ကဗျာဆရာ လွှမ်းရုံရဲ့ကဗျာစာအုပ်ထွက်ရှိ
K (မိုးမခစာအုပ်စင်) သြဂုတ် ၃၀၊ ၂၀၁၈
ကဗျာဆရာလွှမ်းရုံရဲ့ငရဲလမ်းမှတ်တမ်း အမည်ရတဲ့ကဗျာစာအုပ်ကို အဖြူရောင်ပဲ့တင်စာအုပ်တိုက်ကနေ သြဂုတ်လ အတွင်း ပထမအကြိမ်ထုတ်ဝေလိုက်ပါတယ်။
ကဗျာဆရာလွှမ်းရုံကိုယ်တိုင် ပြောစရာနည်းနည်းဆိုကာ စာအုပ်ဖြစ်ပေါ်လာပုံနဲ့ပတ်သက်ပြီး အမှာစကားပြောဆိုထားပြီး သူငယ်ချင်းဖြစ်သူ ကဗျာဆရာ ဘုန်းသက်ပိုင်ကလည်း လွှမ်းရုံအတွက်လွှမ်းရုံအကြောင်း အရေးအသားအချို့ဆိုပြီး အမှာ စကားပြောဆိုထားပါတယ်။
စာအုပ်မှာ ကဗျာ ၄၄ပုဒ် ပါဝင်ပြီး ပါဝင်တဲ့ကဗျာတွေကတော့ “ပြောတော့ပြောတာပဲ၊ ဘယ်လိုပြောရမလဲ။ ဘ၀တွေ လဒ တွေ အညံ့တွေ။ ဒီမျက်နှာပေါက်ပါပဲ ဒီမနက်။ အိပ်မက် ကနိုးလာတော့ တို့တတွေ နှလုံးသားမရှိတော့ဘူး။ တစ်ခါက မြို့ပတ်ရထားပေါ်မှာ။ ပြိုသွားတဲ့အိပ်မက် ဘာနဲ့ဆက် မက်မလဲ။ ငါလွမ်းနေတုန်းပဲခိုင်ခိုင်တင့်။ ဒါပဲပေါ့ကဗျာ။ ရေလိုက်လွဲ တယ်၊ အရသာရှိတယ်။ ငါငယ်ငယ် ငါပျော်ပျော်။ ငါငယ်ငယ် ကျည်မှန်ခဲ့တဲ့ခေတ်ကြီးရယ်။ ငါငယ်ငယ် ငါ့ဟာသတွေ။ ကဒါဖီရဲ့နောက်ဆုံးမျက်နှာ အရသာခံကြည့်ခြင်း။ အတည်ပေါက် ဇာတ်ဝင်ခန်း။ အသံပြာ ငယ်သံပါ ဒီအပ်ကြောင်းပါပဲ။ ကိုယ့်ဒူးကိုယ်ချွန်။ စိတ်မရှိနဲ့ရန်ကုန်။ မြေမဲ့လေမဲ့ လူလို့ဆိုပေမယ့်။ သားဆိပ်တက်နေတဲ့ကဗျာ။ တိုင်းပြည်ရဲ့အပြင်ဘက် တစ်လမ်းစီ သွားနေတဲ့စိတ်နဲ့ကိုယ်။ အမည်မဲ့နေရာ မဲ့ နှစ်ပေါင်း၃၀။ လာမယ့်နှစ်တစ်ရာ။ လွှမ်းရုံသို့မဟုတ်ခွေးတစ်ကောင်။ ၃၆နှစ်မြောက်ကဗျာ။ ခင်မောင်ရင်စကား လွှမ်းရုံ ကဗျာ။ ၄၀နားမှာ နားနေတဲ့အသံ။ မဆုံးသေးတဲ့ကဗျာ။ ကိုယ့်အကြောင်း ကိုယ်ပြောတဲ့ မျိုးဆက် ငြိမ်းချမ်းအကြောင်း။ သေရဲမှ လှသန်းကိုဖတ်။ ကျနော်တို့ဆုတောင်းပေးစရာမလိုဘူး။ သမ္မတဟာ ဒလဘန်းမဟုတ်ဘူး။ စန္ဒရားဆရာမ။ သေခြင်းတရားဟာဆုလာဘ်၊ အရောင်မဲ့ အနေရဲခြင်း။ မရေးချင်တဲ့ ဘ၀သရုပ်ဖော်။ မရေးချင်တဲ့ ဘ၀သရုပ်ဖော်(၃)။ သူမတူခဲ့သော ကျနော်တို့ပြည်သူ။ အာဖဂန်စစ်ပြေးဒုက္ခသည်တစ်ဦးရဲ့စာ။ ဘာပဲလုပ်ရ လုပ်ရလေ။ ၁၆နှစ်က ကျနော့်ဆရာ အဆိုးမြင်။ ခင်ဗျားနဲ့ကျနော် ဒီလိုပဲ အိုတော့မယ်။ တောင်ရောက်မြောက်ရောက် လူအိုတစ်ယောက်” တို့ဖြစ်ပါတယ်။
ယခုစာအုပ်ဟာ ကဗျာဆရာလွှမ်းရုံရဲ့ပထမဆုံးအကြိမ် တကိုယ်တော် ကဗျာလက်ရွေးစင် စုစည်းမှုဖြစ်ပြီး ကဗျာရေးသား ထုတ်ဝေရခြင်းနဲ့ပတ်သက်ပြီး သူကိုယ်တိုင်ရေးတဲ့အမှာစာမှာ “ကဗျာဆိုတာက ကိုယ်ရေးချင်သလိုရေးရတာမို့ ဘာမှ ပြော စရာ မရှိပါ”လို့လည်း စာအုပ်မှာ ပြောဆိုထားပါတယ်။ မျက်နှာဖုံးကို သက်ငြိမ်သစ်က ရေးဆွဲထားပြီး တန်ဖိုး၂၀၀၀ ကျပ်နဲ့ ဖြန့်ချိထားပါတယ်။
(ယခုကဏ္ဍအတွက် ပူးပေါင်းပါဝင်လိုသူများသည် မေတ္တာလက်ဆောင် စာအုပ်နှစ်အုပ်ဖြင့် 09-790 96-20-67 သို့ ဆက် သွယ်နိုင်ပါသည်။)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
