ကဗျာ ဆောင်းယွန်းလ

ဆောင်းယွန်းလ – “ညနှစ်ချက်ထိုးမှာ ခပ်ဖွဲဖွဲရွာတဲ့မိုး”

 

ဆောင်းယွန်းလ  – “ညနှစ်ချက်ထိုးမှာ ခပ်ဖွဲဖွဲရွာတဲ့မိုး”
(မိုးမခ) ဇွန် ၂၀၊ ၂၀၁၆

ညရဲ့ ရင်ဘတ်ကို
တစစီဆွဲပြီး ခွဲကြည့်မိတော့
ငြိမ်သက်ခြင်းဟာ
အမှောင်လမ်းမထက်ကို ပဲ့ကျလာတယ်

အင်ဒီယာနာ နွေညရဲ့
လေပြေလေညင်းတချို့ကတော့
ဇာခန်းစည်းတွေအပေါ်မှာ Jazzဂီတနဲ့ ယိမ်းကနေကြပေါ့

သက်ဆိုင်သူတွေ ၀င်သွားခဲ့ပြီး
မသက်ဆိုင်တော့သူတွေ ပြန်ထွက်သွားကြတဲ့
အိမ်တဖက်လမ်းက ကဖေးဆိုင်ထဲမှာ
ဆိုင်သူတွေရော မဆိုင်သူတွေပါ မရှိကြတော့နေ့တဓူဝရဲ့ အပိုင်းအစတချို့ကို
တစစီ ပြန်ကောက်သိမ်းရင်း
ပြာလဲ့လဲ့ အခန်းမီးကို လရောင်နဲ့ငြှိမ်းလိုက်မိတော့
နံရံကပ် နာရီဟာ
ညနှစ်နာရီရှိရာကို ညွှန်ပြနေလေပေါ့

ကိုယ့်အတွက်တော့
နာရီပြန်နှစ်ချက်ထိုးမှ ကဗျာမိုးဖွဲလေးရွာနိူင်တယ်

သြော်…..
လွတ်လပ်တယ်ဆိုတဲ့ နိူင်ငံမှာလည်း
လွတ်လပ်ခြင်းဆိုတဲ့ စကားလုံး ဆက်ထုံးတွေနဲ့ငြိနေတုန်းပါပဲလား…။

(ဇွန် ၁၉ရက်၊ ၂၀၁၆)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
My Friend Tin Moe By Maung Swan Yi - Selection of MoeMaKa Articles

Similar Posts