တောင်ကြီးမြို့ ခြေဥ ပြင်ဆင်ရေး ထောက်ခံပွဲကို ခြိမ်းခြောက်မှုများကြားမှ ပြုလုပ်ခဲ့

အခြေခံဥပဒေပြင်ဆင်ရေးကို ကြိုဆိုသည့် ရှမ်းပြည်နယ်၊ တောင်ကြီးမြို့
လှုပ်ရှားမှုသည် အနှောင့်အယှက်တချို့ ရှိခဲ့သော်လည်း အေးချမ်းစွာ ပြီးဆုံးသွားသည်

ဖြိုးသီဟချို/Myanamr Now
(မိုးမခ) မတ် ၂၊ ၂၀၁၉

အကြမ်းဖက်နှောင့်ယှက်မည်ဟူသော ခြိမ်းခြောက်မှုနှင့် ရင်ဆိုင်ခဲ့ရသည် ရှမ်းပြည်နယ်၊ တောင်ကြီးမြို့တော်၏ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးထောက်ခံပွဲကို ယနေ့ နံနက်ပိုင်းက အေးချမ်းစွာ ပြုလုပ်နိုင်ခဲ့သည်။

ကြိုတင်ခွင့်ပြုချက်တောင်းပြီး ပြုလုပ်သည့် အဆိုပါ လှုပ်ရှားမှုတွင် ဗိုလ်ချုပ်အောင်ဆန်းလမ်းပေါ်တွင် ချီတက်ခြင်း၊ ဗိုလ်ချုပ်ပန်းခြံတွင် ဟောပြောခြင်းတို့လည်း ပါဝင်သည်။

ခြေ/ဥ ပြင်ဆင်ရေး ထောက်ခံပွဲ ဦးဆောင်သူ တစ်ဦးဖြစ်သည့် ရှမ်းပြည်နယ်နိုင်ငံရေးအဖွဲ့မှ
ဦးတင်မောင်တိုးက ၎င်း၏ အမည်ကို ဖေ့ဘုတ်စာမျက်နှာတွင် ရေးသားဖော်ပြကာ ခြိမ်းခြောက်သူတချို့ ရှိသော်လည်း ထောက်ခံပွဲကို ကျင်းပသွားမည်ဟု Myanmar Now ကို ယမန်နေ့က ပြောသည်။

“မစိုးရိမ်ပါဘူး။ ကျွန်တော်တို့က တင်ပြီးတော့ တရားဝင်လုပ်တာလေ။ အဲဒီအတွက်ကြောင့် သက်ဆိုင်ရာက လုံခြုံရေး ယူပေးရမှာပဲ။ လာပြီး နှောက်ယှက်မယ် ဆိုရင်လည်း သူတို့က ဟန့်တားပေးရမယ်။ ကာကွယ်ပေးရမယ်” ဟု ၎င်းက ပြောသည်။

ခြိမ်းခြောက်မှုနှင့် လုံခြုံရေး

————-

ခြိမ်းခြောက်မှုများကို အင်တာနက်စာမျက်နှာတချို့တွင် တွေ့ခဲ့ရသည်။

Thin Oo Oo ဟု အမည်ပေးထားသော facebook အကောင့်တစ်ခုက အန္တရာယ်ဖြစ်မှာကြောက်လျှင် ပြည်သူလူထုများ လမ်းပေါ်မထွက်ရန် သတိပေးလိုက်သည်ဟု ရက်အနည်းငယ် ကြိုတင်ပြီး ရေးသားခဲ့သည်။

နေမင်းသူရ ဟု အမည်ပေးထားသည့် အကောင့်တစ်ခုတွင်လည်း ခြေ/ဥ ပြင်ဆင်ရေး ထောက်ခံပွဲကို အကြမ်းဖက်သွားမည်ဟု ရေးခဲ့သည်။

“ရှေ့ကိုထွက်လာခဲ့ပါ၊ မြေပြင်မှာပဲ ဆုံတွေ့လိုက်မယ်။ နှစ်ဖွဲ့ထဲက တစ်ဖွဲ့ ပြုတ်မှ အေးမယ်” စသဖြင့် ရေးသားထားသည်။

ယမန်နေ့က တောင်ကြီးမြို့နယ် ရဲတပ်ဖွဲ့ ရဲမှူး မောင်မောင်နိုင်ကို ဆက်သွယ်မေးမြန်းရာ ခြေ/ဥ ပြင်ဆင်ရေး ထောက်ခံပွဲများအတွက် လုံခြုံရေး ပိုမို တင်း ကြပ်ထားကြောင်း Myanmar Now ကို
ပြောသည်။

“လုံခြုံရေးကတော့ ကျွန်တော်တို့ အဓိက ဦးစားပေးပြီးတော့၊ လုံခြုံရေး မကျိုးပေါက်ဖို့ပေါ့၊ အင်အားကို အရင်ကထက်ပိုပြီးတော့ တိုးပြီးတော့ ဖြည့်စွက်ထားပါတယ်” ဟု ၎င်းက ပြောသည်။

ရှမ်းပြည်နယ်၊ တောင်ကြီးမြို့တွင် ယနေ့ နံနက်ပိုင်းက တွေ့ရသော အခြေခံဥပဒေပြင်ဆင်ရေး ထောက်ခံပွဲ မြင်ကွင်းတချို့ (ဓာတ်ပုံများ – Myanmar Now)