>
ခေတ်ဟောင်း အဆိုတော်နှင့် ရုပ်ရှင် မင်းသမီးကြီး ဒေါ်မေရှင် (၁၉၁၇ – ၂ဝဝ၈) ကွယ်လွန်ပြီ
မိုးမခ၊ မြန်မာအိုင်အက်စ်ပီ
စက်တင်ဘာ ၄၊ ၂၀၀၈
ယခင်က အနုပညာလောကတွင် ရှမ်ရှမ်းတောက် ကျော်ကြားခဲ့သူ ဒေါ်မေရှင်သည် မန္တလေးမြို့ရှိ အောင်တော်မူ ရပ်ကွက်၊ ၂၆ ဘီလမ်း၊ ၆၂ လမ်းနှင့် ၆၃ လမ်းကြား၊ မြစန္ဒာလမ်းသွယ်ရှိ ‘ရတနာ’ နေအိမ်တွင် အဆုတ်ရောဂါဖြင့် ကွယ်လွန်သွားခြင်း ဖြစ်သည်။
ဒေါ်မေရှင်ကို ၁၉၁၇ ခုနှစ်၊ မတ်လ ၁ဝ ရက်နေ့တွင် မန္တလေး အရှေ့ပြင် အောင်တော်မူရပ်၌ အဖ ပွဲစားကြီး ဦးခင်လေး၊ အမိ ဒေါ်ဖွားယုံတို့က မွေးဖွားခဲ့သည်။ အမည်ရင်းမှာ ဒေါ်သန်းရှင် ဖြစ်သည်။ မွေးချင်း ညီအမ ၅ ဦးအနက် အငယ်ဆုံး သမီးဖြစ်ကာ အမဖြစ်သူများမှာ ဒေါ်ချစ်စု၊ ဒေါ်ချစ်ဥ၊ ဒေါ်သိန်းချစ်၊ ဒေါ်ပွားယဉ်တို့ ဖြစ်သည်။ ဝက်စလီယန်ကျောင်းမှ ၇ တန်း အောင်မြင်ခဲ့သည်။
၁၉၃၆ ခုနှစ်တွင် ရန်ကုန် အေဝမ်း (A1) ရုပ်ရှင် ကုမ္ပဏီနှင့် ဆက်သွယ်၍ ရုပ်ရှင်လောကသို့ ရောက်သည်။ ပထမဦးဆုံး ဇာတ်ကားမှာ ရုပ်ရှင်မင်းသား ရဲခေါင်ချစ်ဆွေနှင့် တွဲဖက် သရုပ်ဆောင်ရသော “ဖူးစာရှင်” အသံတိတ် ဇတ်ကားဖြစ်သည်။
အသက် ၁၈ နှစ်မှ စတင်ကာ အဆိုတော် မမေရှင် အဖြစ် ထင်ရှား ကျော်ကြားလာသည်။ မေရှင်၏ ထင်ရှားခဲ့သည့် ဇာတ်ကားများမှာ ‘ဖူးစာရှင်’၊ ‘မြားနတ်မောင်’၊ ‘ချစ်အမျှ’၊ ‘ချစ်ရေစင်’၊ ‘စောင်းတော်ရှင်’၊ ‘ချိန်တန်ပြီ’၊ ‘မေ့တွက်တာ’ စသည့် ဇာတ်ကားများ ဖြစ်ပြီး၊ အေဝမ်း (A1) ဓာတ်ပြား ကုမ္ပဏီမှ ‘ချစ်ရေစင်’၊ ‘အောင်ခြင်းရှစ်ပါး’၊ ‘ပျို့မှာတမ်း’၊ ‘သော်တာငွေမင်း’၊ ‘မြတ်လေးငုံ’၊ ‘ကျေးစေတမာန်’၊ ‘ချစ်ခက်သက်လျာ’ စသော သီချင်းဓာတ်ပြားများ အသံသွင်း ထုတ်ဝေ ဖြန့်ချိခဲ့သည်။
ရုပ်ရှင် စုစုပေါင်း ၁၄ ကား ရိုက်ကူးခဲ့၍ အသက် ၄၅ နှစ် အရွယ် ၁၉၆၁ ခုနှစ်တွင် ရုပ်ရှင်လောကမှ အနားယူခဲ့သည်။ သာသနာရေးတွင် ရရှိသည့် ဝဏ္ဏကျော်ထင်ဘွဲ့ကို မန္တလေးမြို့ရှိ မဟာမြတ်မုနိ ဘုရားတွင် လှူဒါန်းခဲ့သည်။
အေဝမ်းရုပ်ရှင် တခေတ်တွင် မေရှင်ဟု နာမည်ကြီးသည့် ရုပ်ရှင်မင်းသမီးကြီးနှင့် အဆိုတော်ကြီးလည်း ဖြစ်သူ ဒေါ်မေရှင်၏ အတ္ထုပ္ပတ္တိကို “ပန်းတပွင့်ရဲ့ ရင်ခုန်သံ” အမည်ဖြင့် စာရေးဆရာမ ဝင်းဝင်းမြင့် (နန်းတော်ရှေ့) က ရေးသား ထုတ်ဝေခဲ့သည်။
အမေရိကန်ပြည်ထောင်စုတွင် ရောက်ရှိနေသူ ဂီတ အနုပညာရှင် (ဒေါ်) မာမာအေးက ပြောကြားရာတွင် – ဒေါ်မေရှင်သည် လှလှပပ၊ ငြိမ်းငြိမ်းချမ်းချမ်းနှင့် အေးချမ်းသိမ်မွေ့သော အနုပညာရှင်တဦးအဖြစ် နေထိုင်လိုသူ ဖြစ်ကြောင်း၊ မိမိနှင့်လည်း အဆက်အသွယ်မပြတ်ခဲ့ကြကြောင်း၊ မိမိတို့ အနုပညာသည်အချင်းချင်း ရင်းနှီးချစ်ခင်စွာ နေထိုင်သူတဦး ဖြစ်ကြောင်း ပြောကြားခဲ့သည်။
ဒေါ်မေရှင်၏ ကြွင်းကျန်သော ရုပ်ကလပ်ကို မနက်ဖြန် စက်တင်ဘာလ ၅ ရက်နေ့၊ ညနေ ၃ နာရီတွင် ကြာနီကန် သုသာန်တွင် ဂူသွင်း သင်္ဂြိုလ်မည် ဖြစ်သည်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
