(မိုးမခ) နိုဝင်ဘာ ၂၁၊ ၂၀၁၈
(၁)
ဂျာမန် ချန်ဆဲလာ (Chancellor) အင်ဂျလာမာကယ် (Angela Markel) သည် ယနေ့ ဂျာမနီနိုင်ငံ၏ နိုင်ငံရေးဇာတ်ခုံတွင် မရှိလျှင် မဖြစ်သော ခေါင်းဆောင်တယောက်ဖြစ်ပါသည်။ သူသည် ဤရာထူးမှာ ၁၃ နှစ်ရှိပြီဖြစ်၍ ဂျာမနီနိုင်ငံ၏ နိုင်ငံရေး တည်ငြိမ်မှုအတွက် အရေးကြီးလှပါသည်။ ဂျာမန်တို့က သူ့ကို မိခင်သဖွယ် (Mutti) သဘောထားကြပါသည်။ ဥရောပ ကောင်စီ၏ခေါင်းဆောင် (De facto) ဆိုလျှင်လည်း မမှားပေ။ အောက်တိုဘာ ၂၉ ရက်နေ့က တယ်လီဗီးရှင်းတွင် ပေါ်လာ သောအခါလူအများက ယခင်ကလို ပြောရိုးပြောစဉ်စကားများကိုပင် ပြောမည်ဟု မျှော်လင့်ထားကြပါသည်။ သူပြောလိုက် သည်မှာ “သူမပါတော့သောခေတ်” ကို ပြင်ဆင်ထားကြရန်ဖြစ်ပါသည်။
မကြာသေးမီအချိန်ကမှ စတုထ္ထသက်တမ်းအတွက် ချန်ဆဲလာအဖြစ် တာဝန်ယူခဲ့သူကလာမည့်ဒီဇင်ဘာတွင် ကွန်ဆာဗေး တစ် ပါတီခေါင်းဆောင် (CDU -Christian Democratic Union) အဖြစ်မှ နှုတ်ထွက်တော့မည်။ ၂၀၂၁ ခုနှစ်ရောက်လျှင် လည်း ချန်ဆဲလာအဖြစ် ပြန်လည်အရွေးခံတော့မည်မဟုတ်ဟူ၍ ကြေညာသည်။ သူသည် နိုင်ငံရေးဇာတ်ခုံပေါ်တွင်လာမည့် လများတွင်ကတော့ ရှိနေရဦးမည်၊ နိုင်ငံရေးအကဲခတ်သူများကတော့ သူသည် နောက်နှစ်ရွေးကောက်ပွဲကို စောစောကျင်း ပပြီး နိုင်ငံရေးလောကမှအနားယူသွားနိုင်သည်ဟူ၍ဖြစ်သည်။
ချန်ဆဲလာ၏ယခုဆုံးဖြတ်ချက်မှာ သူသည်လည်းကောင်း၊ သူ၏ပါတီသည်လည်းကောင်း ဥရောပတခွင်ပြောင်းလဲနေသည့် လှိုင်းလုံးများ၏ ရိုက်ခတ်မှုကိုမရှောင်လွှဲသာ ရင်ဆိုင်ရဦးမည့်အခြေအနေကိုပြဆိုသည်။ နိုင်ငံရေးဗဟိုစင်တာတွင် အက် ကြောင်းပေါ်နေပြီး (ပေါ်ပင်) ပေါ်ပြူလာကျသော အယူဝါဒများက ခေတ်စားနေကြသည်။ နိုင်ငံတကာမှ ရွှေ့ပြောင်းလာသူ (Migration) များ၏ ဂယက်ရိုက်ခတ်မှုနှင့်အတူ၊ ရိုးရိုးဥရောပဆိုင်ရာတန်ဘိုးများကို အလေးထားသူနှင့် ပေါ်ပြူလာအယူအဆ ကို ယုံကြည်သူဟု ကွဲပြားနေကြသည်။
မာကယ်၏ နိုင်ငံရေးအရေးပါမှုကဏ္ဍပြီးဆုံးတော့မည်ဆိုသည်ကို အကဲခတ်၍ရသဖြင့် ယခုကြေညာချက်သည် အံ့သြစရာ တော့မဟုတ်ပါ။ သို့သော်လည်း မမျှော်လင့်ထားသဖြင့် (Shock) ဖြစ်ကြရပါသည်။ ဂျာမနီနိုင်ငံတွင် မာကယ်မရှိတော့ဘူး ဆိုလျင် ဥရောပတခုလုံး၏ ရေးရာတခုလုံး မသေမချာဖြစ်ကုန်ပါသည်။
လွန်ခဲ့သော ၁၀ နှစ်တာတလျှောက်လုံး ဂျာမနီသည် နိုင်ငံရေးတည်ငြိမ်ခဲ့ပါသည်။ ၁၉၆၆ ခုနှစ်ကတည်းက အမြဲကောင်းနေ ခဲ့သော ရွေးကောက်ပွဲရလဒ်သည် ဟက်ဆီး (Hesse) နယ်နှင့် ဘာဘေးရီးယား (Bavaria) တို့တွင် ရှုံးနိမ့်ခဲ့ရပြီး မကြာမီ သူ့ကြေညာချက် ထွက်ပေါ်ခဲ့ခြင်း ဖြစ်ပါသည်။ စီ၊ဒီ၊ယူမှာ ဟက်ဆီးတွင် ၂၇ ရာခိုင်နှုန်းသာမဲရသည်။ ၂၀၁၃ နှင့်စာသော် ၁၁ ရာခိုင်နှုန်းမျှ လျော့နည်းသွားခြင်းဖြစ်ပါသည်။
သူမ၏ နိုင်ငံရေးသြဇာမှာ တဖြည်းဖြည်းကျဆင်းနေပြီဖြစ်ကြောင်း သိရှိနေခဲ့သည်မှာ (၁) နှစ်တာကြာခဲ့ပါပြီ။ ၂၀၁၇ ရွေး ကောက်ပွဲအပြီး သူ့အစိုးရဖွဲ့နိုင်ရေးအတွက် ခက်ခက်ခဲခဲ လုံးပမ်းခဲ့ရပါသည်။ လက်ရာယိမ်းသော (AFD- Alternative for Germany) ပါတီက နိုင်ငံရေးအခင်းအကျင်းထဲသို့ ဝင်ရောက်လာခဲ့ပါသည်။
အနားယူပြီးဘာလုပ်မှာလဲဟု မေးသောအခါ “စိတ်မပူပါနဲ့ ကျွန်မကိုယ်ကျွန်မ အလုပ်ရှုပ်အောင်လုပ်တတ်ပြီးသားပါ” ဟု ဖြေခဲ့သည်။ ၁၉၅၄ ခု ဇူလိုင်လ ၁၇ ရက်တွင်မွေးဖွားခဲ့သော ချန်ဆဲလာမှာ အသက် ၆၄ နှစ်ရှိသွားပြီဖြစ်သည်။ “ဘယ်သူ မှ တော့ ချန်ဆဲလာအဖြစ် မွေးလာကြတာမဟုတ်ပါဘူး” ဟုဆိုခဲ့သူ ချန်ဆဲလာမှာ အနောက်ဂျာမနီ ဟမ်းဘတ်မှာမွေးခဲ့ သော် လည်း ကလေးအရွယ်ကတည်းက အရှေ့ဂျာမနီရောက်၍ ကြီးပြင်းခဲ့ရသူဖြစ်သည်။ Quantum Chemistry နှင့် ၁၉၈၆ ခုနှစ် တွင် ပီအိပ်ချဒီဘွဲ့ရခဲ့သူဖြစ်သည်။ သက္ကရာဖ် ၂၀၀၀ ကတည်းက စီ၊ဒီ၊ယူ၏ ခေါင်းဆောင်ဖြစ်နေခဲ့သည်။ မာကယ် အနား ယူသောအခါ ဥရောပတွင် အကြီးဆုံးနိုင်ငံဖြစ်သည့် ဂျာမနီတွင်သာမက ဥရောပတခုလုံးကိုပါ ပုံစံပြောင်းသွားတော့မည်ဖြစ် သည်။ ဂျာမနီနိုင်ငံကို မတည်မငြိမ်ဖြစ်မှုများများပြားလာပြီး ဥရောပကိုဦးဆောင်မည့်နိုင်ငံမဖြစ်နိုင်တော့ပေ၊ ဥရောပတွင်လည်း ဗြိတိန်နိုင်ငံ ဥရောပကောင်စီမှထွက်ခွာရေး၊ အီတလီနိုင်ငံ၏ ဘတ်ဂျက်၊ စသည်ဖြင့် ရှုပ်ထွေးနေချိန် ဖြစ်၏။
၂၀၀၇-၂၀၀၈ ခုနှစ် စီးပွားရေးကပ်ဆိုက်စဉ်ကာလကတည်းက ဂျာမနီ၏ဦးဆောင်လာမှုမှာ အဆုံးသတ်သွားတော့မည်၊ ဂျာမနီဦးဆောင်သော ခြိုးခြံရေး (Austerity) အစီအစဉ်များက အီတလီ၊ စပိန်၊ ပေါ်တူဂီနှင့် အထူးသဖြင့် ဂရိနိုင်ငံတို့ အ ပေါ်သြဇာလွှမ်းမိုးခဲ့သည်။
ဥရောပ၏နိုင်ငံရေးတွင် မာကယ်မှာ အဓိကနေရာ (Anchor) သဖွယ်ဖြစ်သည်။ ယူကရိန်းအပိုင်ဖြစ်သော ခရိုင်မီးယားနယ် ကို ရုရှားစစ်တပ်များက ကျူးကျော်သိမ်းပိုက်သည့်အရေးနှင့်ပတ်သတ်၍ စီးပွားရေးပိတ်ဆို့ဒဏ်ခတ်မှုများကို လုပ်နိုင်ခဲ့သည်။ အခြား နိုင်ငံများက စိတ်မပါ့တပါဖြစ်နေခဲ့သော်လည်း ဦးဆောင်မှုပေးနိုင်ခဲ့သည်။ ဥရောပနိုင်ငံများအကြား ဟန်ဂေရီနှင့် ပိုလန်တို့ကဲ့သို့ အမျိုးသားရေးဝါဒကို ရှေ့တန်းတင်လာမှုများကို လစ်ဘရယ်ကျကျ တားဆီးနိုင်ခဲ့သည်။ သမ္မတထရမ့်နှင့် ပတ်သက်၍လည်း ဥရောပအရေးကိုဦးဆောင်ဦးရွက်ပြု၍ ပြောနိုင်ခဲ့သူအဖြစ် ထင်ရှားသည်။
မာကယ်၏ပေါ်ပြူလာဖြစ်မှုမှာ ၂၀၁၅ -၂၀၁၆ ခုနှစ်က နိုင်ငံပြင်ပမှ (Asylum Seeker) များ ဂျာမနီတွင် လက်ခံခဲ့ရာမှစတင် ထိပါးလာခဲ့သည်။ အကယ်စင်စစ် သူတို့ကိုလက်ခံလိုက်သောကြောင့် သူ့ပါတီတွင်းနှင့် ဂျာမနီနိုင်ငံစည်းလုံးရေးတို့ ပျက်ပြား ခဲ့ရသည်။
ဂျာမနီနိုင်ငံတွင် ဤပေါ်လစီကြောင့် (AFD -Alternative for Germany ) ပါတီ ပေါ်ပေါက်လာခဲ့ပြီး ၂၀၁၇ ရွေးကောက်ပွဲ တွင် ဤပါတီမှာ ပါလီမန်တွင် တတိယအကြီးဆုံးပါတီကြီးဖြစ်လာခဲ့သည်။
ဒီဇင်ဘာလတွင် ဟမ်းဘတ် (Humburg) တွင် ကျင်းပမည့် စီ၊ဒီ၊ယူ ပါတီညီလာခံတွင် ပါတီခေါင်းဆောင်ကိုရွေးချယ်ကြ မည်ဖြစ်သည်။ ထိုခေါင်းဆောင်အသစ်ကပင် ဂျာမနီနိုင်ငံ၏ရှေ့ရေးနှင့် ဥရောပ၏ရှေ့ရေးတို့ကို ဆုံးဖြတ်ပေးလိမ့်မည်။ ဤ ခေါင်းဆောင်နေရာကို ဘယ်သူဘဲရရ ဂျာမနီနိုင်ငံ၏ရှေ့ရေးမှာ ဂျာမနီနိုင်ငံ၏အိမ်နီးချင်းနိုင်ငံ ကလေးများကဲ့သို့ (စပိန်၊ အီတလီ၊ နယ်သာလန်) နိုင်ငံရေးအရ အစိပ်စိပ်ကွဲပြားနေသော နိုင်ငံတခုဖြစ်လာမှာသေချာနေပါသည်။
သို့သော် ဤသို့ဖြစ်ခြင်းကိုကောင်းသည်ဟုယူဆသူများရှိနေကြပြန်သည်။ အများပြည်သူနှင့်ပတ်သတ်၍ အချီအချပြောကြ ရာတွင် (Debate) အသံပိုများလာမည်၊ ပြည်သူတို့အသံပိုမိုတွင်ကျယ်လာခြင်းကြောင့်နိုင်ငံရေးတွင်စိတ်ဝင်စားမှုများ တိုးပွားလာမည်ဖြစ်သည်။ နိုင်ငံကိုအုပ်ချုပ်မှုနှင့် ပြင်ပနိုင်ငံများကိုဦးဆောင်နိုင်ရေးမှ ပို၍ခက်ခဲသွားဘွယ်ရှိသည်။ ထိုခေါင်း ဆောင်အသစ် ဘယ်သူဘဲဖြစ်ဖြစ် လက်တွဲလုပ်ဆောင်ရန် မာကယ်အဖို့ အဆင်သင့်ပင်ဖြစ်သည်။
မာကယ်က မဲပေးသူတို့အပေါ် စိတ်မပျက်မိပါ၊ ကျရှုံးမှုများအတွက် မိမိမှာသာတာဝန်ရှိသည်ဟု ခေါင်းဆောင်ပီသသော တာဝန်ယူမှုရှိပါသည်။ သူ့အစိုးရပျက်စီးလောက်အောင် ပုန်ကန်မှုကိုနှစ်ကြိမ်မျှ တွေ့ကြုံပြီးသည့် နောက်တွင် သူ့အစိုးရ၏ ပုံရိပ်မှာပျက်စီးနေပြီဟု ဝန်ခံခဲ့ပါသည်။ သူသည် စီ၊ဒီ၊ယူခေါင်းဆောင်အနေဖြင့် အောင်မြင်ခဲ့သည်များရော ကျဆုံးခဲ့ရမှု များ အတွက်ပါ တာဝန်ယူပါသည်ဟုပြောသည်။
ဤခေါင်းဆောင်အဖြစ်မှနှုတ်ထွက်ဖို့ကို ပေါ့ပေါ့တန်တန်စဉ်းစားခဲ့ခြင်းမဟုတ်၊ နွေရာသီတလျှောက်လုံးမိမိကိုယ်ကို ဆန်းစစ် မှု လုပ်ခဲ့ရသည်ဟုဆိုသည်။ နောက်ဆုံးတွင်သူ့ပေါ်လစီများကြောင့်ဖြစ်ရခြင်းအတွက်အမှားဟုမယူဆသော်လည်း ၄င်းတို့ ကိုတာဝန်ယူလိုက်ခြင်းပင်ဖြစ်၏၊
(၂)
မည်သို့ပင်ဆိုစေ အမေရိကန်က ထရမ့်၊ ရုရှားနိုင်ငံက ပူတင်နှင့် တရုပ်ခေါင်းဆောင်ရှီဂျင်ပင်းတို့နှင့် တန်းတူဆက်ဆံနိုင်သူမာကယ်သည်မြင်ကွင်းမှပျောက်ကွယ်သွားတော့မည်ဖြစ်သည်။ အနောက်နိုင်ငံများ၏တန်ဘိုးနှင့် အပြည်ပြည်ဆိုင်ရာ စံနှုန်း များကို ကာကွယ်နိုင်သည့်ခေါင်းဆောင်မှာ များများစားစား မကျန်တော့ပါ။ မစ္စတာထရမ့်မှာ ပုဂ္ဂိုလ်ရေးရာကိစ္စတွေက များ လွန်း (Personal Agenda) သည်။ တကမ္ဘာလုံးကိုဦးဆောင်ရန် ရှောင်ရှားနေသည်။ ပူတင်နှင့် တရုတ်ခေါင်းဆောင် ရှီတို့ကို ရင်ဘောင်တန်းပြောနိုင်ရန် ခေါင်းဆောင်လိုသည်။ ကနေဒါဝန်ကြီးချုပ်မှာ ဘာနည်းလမ်းမှမရှိ၊ အင်္ဂလန်နိုင်ငံက မိမိပြဿနာ များနှင့် လုံးခြာလိုက်နေသည်။ ပြင်သစ်သမ္မတမှာ ပျော့လွန်းသည်။ ဤလိုအခြေအနေမျိုးမှာ တည်ငြိမ်ရေး၊ ချမ်းသာ ကြွယ် ဝရေးနှင့် လွတ်လပ်မှုတို့အတွက် ခေါင်းဆောင်ကောင်းလိုသည်။
မာကယ်ထွက်ခွါသွားခြင်းအတွက်ထရမ့် နှင့် ပူတင်တို့က၀မ်းသာကြမှာသေချာပါသည်။ ထရမ့်မှာမာကယ်နှင့် ကုန်သွယ်ရေး ဆိုင်ရာအငြင်းပွားနေရသည်။ နိုင်ငံခြားရေးရာများတွင်မာကယ်၏အများကောင်းစားရေးဝါဒကိုမနှစ်သက်၊ မာကယ်ကဗြောင် ကျကျမလုပ်၊ အတိုက်အခံ ဘာမှမပြော၊ ထိုအရည်အသွေးများမှာ ထရမ့်တွင်မရှိသော အရည်အသွေးများပင်ဖြစ်သည်။ မာ ကယ်မရှိတော့သော်လည်း အခြေခံ ဂျာမန်တို့နှင့်ဆက်ဆံရေးမှာ ထိခိုက်ဘွယ်မရှိပါ။
ရုရှားကို မူယူကရိမ်းအရေးနှင့်ပတ်သက်၍ ကန့်သတ်ခြင်း (Sanction) ချမှတ်ခြင်းမှာ မာကယ်၏အောင်မြင်မှုဖြစ်သည်။ ထို့ ကြောင့် မာကယ်ထွက်ခွါသွားခြင်းကို ပူတင်ကတော့ကြိုက်ပေလိမ့်မည်၊ ရုရှားက နည်းမျိုးစုံသုံး၍ ဥရောပတိုက်၏ နိုင်ငံရေး တွင်ဝင်ဆန့်ချင်နေပေရာ မြင်ကွင်းမှ မာကယ်ပျောက်ကွယ်သွားခြင်းကို ကြိုဆိုနေမည်မှာ သေချာသည်။
ကိုသန်းလွင်
Ref: Germany withour Merkel by Martrin Bennhold new York Times October 29 2018
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
