>
မပြယ်အချစ် အမြဲသစ်လိမ့်
မိုးချိုသင်း
နိုဝင်ဘာ ၁၅၊ ၂၀၀၈
အမေ့အကြောင်း စဉ်းစားလိုက်ရင် ကိုယ်က ခပ်မွှေးမွှေး ခပ်သေးသေး စံပယ်ဖြူလေး တပွင့်ကိုပဲ သွားမြင်ယောင်တယ်။ အမေက စံပယ်ပန်းကုံးလေးကို အမြဲလိုလို ပန်တတ်တယ်။ စံပယ်ပန်းလေးတွေ ညှိုးသွားရင်လဲ ခေါင်းအုံးအောက်မှာ ထားပြီး အိပ်တတ်တယ်။ အမေ့ ခေါင်းအုံးလေးက စံပယ်နံ့လေး သင်းနေကျ။
ပန်းလေးတွေ ချစ်တတ်တဲ့ အမေက သနပ်ခါးပန်းလေးတွေလဲ ကြိုက်တယ်။ စကားဝါပန်းလေး တွေလဲ ကြိုက်တယ်။ ကံ့ကော်ပန်းလေးတွေလဲ ကြိုက်တယ်။ ညနေကျောင်းအဆင်း အိမ်ပြန်ရောက်ပြီဆိုတာနဲ့ မအေး သွေးပေးတဲ့ သနပ်ခါးလေးတွေ လိမ်းပြီး သန့်သန့်ရှင်းရှင်း နေတတ်တယ်။
အမေက ကလေးတို့ရဲ့ ဆရာမ။ အမေ့ကျောင်းပျိုးခင်းကို ပျိုးထောင်ခဲ့သူ။ အဖေ့ကို ကဗျာဆရာ ပီပီသသ ဖြစ်စေခဲ့သူ။ သားသမီးအားလုံးကို ပညာတတ် လိမ်မာယဉ်ကျေးအောင် ရင်အုပ်မကွာ ပြုစု စောင့်ရှောက်ခဲ့သူ။ အမေ့လိုအင်ဆန္ဒဆိုတာ မမှတ်မိ မသိလောက်အောင် ခင်ပွန်းနဲ့ သားသမီးတွေရဲ့ ဆန္ဒကိုပဲ ဦးစားပေးခဲ့သူ။ ကဗျာဆရာ အဖေနဲ့ အနုပညာကို နားလည်တန်ဖိုးထားတတ်တဲ့ စိတ်ကို သားသမီးတွေရဲ့ ရင်ထဲ ထည့်ပေးခဲ့တဲ့သူ။
အမေ ကိုယ်တို့နဲ့ ခွဲခွာသွားတာ နိုဝင် ၁၇ရက်ဆို ၁၈နှစ် တိတိ ပြည့်ခဲ့ပြီ။ အမေဆုံးတဲ့ ဒီနေ့မှာ အဖေက ပူဆွေးသောကများကို ခဏဘေးဖယ်ပြီး အမေ့ဘေးမှာ အမေချစ်တဲ့ ကဗျာရေးတဲ့ အလုပ်ကို လုပ်ခဲ့ပါတယ်။ အရင်က အဖေ ကဗျာရေးပြီးတိုင်း အဦးဆုံး အမေ ဖတ်ခဲ့ပေမဲ့ ဒီတခါတော့ အတူရယ်မော မဖတ်နိုင်ရှာတော့ပါဘူး။
ဒီကဗျာလေးကို အမေ့နောက်ဆုံးခရီးမှာ ဝေတဲ့ ယပ်တောင်လေး နဲ့ လက်ကမ်းစာစောင်လေး မှာ ပုံနှိပ် ဖော်ပြခဲ့ပါတယ်။
ဒီနေ့မှာ အမေ့ကို သတိရစိတ်နဲ့ ဒီကဗျာလေးကို ပြန်ဖော်ပြလိုက်ပါတယ်။ ဖတ်ကြည့်ကြပါအုံး။
စန်းအတွက် အလွမ်းကဗျာ
တင်မိုး
သူမြတ်နိုးသည့်
ပုထိုးစေတီ မြန်မာပြည်ကိုလည်းကောင်း
သူချစ်သည့် ပန်း
သူလွမ်းသည့် ငှက်
သူနှစ်သက်သည့် စမ်းရေ
သဘာဝ အလှမြေကိုလည်းကောင်း
သူ့သွေး ရင်နှစ်
သားချစ် သမီးချစ်တို့ကိုလည်းကောင်း
အချစ်ဘ၀၊ စိတ်အလှဖြင့်
နှမမြတ်နိုး၊ ဥယျာဉ်ပျိုး၍
ရိုးသားမြင့်မြတ်၊ အနေမြတ်ခဲ့။
မြတ်သောချစ်သူ၊ ဖြူစင်သူ၏
မွှေးကြူဂုဏ်နံ့၊ သင်းထုံပျံ့ ခဲ့။
သင်းပျံ့ စပယ်၊ နှမငယ်ကို
မပြယ်အချစ်၊ အမြဲသစ်လိမ့်
လွမ်းရစ်ခဲ့ပြီ သင့်ဂုဏ်ရည်။ ။
(ချစ်ဇနီး စန်း သို့ -)
၁၇၊ ၁၁၊ ၁၉၉၀
နိုဝင်ဘာ ၁၇ရက်မှာ အမေ ကိုယ်တို့နဲ့ ခွဲခွာခဲ့ပြီး နိုဝင်ဘာ ၁၉ရက် အဖေ့မွေးနေ့မှာ အမေ့ကို ဂူသွင်းသဂြိုဟ် ခဲ့ပါတယ်။ အမေ့ အုတ်ဂူလေးမှာ ဒီကဗျာလေးရဲ့ နောက်ဆုံးအပိုဒ်ကို ကျောက်ပြားပေါ်မှာ ရေးထွင်း စေခဲ့ပါတယ်။
ကျန်ရစ်သူ မိသားစုမှာ အလွမ်းတွေသိပ်သည်းနေလျက်ပါ အမေ။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
