လင်းသက်ငြိမ် ● ရာဘာမြွေ
(မိုးမခ) ဖေဖော်ဝါရီ ၆၊ ၂၀၁၉
ရာဘာမြွေရတဲ့နေ့ကစပြီး သူ့အတွက်
ရယ်မောစရာမရှားဘူးလို့ သူတွေးမိတော့တာပဲ
တွားသွားသတ္တဝါရဲ့ပုံတူက
အာမေဋိတ်သံတွေ တခွမ်းခွမ်းကျကွဲစေရဲ့
ရာဘာမြွေဆိုတော့ အထီးအမ လိင်သဘာဝတွေပါစရာမလို
ရာဘာမြွေဆိုတော့ လျှာတစ်လစ်ကို အမြဲယမ်းနေစရာမလို
တစုံတယောက်ရဲ့ထိတ်လန့်မှုဟာ
တစုံတယောက်အတွက် ဖျော်ဖြေမှုဖြစ်တယ်
သူသွားလေရာ ရာဘာမြွေပါတယ်
တယောက်ဆို လက်ထဲကပစ္စည်းတွေ ပြုတ်ကျတယ်
သူရယ်မောရင်း ရာဘာမြွေကို ကောက်ယူတယ်
သူ့လက်ထဲ ရာဘာမြွေဟာ လှုပ်ယမ်းလို့
တယောက်ဆို နှလုံးခုန်သံရပ်သွားမလို ဖြစ်သွားတယ်
သူရယ်မောရင်း ရာဘာမြွေကို ကောက်ယူတယ်
ရာဘာမြွေဟာ သူ့လက်ထဲ လှုပ်ယမ်းလို့
ရယ်သံတွေကို ဖန်တီးတဲ့အခါ
ရယ်သံတွေရဲ့နောက်က အခိုက်အတံ့တွေအကြောင်း
သူဘာမှမသိ
လူဟာ ရယ်မောခံရတာကို ဘယ်လို အရသာရှိပါ့မလဲ
ရာဘာမြွေအမြဲပါတဲ့ သူ့ကို ပေါ့သွမ်းတဲ့နတ်သူငယ်လို
ရှောင်ဖယ်လာကြတယ်
ရယ်သံဆာသူဟာ ရယ်သံငတ်တဲ့အခါ နေပျော်ပါဦးမလား
အဆိပ်မရှိတဲ့ ရာဘာမြွေဖြစ်ကြောင်း
ပျော်ချင်လို့ စနောက်မိတဲ့အကြောင်း
စသဖြင့် မေတ္တာကို ပြန်တူးဖော်ပေမယ့်
သတ်ခံရတဲ့ သစ်ပင်ဟာ အညွှန့်ပြန်ထွက်မလာတော့ဘူး
အခန်းထဲနေသူဟာ အပြင်လောကနဲ့လွဲခဲ့သူပဲ
ဒုက္ခပေးသူပျောက်နေတဲ့အခါ ဒုက္ခခံရသူတွေက
သတိရလေ့ရှိတဲ့ သမားရိုးကျ ဇာတ်ဝင်ခန်းပါပဲ
တံခါးခေါက်သံတွေဟာ အရေးပေါ်အခြေအနေ
အတွင်းကပိတ်ထားတဲ့ တံခါးကို
ချိုးဖျက်ပြီးဝင်မှ ရတယ်
ကုတင်ပေါ်မှာ သူ့အသက်မဲ့ ခန္ဓာကိုယ်ကိုတွေ့ရတာပဲ
တကိုယ်လုံး ပြာနှမ်းနေတဲ့သူ့လက်ထဲ
ရာဘာမြွေကို ဆုပ်ကိုင်လို့။
လင်းသက်ငြိမ်
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
