>
မြန်မာများ မ၀င်ရ – ဖို့ဝိန်းဆိုင်တခုက တားမြစ်
(ဘာသာပြန်အမှား ပြင်ဆင်လိုက်ပါသည်)
မိုးမခအထောက်တော် ၀၀၂
မိုးမခအထောက်တော် ၀၀၂
မတ် ၁၁၊ ၂၀၁၀
လက်ခံရရှိသော ဖို့ဝိန်းဂေဇက်သတင်းစာ ဆောင်းပါးနှင့် ဓာတ်ပုံအရ Ricker’s City Laundry အမည်ရှိ အ၀တ်လျှော်စက်ဆိုင်တွင် “မြန်မာဖြစ်ပါက ၎င်းတို့ဆိုင်သန့်ရှင်းရေးအတွက် ၀င်ခွင့်မပေးနိုင်” ဟု တားမြစ်စာ ချိတ်ဆွဲထားသည်ကို တွေ့ရသည်။ ၎င်းသည် ဖို့ဝိန်းမြို့ Calhoun Street & Rudistill Blvd. မှာ တည်ရှိသည်။ တပတ်ကြာသည်အထိ ချိတ်ဆွဲထားသော စာကို မြို့ခံတို့က မည်သို့ သဘောထားကြောင်း မသိရသော်လည်း မြန်မာတို့က ထိုကိစ္စကို မည်သို့မျှ အရေးတယူ မလုပ်ကြခြင်းမှာ ထိုမြန်မာတို့က ထိုအင်္ဂလိပ်စာကို မဖတ်တတ်၍ ဖြစ်နိုင်သည်ဟု ထိုသတင်းစာရေးသူ Frank Gary က မေးခွန်းထုတ်ထားသည်။
သို့သော်လည်း လွန်ခဲ့သည့် တနင်္ဂနွေနေ့၊ ထိုဆိုင်းဘုတ်ဖြုတ်ချခဲ့ပြီး ရက်အနည်းငယ်အကြာမှ ထိုဆိုင်းဘုတ်ကို ပရိသတ်တို့ကြား လူသိရှင်ကြားဖြစ်သွားပြီး ထိုဆိုင်ကို သပိတ်မှောက်ကြရန် တိုက်တွန်းနှိုးဆော်သံ ထွက်လာရခြင်းမှာ အင်တာနက်ပေါ်က ဖေ့စ်ဘွတ်တွင် ထိုကိစ္စကို တင်ဆက်လိုက်ခြင်းကြောင့် ဖြစ်သည်ဟု ဆောင်းပါးက ဆိုသည်။
“ဒီကိစ္စဟာ လူ့အခွင့်အရေးကို စော်ကားတာ ဖြစ်တယ်” ဟု ထိုဒေသခံတဦးဖြစ်သူ Christine Marshall က မှတ်ချက်ပေးထားသည်။ ထိုအရေးအခင်းကို မြို့ခံ စည်ပင်သာယာ၊ အုပ်ချုပ်ရေးအဖွဲ့၊ မြန်မာ့အရေးဆောင်ရွက်သူအဖွဲ့၊ မြို့နယ်ကျန်းမာရေး ကြည့်ကြပ်မှုအဖွဲ့တို့အပါအ၀င် ထိုအ၀တ်လျှော်စက်ဆိုင် ၀န်ထမ်းတို့က မည်သို့မျှ အသေးစိတ် ရှင်းမပြတတ်သော်လည်း ကုမ္ပဏီဌာနချုပ်က ဖေ့စ်ဘွတ်နှင့် ယူကျု ၀က်ဆိုက်တို့မှ တဆင့် ထိုအပြုအမူအတွက် တောင်းပန်ကြောင်း၊ ၀န်ထမ်းတဦးက သူ့ဖာသာသူ တင်လိုက်သော ဆိုင်းဘုတ်ဖြစ်၍ သိသိချင်း ဖြုတ်ချလိုက်ကြောင်း၊ စည်းကမ်းနည်းလမ်းနှင့်အညီ ထိုဝန်ထမ်းကို အရေးယူမည်ဖြစ်ကြောင်း ထုတ်ဖော် တောင်းပန်မှု ပြုလုပ်ခဲ့သည်ကို တွေ့ရသည်။
ထိုကိစ္စကို အဆိုပါ မြို့ခံ Marshall
အမေရိကန်တွင် မက်စီကန် မ၀င်ရ၊ လူမည်းများ မ၀င်ရဟူသည့် ဆိုင်းဘုတ်များ မထုတ်သင့်ဟု ယုံကြည်လျင် ယခုကဲ့သို့ မြန်မာ မ၀င်ရဟူ၍လည်း ဆိုင်းဘုတ်မထုတ်သင့်ကြောင်း ထိုဖေ့ဘွတ်ကင်ပိန်းကို ဆောင်ရွက်ခဲ့သူ အဆိုပါ Marshall
သို့ဖြစ်ပါ၍ ထိုအမှားမျိူးမဖြစ်ရအောင် Ricker’s City Laundry ကလည်း သင်ခန်းစာယူနိုင်သည်။ ထိုကဲ့သို့ ဖြစ်ရပ်မျုိုးကို ကြုံတွေ့ဖူးသည့် ပရိသတ်တို့က မှတ်ချက်ပေးရာတွင် – မြန်မာမိသားစုများအတွက်လည်း (နေရာတကာ ကွမ်းစား၊ ကွမ်းထွေးသည့် အကျင့်မှာ) မျက်နှာပူစရာ ဖြစ်သဖြင့် ထိုအရေးအခင်းကို သိုသိုသိပ်သိပ် ထားချင်ပုံရကြောင်း၊ ထိုမြန်မာအက်ဒဗိုကေစီအဖွဲ့ (မြန်မာအရေးဆောင်ရွက်သူအဖွဲ့) အနေနှင့်လည်း ၂ ဖက်စလုံးက လူများနှင့် ဆက်သွယ်ပြီး ကျေလည်အောင် နားလည်မှု ယူမည်ဟု ဆိုကြောင်း ဆောင်းပါးတွင် ရေးထားသည်။
အင်ဒီယာနားပြည်နယ် ဖို့ဝိန်းမြို့မှာ နိုင်ငံတကာက သဘာဝချင်း၊ အလေ့အထချင်း မတူသူ နိုင်ငံရေးဒုက္ခသည်ပေါင်းစုံတို့ ရွှေ့ပြောင်းအခြေချရာဒေသတခု ဖြစ်ရာ ထိုမတူသော ယဉ်ကျေးမှုတို့ ထိပ်တိုက်မှု၊ ထိခိုက်မှုများ ဖြစ်ပွားသည်မှာ ဓမ္မတာဖြစ်သဖြင့် ထိုထိခိုက်မှု၊ ထိပ်တိုက်မှုများမှတဆင့် အဖြေတွေ့အောင် ရှာဖို့ကသာ အရေးကြီးပါသည်ဟု စာရေးသူက မှတ်ချက်ပေးထားသည်။
(မိုးမခ နောက်တိုး – ဖို့ဝိန်းနေ မြန်မာတို့နှင့် ဘုန်းကြီးကျောင်းများအနေနှင့်လည်း မြို့တော်စည်ပင်သာယာ၏ စည်းကမ်းဥပဒေတို့နှင့် ညီညွတ်အောင် အခက်အခဲများကြားမှ နားလည်မှုရအောင် ဆောင်ရွက်နေကြပုံ သတင်းဆောင်းပါးတပုဒ် မိုးမခတွင် ဖော်ပြခဲ့ဖူးသည်ကို ဒီနေရာကနေ ညွှန်းလိုပါသည် – http://moemaka.com/index.php?option=com_content&task=view&id=5947&Itemid=83 )