(မိုးမခ) ဇန်နဝါရီ ၁၄၊ ၂၀၁၉
(၁)
ယခုအချိန်အထိတော့ အမေရိကန်သမ္မတထရမ့်ကို အမေရိကန်ပြည်သူများကဖယ်ရှားမပစ်လိုသေးပါ။ သူလာစဉ်ကကဲ့သို့ ဒီမိုကရေစီမဲနှင့်သာထွက်ခွာသွားစေလိုသည်။ သို့ပါသော်လည်းလွန်ခဲ့သောအပါတ် ကမူ ထိုအမြင်ကို ပြင်ရမလိုဖြစ်ခဲ့သည်။
သူ့အတွက်ကျန်သောနှစ်နှစ် ကိုဘယ်လိုစခန်းသွားမလဲဟုမေးရမည့် အချိန်ရောက်လာပါသည်။ ရော ဘတ်မူလာ (Robert Mueller) ၏ စစ်ဆေးမှုများ အဆုံးသတ်ခါနီးတွင် သူ၏မှားယွင်းသော လုပ်ရပ်များမှာ ပို၍ ပေါ်လွင်လာသည်။ အမေရိကန် နိုင်ငံ၊ ဈေးကွက်နှင့် အဓိကပင်မ အဆောက်အဦးများကို ထိပါးလာသောကြောင့် သူ့ကိုသမ္မတအဖြစ် ဆက်လက်လက်သင့်မခံနိုင်အောင်ဖြစ်လာသဖြင့် ဖြုတ်ချ မှ ဖြစ်မည် ဟူသောအတွေးမျိုးကို ဖြစ်ပေါ်စေသည်။
(၂)
ရီပါတ်ပလီကင်ပါတီအနေဖြင့်လည်း သူ့အမူအရာများ သိသိသာသာ ပြောင်းလဲပါမှ၊ ထိုသို့ပြောင်းလဲမှု မျိုးမှာ မဖြစ်လာနိုင် သောအခါ သူ့ကို သမ္မတအဖြစ်မှဖယ်ရှားရေးသည် အသင့်တော်ဆုံးလမ်းကြောင်း ဖြစ်ကြောင်း သိသာလာသည်။ သူ့ကို ဖြုတ်ချရန် ဆီးနိပ်တွင် လုံလောက်သောမဲအရေအတွက် ရရှိရေး အတွက် ရီပါတ်ပလီကင်အမတ်များ၏ ပူးပေါင်းဆောင်ရွက်မှုလိုအပ်ပါသည်။ ပါတီအတွက်လုပ်ရန် ခက်ခဲသော်လည်း ဤကဲ့သို့ လုပ်ဆောင်ရန်ဆုံးဖြတ်ရမည့်အချိန်မှာ ကျော်လွန်လာ ခဲ့ပြီဖြစ်သည်။
ထရမ့် ၏အပြုအမှုများမှာ အမှားမှားအယွင်းယွင်းဖြစ်နေ သောကြောင့်လည်းကောင်း၊ သူ၏လိမ်လည် လှည့်ဖျားမှုများမှာ အမြဲထာဝရရှိနေသောကြောင့်လည်းကောင်း၊ သမ္မတဖတ်ရမည့် (Briefing Book) ဖတ်ခြင်းကဲ့သို့သော အခြေခံလုပ်ဆောင်ရမည့် အလုပ်မျိုးကို လုပ်နိုင်မည့်ဟန်မရှိပေ။ သူ၏ရုရှားကို ဦးစားပေးမှု၊ အဓိကမိတ်ဆွေနိုင်ငံများအပေါ် လှည့်ပတ်ခြင်းနှင့် နိုင်ငံတော်၏အရေးကိစ္စများကို စဉ်းစား ဆုံးဖြတ်ရာတွင် ပုဂ္ဂိုလ်ရေးဆိုင်ရာ ဆန္ဒစွဲများ ပါဝင်မှုတို့ကြောင့် သူနှင့် နောက်ထပ် နှစ်နှစ် ဆက်လက် စခမ်းသွားရန်မှာတိုင်းပြည်အတွက် ကြီးလေးသောလုပ်ငန်းတရပ် ဖြစ်နေပေသည်။
မိမိကိုယ်ကို မထိန်းချုပ်နိုင်သည့်သမ္မတ၏လုပ်ရပ်များမှာ နိုင်ငံ၏ပြည်ပရေးရာများကို ထိခိုက်နေသည်။ အမေရိကားမှာ တကမ္ဘာလုံး၏ ငြိမ်းချမ်းတည်ငြိမ်ရေးအတွက် အဓိကနိုင်ငံတခုဖြစ်သည်။ ကမ္ဘာကြီးမှာ ဆူပူသောင်းကြမ်းမှုများ ရှိနေစေဦး နိုင်ငံတွင်းမှာ တည်ငြိမ်မှုရှိသည်။ တစ်ကမ္ဘာလုံး၏လူ့အခွင့်ရေးဆိုင် ရာရပိုင်ခွင့်များအတွက်လည်းကောင်း၊ အများပြည်သူ၏ လွတ်လပ်မှုအတွက် လည်းကောင်း၊ မီးရူးတန် ဆောင်သဘွယ်ဖြစ်သည်။ စိတ်တူသဘောတူနိုင်ငံများနှင့်ပူးပေါင်း၍ တစ်ကမ္ဘာလုံး အေးဆေးတည်ငြိမ်ရေးကို ဆောင်ရွက်နိုင်သည့် နည်းတူ၊ ထိုကမ္ဘာလုံးဆိုင်ရာတည်ငြိမ်မှု ကြောင့်ရလာမည့် အသီး အပွင့်များကို ဖေါ်ဆောင်စားသုံးနိုင်ရန် ဖြစ်ပါသည်။ ဒေါ်နယ်ထရမ့်အနေဖြင့် အမေရိကန်ပြည်၏ သမိုင်း၊ ထိုသမိုင်း၏အရေးပါမှုကို ဘယ်သို့မျှ နားမလည်နိုင်ကြောင်း အကြိမ်ကြိမ် လက်တွေ့ပြ ခဲ့ပြီး ဖြစ်သည်။
ဒုတိယကမ္ဘာစစ်အပြီး တည်ဆောက်ခဲ့ကြသော နိုင်ငံများ၊ အဖွဲ့အစည်းများအကြားတစ်ခုနှင့်တစ်ခု ဆက်သွယ်ရေးလမ်း ကြောင်းများမှာ အမေရိကန်တို့၏ ငြိမ်းချမ်းစွာနေထိုင်နိုင်ကြောင်းပေါ်တွင်မူတည် အခြေခံလျက်ရှိကြပါသည်။ ထိုဆက်သွယ် မှုများကို ဖြတ်တောက်၍ ထီးထီး ရပ်တည်မည်ဟု ကြံစည် ခြင်းမှာ ဖျက်လိုဖျက်ဆီး နိုင်ပါသည်။
ဗြိတိန်ကို ဥရောပကောင်စီမှ ထွက်ခွာရန်အကြံပေးနေသည့်နည်းတူ နေတိုး (Nato) မှ အမေရိကန် ထွက်ခွာရန် အကြံပြုနေ သည်ဟု သတင်းသဲ့သဲ့ကြားရပါသည်။ ထိုအဖွဲ့အစည်းများမှာ ပိုမိုကောင်းမွန် အောင် ဆောင်ရွက်ရန်သာလိုပြီး ဖျက်စီးပစ်ရန် မဟုတ်ပါ။
အမေရိကန်နိုင်ငံအနေဖြင့်ရှိသမျှ အပြည်ပြည်ဆိုင်ရာသဘော တူညီမှုများကို ချေဖျက်ပြစ်မည်ဆိုပါက အမေရိကန်ပြည်၏ တည်ငြိမ်မူကို အခြေခံအုတ်မြစ်မှ ဖျက်ဆီးသလိုဖြစ်ပြီး၊ တည်ငြိမ်သောနိုင်ငံဖြစ်မှ မတည်ငြိမ်သောနိုင်ငံအဖြစ်သို့ ဦးတည်နေ လိမ့်မည်။ သမ္မတအနေဖြင့်နေ့စဉ်နှင့်အမျှ ယုံကြည်မှုနှင့် အမှန်တရားကိုတိုက်ခိုက်နေလျင်၊ အနာဂါတ် ကလေးငယ်များ ကြီးပြင်းရမည့်နိုင်ငံအကြောင်း မစဉ်း စားရဲတော့ပါ။
ဤကဲ့သို့ အမေရိကားသည် ကမ္ဘာကြီးကို ဦးဆောင်ရမည့်နိုင်ငံအဖြစ်မှ ဖယ်ခွာသွားခြင်းကို၁၉၃၀ ခုနှစ် များကလည်းတွေ့ခဲ့ ဘူးပါသည်၊ အကျိုးရလဒ်မှာ ဒုတိယကမ္ဘာစစ် ဖြစ်ပွားခဲ့ခြင်းဖြစ်ပါသည်။
နေတိုးနှင့်အတူ ဥရောပကောင်စီ၊ ကမ္ဘာ့ကုန်သွယ်ရေးအဖွဲ့အစည်းကဲ့သို့သော ကမ္ဘာ့အဖွဲ့အစည်းကြီး များ မည်သို့ဖြစ်သွားနိုင် သည်ကို အလွယ်တကူ စဉ်းစားကြည့်နိုင်ပါသည်။ ဂျာနယ်လစ်တစ်ယောက် ကိုအသေသတ်ပြီးကိုယ်ခန္ဓာကိုအပိုင်းပိုင်းဖြစ်သွားအောင်လုပ်နိုင်သောခေတ်၊ အမေရိကန်၏ဦးဆောင် မူပျောက်သွားသောခေတ်ကို လွယ်ကူစွာ စဉ်းစား ကြည့်နိုင်ကြ ပါသည်။
အမေရိကန် စီအီးအို (CEO) တစ် ယောက်သည် သမ္မတလုပ်သလို လွန်ခဲ့သည့် နှစ်နှစ်ကာလအတွင်း နေ့စဉ်နှင့်အမျှ အမှားအယွင်းတွေကိုဖြေရှင်းရမည့်လက်ထောက်အရာရှိများကို (Kleenet) တစ်ရှူးစာ ရွက်ကိုလွှင့်ပစ်သလိုပစ်နေမည်၊ ဆယ် ကျော်သက် တစ်ယောက်လို တွိဒ် (Tweet) လုပ်နေမည်၊ ကျွမ်း ကျင်သူတို့၏အကြံပေးများကို ဂရုမစိုက် လုပ်နေမည်ဆိုပါလျှင် ဒါရိုက်တာ ဘုတ်အဖွဲ့ ကချက်ချင်းထုတ် ပြစ်ရမည်ဖြစ်သည်။
အကယ်၍ စီးပွားရေးဆိုင်ရာအကြပ်တည်းတစ်ခုပေါ်လာလျင် အခြားပုဂ္ဂိုလ် များကိုပထမဆုံးအပြစ်ဖို့ သည်။ ၀မ်းတွင်းပါဥာဏ်ကိုသုံး၍ဖြေရှင်းမည်၊ သမ္မတ တစ်ယောက်ထံမှဘာမှ အသစ်အဆန်းမျှော်လင့် ၍မရနိုင်ပါ။ သူ၏ ၀မ်းတွင်းပါဥာဏ်သည်တကယ့် ပြဿနာအကြီးမားဆုံးပေါ်ပေါက်လာပါကဘာမှသုံး မရနိုင်ပါ။
အမေရိကန်တို့အဖို့ ယခုအခါ B Team တစ်ခုဘဲကျန်နေပါသည်၊ ကောင်းသည့်ဝန်ထမ်းပါဝင်သော A Team ကထွက်ခွာ သွားကြပါပြီ။ သူတို့သည်သူတို့နောက်မှ တွဒ်တာအထိုးခံရမည့်အချိန်ကို စောင့်မျှော် ရင်း အလုပ်လုပ် နေကြရပါသည်။
သမ္မတ ထရမ့်ကို အချေအနေများကို ဖျက်ဆီးသူ (Disrupter) ဟုအများကပြောကြပါသည်။ ထရမ့် ၏လက်ရှိ စနစ်အပေါ်တွင် ဖျက်စီးပစ်ရမည်ဟူသောအယူအဆကို ရိုသေလေးစားပါသည်။ တရုတ် နှင့်ကုန်သွယ်ရေးဆက်ဆံမှု၊ ဆီးရီးယား၊ အာဖဂ္ဂန်နစ္စတန်သို့ မဟုတ် အခြားအသက်ရူကြပ်သော ကိစ္စ များ ဖြစ်ပါသည်။
သို့သော်ကိစ္စများစွာတို့တွင်အစားထိုးရန်အစီအစဉ်ဘာမှ မရှိဘဲဖျက်စီးရုံသက်သက်လုပ်တတ်ပါသည်။ ဥပမာ အိုဘားမား၏ ကျန်းမာရေးဆိုင်ရာ အစီအစဉ် (Obama Care) ကို ဘာမှအစားထိုးရန်မရှိဘဲဖျက် သိမ်းပစ်ခြင်း၊ ဆီးရီးယား၊ အာဖဂ္ဂန်နစ္စ တန်တို့တွင် ပေါ်လစီဟူ၍ ဘာမှမရှိဘဲစစ်သားများ ကို ရုတ်သိမ်း ခြင်းစသည်တို့ဖြစ်ပါသည်။ ထိုသို့လုပ်မည်ဆိုသည်ကို စစ်တပ်ဦးစီးချုပ်ကိုလည်းမတိုင်ပင်၊ ပြည်ထဲရေး ဌာန (State Department) မှထိပ်တန်းအကြံပေးများလည်းဘာမှမသိလိုက်ရ၊ အဓိကကျသောပါတနာ များနှင့်လည်း ညှိုနှိုင်းခြင်းမရှိဘဲလုပ်ပစ်ခြင်းဖြစ်ပါသည်။
လူများစွာတို့က ထိုဖျက်စီးခြင်းကို ကြိုက်ပါသည်။ သို့သော်ထရမ့်လုပ်ချလိုက်သည်မှာ လုံးဝပျက်စီးခြင်း နှင့်၊ လုံးဝမသိကျိုးကျွံပြုခြင်းတို့ကိုသာတွေ့ရပါသည်။ ကျွန်တော်တို့သည် အေအိုင် (AI-Artificial Intelligence) နှင့် နိုင်ငံတော်တည်ဆောက်ရေးတို့တွင်တီထွင်ခြင်း၊ ကြံဆခြင်းတို့ကိုကြားရမည့်အစား မက္ကစီကိုဘော်ဒါတွင် အုတ်တံတိုင်းကြီး တည်ဆောက်ရန် အစီအမံကိုသာကြားနေရပါသည်။
(၃)
ဝါရှင်တန်ပို့စ်က ဒီဇင်ဘာ ၂၀ ရက်နေ့အထိ သူ့သက်တမ်း ရက် ၇၀၀ မြောက်ချိန်တွင် မရိုးမသား လိမ် လည်ပြောဆိုမူပေါင်း ၇၅၄၆ ကြိမ် ရှိသည်မှတ်တမ်း တင်ထားသည်၊ ထို့ကြောင့် အမေရိကား ကသာ ထရမ့် ကဲ့သို့ တစ်ကိုယ်ကောင်းဆန်သော၊ အရှက်ကင်းမဲ့သောအလုပ် များကိုလုပ်နေခဲ့ပါလျင် ကမ္ဘာကြီးမှာ အဘယ်မျှကြောက်စရာကောင်းမည် ဖြစ်ကြောင်း ရေးမပြ တတ်တော့ပါ။
ကိုသန်းလွင်
Ref: Times for GOP to threaten to Fire Trump by Thomas Freeman New york Times December 29 2018
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
