သန်းဝင်းလှိုင် – သမုိုင်းတကွေ့မှ သခင် ခင်ညွှန့်

လွတ်လပ်ရေးမော်ကွန်းဝင်တတိယအဆင့်နှင့် “လွတ်လပ်ရေးကိုကိုယ့်ကျိုးစွန့်အနစ်နာခံသူ” ဘွဲ့တံဆိပ်ချီးမြှင့်ခံရသော သခင်ခင်ညွှန့်ကို အထက်မင်းလှမြို့အမှတ်(၁)ရပ်ကွက်၌ အဖဦးမြတ်ကြီး၊ အမိဒေါ်ကျင်မှုံတို့မှ ၁၉၁၄ခုနှစ်၊ ဇူလိုင်လ(၆)ရက်နေ့တွင်မွေးဖွားခဲ့သည်။ငယ် စဉ်ကမင်းလှမြို့အလယ်တန်းကျောင်းတွင် အလယ်တန်းပညာအထိသင်ကြားခဲ့သည်။ 

ဖခင်ဦးမြတ်သည်မင်းလှမြို့နယ် ဂျီစီဘီအေအဖွဲ့၏ဥက္ကဋ္ဌအဖြစ်ဆောင်ရွက်ခဲ့ပြီး သာယာဝတီဆရာစံအရေးအခင်းတွင်ပါဝင်ပတ်သက်မှုဖြင့် အဖမ်းဆီးခံရသည်။ ၁၉၃၁ခုနှစ်တွင် ရေနံချောင်းမြို့ ရေနံမြေကွင်းကုန်းရပ်သို့ ပြောင်းရွှေ့ခဲ့သည်။ ဖခင်ကြီးဦးမြတ်ကြီးကိုအကြောင်းပြု လျက်ဦးခင်ညွှန့်သည်ငယ်စဉ်ကပင် နိုင်ငံရေးစိတ်ဓာတ်ထက်သန်ခဲ့သည်။ ၁၉၃၁ခုနှစ်၊အောက်တိုဘာလတွင် တို့ဗမာအစည်းအရုံးသို့ဝင် ရောက်သခင်အမည်ကိုစတင်ခံယူကာ နိုင်ငံရေးလောကသို့ဝင်ရောက်သည်။ ရေနံချောင်းမြို့နယ် တို့ဗမာအစည်းအရုံးတွဲဖက်အတွင်း ရေးမှူးနှင့် ရေနံချောင်းလေဘာကွန်ဂ ရက်တွင် အလုပ်အမှုဆောင်အဖြစ် တာဝန်ယူခဲ့သည်။ 

၁၃ဝဝပြည့်အရေးတော်ပုံကြီးတွင် သပိတ်တပ်ကြီးရန်ကုန်သို့ ချီတက်ဆန္ဒပြမှုဖြစ်မြောက်ရေးနှင့် ကျန်အလုပ်သမားများ ထပ်မံသပိတ် မှောက်ရေးအတွက် ရှေ့တန်းမှပါဝင်ဆောင်ရွက်ခဲ့သည်။ ယင်းဆောင်ရွက်ချက်ကြောင့် အင်္ဂလိပ်အစိုးရကပုဒ်မ ၁ဝ၇ – ၁ဝ၈တို့ဖြင့် အရေး ယူ၍ ထောင်တစ်နှစ်ပြစ်ဒဏ်ချမှတ်ကာ အင်းစိန်ထောင်သို့ပို့ခဲ့သည်။ 

စစ်အတွင်းကာလအထက်မင်းလှမြို့၌ အာရှလူငယ်အစည်းအရုံးဖွဲ့စည်းရာတွင် ဒုဥက္ကဋ္ဌတာဝန်ယူခဲ့သည်။ ဖက်ဆစ်တော်လှန်ရေးကာလ တွင် မင်းလှမြို့၌ပါဝင်ဆောင်ရွက်သည်။ စစ်ကြီးအပြီးတွင်ရေနံချောင်းမြို့သို့ ပြန်လည်ပြောင်းရွှေ့ပြီး ရေနံချောင်းဈေးအတွင်း“ညွှန့်ဝေ”စာ အုပ်ဆိုင်ကိုတည်ထောင်ဖွင့်လှစ်ရောင်းချသည်။ 

ရေနံချောင်းဈေးသမဂ္ဂကိုဦးဆောင်ဖွဲ့စည်းပြီး သမဂ္ဂ၏အတွင်းရေးမှူးအဖြစ်လည်းကောင်း၊ ထို့နောက်တွင်မကွေးခရိုင်ဈေးများသမဂ္ဂ၏ အ တွင်းရေးမှူးအဖြစ်လည်းကောင်းဆောင်ရွက်သည်။ ထိုကာလအတွင်း“ဈေးလူထုအသံ”စာစောင်ကို ပုံနှိပ်ထုတ်ဝေသည်။ ရေနံချောင်းဈေး သစ်ကြီးတည်ဆောက်ရာ၌လည်း ပြီးစီသည်အထိဦးဆောင်တာဝန်ယူခဲ့သည်။ 

၁၉၅၆ခုနှစ်တွင် ရန်ကုန်မြို့သို့ပြောင်းရွှေ့ကာ စာပေလောကစာအုပ်တိုက်ကိုထူထောင်ပြီး အများပြည်သူအကျိုးဖြစ်ထွန်းစေမည့် စာ ကောင်းစာသန့်များကို အစဉ်တစိုက်ပုံနှိပ်ထုတ်ဝေခဲ့သည်။ ၁၉၄၆ ခုနှစ် ဆရာကြီးသခင်ကိုယ်တော်မှိုင်းဈပနာအခမ်းအနားကျင်းပရေး ဗ ဟိုကော်မတီတွင် အဖွဲ့ဝင်အဖြစ်လည်းကောင်း၊ ၁၉၇၃ ခုနှစ် သခင်ကိုယ်တော်မှိုင်းရာပြည့်သဘင်ကျင်းပရေးကော်မတီတွင် ယဉ်ကျေးမှု ကော်မတီသဘာပတိအဖြစ်လည်းကောင်း တာဝန်ယူခဲ့ပြီး ၁၉၆၄ ခုနှစ်တို့ဗမာအစည်းအရုံးသမိုင်းပြုစုရေး ဆော်သြရေးတာဝန်၊ မကွေး တိုင်းသမိုင်းစုဆောင်းရေးနှင့် သမိုင်းစာအုပ်ဖြစ်မြောက်ရေးတာဝန်များကိုလည်း အောင်မြင်စွာဆောင်ရွက်ခဲ့သည်။ 

ထို့နောက်၁၉၈၅ ခုနှစ်တို့ဗမာအစည်းအရုံးရွှေရတုသဘင်ကျင်းပရေးတွင် ဗဟိုအလုပ်အမှုဆောင်အဖွဲ့ဝင်အဖြစ်နှင့် ယဉ်ကျေးမှုကော်မတီ ဥက္ကဋ္ဌအဖြစ်ဆောင်ရွက်ခဲ့သည်။ ၁၉၈၈ ခုနှစ်တွင် ဒ်ီမိုကရေစီအရေးအခင်းကာလတွင် သခင်ခင်ညွှန့်သည်မိမိတစ်ဦးချင်းအနေနှင့်လည်း ကောင်း၊ အခြားသခင် သခင်မကြီးများနှင့်စုပေါင်း၍လည်းကောင်း၊ ဒီမိုကရေစီလိုလားသူများဘက်မှ ထောက်ခံအားပေးခြင်း၊ စည်းရုံးဆော် သြခြင်များပြုလုပ်ခဲ့သည်။ 

ထို့နောက် အရေးအခင်းအပြီး လူငယ်များကိုစနစ်တကျဖြစ်စေရန်ထိန်းသိမ်း၍ လူငယ်အဖွဲ့ဖြစ်သောလူငယ်ညီညွှတ်ရေးတပ်ဦးအဖွဲ့တွင် နာယကတာဝန်ယူခဲ့သည်။ ၁၉၉၀ပြည့်နှစ် မေလတွင်ကျင်းပသော ပါတီစုံအထွေထွေရွေးကောက်ပွဲတွင် ရေနံချောင်းမြို့လူထု၏ဆန္ဒပြု ချက်အရ ရေနံချောင်းမြို့နယ် အမှတ်(၁)မဲဆန္ဒနယ်အတွက် အမျိုးသားဒီမိုကရေစီပြည်သူ့လွှတ်တော်ကိုယ်စားလှယ်အဖြစ် အရွေးခံရန် ရေနံချောင်းအမျိုးသားဒီမိုကရေစီအဖွဲ့နှင့်အမျိုးသားဒီမိုကရေစီအဖွဲ့ချုပ်မှ တာဝန်ပေးချက်အရ ၁၉၉၀ပြည့်နှစ်၊ မေလ(၂၇)ရက်နေ့တွင် ကျင်းပသော ပါတီစုံဒီမိုကရေစီအထွေထွေရွေးကောက်ပွဲကို ဝင်ရောက်ယှဉ်ပြိုင်အရွေးခံခဲ့ရာ ရေနံချောင်းမြို့နယ်အမှတ်(၁) ပြည်သူ့လွှတ် တော်ကိုယ်စားလှယ်အဖြစ် ရွေးချယ်တင်မြှောက်ခြင်းခံခဲ့ရသည်။ 

သခင်ခင်ညွှန့်သည် ၁၉၄၂ ခုနှစ်တွင် ရေနံချောင်းမြို့နေဦးစိန်အုပ်၊ ဒေါ်ကြင်မြိုင်တို့၏သမီးဖြစ်သူ ဒေါ်ခင်လှနှင့်လက်ထပ်ခဲ့၍ သားသမီး (၁၀)ဦးထွန်းကားသည်။ သားသမီးများမှာ မခင်သန်းလှ၊ မခင်သန်းမြ၊ ကိုမျိုးညွှန့်၊ မခင်တင့်ဆွေ၊ မခင်မြင့်ဝေ၊ မခင်စန်းညွှန့်၊ မချိုချိုအေး၊ ကိုအောင်မြတ်ကျော်၊ ကိုစန်းဌေးဦး၊ ကိုဝင်းထွန်းတို့ဖြစ်သည်။ ထို့ပြင်မြေး(၁၅)ယောက်နှင့် မြစ်လေးယောက်တို့၏အဘိုးလည်းဖြစ်သည်။ ၂ဝဝ၇ ခုနှစ် ဇူလိုင်လ(၁)ရက်နေ့၌ကွယ်လွန်ခဲ့သည်။ ကြွင်းကျန်သောရုပ်ကလာပ်ကို မြောက်ဥက္ကလာပရေဝေးသုဿာန်၌ဂူသွင်းသင်္ဂြုဟ် ထားသည်။