 |
| KT# |
ဓားစာခံ
နေစိမ့်
(မိုးမခ) အောက်တိုဘာ ၄၊ ၂၀၁၇
လက်ဆုပ်လက်ကိုင်မပြနိုင်တဲ့
အရူးမကိုယ်ဝန်ကို
ပရဟိတအဖွဲ့က တာဝန်ယူလိုက်တယ်။
အင်အားကြီးနိုင်ငံတချို့
စစ်ရေးလေ့ကျင်းခန်းတွေက
စိတ်ကျဘက်တီးရီးယားကို
ဒုက္ခသည်စခန်းတွေဆီမှာ ဖြန့်ချိလိုက်တယ်။
မှောင်မှောင်မည်းမည်း ခေတ်ကြီးက
သူရဲကောင်းတွေ ပါရမီရှင်တွေကို
ဓားသွေးကျောက်နဲ့ အရောင်တင်ပေးလိုက်တယ်။
ဘဝကိုတပတ်မပြည့်ခင်
လမ်းရွေးမှားခဲ့တဲ့သူတွေက
လူ့အခွင့်အရေးခေါင်းစဉ်ထူထူရေး
သင်ရိုးညွှန်းတန်း ပြဋ္ဌာန်းနေတယ်။
ဝမ်းနည်းစရာကောင်းတာက
ကမ္ဘာကျော် ပနားမားပေပါမှာ
ငါ့အကြောင်း ချန်လှပ်ခြင်းခံရတာပဲ။ ။။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
