>
မိုးမခအထောက်တော် အမှတ် ၀၀၆
အောက်တိုဘာ ၁၈၊ ၂ဝဝ၉
ရထားအောက် ရောက်သွားသော်လည်း သြစတေးလျမှ ၆ လသားလေးသည် ခေါင်းတွင် ဒဏ်ရာတခုသာ ရရှိပြီး အသက်ဘေးမှ လွတ်ခဲ့သည်။ ကလေးမိခင်သည် သူ၏မျက်စိရှေ့တွင် ကလေးက ရထားအောက်ရောက်သွားသဖြင့် အလွန် စိတ်ထိခိုက်ခဲ့ရပြီး ယခုအခါ ပုံမှန်အခြေအနေပြန်ရောက်ရန် ကြိုးစားနေကြောင်း သတင်းများတွင် ဖော်ပြထားသည်။
ကြာသပတေးနေ့က မဲလ်ဘုန်းမြို့၊ အက်ရ်ှဘာတန် ဘူတာရုံတွင် ရထားစောင့်နေကြစဉ် ထိုကလေးရှိနေသည့် တွန်းလှည်းက ရထားလမ်းပေါ်သို့ မတော်တဆ ကျသွားခဲ့သည်။
ထိုအချိန်တွင် ရထားရောက်လာပြီး တွန်းလှည်းကို တိုက်သွားခြင်း ဖြစ်သည်။
ဖြစ်ပွားခဲ့သော မတော်တဆမှုကို ဘူတာရုံရှိ လုံခြုံရေးကင်မရာတလုံးက အလိုအလျောက် မှတ်တမ်းတင်ထားနိုင်ခဲ့ကြောင်း အောက်ပါအတိုင်း တွေ့ရသည်။
ရထားအလာကို စောင့်နေပုံ။ (၄ နာရီထိုးပြီး ၁ မိနစ်မပြည့်မီး၄၉ စက္ကန့်)
ကိုင်ထားသည့် တွန်းလှည်း ရထားလမ်းဘက်သို့ လိမ့်သွားသဖြင့် မိခင်က လိုက်လံ ဆွဲယူရန် ကြိုးပမ်းသည်။ (း၅၂ စက္ကန့်) တွန်းလှည်းက စင်္ကြန်ပလက်ဖောင်းမှ သံလမ်းပေါ်သို့ ပြုတ်ကျတော့မည့်ပုံ (း၅၃ စက္ကန့်) သံလမ်းပေါ် ရောက်သွားသည်။ (း၅၄ စက္ကန့်)
ထိုအချိန်မှာပင် ရထားက သူတို့ရှေ့သို့ရောက်လာသည်။ ကလေးရှိသည့် တွန်းလှည်းကို တိုက်တော့မည်။ မိခင်ကို ရထားတိုက်မိတော့မတတ် ဖြစ်သွားသည်။ (း၅၅ စက္ကန့်) မိခင်က သတ်မှတ်ထားသည့် မျဉ်း၏ နောက်သို့ ဆုတ်လိုက်သည်။ ရထားက ကလေးပါသည့် တွန်းလှည်းကို တိုက်ပြီး ကိုက် ၁၀၀ ကျော် ဆက်လက် ခုတ်မောင်းသွားသည်ဟု AP သတင်းဌာန၏ သတင်းတပုဒ်တွင် ရေးထားသည်။ (၄ နာရီ၊ ၁ မိနစ်)
မတော်တဆမဖြစ်မီက ကလေးငယ်ကို တွန်းလှည်းပုခက်အတွင်း စနစ်ကျစွာ ခါးပတ်ဖြင့် ပတ်ပြီး ထိန်းချုပ်ထားသောကြောင့် ကလေးက အသက်ဘေးမှ လွတ်ခဲ့ခြင်း ဖြစ်ကြောင်း ကယ်ဆယ်ရေး ၀န်ထမ်းများက ပြောသည်။