>
မြန်မာဂီတသည် တို့ဂီတ
မာမာအေး
ဒီဇင်ဘာ ၁၄၊ ၂၀၀၈
သောတရှင်တို့ရေ ဒီနေ့အစီအစဉ်ကို ဆန်ဖရန်စ္စကိုမြို့ကနေပြီးတော့ ပြောလိုက်တာပါ။ မာအေးက ခြေရှည်တတ်ပါတယ်လို့ ပြောဖူးထားတဲ့အတိုင်းပေါ့။ ဒီမြို့မှာ ကဗျာဆရာမောင်စွမ်းရည်၊ စာရေးဆရာ ဉာဏ်ဦးမောင်၊ ကဗျာဆရာလေး ကိုအောင်ဝေးတို့ စာပေဟောကြမယ်၊ ဆရာကြီးဦးဝင်းဖေလည်းလာမယ်၊ အနုပညာရှင်တွေ ဆုံကြတွေ့ကြ ပြောကြရအောင် လာခဲ့ပါ၊ လူငယ်တွေကလည်း တရင်းတနှီး မသိရင်မေး မစင်ရင်ဆေး ဆိုတာမျိုးနဲ့ စောင့်နေကြသတဲ့။ ဖိတ်ကြားပုံကိုက ဒါမျိုး ရှင့်၊ ဘယ်လောက်သင်းလိုက်ပါသလဲ၊ ရောက်သွားတာပေါ့။
မာအေးကလည်း တမြို့စီနေကြတဲ့ အကိုတွေ မောင်တွေ ဆရာ့ဆရာတွေနဲ့ တွေ့ချင်နေတာပါပဲလေ။ ပြီးတော့ လွန်ခဲ့တဲ့ လေးငါးလလောက်က မာအေးတို့ နိုင်ငံမှာ နာဂစ် မုန်တိုင်းကြီး ၀င်မွှေသွားခဲ့လို့ ဒုက္ခသုက္ခ ရောက်နေရှာတဲ့သူတွေအတွက် ကူညီပံ့ပိုးကြဖို့ ရန်ပုံငွေ ဈေးရောင်းပွဲမှာ လာကူခဲ့သေးတာကိုး။ အဲဒီတုန်းက ဆန်ဖရန်စစ္စကို ဘေးဧရိယာက လူငယ်လူကြီးတွေ အပါအ၀င် အနီးဝန်းကျင်မှာ ရှိနေကြတဲ့ မြန်မာအများစုမှာ မြန်မာပြည်သားချင်း ကူညီယိုင်းပင်းမှု၊ ဘာသာ သာသနာမှုတို့မှာ ပိုပြီးပိုပြီး ညီညွတ်စည်းရုံးလာနေပြီလို့ မြင်ခဲ့ ခံစားခဲ့ ၀မ်းသာခဲ့ရပါတယ်။ ဒီလို မြန်မာ့အရေး လူတိုင်း တွေးနေတုန်းမှာ မြန်မာဂီတကိုလည်း တဖြည်းဖြည်း နားသွင်းပေးခဲ့ရသော် ကောင်းလေစွ လို့ စိတ်ကူးယဉ်မိခဲ့ပါတယ်။ ရင်းနှီးတဲ့ မိတ်ဆွေတချို့ကလည်း သူတို့ရင်သွေး ကလေးတွေ ကျောင်းမှာ စန္ဒရား သင်ရပါတယ်၊ မြန်မာသံလေးတွေ ကြားရအောင် လုပ်ပေးလို့ မရဘူးလား၊ သင်ပေးနိုင်ရင်သင်ပေးပါ လို့ ပြောကြတတ်လို့ပါ။
သူတို့ ကလေးတွေက နိုင်ငံတကာသုံး သင်္ကေတကို ဖတ်နိုင်တီးနိုင်ပေမယ့် ကိုယ်က မတတ်ဖူးရှင့်။ မာအေးတို့က နားနဲ့ လက်ကွက်နဲ့ မှတ်ခဲ့ရတာ။ သင်ပေးချင်တာကတော့ ဆိုတဲ့ကိစ္စ။ မြန်မာစကားက မကျေမလည်၊ မြန်မာစာလည်း မကျေမလည် ဆိုတော့ မြန်မာသံလေး နားထဲရောက်အောင် လက်ရောက်အောင် စန္ဒရားကိုပဲ အရင် ပျိုးချပေးဖို့ ဆုံးဖြတ်ပြီးတော့ သင်ကြည့် စမ်းကြည့်ပေါ့ရှင်။ မာအေးဆရာ ရွှေတိုင်အေး ငယ်က ပေးတဲ့ တီးကွက်ပါ။ စစ်ကြိုခေတ်၊ စစ်ပြီးခေတ်မှာ ဆရာရွှေတိုင်အေးဟာ စန္ဒရားနည်းပြဆရာတပါးပါပဲ။
တံတျာတေရှင်၊ တံတျာတေရှင်၊ ဒျန့်ဒျန့်၊ တံတျာတေရှင် xxx (ဒလု ဒလု ထုံ ဒျန့် ဒျန့်)၂
တောပင်တောလုံး နှံ့ပါလို့လေး xxx ထက်စငယ် ကောင်းကင်၊ မိုးတည့်မိုးတိမ်ပြင် xxx စံရွှင်၊ စံရွှင်၊ ပျော်ပါး၊ ရွေဖော်တစု များငယ်နှင့်လေး xxx
(ပုဇဉ်းတောင်သံကြိုး)
မာအေးတို့ ဂီတမှာ အဆိုသင်သင်၊ အတီးသင်သင် ဒီသီချင်းလေးကပဲ စရိုးရှိပါတယ်။ မဟာဂီတပညာရှင် ဂီတမိခင်ကြီးဒေါ်အောင်ကြည်ကတော့ သီချင်းကြီးတွေထဲမှာ ‘တံတျာတေရှင်’ဟာ အကြီးဆုံးပဲလို့ ပြောခဲ့ပါတယ်။ ၀န်ကြီးပဒေသရာဇာက မြန်မာ့ကြိုးတပ်တူရိယာပစ္စည်းတွေဖြစ်တဲ့ “ဆိုင်းတို့၊ စောင်းတို့”ကို သင်တဲ့အခါမှာ လွယ်ကူအောင်၊ တီးကွက်တွေ အခေါ်အဝေါ်တွေ သိနိုင်အောင် ရေးထားတာမို့ ကြိုးသီချင်းလို့ ခေါ်တဲ့အကြောင်း ပြောပြခဲ့တာ ကြာပြီပဲ။ ခုဟာကတော့ သင်ဖြစ်တဲ့အကြောင်းမို့လို့ ပြန်ပြောဖြစ်တာပါ။
မာအေးဆီကို ကီးဘုတ်ကလေးတွေကိုယ်စီပိုက် လာခဲ့လိုက်တာ သမီးလေးတွေတသိုက်ပေါ့ရှင်။ မာအေး ထွက်ခဲ့တုန်းက ခွဲထားခဲ့ရတဲ့ မြေးလေးတွေအရွယ်မို့ မြေးကိုယ်ပွားတွေရတယ်လို့ ချစ်ရတာပဲ။ အခက်အခဲတခုတော့ ရှိတယ်။ မာအေးရဲ့ ဒီက အလွမ်းပြေ မြေးမလေးတွေကို ဗမာလို ပြောပါဟဲ့၊ ဗမာလို ပြောကြပါဟဲ့ နဲ့ တဟဲ့ဟဲ့ လုပ်နေရတယ်။ သတိပေးတုန်း ခဏပဲ၊ ပြီးရင် ဘိုလိုချည်းမှုတ်ကြပြန်ရော၊ မောပါတယ်။ နိုင်ငံတကာရောက် ကလေးတွေမှာ ဒါမျိုးတွေ့ရတာ များပါတယ်။ ဘယ်အသိုင်းအ၀ိုင်းက မိဘပဲဖြစ်ဖြစ် စက်ရုပ်စနစ်လို ရုန်းကန်နေကြရတာ များလေတော့ ကိုယ့်စကား၊ ကိုယ့်မိရိုးဖလာ ပုံပြင် ဘာညာ ဆိုတာတွေ ဘယ်လာပြောနိုင် သင်နိုင်ပါတော့မလဲလေ။ ဒါက ကိုယ်တိုင်ရုန်းကန်ရတဲ့ဘ၀ရှိလို့ ကိုယ်ချင်းစာ၊ ညှာတာပြောမိနေတာပေါ့ရှင်။
တခြားအာရှတိုက်သားတွေမှ စုံလို့ပါပဲ၊ တွေ့နေရတာ။ သူတို့ အမျိုးသားစကား၊ သူတို့စာ၊ သူတို့ဂီတ၊ ပြောနိုင်ဖတ်နိုင်ဆိုကြကကြ အားကျစရာတွေ ကြည့်ရတဲ့အခါ စိတ်ထဲ မကောင်းဘူး ရှင့်။ သူတို့တွေ ဖြစ်နိုင်ရင် ကိုယ့်လူမျိုးက ဘာဖြစ်လို့ မဖြစ်နိုင်ရမှာလဲ။ မချင့်မရဲ ခံစားရပါတယ်။ မြန်မာတို့ရဲ့ စာပေ ဂီတ မြန်မာ့ရသတွေကို မာအေးတို့ ချစ်ရတဲ့ သံယောဇဉ်ကလေးလေးတွေ ခံစား နားလည် ဇာတိနွယ်တွေ ဖြစ်လာအောင် အရင့်အရင်ကလို မြန်မာစာသည် တို့စာ၊ မြန်မာစကားသည် တို့စကား၊ မြန်မာဂီတသည် တို့ဂီတ လို့ ဟစ်ကြွေးရင်း သင်ပေးကြစို့လား။ ။
(မူရင်း – ဘီဘီစီ၊ မြန်မာပိုင်း)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
