>
မိုးမခ၀က်ဆိုက်များကို ဗိုင်းရပ်ပိုးရှိသည်ဆိုပြီး ပိတ်ဆို့ခြင်းခံရမိုးမခအထောက်တော် ၀၀၁
ဧပြီ ၃၀၊ ၂၀၀၉
အမေရိကန်ဘက်အခြမ်းက မိတ်ဆွေများဖက်က မည်သည့် သတိပေးချက်၊ တားမြစ်ချက်များ မရရှိခဲ့သဖြင့် ကွန်ပြူတာ အမှားအယွင်း တခု အဖြစ် မိုးမခက သဘောထားပြီး တုံ့ပြန်ခြင်း မပြုခဲ့သော်လည်း ယခု ထပ်မံပြီး သတင်းပို့လာသဖြင့် စုံစမ်းရာတွင် ဗိုင်းရပ်ကာကွယ်ရေး ဆော့ဝဲ ၂ ခုဖြစ်သော ကားပါးစကီးနှင့် အာဗီးရားတို့က မိုးမခ၀က်ဆိုက်သို့ မသွားရန် တားမြစ်သည့် သတိပေးချက် ထုတ်ပြန်ထားခြင်းကို တွေ့ရသည်။
ဂူးဂဲအင်တာနက်၏ အကူအညီဖြင့် ဖိုရမ်များတွင် လိုက်လံရှာဖွေကြည့်ရာတွင် လွန်ခဲ့သည့် ၂၀၀၈ ဒီဇင်ဘာကတည်းက ကားပါးစကီး ဗိုင်းရပ်စ်ကာကွယ်ရေးစနစ်က မှားယွင်းပြီး ဂူးဂဲဒေ့ါကွန်ကို ပိတ်ပစ်ခဲ့ကြောင်း အသုံးပြုသူများက သတင်းပို့ထားသည်ကို တွေ့ရသည်။ http://usa.kaspersky.com/support/208279960.php
သို့ဖြစ်ပါ၍ ထိုဗိုင်းရပ်ကာကွယ်ရေးစနစ် ၂ ခု သုံးစွဲထားသော ကွန်ပြူတာများတွင် နောက်ဆုံးပေါ် စနစ် ဖြစ်အောင် မြှင့်တင်ရန်၊ အင်တာနက်ဖိုင်များကို ရှင်းလင်းပစ်ရန်၊ မိမိကွန်ပြူတာကို ဗိုင်းရပ်စ်ကာကွယ်ရေးစနစ်ဖြင့် ပြန်စစ်ဆေးရန်နှင့် ကွန်ပြူတာများကို ပိတ်ပြီး ပြန်ဖွင့်ကြရန် တိုက်တွန်းလိုပါကြောင်း မိုးမခ၏ နည်းပညာနှင့် တောက်တိုမယ်ရ ကျွမ်းကျင်သူ ၀က်ဆရာ မောင်သာဂိက ပြောသည်။
ယခု ကမ္ဘာတွင် ၀က်တုတ်ကွေး ဖြစ်နေသည့်နည်းတူ အင်တာနက်များက ၀က်ဆိုက်များတွင်လည်း ၀က်တုတ်ကွေး ဖြစ်ပွားနိုင်မည်ဟု မိမိ အတတ်မပြောနိုင်သေးကြောင်း ၎င်းက မှတ်ချက်ပေးသည်။ ( ၀က် = web )
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
