လူသတ်သမားတွေကို မေတ္တာပို့လို့မရဘူး၊ ရှုတ်ချရမယ်။ ကျိန်ဆဲရမယ်၊ အပြစ်တင်ရမယ်၊ ဖော်ထုတ်ရမယ်၊ တိုက်ဖျက်ရမယ်၊ အရေးယူရမယ်။ လူမျိုးနဲ့တိုင်းပြည်အတွက် အင်မတန်အဖိုးတန်တဲ့ ခေါင်းဆောင်တွေ နိုင်ငံရေး လုပ်ကြံမှုတွေကြောင့် မသေသင့်ဘူး။ ဒီနေ့လည်း ကျွန်တော်ဒီအတိုင်းပဲ ယူဆပါတယ်။ နောင်လည်း အဲဒီလိုပဲ ကျွန်တော် ယူဆသွားမှာပါ။
အယ်ဒီတာအဖွဲ့
၂၀၁၃၊ ဇူလိုင်လ၊ ရနံ့သစ်

(အာဇာနည်နေ့နှင့်ပတ်သက်၍ ဟံသာဝတီဦးဝင်းတင်နှင့် တွေ့ဆုံမေးမြန်းခြင်း)

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts