 |
| ၂ဝ၁၅၊ ဇူလိုင် ၁၉ ရက်နေ့က ရန်ကုန်မြို့တွင် အမျိုးသားဒီမိုကရေစီအဖွဲ့ချုပ် အဖွဲ့ဝင်တို့နှင့်အတူတွေ့ရသော ဗိုလ်ချုပ်အောင်ဆန်းဓာတ်ပုံကိုင်
လူငယ်တစ်ဦး (ဓာတ်ပုံ – Myanmar Now / ခွန်းလတ်)
|
(မိုးမခ) အောက်တိုဘာ ၁၂၊ ၂၀၁၅
ယခုဆောင်းပါးအား Myanmar Now မှ ရယူပါသည်။
ရန်ကုန် (Myanmar Now) – နိုဝင်ဘာ ရွေးကောက်ပွဲအတွက် သန်း ၃ဝ ကျော် ပြည်သူတွေ မဲရုံသွားဖို့ ရက်သတ္တ ၄ ပတ်သာ လိုတော့တဲ့အချိန်မှာ ရန်ကုန်မြို့မဲဆန္ဒနယ်အများအပြားမှာဝင်ပြိုင်ကြမယ့် အမတ်လောင်းတွေဟာ အဓိက အခက်အခဲကြီး နှစ်ခုနဲ့ ကြုံတွေ့နေရပါတယ်။ အဲဒါကတော့ ရွေးကောက်ပွဲကို စိတ်မဝင်စားသူတွေ မဲပေးချင်လာအောင် ဆောင်ရွက်ရေး၊ အမျိုးသားဒီမိုကရေစီအဖွဲ့ချုပ် (NLD) ကိုသာ ဝိုင်းဝန်းထောက်ခံနေသူတွေ ကိုယ့်ဘက်ပါလာကြအောင် စည်းရုံးရေးတို့ပဲ ဖြစ်ပါတယ်။
မကြာသေးမီက ရန်ကုန်ရဲ့မြို့နယ်သုံးခုအတွင်း တွေ့ဆုံမေးမြန်းခဲ့တဲ့ မဲဆန္ဒရှင် ၄၅ ယောက်ဟာ ရွေးကောက်ပွဲနဲ့ပတ်သက်ပြီး အမြင်အမျိုးမျိုးရှိတာ တွေ့ရပေမယ့် သူတို့ထဲက ထက်ဝက်ကျော်ကတော့ ဒေါ်အောင်ဆန်းစုကြည်ရဲ့ NLD ပါတီကို မဲပေး ကြမယ်လို့ ဆိုကြပါတယ်။ ကျန်လူတွေထဲမှာတော့ အများစုက မဲပေးခြင်းနဲ့ရွေးကောက်ပွဲကို စိတ်မဝင်စားဘူးလို့ မှတ်ချက် ပေးပါတယ်။ ၄ ဦးကတော့ ကိုယ်စားလှယ်လောင်းတွေကို လေ့လာပြီးမှ မဲသွားပေးမယ်လို့ ပြောပါတယ်။
အားလုံးနီးပါးက အာဏာရ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ NLD တို့ကိုသာ အကျွမ်းတဝင်ရှိကြပြီး ကျန်တဲ့ပါတီ တွေကို မသိကြပါဘူး။ ဒါကတော့ တစ်သီးပုဂ္ဂလအမတ်လောင်းများ၊ ပါတီငယ် ကိုယ်စားပြု အမတ်လောင်းများ အားလျော့ စရာအချက်ပါပဲ။
ပါတီကြီးဖြစ်တဲ့ NLD က အမတ်လောင်း ရွေးချယ်ရာမှာ ၈၈ မျိုးဆက် ပွင့်လင်းလူ့အဖွဲ့အစည်းက ဦးကိုကိုကြီးနဲ့လုပ်ဖော်ကိုင်ဘက် အများအပြားကို ပယ်ချခဲ့တဲ့အတွက် ပြီးခဲ့တဲ့လတွေအတွင်း ဒီမိုကရေစီအင်အားစုတွေကြား အကြီးအကျယ် ဝေဖန် ခံရပါတယ်။ အခြားတစ်ဘက်မှာလည်းအမျိုးသားရေးဝါဒီတွေရဲ့ လှုပ်ရှားမှု၊ ထိုးနှက်မှုတွေ ရှိနေပါတယ်။ လူဦးရေ ၇ ဒသမ ၃ သန်းရှိတဲ့ ရန်ကုန်မြို့မှာ NLD အများစုအနိုင်ရမယ်ဆိုတဲ့ လူအများရဲ့ ခန့်မှန်းချက်ကို ဒီမြို့နယ်သုံးခုမှာတွေ့ခဲ့တဲ့ မဲဆန္ဒရှင်တွေရဲ့ ပြောကြားချက်က အတည်ပြုသလိုဖြစ်နေပါပြီ။ မြို့နယ်သုံးခုရဲ့ NLD အမတ်လောင်းများစာရင်းထဲမှာ ဘလော်ဂါနေဘုန်းလတ်၊ ဒေါ်ဖြူဖြူသင်း၊ ဒေါက်တာမြတ်ဉာဏစိုး စတဲ့ ထင်ရှားသူတို့ရဲ့နာမည်တွေကိုလည်း တွေ့ရမှာပါ။
နိုဝင်ဘာ ၈ ရွေးကောက်ပွဲနေ့ရောက်ရင် NLD အမတ်လောင်းတွေကိုပဲ မဲထည့်ဖြစ်မယ်ဆိုသူတွေထဲမှာ တခြား ရွေးချယ်စရာ ပါတီမရှိဘူးလို့ ပြောသူတချို့လည်း ရှိကြပါတယ်။
“ကိုယ့်မြို့နယ်မှာ ဘယ်သူတွေ ဝင်ပြိုင်တယ်ဆိုတာတော့ အတိအကျမသိဘူး။ ဒါပေမယ့် ကျွန်တော်တို့ ပေးရမယ့်ပါတီ ကိုတော့ သိတယ်။ သူ့တံဆိပ်ကိုလည်း သိတယ်။ နှစ်ပေါင်းများစွာနောက်ကျခဲ့တဲ့တိုင်းပြည်ကို အပြောင်းအလဲလုပ်ရ မယ့် အချိန်ပဲ” လို့ သင်္ဃန်းကျွန်းမြို့နယ်က ကိုဇေယျာလင်းက ပြောပါတယ်။
“ပတ်ဝန်းကျင်မှာတော့ နိုင်ငံရေးကို သိပ်စိတ်မဝင်စားကြဘူးဗျ။ ကိုယ့်နီးစပ်ရာတွေကို လိုက်တော့ပြောပြတယ်၊ ဘာဖြစ်လို့လဲ ဆိုတော့ လက်ရှိတိုင်းပြည်ကို အပြောင်းအလဲလုပ်နိုင်တာ အမျိုးသားဒီမိုကရေစီအဖွဲ့ချုပ်မို့လို့။ အဲဒီပါတီကို သိပ်ကြိုက်လားဆို ရင်တော့ လက်ရှိအချိန်မှာ တခြားရွေးချယ်စရာမှ မရှိတာ” လို့ သူက ပြောပါတယ်။
မင်္ဂလာတောင်ညွန့်မြို့နယ်က အမည်မဖော်လိုတဲ့ နိုင်ငံ့ဝန်ထမ်းတစ်ဦးရဲ့ ပြောကြားချက်ကလည်း အလားတူပါပဲ။
“အခုချိန်မှာတော့ အားလုံးက ဒေါ်စု၊ ဒေါ်စုလို့ အော်နေပေမဲ့ (သူဦးဆောင်တဲ့အခါ) သူ့အောက်ကလူတွေက မကောင်းရင် ဘယ်လိုလုပ်မလဲ။ လက်ရှိအစိုးရ ဦးသိန်းစိန်ကိုကြိုက်တယ်။ ဒါပေမဲ့ သူအောက်ကလူတွေ မမှန်ဘူး၊ သူ့လိုမဟုတ်ဘူး။ ဒီနှစ်ခုကို ယှဉ်ကြည့်တဲ့ သဘောပါ။ ဒေါ်စုကိုကြိုက်ပါတယ်။ နိုင်ငံရေးအပြောင်းအလဲဖြစ်အောင် ထုံးစံအတိုင်း NLD ကိုပဲ ထည့်ရမှာပေါ့” လို့ သူက ပြောပါတယ်။
သင်္ဃန်းကျွန်းက အနှေးယာဉ်မောင်းတစ်ဦးဖြစ်သူ ကိုရန်နောင်စိုးက နိုင်ငံရေးကို စိတ်မဝင်စား၊ သူ့နာမည် မဲစာရင်းထဲမှာ မပါရင်လည်း ဘယ်လိုမှ မခံစားရဘူးလို့ ဆိုပါတယ်။
“ကိုယ့်စားဝတ်နေရေးအတွက် ကိုယ့်ဘာသာ ရုန်းကန်နေရတာ။ ဘယ် ပါတီတက်တက် ကိုယ့်အလုပ် ကိုယ်လုပ်နေရဖို့က အရေးကြီးတာပဲ” လို့ ကိုရန်နောင်စိုးက ပြောပါတယ်။
ရွေးကောက်ပွဲမှာ မဲပေးရမယ့်သူတွေဟာ စိတ်အားထက်သန်မှု နည်းပါးလာတဲ့အကြောင်း ယုံကြည်ရသောရွေးကောက်ပွဲများပေါ်ပေါက်ရေး ပြည်သူများပူးပေါင်းလှုပ်ရှားမှုအဖွဲ့က စက်တင်ဘာ ၂၁ ရက်နေ့မှာ သတိပေးလိုက်ပါတယ်။
● ပါတီတွေ ကျော်ဖြတ်ရမယ့် တောင်ကုန်းမြင့်မြင့်
ရန်ကုန်မြို့ရဲ့ မြောက်ဘက်အစွန်က ဆင်းရဲနွမ်းပါးသူ အများအပြား နေထိုင်ကြတဲ့၊ စက်မှုဇုန်ရှိတဲ့ လှိုင်သာယာမှာ လွှတ်တော်သုံးရပ်အတွက် ကိုယ်စားလှယ်လောင်း ၅၂ ဦး ရွေးကောက်ပွဲဝင်ပါမယ်။ ဒီအရေအတွက်အရ ဆိုရင် လှိုင်သာ ယာဟာ မြန်မာပြည်မှာ ကိုယ်စားလှယ်လောင်း အများဆုံး မဲဆန္ဒနယ်မြေ ဖြစ်ပါတယ်။ ဒီနေရာဟာ မဲစာရင်းမှားယွင်းမှုအများဆုံးရှိနေတဲ့ မြို့တွေထဲက တစ်မြို့လည်း ဖြစ်ပါတယ်။
သင်္ဃန်းကျွန်းမှာတော့ လွှတ်တော်အမျိုးမျိုးအတွက် ဝင်ပြိုင်မယ့်အမတ်လောင်း ၂၈ ဦး ရှိပြီး၊ မင်္ဂလာတောင်ညွှန့်မှာ ၁၉ ဦး ရှိပါတယ်။ လူဦးရေသိပ်သည်းမှုထူထပ်တဲ့ ဒီနယ်မြေနှစ်ခုဟာ တခြားနယ်မြေတွေနဲ့ မတူတဲ့အချက်တစ်ခုကတော့ မွတ်စလင်မဲဆန္ဒရှင်အတော်များများကို တွေ့နိုင်ခြင်းပါပဲ။
၂ဝ၁ဝ ရွေးကောက်ပွဲမှာ လှိုင်သာယာနဲ့ မင်္ဂလာတောင်ညွန့်မှာ ပြည်ခိုင်ဖြိုး နိုင်ပါတယ်။ NLD က ခွဲထွက်လာတဲ့ NDF ပါတီခေါ် အမျိုးသားဒီမိုကရက်တစ်အင်အားစုက သင်္ဃန်းကျွန်းမြို့နယ်မှာ နိုင်ပါတယ်။ ဒါဟာ အင်အားနည်း၊ လူသိနည်းတဲ့ ပါတီတွေ ရန်ကုန်မှာ အနိုင်ရဖို့ ခက်ခဲတယ်ဆိုတာကို မီးမောင်းထိုးပြနေခြင်းပါပဲ။ တကယ်ဆိုရင် ဒီမြို့နယ်တွေဟာ မြန်မာ ပြည်မှာ ရွေးကောက်ပွဲနဲ့ပတ်သက်ပြီး ပိုပြီးသိမြင်နှံ့စပ်၊ သတင်းအချက်အလက်ရယူမှု ပိုအဆင်ပြေတဲ့ ဒေသတွေထဲ ပါဝင်နေ တာပါ။
ဒီသုံးမြို့နယ်အတွင်း တွေ့ဆုံမေးမြန်းဖြစ်တဲ့သူတွေထဲမှာ NLD ကို မထောက်ခံသူတချို့လည်း ပါပါတယ်။ သို့သော်လည်း ဘယ်ပါတီကို ထောက်ခံပါတယ်ဆိုပြီး ပွင့်ပွင့်လင်းလင်း ပြောတဲ့သူ မရှိသလောက်ပါပဲ။ သင်္ဃန်းကျွန်းမှာ ကွမ်းယာရောင်း သူတစ်ဦးဖြစ်တဲ့ မောင်မြင့်က ဒီရှားပါးတဲ့သူတွေထဲက တစ်ယောက်ပါ။
“ကျွန်တော်ကတော့ အရမ်းနာမည်ကြီးနေတဲ့ ပါတီနှစ်ခုလုံးကို မဲမပေးဘူး၊ မကြိုက်လို့။ တစ်ခုကလည်း နာမည်ကြီး၊ လူအ များ ကြိုက်တယ်ဆိုပေမယ့် လက်တွေ့ဘာမှမမြင်ရတော့ အားမပေးချင်ဘူး။ နောက်တစ်ခုကလည်း ဖိနှိပ်လွန်းအားကြီးတဲ့ သူတွေ စုဖွဲ့ထားတဲ့ဟာမို့လို့ မကြိုက်ဘူး” လို့ မောင်မြင့်က ပြောပါတယ်။
“ကိုယ့်လက်ထဲကို ကိုယ်စားလှယ်နှစ်ယောက်ရဲ့ လက်ကမ်းကြော်ငြာလေးပဲ ရသေးတယ်။ ကျန်တဲ့သူတွေ ဘယ်သူမှ မဲလာ ဆွယ်သေးတာ မဟုတ်ဘူး။ ကိုယ့်မြို့နယ်မှာ ဘယ်သူတွေ၊ ဘယ်ပါတီတွေ ဝင်ပြိုင်ကြမယ်ဆိုတာလည်း အတိအကျ မသိ သေးဘူး”
ဘဏ္ဍာရေးအခက်အခဲရှိတဲ့အတွက်ကြောင့် မဲဆွယ်တာတွေကို ရွေးကောက်ပွဲရက်နီးမှ လုပ်ဖြစ်မယ်လို့ စီစဉ်ထားတဲ့ပါတီ တစ်ခုကတော့ ကမန်အမျိုးသားပါတီ ဖြစ်ပါတယ်။
“ကျွန်တော်တို့ပါတီကို မေ့သွားမှာစိုးလို့ ရွေးကောက်ပွဲနီးမှ စည်းရုံးရေးလုပ်တာပါ။ ပါတီကြီးတွေကတော့ လူလည်းရှိတယ်၊ ငွေလည်းရှိတယ်ဆိုတော့ လုပ်ချင်တာ လုပ်လို့ရတယ်။ အဲဒီပါတီတွေ နည်းနည်းငြိမ်မယ့်အချိန်မှာ ကိုယ့်ပါတီက စည်းရုံးရေး ထလုပ်မယ်” လို့ ပါတီရဲ့ ဒုဥက္ကဋ္ဌ လှတိုးက ပြောပါတယ်။ သူကိုယ်တိုင်လည်း မင်္ဂလာတောင်ညွန့်၊ ပြည်သူ့လွှတ်တော် မဲဆန္ဒနယ်မှာ ဝင်ပြိုင်ပါမယ်။
● ပတ်ဝန်းကျင်ကြောင့် NLD ကို ထောက်ခံလာသူများ
NLD ကို အကြွင်းမဲ့ယုံကြည်ထောက်ခံသူတွေ ရှိသလို၊ ပါတီအကြောင်း မသိပေမယ့် ကိုယ့်ဝန်းကျင်မှာရှိသူတွေနည်းတူ လိုက်ပါထောက်ခံသူတွေလည်း ရှိပါတယ်။
“အိမ်ကဘွဲ့ရပြီးသားအစ်ကိုဝမ်းကွဲကလည်း NLD အကြောင်း ပြောတယ်။ ကိုယ့်နားပတ်ဝန်းကျင်ကလည်း NLD ပဲ ပြောနေ ကျတော့ ကိုယ်လည်း NLD ပဲ ထည့်ဖို့ ဆန္ဒရှိပါတယ်။ အမြဲတမ်းကြားနေကျဆိုတော့ စိတ်စွဲနေသလို ဖြစ်နေတာပါ” လို့ မင်္ဂလာတောင်ညွန့်မှာ မုန့်ရောင်းတဲ့ အသက် ၅ဝ အရွယ် ဒေါ်သန်းသန်းဆွေက ရှင်းပြပါတယ်။
“ကလေးဘဝကတည်းက ဗိုလ်ချုပ်အကြောင်းကို ကြားဖူးနေတာ၊ သူ့သမီးဆိုတော့ စိတ်ဝင်စားတာလည်း ပါတာပေါ့။ NLD ထည့်လို့ ကိုယ်အတွက် ဘာပြောင်းလဲသွားမလဲဆိုတာတော့ မသိပါဘူး။ တစ်နေ့လုပ်မှ တစ်နေ့စားရတဲ့သူတွေပါ။ ဘာမှ လည်း မမျှော်လင့်ပါဘူး”
ဒီသုံးမြို့နယ်အတွင်း မေးမြန်းကြည့်တဲ့အခါ မဲရုံထဲ မဲပေးပုံအဆင့်ဆင့်အကြောင်း နားမလည်သေးသူ အများအပြားရှိတာ တွေ့ရပါတယ်။ ရွေးကောက်ပွဲဆိုင်ရာ ဗဟုသုတ အကန့်အသတ် ရှိသူတွေထဲမှာ လှိုင်သာယာက မကြည်ကြည်စန်းလည်း ပါဝင်ပါတယ်။
“အရင်တစ်ခါက မဲထည့်ဖူးတယ်။ မဲထည့်ပုံထည့်နည်းတွေတော့ မသိသေးဘူး။ ဘာတွေပြောင်းလဲမယ်ဆိုတာတော့ မပြော တတ်ဘူး။ ဘာတစ်ခုမှမသိပါဘူး။ ကိုယ်ကတော့ ခွပ်ဒေါင်းအလံတွေ့ရင် ရင်ခုန်ပြီး ပီတီဖြစ်နေတာပဲ” လို့ ဈေးသည်တစ်ဦး ဖြစ်တဲ့ မကြည်ကြည်စန်းက ပြောလိုက်ပါတယ်။ ။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
