ကိုသန်းလွင် ရသဆောင်းပါးစုံ

ကိုသန်းလွင် ● ဂျပန် နိုင်ငံ၏တရားစီရင်ရေး

ကိုသန်းလွင် ● ဂျပန် နိုင်ငံ၏တရားစီရင်ရေး
(မိုးမခ) ဖေဖော်ဝါရီ ၂၅၊ ၂၀၁၉

(၁)
မားဒေါ့ (Bernard Madoff) သည် အလွန်ဆိုးဝါးသော ငွေးကြေးလိမ်လည်သူဖြစ်ပါသည်။ တချိန်က အဆိုးဆုံး ပွန်စီ (Ponzi) ပုံစံဖြင့် လူပေါင်းများစွာတို့၏ငွေကို ဘီလီယံချီ၍ လိမ်လည်ခဲ့သည်။ သူ့ကိုဖမ်းသောနေ့မှာပင် ဒေါ်လာဆယ်သန်း အာမခံဖြင့် လွှတ်ပေးခဲ့ပါသည်။ နောက်ပိုင်းတွင် သူ့ကိုပေးသောပြစ်ဒဏ်မှာ ထောင်ဒဏ်နှစ် ပေါင်း ၁၅ဝ ဖြစ်ပါသည်။ သူက သူ့အိမ်ဖြစ်သော မင်းဟတ်တန်ရပ်ကွက်က အိမ်မှာပင်အိပ်ပြီး အမှုကိုရင်ဆိုင်ခဲ့ပါသည်။

(၂)
ကားလော့ဂွမ် (Carlos Ghosn) သည် ဂျပန်နိုင်ငံတွင် ငွေကြေးကို လွဲမှားစွာကိုင်တွယ်ခဲ့သည်ဟူသော စွပ်စွဲချက်ဖြင့် အဖမ်း ခံရသောအခါ မားဒေါ့လိုမျိုး လွတ်လပ်မှုကို အိမ်မက်ပင်မမက်နိုင်ခဲ့ပါ။ လွန်ခဲ့သောအပတ်က တိုကျိုရုံး ကသူအာမခံ ရရှိရေး လျှောက်ထားခြင်းကို ဒုတိယအကြိမ်ပယ်ချခဲ့ပါသည်။ သူသည် သူ့အကျဉ်းခန်းမှာပင် နိုဝင်ဘာလ အဖမ်းခံရကတည်းက ထည့်သွင်းထားခြင်းကို ခံရပါသည်။

မစ္စတာဂွမ် ၆၄ နှစ်မှာ ဂျပန်နိုင်ငံမှ နီဆန်း၊ မစ်ဆူဘီရှီ၊ ပြင်သစ်မှရေးနိုးလ် ကားကုမ္ပဏီသုံးခုစလုံး၏ အကြီးအကဲ (CEO) ဖြစ်ပါသည်။ သူသည် သူ့ဝင်ငွေကို ဒေါ်လာသန်း ၈ဝ မျှ လျှော့၍ပြခဲ့မှု၊ သူ၏ ရင်းနှီးမြှုပ်နှံမှုမှ အရှုံးငွေကို နစ်ဆန်းကုမ္ပဏီ၏ အသုံးစရိတ်အောက်သို့ တင်ပြခဲ့မှုဖြင့် အစွပ်စွဲခံခဲ့ရပါသည်။

သူ့ရှေ့နေကပြောခဲ့သည်မှာ မစ္စတာဂွမ်အနေဖြင့် စွပ်စွဲချက်အားလုံးကို ငြင်းပယ်ခဲ့သော်လည်း ထောင်ထဲတွင်  လပေါင်းများစွာ နေရလိမ့်ဦးမည်ဟု ပြောပါသည်။ သူက ပါတ်စပို့ကိုလည်းအပ်ထားပါမည်။ တိုကျိုတွင်အခန်း တခန်းငှားပြီး သူ၏ လှုပ် ရှားမှုကိုသိနိုင်စေရန် ခြေ၊ လက်တို့တွင်ပတ်သည့် Ankle bracelet ဖိုးကိုလည်း ကျခံပါမည်ဟုပြောပြီး အာမခံလျှောက်ထားခဲ့ရာ ငြင်းပယ်ခြင်းခံရသည်။

မစ္စတာဂွန်၏အမှုသည် ဂျပန်နိုင်ငံ၏ တရားစီရင်ရေးစနစ်ကို  မီးမောင်းကြီးတိုးလိုက်သလိုဖြစ်နေခဲ့သည်။ အ နောက်နိုင်ငံသား များနှင့် အထူးသဖြင့်တခြားနိုင်ငံမှ စီးပွားရေးသမားများအပေါ် ဂျပန်အစိုးရအရာရှိများ၏အမြင်မှာ ဆိုးရွားလှသည်။ လူတစ် ယောက်ကို အမှုတစုံတရားမစွဲဆိုဘဲ ၃ ပတ်အထိ ဖမ်းချုပ်ပိုင်ခွင့်ရှိသည်။ တရားခံကို အကြိမ်ကြိမ်ဖမ်းချုပ်နိုင်ပြီး သူ့ရှေ့နေ မပါဘဲ စုံစမ်းမှုများပြုလုပ်နိုင်သည်။ ထိုအမှုမျိုးမှာ ဂျပန်လို လူတို့အပေါ် လေးစားမှုရှိပြီး ဒီမိုကရေစီကို ချစ်မြတ်နိုးသော နိုင်ငံ တခုအဖို့ မရှိထိုက်ပါပေ။

ပြင်သစ်သတင်းစာ Le Morde တွင် ပြင်သစ်ရှေ့နေ ၅ဝ ကျော်တို့က မစ္စတာဂွမ်ကို ထောက်ခံသော အိပ်ဖွင့်ပေးစာတစောင် ကိုရေးသားဖော်ပြလိုက်ကြသည်။ မစ္စတာဂွမ်မှာ ရေးနိုးကုမ္ပဏီ၏အကြီးအကဲတယောက်အနေဖြင့် အလုပ်သမားထောင် ပေါင်းများစွာကို ကိုယ်စားပြုသည်။ မစ္စတာဂွမ်ကို ထောင်ထဲတွင် ၂ လကျော်ကြာအောင် ထိန်းသိမ်းထားခြင်းမှာ သူ့ထံမှ ဖြောင့်ချက် (သို့) ဝန်ခံချက်ကိုရလို၍ဖြစ်သည်ဟု ဗြောင်ရေးသားထားသည်။ ဂျပန်ပြည်မှ အစိုးရရှေ့နေက တရားခံကို အား အင်ချိနဲ့အောင်လုပ်သည်ဟု ရေးသားထားသည်။

နောက်ထပ်သတင်းစာတစ်စောင်ဖြစ်သော (Libration) ကလည်း၊ ကျန်မာနေသော လူနေမှုစနစ်တခုတွင် ဤ အဖြစ်မျိုး မရှိနိုင်ပါဟု ရေးခဲ့သည်။ သမ္မတကြီးမက်ခရောင်း (Mr. Emmanuel Macron) ကလည်း သူ့အနေနှင့် ဂျပန်ဝန်ကြီးချုပ် အာဘေး (Mr. Shinzo Abe) ကို မစ္စတာဂွမ်၏အချုပ်ရက်များမှာ ရှည်လျားပြီး ဆိုးရွားလှသည်ဟု ပြောခဲ့ကြောင်း သတင်း ထောက်များကို ပြောကြားခဲ့သည်။

ဂျပန်တွင်ထုတ်ဝေသည့် (Diplomat) ခေါ် အွန်လိုင်းမဂ္ဂဇင်းကလည်း သူ၏ရှေ့နေမပါဘဲ မေးခွန်ထုတ်သော ဂျပန်တို့၏ ဓလေ့ကို ဝေဖန်ထားသည်။ ရက်သတ္တပေါင်းများစွာ ချုပ်နှောင်ထားခြင်းကိုလည်း ရှုံ့ချထားသည်။ သူတို့က ဤအပြုမျိုးသည် စွပ်စွဲခံရသူတယောက်ကို ဤသို့ဆက်ဆံခြင်းမှာ အာဏာရှင်နိုင်ငံများတွင်တွေ့ရပြီး ဂျပန်တို့၏ထုံးစံမဟုတ်ပါဟု ရေးသား သည်။

ဂျပန်ထောင်တွင် အကျဉ်းကျဘူးသူတဦးကပြောသည်မှာ ဂျပန်အကျဉ်းစခန်းသည် ၁၆ဝ စတုရန်းပေမျှရှိကြောင်း အလယ် တွင်ဖျာတချပ်ခင်းထားပြီး ထောင့်တွင် အိမ်သာရှိကြောင်း၊ တနေ့လျှင် ၃ဝ မိနစ်ခန့် လေ့ကျင့်ခန်းလုပ်ရကြောင်း၊ တပတ်လျှင် ၃ ကြိမ်မျှ လုပ်ခွင့်ပေးကြောင်း၊ အစားအသောက်မှာ ထမင်းနှင့်ဟင်းချိုတို့သာဖြစ်ကြောင်း၊ မစ္စတာဂွမ်ကို တွေ့ရှိချိန်တွင် ပါး တွေ နားတွေ ချောင်ကျလျက်ရှိကြောင်း ပြောကြသည်။

မစ္စတာဂွမ်က နောက်တကြိမ်အာမခံကိုပယ်ခံရပြီး ရေးနိုးကုမ္ပဏီ စီအီးအိုအဖြစ်မှ နုတ်ထွက်ကြောင်း ကြေညာလိုက်သည်။ ရေးနိုးကုမ္ပဏီကမူ မစ္စတာဂွမ်သည် ငွေကြေးကို အလွဲသုံးစားလုပ်သည့် လက္ခဏာမတွေ့ရကြောင်း၊ ၎င်းတို့သည် နစ်ဆန်း၊ မစ်ဆူဘီရှီ တို့နှင့်ဆက်ဆံရေး ကောင်းအောင်သာ ကြိုးစာလိုကြောင်းပြောသည်။
မစ္စတာဂွမ်က သူ၏ရေးနိုးကုမ္ပဏီမှ နုတ်ထွက်စာကို သူ၏ အကျဉ်းထောင်ထဲမှာ လက်မှတ်ထိုးပေးလိုက်ပြီး ကုမ္ပဏီ၌ အနှစ် ၂ဝမျှတာဝန် ထမ်းဆောင်ခြင်းကို ရပ်ဆိုင်းလိုက်သည်။ ဂျပန်တို့သည် ကုလသမဂ္ဂ၏ကြေညာစာတမ်းဖြစ်သော “အမှုကိုစောင့် ဆိုင်းနေစဉ် ထိန်းသိမ်းထားခွင့်မရှိ” ဟူသော စာတမ်းကို လက်မှတ်ထိုးထားသူများဖြစ်ပါသည်။

ဂျပန်နိုင်ငံတွင်၂ဝ၁၅ ခုနှစ်မတိုင်မီက အမှုဖြစ်သူ၏ လေးပုံတပုံမှာ အာမခံရကြပါသည်။ ဂျပန်ဘားကောင်စီက ထုတ်ပြန် သောစာတွင် ၁၃ ယောက်တွင် တစ်ယောက်အာမခံရကြသည်ဟု ရေးထားပါသည်။ ဥပဒေကိုကျွမ်းကျင်သူများက ဂျပန်ဖွဲ့ စည်းပုံအခြေခံဥပဒေတွင် “သက်သေတို့အပေါ်လွှမ်းမိုးမှုရှိ (Witness tempering) လျင် အာမခံမပေးဘဲထားနိုင်သည်” ဟူသောအချက်ကို ထောက်ပြကြပါသည်။ အပြစ်မရှိပါဘူးဟု ငြင်းပယ်ပြီဆိုသည်နှင့် လွတ်မြောက်လာလျင် သက်သေတို့ အပေါ် လွှမ်းမိုးလိမ့်မည်ဟု ယူဆရကြောင်းပြောကြသည်။

တရားသူကြီးက သန်းကြွယ်သူဌေးဖြစ်သော မစ္စတာဂွမ်ကိုပြောရာတွင်သူသည် (Flight Risk) ရှိသူဖြစ်ကြောင်း၊ သူတွင် သက်သေတို့ကိုလွှမ်းမိုးနိုင်သည့် လက္ခဏာများတွေ့ရကြောင်းပြောသည်။

အမေရိကန်ဥပဒေကမူ တရားခံတဦးကို ၄၈ နာရီအတွင်း စွဲချက်မတင်နိုင်လျှင် လွှတ်ပေးရသည်။ လူတစ်ယောက်ကိုဖမ်းပြီ ဆိုကတည်းက အာမခံကြေး ဘယ်လောက်ရှိမည်ဆိုသည်ကို တရားခံအား အသိပေးရသည်။ အာမခံငွေကို ပေးနိုင်ပြီဆိုလျှင် အဖမ်းခံရပြီးသည်နှင့် နာရီပိုင်းအတွင်း အာမခံရတော့သည်။

အမေရိကားတွင် ငွေကြေးတတ်နိုင်သူနှင့် မတတ်နိုင်သူတို့မှာ အဆင့်ကွာခြားလှသည်။ Prison Police Policy အရဆိုလျှင် နေ့တနေ့တွင်လူ ၅၂၆,ဝဝဝ မှာ ငွေကြေးမတက်နိုင်သည့်အတွက် အာမခံမရကြဘဲ ထောင်ထဲတွင် နေကြရကြောင်းသိရ သည်။

ဂျပန်နိုင်ငံတွင် လူတယောက်ကိုဖမ်းဆီးပြီးသည်နှင့် သူ့ထံက ဝန်ခံချက်ရလိုကြသည်။ အပြစ်ရှိပါသည်ဟု ဝန်ခံပြီးသည်နှင့် အာမခံလည်း ရတော့သည်။ ထို့ကြောင့် အာမခံမပေးဘဲဖမ်းဆီးထားခြင်းမှာ သူ့ထံမှ ဝန်ခံချက်ရလို၍ဖြစ်သည်။ များစွာသော တရားခံများမှာ ထောင်ထဲတွင်နေရခြင်းကြောင့် စိတ်ဓာတ်ပျက်ပြားပြီး ဝန်ခံလေ့ရှိကြသည်။  မစ္စတာဂွမ်ကို လွှတ်လိုက်ပါက သူ၏ဝန်ထမ်းများအပေါ် အနိုင်ကျင့်မည်ဟု ယူဆကြသည်။

နှစ်ဆန်းကုမ္ပဏီမှာ မစ္စတာဂွမ်နည်းတူ တရားစွဲဆိုခြင်းခံရသည်။ ဂျပန်တို့၏ ထုံးစံမှာ တရားခံ၏ ရှေ့နေသည် အစိုးရရှေ့နေ၏ ရန်သူဖြစ်သည်။ ရန်သူတို့နှင့် တခန်းထဲတွင်မနေလိုသောသဘာဝအရ တရားခံကိုစစ်ဆေးရာတွင် တရာခံ၏ရှေ့နေကို အခန်းထဲသို့ ခေါ်မထားခြင်းဖြစ်သည်။

(၃)
မစ္စတာဂွမ်၏ ဇနီးဖြစ်သူမှာ လူ့အခွင့်အရေးကော်မရှင်၏ ရှေ့မှောက်တွင် ဂျပန်အစိုးရက သူမ၏ ယောက်ျားကို လွှတ်ပေးပါရန် တောင်းဆိုသည်။ ဂျပန်ဥပဒေ ကျွမ်းကျင်သူတို့က မစ္စတာဂွမ်၏အမူက ဂျပန်နိုင်ငံ၏ တရားစီရင် ရေး အစီအစဉ်တခုလုံးကို ပြန်လည်သုံးသပ်ရန် လိုပြီဖြစ်ကြောင်း ပြောကြားကြသည်။

လူ့အခွင့်ရေးဆိုင်ရာကော်မရှင်ကမူ “ကျွန်တော်တို့ဟာ သူ့အခွင့်အရေးအတွက်စိုးရိမ်တာပေါ့။ ဂျပန်မှာရှိတဲ့ကျွန် တော်တို့ မသိသေးတဲ့လူတွေ၊ ကျွန်တော်တို့ ဘယ်တော့မှ မသိနိုင်တဲ့လူတွေအတွက် ပူရပါတယ်ဟု ပြောသည်။

ကိုသန်းလွင်
Ref: Carlos Ghosn Declare His Innocence, By Motako Rich, New York Times Jan 28 2019


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts