မောင်မောင်စိုး – တအန်း ပလောင် နှင့် TNLA – အပိုင်း (၁၀)
● တအန်း ပလောင်တို့၏အမျိုးသားစိတ်
လူမျိုးတိုင်းသည် ရုန်းကန်လှုပ်ရှားရင်း ရှင်သန်ကြသည်။ အခက်ခဲအကြပ်အတည်းများကိုကျော်လွှားရင်း ကြံ့ခိုင်လာကြသည်။ ပညာရေးရေချိန်မြင့်တက်လာသည်နှင့်အမျှ နိုင်ငံရေးအသိမြင့်တက်လာကြသည်။ အမျိုးသားစိတ်မြင့်တက်လာကြသည်။
ယနေ့ တအန်း ပလောင်တို့၏ အမျိုးသားစိတ်နှင့် နိုင်ငံရေးအသိမြင့်မားမှုကို မလွဲမသွေ အသိမှတ်ပြု ရန်လိုအပ်သည်။ ထို့အ တူ တအန်းတို့၏ တန်းတူရေးပြဿနာ တိုင်းရင်းသားအခွင့်အရေးပြဿနာ လက်နက်ကိုင်တပ်ဖွဲ့များကိုလည်း မှန်မှန်ကန် ကန် ကြည့်မြင်ဖြေရှင်းရန်လိုအပ်ပေလိမ့်မည်။ အမျိုးသားစိတ်နိုးကြားထကြွလာသော လူမျိုးတမျိုးအား ချိုးနှိမ်ရန်မဖြစ်ရန်ပေ။ လမ်းကြောင်းမှန်စေရန်သာ လိုအပ်ပေသည်။
● SSPP ၏ ရပ်တည်ချက်
တကယ်တမ်း TNLA နှင့် နယ်မြေဆက်စပ်လှုပ်ရှားနေသည်မှာ SSPP/SSA မြောက်ပိုင်းအဖွဲ့ဖြစ်သည်။ SSPP ၏လက် အောက်ခံ တပ်မ ၉၉၉ မှ တပ်မဟာ ၁ တပ်မဟာ ၆၂၁ တပ်မဟာ ၁၅၃ စသည့် တပ်မဟာ ၃ ခုနှင့် TNLA လှုပ်ရှား နယ်မြေများသည် ဆက်စပ်နေသော်လည်း ပြဿနာကြီးကြီးမားမားဖြစ်ပွားခြင်းမရှိပေ။ မဟာမိတ်များလည်းဖြစ်သဖြင့် တပ် ပေါင်းစုသဘောအရ ညှိနှိုင်းဖြေရှင်းနိုင်ကြသည်ကို တွေ့ရသည်။
လက်ရှိ TNLA နှင့် RCSS ပြဿနာဖြစ်ပွားရာတွင် SSPP အနေနှင့် ၂၀၁၆ ဖေဖော်ဝါရီ ၁၂ ရက်နေ့က ကြေငြာချက်တရပ်ထုတ်ပြန် သည်ကိုတွေ့ရသည်။ ၎င်းကြေငြာချက်တွင် လက်ရှိ TNLA နှင့် RCSS ကြားဖြစ်ပွားနေသောစစ်ပွဲများကြောင့် ရှမ်းရော ပ လောင်တိုင်းရင်းသားများပါ စစ်ဘေးဒုက္ခသည်ထောင်ချီရှိလာ၍ စိုးရိမ်ပူပန်မိကြောင်း နှစ်ဖက်အဖွဲ့များအနေနှင့် နိုင်ငံရေး အရတွေ့ဆုံဆွေးနွေးဖြေရှင်းကြရန် တောင်းဆိုကြောင်းဖေါ်ပြသည်။ ထို့ပြင် လက်တွေ့တွင်လည်း TNLA နှင့် RCSS နှစ် ဖက်စလုံးသို့ SSPP မှ ကိုယ်စားလည်စေညှိနှိုင်းနေကြောင်းဆိုပါသည်။ TNLA နှင့် မဟာမိတ်လည်းဖြစ် RCSS နှင့် လူမျိုး လည်းတူ ဆက်ဆံရေးလည်းကောင်းသော SSPP ၏သမာသမတ်ကျသော ရပ်ခံညှိနှိုင်းမှုသည် ပြဿနာကိုပြေလည်နိုင်စွမ်းရှိနိုင်ကောင်းသည်ဟုသာ မျှော်လင့်ရပေတော့သည်။
သို့သော် လက်ရှိ ရွှေလီချိုင့်ဝှမ်းဂွင်အတွင်း ဝင်ရောက်လာသော RCSS တပ်ဖွဲ့ အစိုးရနှင့် မည်မျှသဘောတူညီမှုယူထားသနည်း ဆိုသည်က အရေးပါပေလိမ့်မည်။ RCSS ခေါင်းဆောင် စဝ်ရွက်ဆစ်ကိုယ်တိုင် ၂၀၁၅ ဒီဇင်ဘာလအတွင်း ကျောက်မဲသို့ လာရောက်ပြီး မြန်မာစစ်ဖက်ခေါင်းဆောင်များနှင့်ဆွေးနွေးခဲ့သည်ဟု သတင်းများထွက်ပေါ်နေသည် မဟုတ်ပါလော။ ထို့ ပြင် လွယ်တိုင်းလျံဌာနချုပ်မှ ဝေးကွာသောနေရာတွင် လာရောက်လှုပ်ရှား တ်ိုက်ပွဲဖြစ်ပွားနေသော RCSS အတွက် လိုအပ် သည့် ခဲယမ်းမီးကျောက်ထောက်ပံ့မှုဘယ်ကရသနည်းဆိုသည်မှာလည်း စဉ်းစားစရာဖြစ်သည်။ စစ်ရေးအကဲခတ်အများစု ကတော့ RCSS ၏ လက်နက်ခဲယမ်းထောက်ပံ့နိုင်မှုကို တွက်ဆရခက်နေပေသည်။
ဤသို့သောအခြေအနေအောက်တွင် RCSS ၏ နောက်ထပ်တပ်များ ဖြည့်တင်းလာနိင်သည့်အလားအလာအောက်တွင် SSPP စွမ်းဆောင်မှုမည်မျှပေါက်မြောက်မည်နည်းကို စောင့်ကြည့်ရပေမည်။ တကယ်တော့ ဤပြဿနာသည် တိုင်းရင်း သားလက်နက်ကိုင်အဖွဲ့များ ညီညွတ်ရေးပါထိခိုက်နိုင်သည့်အပြင် ရှမ်းနှင့်ပလောင်ကြား မလိုလားအပ်သည့် လူမျိုးရေးပဋိ ပက္ခများ ပေါ်လာနိုင်သည်ဖြစ်ရာ SSPP အတွက်လည်း အရေးကြီးပြဿနာဖြစ်နေပေတော့သည်။
● TNLA နှင့် စစ်မျက်နှာသုံးခု
မူလက TNLA အနေနှင့် မြန်မာစစ်ဖက်နှင့်သာတိုက်ခိုက်နေရာ စစ်မျက်နှာတခုတည်းရှိသည်ဟု ဆိုနိုင်သည်။ သို့သော် ၂၀၁၅ နိုဝင်ဘာလကုန်ပိုင်း RCSS တပ်များဝင်ရောက်လာပြီးကထဲက မြန်မာစစ်ဖက်နှင့်သာမက RCSS တပ်များနှင့်ပါစစ် မျက်နှာ တဖက်ဖွင့်တိုက်ရသည့်အခြေအနေဆိုက်ရောက်သွားသည်။ စစ်ရေးအရ ပို၍သတိထားရသော အကျဉ်းအကြပ် အ ခြေအနေတခုကို ရင်ဆိုင်ရသည်ဟုဆိုရမည်။
ထိုသို့စစ်ရေးအရ စစ်မျက်နှာနှစ်ဖက်ဖွင့်ထားချိန်တွင် နောက်ထပ်စစ်မျက်နှာ တစ်ခုထပ်ပေါ်လာသည်မှာ လူမျိုးရေးမုန်းတီးမှု ဝါဒဖြန့်ပြောဆိုမှုများကို ရင်ဆိုင်ရသည့်စစ်မျက်နှာဖြစ်သည်။ ဤစစ်မျက်နှာသည် သေနတ်ကိုင်တိုက်ရသည့် စစ်မျက် နှာနှစ် ခုလို ကြမ်းတမ်းခြင်းမရှိ။ နူးညံ့ပျော့ပြောင်း၍ အလွန်အကဲဆတ်သည့် သိမ်မွေ့စွာကိုင်တွယ်တုန့်ပြန်ရသည့် စစ်မျက်နှာဖြစ် သည်။
ဤစစ်မျက်နှာတွင် TNLA သည် အချိန်နှင့်တပြေးညီ သတင်းများထုတ်ပြန်၍ ပြန်လည်တုန့်ပြန်နေသည်ကိုတွေ့ရသည်။ သို့သော် ဤမျှနှင့် လုံလောက်မည်မဟုတ်ပေ။ TNLA လှုပ်ရှားရာဒေသရှမ်းရွာများမှ ရှမ်းလူထုနှင့်ဆက်ဆံရေးကို ကောင်းမွန် အောင်တည်ဆောက်ရန်လိုပေလိမ့်မည်။ လူမျိုး ရေးမုန်းတီးလှုံ့ဆော်ဝါဒဖြန့်ချက်များကို ရှင်းလင်းရသည့် ဤစစ်မျက်နှာသည် နူးညံ့သိမ်မွေ့စွာကိုင်တွယ်ရန် အထူးလိုအပ်သည်။ သည်းခံခြင်း အနစ်နာခံခြင်းများလိုအပ်သည်။ အကြမ်းနည်းဖြင့်တုန့်ပြန်၍မရနိုင်ပေ။
လက်ရှိ TNLA စစ်ရေးအရ ရင်ဆိုင်ရသောစစ်မျက်နှာတွင် မြန်မာစစ်ဖက်၏ လှုပ်ရှားမှုလျော့ကျသွားပြီး RCSS တပ်နောက်တွင် သာရှိနေသည်ကိုတွေ့ရသည်။ သို့သော် အခြေအနေအပြောင်းအလဲဆိုသည်မှာ အချိန်မရွေးဖြစ်ပေါ်နိုင်သည့် အခြေအနေရှိ သည်ဟု ဆိုရပေမည်။
● လက်ရှိ TNLA တပ်ဖွဲ့စည်းမှု
၂၀၁၅ နှစ်ဆန်းပိုင်းတွင် TNLA သည် နယ်မြေအခြေစိုက် တပ်မဟာ ၃ ခုနှင့် လှုပ်ရှား ဗျူဟာ ၃ ခုဖွဲ့စည်းထားရာမှ လှုပ်ရှားဗျူ ဟာတစ်ခုအား ကိုးကန့်အဖွဲ့အားစေလွှတ်ကူညီပေးခဲ့သည်။ ၂၀၁၅ နှစ်ကုန်ခါနီးတွင် နယ်မြေအခြေစိုက် တပ်မဟာ ၄ ခုနှင့် လှုပ်ရှားဗျူဟာ ၂ ခုအဖြစ် ပြောင်းလဲဖွဲ့စည်းသည်ကိုတွေ့ရသည်။ ကိုးကန့်သို့ပို့ထားသော လှုပ်ရှားဗျူဟာအား ပြန်လည် ထုတ်နှုတ်လိုက်ပုံရသည်။
အသစ်ဖွဲ့လိုက်သော တပ်မဟာအား တပ်မ ဟာ ၅ အဖြစ်သတ်မှတ်သည်ကိုတွေ့ရသည်။ တပ်မဟာ ၅ နယ်မြေမှာ တာမိုးညဲ သိန္နီ ကွတ်ခိုင် တဝိုက်ဖြစ်ဖွယ်ရှိသည်ဟု ခန့်မှန်းရပါသည်။ လက်ရှိတွင် တပ်ရင်းပေါင်း ၂၆ ရင်းထိ ဖွဲ့စည်းထားသည် ဟု ဆိုပါသည်။ စုစုပေါင်းအင်အားအား ၄၀၀၀ ဟုလည်းကောင်း၊ ၅၀၀၀ ခန့်ဟုလည်းကောင်း၊ ၆၀၀၀ ခန်ဟုလည်းကောင်း အ မျိုးမျိုးခန့်မှန်းပြောဆိုမှုများရှိကြရာ အနည်းဆုံး ၄၀၀၀ အထက် ရှိမည်ဟု ယူဆရပါသည်။
● မြန်မာစစ်ဖက်နှင့် RCSS
လက်ရှိ ရွှေလီချိုင့်ဝှမ်းဂွင်သို့ RCSS တပ်ဖွဲ့များဝင်ရောက်လာခြင်းသည် မြန်မာစစ်ဖက်၏ သဘောတူညီချက် (ဝါ) မြန်မာစစ်ဖက်၏အစီအမံဖြစ်ဖွယ်ရှိသည်ဟု အများကသုံးသပ်ယူဆကြသည်။ ရှမ်းရွာများလည်းရှိ၍ ရှမ်းတပ်ဖြစ်သော RCSS ကို အ ခြေချခွင့်ပြုခြင်းဖြစ်သည်ဟူသည့် အကြောင်းပြချက်သည် လုံလောက်မည်မဟုတ်ချေ။ အဘယ်ကြောင့်ဆိုသော် NCA လက် မှတ်ထိုးထားသော KNU အဖွဲ့အား ယခင်၎င်းတို့အခြေချခဲ့ရာ ပဲခူးရိုးမနှင့် မြစ်ဝကျွန်းပေါ်ဒေသသို့ ပြန်လည်အခြေချရန်မြန်မာစစ်ဖက်အနေနှင် သဘောတူဖွယ်ရာ လုံးဝမရှိ၍ ဖြစ်သည်။
လက်ရှိ အင်အားတိုးပွားလာနေသောလက်နက် ကိုင်ပဋိပက္ခဖြစ်ပွားနေသော TNLA လှုပ်ရှားရာဒေသသို့ RCSS တပ်ဖွဲ့များ အား ဝင်ရောက်ခွင့်ပြုခြင်းသည်လည်း ပြဿနာကို မှန်ကန်စွာဖြေရှင်းသည့်နည်းလမ်းဟု ယူဆဘွယ်ရာမရှိချေ။ TNLA ကို RCSS နှင့်ရင်ဆိုင်ခိုင်း၍ လက်နက်ကိုင်ပဋိပက္ခများပို၍ဆိုးလာသည်ကိုသာ တွေ့ရသည်။ ၁၉၉၀ နောက်ပိုင်း မိုင်းဆတ်ခရိုင် အရှေ့ဖက်ခြမ်း ထိုင်းနယ်စပ်တလျောက် ခွန်ဆာတပ်များကို UWSA အား သွားရောက်တိုက်ခိုက်နေရာယူရန်ခွင့်ပြုခဲ့ဘူး သည်။ MTA ရှုံးနိမ့်သောနေရာတွင် အစိုးရနှင့်ငြိမ်းချမ်းရေးယူထားသော UWSA တပ်များအစားထိုး ဝင်ရောက်နေရာယူ နိုင်ခဲ့သည်။ သို့သော် တိုင်းရင်းသားလက်နက်ကိုင်တဖွဲ့နေရာတွင် နောက်တဖွဲ့အစားထိုးသည်ကလွဲ၍ ပြဿနာကို မဖြေ ရှင်းနိုင်ပေ။ အဆိုပါဒေသတွင် UWSA တို့ အားကောင်းလာပြီး ၂၀၀၉ ခုနှစ် နအဖ အစိုးရကဖယ်ခိုင်းသောအခါ ဖယ်မ ပေးနိုင်ဟုတုန့်ပြန်၍ တင်းမာမှုများ ဖြစ်ပွားနေသည်မှာ ယနေ့တိုင်ဖြစ်ပေသည်။
လက်ရှိရွှေလီချိုင့်ဝှမ်းဂွင်ပြဿနာမှာ ထိုကာလထက်ပိုဆိုးသည်။ ထိုစဉ်က UWSA ၏ တပ်အင်အားနှင့် တိုက်ရည်ခိုက်ရည်မှာ ခွန်ဆာ၏ MTA ထက်သာလွန်၍ တိုက်ပွဲကြီးများ စခန်းသိမ်းတိုက်ပွဲများဖြစ်သော်လည်း အချိန်သိပ်မကြာခဲ့။ ဒေသခံ လူထု လည်း စစ်ဒဏ်သိပ်မခံလိုက်ရပေ။ သို့သော် ရွှေလီချိုင့်ဝှမ်းဂွင်တွင်မူ RCSS ၏အင်အားနှင့် တိုက်ရည်ခိုက်ရည်မှာ TNLA ကို သာလွန်ခြင်းမရှိသည့်ဖြစ်ရာ လူထုပေါ်လည်း စစ်ဒဏ်ပြင်းထန်စွာ သက်ရောက်စေသည်။
ထို့အပြင် လက်ရှိဖြစ်ရပ်နှင့်ပတ်သက်၍ တိုင်းရင်းသားလက်နက်ကိုင်တပ်ဖွဲ့တို့၏ ခေါင်းဆောင်တို့အမြင်မှာ တိုင်းရင်းသားလက်နက်ကိုင်တပ်ဖွဲ့အချင်းချင်း ရန်တိုက်ပေးသကဲ့သို့ဖြစ်ပြီး တိုင်းရင်းသားလက်နက်ကိုင်တပ်ဖွဲ့တို့၏ တပ်ပေါင်းစုကို ဖြိုခွဲ သည့်လုပ်ရပ်အဖြစ် ကြည့်မြင်ကြရာ မြန်မာစစ်ဖက်ခေါင်းဆောင်တို့အပေါ် တိုင်းရင်းသားလက်နက်ကိုင်တပ်ဖွဲ့တို့၏ခေါင်း ဆောင်များ ယုံကြည်မှုလွန်စွာလျော့ပါးစေသည်။ အနာဂါတ်ငြိမ်းချမ်းရေးချမ်းများအတွက် အဖုအထစ်ဖြစ်စေသည်။
RCSS ခေါင်းဆောင် စဝ်ရွက်ဆစ်မှာ မူလက ခွန်ဆာနှင့် ပူးပေါင်းစဉ်ကာလက မူးယစ်ဆေးဝါးနှင့်ပတ်သက်ပြီး လွန်စွာနာမည် ပျက်ခဲ့သည်။ ယခု NCA လက်မှတ်ထိုးပြီးနောက် ဥရောပနိုင်ငံများသို့ပင် အလည်အပတ်ခရီးသွားခဲ့ပြီး ဆုတံဆိပ်များချီးမြှင့်၍ သူကောင်းပြုခံရဘွယ်ပင်ရှိနေသည်။ မြန်မာအရေးတွင် ပါဝင်ပတ်သက်နေသူ နိုင်ငံခြားတိုင်းပြည်အားလုံးလိုလိုသည် ပြဿ နာကို မှန်မှန်ကန်ကန်ကြည့်သည်ထက် သူ့လူ ကိုယ်လူ သူ့အကျိုးစီးပွား ကိုယ်အကျိုးစီးပွားဆိုသည့်ဘက်ကသာကြည့်ကြ လေရာ မြန်မာ့တိုင်းရင်းသားအရေးသည် ပို၍ ရှုတ်ထွေးနေသည်ဟုဆိုရပါမည်။
သို့သော် RCSS အနေနှင့် UNFC နှင် SSPP/SSA တို့၏ကြားဝင်ညှိနှိုင်းပေးမှုကို လက်ခံပြီး TNLA နှင့်ဆွေးနွေးမည်ဆိုပေရာ အလားလာကောင်းကို မျှော်လင့်၍ ရနိုင်သေးသည်ဟုဆိုရပေမည်။
● ရွှေလီချိုင့်ဝှမ်းဂွင်နှင့် စီးပွားရေးအလားအလာ
ရွှေလီချိုင့်ဝှမ်းဂွင်အတွင်း RCSS တပ်ဖွဲ့ဝင်များ ဝင်ရောက်လာပြီး တိုက်ပွဲများပြင်းထန်စွာဖြစ်ပွားနေခြင်းသည် နောက်ကွယ်၌ အခြားမည်သည့်အကြောင်းအချက်များရှိနေသနည်း။ ရွှေလီချိုင့်ဝှမ်းဂွင် အနာဂါတ်စီးပွားရေးအလားအလာများ အကျိုး အ မြတ်များရှိ၍လောဆိုသည်မှာ စဉ်းစားဖွယ်ဖြစ်သည်။
ဥပမာဆိုရလျင် နမ့်ခမ်းမှ ရွှေလီချိုင့်ဝှမ်းဂွင်အားဖြတ်၍ စဥ့်ကိုင် မန္တလေးထိ အဝေးပြေးလမ်းမကြီးတစ်ခုကို ဖေါက်လုပ်မည် ဆိုပါက တရုတ် နယ်စပ်မှ မန္တလေးအထိ ဖြောင့်တန်းမြန်ဆန်သည့်အဝေးပြေးလမ်းမကြီးတခုပေါ်လာနိုင်သည်။ ထိုသို့သော လမ်းမကြီးဖေါက်လုပ်မှုသည် ဒေါ်လာဘီလီယံနှင့်ချီ၍တန်သော စီမံကိန်းကြီးဖြစ်မည်ဖြစ်သကဲ့သို့ ပါဝင်ပတ်သက်သူများ မှာ လည်း ကြီးစွာသောအကျိုးအမြတ်ကို ရနိုင်ကြမှာ အမှန်ဖြစ်သည်။ ဤသို့သောလမ်းမကြီးဖေါက်လုပ်ပါက မြဝတီ ကော့က ရိတ်ကြား ဒေါနတောင်ခြေမှ ပတ်ဖေါက်သည့်အာရှလမ်းသစ်ကဲ့သို့ ကုန်သွယ်ရေးအတွက် အရေးပါသောလမ်းမကြီးဖြစ်လာနိုင်ပေသည်။
သို့ဖြစ်ရာ ထိုဒေသတွင်း နယ်မြေလုတိုက်ပွဲများပြင်းထန်စွာ ဖြစ်နေခြင်းသည် အနာဂါတ်စီးပွားရေးလုပ်ငန်းများနှင့် ပတ်သက်နေဘွယ်ရှိမရှိစောကြောရန်လည်း လိုအပ်ပေလိမ့်မည်။ တိုင်းရင်းသားများ၏ဒေသတွင်းရှိ စီးပွားရေးအကျိုးစီးပွားများကလည်းအခြေအနေများကို ပို၍ရှုပ်ထွေးစေတတ်ပေသည်။
ဆက်လက်ဖေါ်ပြပါမည်
photo credit Mungdungla Wawhkyung
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
