>Cartoonists

December 29, 2008

>



၃၃ ကြိမ်မြောက် ကာတွန်းဆရာကြီးများအား ဂါရ၀ပြု ကန်တော့ပွဲ
တာရာဝေယံ
ဒီဇင်ဘာ ၂၉၊ ၂၀၀၈

၁၉၃၄ ခုနှစ်မှာ ကာတွန်းဦးဘဂျမ်းနဲ့ ဦးဟိန်စွန်းတို့ဟာ ကမ္ဘာမှာ မပေါ်ဖူးသေးတဲ့ ကာတွန်း မီးပုံး မီးထွန်းပွဲကို တန်ဆောင်တိုင်ကာလမှာ စတင် တီထွင်ခဲ့ကြပါတယ်။ မီးထွန်းပွဲကို ရန်ကုန်မြို့ ၁၃ လမ်း အောက်ဘလောက်မှာ ကျင်းပခဲ့တယ်။ အဲဒီမီးထွန်းပွဲက ကာတွန်းမီးပုံးတွေမှာ ဖော်ပြတဲ့ ကာတွန်းတွေဟာ သူရိယနဲ့ မြန်မာ့အလင်း သတင်းစာတွေက ပယ်ထားတဲ့ နိုင်ငံရေး ကာတွန်းတွေနဲ့ အင်္ဂလိပ်ခေတ်က မင်းတိုင်ပင် အမတ်တွေရဲ့ ချို့ယွင်းချက်တွေကို သရော်ထားကြတဲ့ ဦးဟိန်စွန်းနဲ့ ဦးဘဂျမ်းတို့ရဲ့ လက်ရာတွေပါ။

အပယ်ခံ ကာတွန်းတွေနဲ့ စခဲ့ကြတဲ့ ဦးဘဂျမ်းလမ်း တန်ဆောင်တိုင် ကာတွန်းမီးထွန်းပွဲကနေ မြန်မာ့ကာတွန်းလောကအတွက် မှတ်တမ်းတင်ကျန်ရစ်မယ့် ကာတွန်းလှုပ်ရှားမှု ငါးခု ပေါ်ပေါက်ခဲ့ပါတယ်။ အဲဒီလှုပ်ရှားမှု ငါးခုက
(၁) မြန်မာနိုင်ငံ ကာတွန်းဆရာများအသင်း
(၂) ဘဂျမ်းဂျာနယ်ပြောင်
(၃) နှစ်စဉ် ကာတွန်းပြိုင်ပွဲ
(၄) ရပ်ကွက်ကာတွန်း မီးထွန်းပွဲတွေ
(၅) ကာတွန်း သက်ကြီးပူဇော်ပွဲတွေ ဖြစ်ကြပါတယ်။


ဦးအောင်ရှိန်၊ ဦးဖေသိန်း၊ ဦးရွှေမင်းသား

မြန်မာ့ယဉ်ကျေးမှု ဓလေ့မှာတော့ သက်ကြီးဝါကြီးတွေကို ငယ်ရွယ်သူတွေက ပူဇော် ကန်တော့ခြင်း ဆိုတာ မင်္ဂလာရှိတဲ့ အစဉ်အလာတခု အနေနဲ့ လက်ခံထားကြပါတယ်။ ကာတွန်း ဆရာကြီး ဦးဟိန်စွန်းဟာ ငယ်စဉ်အခါက သူ့ရဲ့ ဆရာသမားတွေ ဖြစ်ကြတဲ့ ဆရာဦးဘဇော်နဲ့ ဦးဘကလေး (ရွှေတလေး)တို့ကို ၀ါကျွတ်ချိန်တွေမှာ ကန်တော့လေ့ရှိပါတယ်။ ကာတွန်း ဦးဘဂျမ်း သက်ရှိထင်ရှား ရှိစဉ်ကလည်း သူ့ရဲ့ တပည့်တွေက တဦးစီ အနေနဲ့ ကန်တော့ခဲ့ကြပါတယ်။ အဲဒီကာလက ကာတွန်းဆရာအရေအတွက် များများစားစား မရှိသေးတဲ့အတွက် ပူဇော်ကန်တော့ပွဲ ဆိုပြီး ဆိုရလောက်တဲ့ စုစုဝေးဝေး ကန်တော့နိုင်တာမျိုး မရှိသေးပါဘူး။

၁၉၆၀ ပြည့်နှစ်မှာ ကာတွန်းဦးဖေသိန်း ခေါင်းဆောင်တဲ့ ကာတွန်းဆရာ အယောက်အစိတ်လောက်ဟာ အဲဒီနှစ် ဦးဘဂျမ်းလမ်း တန်ဆောင်တိုင်မီးထွန်းပွဲမှာ ကြီးကြပ်နေရသူ ကာတွန်းဆရာ ဦးဟိန်စွန်းကို ကန်တော့ဖို့ စိတ်ကူးရခဲ့ကြပါတယ်။ အဲဒီကန်တော့ပွဲဟာ ဆရာကြီး ဦးဟိန်စွန်းရဲ့ ပုဇွန်တောင် တပ်မြေမှာရှိတဲ့ နေအိမ်မှာ ဆောင်ရွက်ခဲ့တဲ့ မြန်မာပြည်ကာတွန်းဆရာများရဲ့ ပထမဦးဆုံးသော ပူဇော်ကန်တော့ပွဲဖြစ်ပါတယ်။ ထိုစဉ်က အနုပညာလောကမှာ သက်ကြီးပူဇော်ပွဲတွေ မရှိသေးတဲ့အတွက် ကာတွန်းဆရာတွေရဲ့ ကန်တော့ပွဲဟာ အစောဆုံး ပူဇော်ပွဲအဖြစ် ယူဆရန် ရှိပါတယ်။


ကာတွန်းဆရာများ၊ ကာတွန်း အာကာ


ကာတွန်းထက်မိုး၊ ကာတွန်းစိုးစံဝင်း

နှစ်စဉ် တန်ဆောင်တိုင် မီးထွန်းပွဲပြီးချိန်မှာ ဆရာကြီးဦးဟိန်စွန်းကို မျိုးဆက်သစ် ကာတွန်းဆရာများက ပူဇော် ကန်တော့ခဲ့ကြပါတယ်။ ၁၉၇၄ ခုနှစ်မှာတော့ လူငယ်ကာတွန်းဆရာတွေရဲ့ တိုက်တွန်းမှုအရ ဆရာကြီးဦးဟိန်စွန်းနဲ့ အတူ ကာတွန်းဦးဖေသိန်း၊ ဦးကျော်ဆန်း၊ ဦးဘထွေး၊ ဦးအောင်ရှိန်၊ ဦးသန်းကြွယ်တို့လည်း ကန်တော့ခံကြရပါတယ်။ ၁၉၇၂ ခုနှစ်မှာ ကာတွန်းလုံးချင်း ထုတ်ဝေခွင့်တွေ ရပ်ဆိုင်းသွားတဲ့အတွက် ကာတွန်းဆရာ အများစုဟာ ပုံမှန်ဝင်ငွေ မရှိတော့လို့ စားဝတ်နေရေး ခက်ခဲခဲ့ပေမယ့် ကာတွန်းဆရာ ကန်တော့ပွဲကို စဉ်ဆက်မပြတ် ကျင်းပနိုင်ခဲ့ပါတယ်။ ၁၉၈၀ ပြည့်နှစ်မှာ ဆရာဦးစိန်၊ ၁၉၈၁ ခုနှစ်မှာ ဆရာဦးဗကလေးတို့ အကန်တော့ခံ ဆရာတွေထဲမှာ ပါလာပါတယ်။

၁၉၈၅ နဲ့ ၁၉၉၅ ခုနှစ်အတွင်းမှာ အကန်တော့ခံ ဆရာတွေဖြစ်တဲ့ ဆရာကြီးဦးဟိန်စွန်း၊ ဆရာဦးကျော်ဆန်း၊ ဆရာဦးဘထွေး၊ ဆရာဦးသန်းကြွယ်၊ ဆရာဦးစိန်တို့ ကွယ်လွန်ခဲ့ကြပါတယ်။ ဦးဘဂျမ်းလမ်း တန်ဆောင်တိုင်မီးထွန်းပွဲ (၁၉၅၉ခုနှစ်ခန့်)မှ စတင်ခဲ့တဲ့ ကာတွန်းဆရာ ကန်တော့ပွဲဟာ ၁၉၈၈ ခုနှစ်နောက်ပိုင်း ကာတွန်းမီးထွန်းပွဲတွေ ရပ်ဆိုင်းသွားတဲ့အခါ သုံးလေးနှစ်လောက် မကျင်းပနိုင်ခဲ့ပါဘူး။ ဒါပေမယ့် ကာတွန်းဆရာကန်တော့ပွဲကို မျိုးဆက်သစ်တွေက လက်ဆင့်ကမ်း သယ်ပိုးခဲ့ကြပါတယ်။ ၁၉၉၆ ခုနှစ် ကန်တော့ခံ ဆရာတွေထဲမှာ ဆရာမောင်သော်က ပါလာခဲ့ပြီး ၂၀၀၀ ပြည့်နှစ် ၀ိုင်အမ်ဘီအေ ခန်းမမှာ ပြုလုပ်တဲ့ ၂၅ ကြိမ်မြောက် ငွေရတု ကာတွန်းဆရာကြီးများ ကန်တော့ပွဲမှာ ဆရာရွှေမင်းသားလည်း ပါဝင်ခဲ့ပါတယ်။

ဒီနှစ်မှာတော့ ၃၃ ကြိမ်မြောက် ကာတွန်းဆရာကြီးများ ကန်တော့ပွဲ အမှတ်တရ လက်ဆောင်အဖြစ် ကာတွန်းဆရာကြီးများကန်တော့ပွဲ သမိုင်းပုံရိပ် ဓာတ်ပုံမှတ်တမ်း စာအုပ်လေးကို အခမဲ့ ဖြန့်ဝေနိုင်ခဲ့ပါတယ်။ အဲဒီစာအုပ်လေး ဖြစ်မြောက်ဖို့ ဆရာကြီးဦးဖေသိန်းမိသားစု၊ ဦးမောင်မောင်၊ ဦးမြေဇာ၊ ကိုဖေသစ်တည်တို့က အချက်အလက်များ၊ ဓာတ်ပုံများ စုဆောင်းပေးကြပြီး ကိုတင်ထွန်းအောင် (Toon Internet) တို့က ပုံတွေကို စကင် ကူးပေးခဲ့ပါတယ်။ Kid Zone ကလေးဂျာနယ်က ပုံနှိပ်ကူညီ လှူဒါန်းခဲ့ကြောင်း စာအုပ်ရဲ့ ကျေးဇူးမှတ်တမ်းမှာ တွေ့ရှိရပါတယ်။ ခေတ်အဆက်ဆက် ကန်တော့ခဲ့ကြတဲ့ ကာတွန်းဆရာများနဲ့ အကန်တော့ခံ ကာတွန်းဆရာကြီးတွေရဲ့ ပုံရိပ်တွေကို တစုတစည်းထဲ တွေရတဲ့၊ သမိုင်းတန်ဖိုးကြီးမားတဲ့ စာအုပ်လေး ဖြစ်ပါတယ်။

ဒီနှစ်မှာ အကန်တော့ခံကြတဲ့ ဆရာကြီးတွေက ဆရာဦးဖေသိန်း၊ ဆရာ ဦးအောင်ရှိန်၊ ဆရာရွှေမင်းသားတို့ ၃ဦး ဖြစ်ကြပါတယ်။ ဆရာဦးဖေသိန်းအိမ်မှာ လူငယ်ကာတွန်းသမားတွေ စုဝေးပြီး ညအိပ် ချက်ပြုတ် လုပ်ကိုင်ကြပါတယ်။ မနက်လင်းကတည်းက တဖွဲဖွဲ ရောက်လာကြတဲ့ အနုပညာ ညီအကိုမောင်နှမတွေနဲ့ နှစ်စဉ် ဆုံစည်းနေကြ ကာတွန်းဆရာကြီးများ ကန်တော့ပွဲဟာ အသက်ဝင်လျက် ရှိပါတယ်။ အခမ်းအနားမှူးအဖြစ် ကာတွန်းဝင်းကိုက ဆောင်ရွက်ခဲ့ပြီး အခမ်းအနားအစမှာ ကာတွန်းဆရာကြီး ရွှေမင်းသားက ကျေးဇူးရှိခဲ့ဖူးတဲ့ ဆရာကြီး ဦးဖေသိန်းနဲ့ ဆရာဦးအောင်ရှိန်ကို စတင် ကန်တော့ပါတယ်။ ကွယ်လွန်သွားကြတဲ့ ကာတွန်းဆရာကြီးများကို အောက်မေ့သောအားဖြင့် ၁ မိနစ် ငြိမ်သက် ဂါရဝပြုကြပြီး ဆရာကြီးများကို ကန်တော့ကြပါတယ်။


ကာတွန်း စိုးသော်တာ၊ ကာတွန်း တွတ်တွတ်

ပွဲမစခင်ကတည်းက တက်ရောက်လာကြသူတွေကို မိတ်ဆက်ပေးကြ၊ ဆရာကြီးများကို လက်ဆောင်ပစ္စည်းများနဲ့ အသီးသီး အသက ကန်တော့ကြပြီး တက်ရောက်လာကြတဲ့ ပရိသတ်တွေထဲက ကလေးငယ်တွေ တောင်းဆိုတဲ့အတိုင်း ကာတွန်းဆရာများက အမှတ်တရ ပုံတွေ ရေးပေးကြပါတယ်။ မန္တလေးကာတွန်းဆရာများ (အထက်ဗမာပြည်ကာတွန်းဆရာများ) ကိုယ်စား ကာတွန်းဆရာ တွတ်တွတ်က အမှတ်တရစကား ပြောကြားပြီး ဆရာကြီးများကို ကန်တော့ခဲ့ပါတယ်။

ဒီနေ့ ကျနော်တို့ရဲ့ အမိတိုင်းပြည်မှာ မီးတွေပျက်ပြီး ကုန်ဈေးနှုန်းတွေမြင့်၊ ငွေကြေးတွေ ဖောင်းပွ၊ မဂ္ဂဇင်းဂျာနယ်တွေ ရောင်းအားကျ၊ စီးပွားရေးတွေ ပျက်စပြုနေပြီး စာမူခတွေ တိုးမရကြပေမယ့် ခေတ်ကာလကြီးရဲ့ အဆီအငေါ်မတည့်မှုတွေကို ပျော်ပျော်ပါးပါးနဲ့ လောကကြီး ကောင်းရာကောင်းကျိုးကို တင်ပြနေကြတဲ့ မြန်မာပြည်ကာတွန်းဆရာများရဲ့ ၃၃ ကြိမ်မြောက် ကာတွန်းဆရာကြီးများ ကန်တော့ပွဲဟာ အောင်မြင်စွာ ကျင်းပနိုင်ခဲ့ကြပါတယ်။ ။


ကာတွန်း ၀လုံး၊ ကာတွန်း ဇော်မောင်


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Uncategorized

Comments are closed.

Archives