လင်းသစ္စာဦး ● အငွေ့ပျံတောအုပ်
(မိုးမခ) မတ်လ ၂၃၊ ၂၀၁၉
ရင့်ကျက်ခြင်းတွေဆီ
နာရီတွေဘယ်တော့မှရောက်မလာဘူး ….
စိတ်ကူးထဲ နစ်နေတဲ့ပန်းလေးတပွင့်က
ဒီကနေ့အဖြစ်ကို ဒုက္ခနဲ့စဖွင့်တယ်
ဘယ်အရာ မဆို
ချော်လဲ ရောထိုင်အဖြစ်က သိပ်မလွယ်ပါဘူး
အရိပ်ချိုးနေတဲ့ သစ်ပင်တွေ
အဝေးမှာ သီချင်းတပုဒ်ဟာ
အသံချိုချိုနဲ့ လွင့်နေတယ် …
စစ်ကြီးပြီးက
အစွဲအလန်းဟာ
သိပ်ပူလောင်တာပဲ
စစ်ကြီးပြီးစ
စနစ်တကျ လွမ်းတမှုတွေ
သိပ်ဆူလောင်တာပဲ
လူတကာစွဲလောင်နေတဲ့
သောက တဘောင် ကြောင်တောင်တောင်တွေ
ပုထုဇဉ်ဟာ
အရှိန်တငြီးငြီး မီးတောက်
အချိန်ရှိသရွေ့
ပေါက်ပေါက်ဖောက်လို့မဆုံးပေါ့ …
ရင်တဆံ့ဟာ
ရုပ်ရင်းကြမ်းတမ်းလည်း
ရုပ်ကြမ်းကြမ်းနဲ့ ဆက်လွမ်းရမှာပဲ
ဒီသမုဒယ ဒီအနွယ်အငင်လေးထဲ
ပစ်ပစ်ခါခါ နွယ်လိုက်ရမှ
ဆိုသလို
ဘာ အပို အလိုမှ မပါတဲ့စကားတွေ
ဘာ အပို အလိုမှ မလိုတော့လောက်အောင်
အဲသည်မောင်းကိုဖြုတ်
အဲသလို တဖြုတ်ဖြုတ် ကြွေပြရတာက
ငါတို့ဘဝတွေပဲ မဟုတ်လား ….
ဒီနေရာမှာ
ဒီအချိန်ရောက်ရင်
ဒီလိုပဲ
အငွေ့ပျံလိုက်ဖို့ပဲမဟုတ်လား ….
လင်းသစ္စာဦး
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
